Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Ելք 20․ 12–17. Տասը պատվիրաններն օգնում են մեզ սիրել Աստծուն և մեր մերձավորին

«Ելք 20․ 12–17. Տասը պատվիրաններն օգնում են մեզ սիրել Աստծուն և մեր մերձավորին», Հին Կտակարան․ Սեմինարիայի ուսուցչի ձեռնարկ (2026)

«Ելք 20․ 12–17. Տասը պատվիրաններն օգնում են մեզ սիրել Աստծուն և մեր մերձավորին», Հին Կտակարան․ Սեմինարիայի ուսուցչի ձեռնարկ

Ելք 19–20, 24, 31–34․ Դաս 50

Ելք 20․12–17

Տասը պատվիրաններն օգնում են մեզ սիրել Աստծուն և մեր մերձավորին

Երբ Իսրայելի որդիները բանակատեղի հաստատեցին Սինա լեռան մոտ, Տերը հայտնեց նրանց Տասը պատվիրանները: Պահելով Տասը պատվիրանները՝ մենք ցուցադրում ենք մեր սերն Աստծո և մեր մերձավորի հանդեպ: Երբ մենք ձգտում ենք սիրել ուրիշներին, ինչպես որ Երկնային Հայրն ու Հիսուս Քրիստոսն են սիրում, Նրանց հանդեպ մեր սերը նույնպես մեծանում է: Այս դասը կօգնի ուսանողներին հասկանալ, թե ինչպես պահել պատվիրանները, որոնք կօգնեն իրենց սիրել Աստծուն և իրենց մերձավորին:

Ուսանողի նախապատրաստում. ուսանողներին առաջարկեք ստուգել Տասը պատվիրանների վերաբերյալ իրենց գիտելիքները: Նրանք կարող են հերթականությամբ գրել կամ հիշողությամբ ասել պատվիրանները:

Հնարավոր ուսումնական վարժություններ

Հարցում պատվիրանների մասին

Ուսանողներին առաջարկեք գտնել և կարդալ Ելք 20․3–17 հատվածներում ներկայացված Տասը պատվիրանները կամ էջ 39-ը Երիտասարդներին զորացնելու համար. ուղեցույց ընտրություն կատարելու համար գրքույկից (2022)։ Նրանք կարող են պատասխանել հետևյալ հարցերին կամ կարող են դասակարգել Տասը պատվիրանները 1-ից (որոնց ավելի շատ են հնազանդվում) 10-ը (որոնք ավելի շատ են խախտվում) սանդղակով՝ հիմնվելով այս հարցման արդյունքների վրա:

Ըստ ձեզ, Տասը պատվիրաններից որի՞ն են մարդիկ ավելի հաճախ են հնազանդվում: Ինչո՞ւ։
Ըստ ձեզ, Տասը պատվիրաններից ո՞րն են մարդիկ ավելի հաճախ խախտում: Ինչո՞ւ։
Ըստ ձեզ, Աստծո հանդեպ մեր զգացմունքներն ինչպե՞ս են արտացոլում մեր վերաբերմունքը Նրա պատվիրանների հանդեպ:

Տասը պատվիրաններն օգնում են մեզ սիրել Աստծուն և մեր մերձավորին

Ուսանողները հնարավոր է ուսումնասիրել են այստեղ՝ Դաս 49. «Ելք 20․1–11» ներկայացված Տասը պատվիրանները։ Խնդրեք ուսանողներին կարդալ կամ կրկնել Մատթեոս 22․36–40 հատվածները՝ փնտրելով Հիսուսի ուսուցանած երկու մեծ պատվիրանները: Ուսանողները կարող են վերանայել, թե Ելք 20․3–17 հատվածներում ներկայացված Տասը պատվիրաններն ինչպես են կապված այդ երկու մեծ պատվիրանների հետ։ Ուսանողներին օգնեք նշել, թե ինչպես են վերջին վեց պատվիրանները կենտրոնանում մեր մերձավորին սիրելու վրա:

Կարդացեք Ելք 20․12–17 հատվածներում ներկայացված Տասը պատվիրաններից վերջին վեցը: Գտեք, թե այդ հատվածներն ինչպես են ուսուցանում, որ ապրելով Տասը պատվիրաններով՝ մենք ցուցադրում ենք մեր սերն Աստծո և մեր մերձավորի հանդեպ։

Ուսումնասիրելիս ընկալեք Սուրբ Հոգուց ստացած տպավորությունները: Խորհեք, թե ինչ կարող եք անել, որպեսզի սիրեք Աստծուն և ձեր մերձավորին՝ պահելով Տասը պատվիրանները:

Մերձավորին սիրելու պատվիրանները

Ուսանողների վարժություն՝ կիսվելու համար

Շնորհակալություն հայտնեք ուսանողներին իրենց քրտնաջան աշխատանքի համար և գովաբանեք նրանց գործադրած ջանքերի համար: Մտածեք, թե իրենք ինչպես կարող են կիսվել իրենց սովորածով: Օրինակ՝ դուք կարող եք դասավորել նստատեղերն այնպես, որ ուսանողները նստած լինեն միմյանց դիմաց՝ շարքերով: Ուսանողներին որոշակի ժամանակ տրամադրեք, որպեսզի նրանք կարողանան կիսվել իրենց դիմացը նստած դասընկերոջ հետ նրանով, ինչ ուսումնասիրել են։ Երբ իրար դիմաց նստած երկու ուսանողն էլ կիսվեն, շարքերից մեկում նստած ուսանողներին առաջարկեք տեղափոխվել մեկ նստատեղ այնկողմ: Այժմ ուսանողները կաշխատեն այլ զուգընկերոջ հետ: Կրկնեք այնքան, որքան կցանկանաք։

Ապա ուսանողները կարող են քննարկել հետևյալ հարցերն ամբողջ դասարանով կամ իրենց ներկայիս զուգընկերոջ հետ:

Ընտրեք ձեր ուսումնասիրած որոշակի պատվիրան և պատասխանեք հետևյալ հարցերին.

Ինչպե՞ս կարող է ձեր սերն Աստծո և ձեր մերձավորի հանդեպ օգնել ձեզ պահել այդ պատվիրանը:
Ի՞նչ օրհնություններ եք ստացել այդ պատվիրանին հնազանդվելուց:

Կիսվեք ձեր մտքերով, թե Տիրոջ պատվիրաններին հնազանդվելն ինչպես կարող է օգնել մեզ ավելի շատ սիրել Աստծուն և ուրիշներին: Խրախուսեք ուսանողներին՝ շարունակելու ձգտել հնազանդվել Տասը պատվիրաններին:

Լրացուցիչ նյութեր

Ինչպե՞ս կարող է Աստծուն սիրելն օգնել ինձ սիրել ուրիշներին:

Նախագահ Ռասսել Մ. Նելսոնն ուսուցանել է․

Երբ մենք սիրում ենք Աստծուն մեր ողջ սրտով, Նա դարձնում է մեր սիրտը դեպի ուրիշների բարեկեցությունը մի գեղեցիկ, առաքինի շրջադարձով։ («Երկրորդ մեծ պատվիրանը», Լիահոնա, նոյ. 2019, 97)

Նախագահ Թոմաս Ս. Մոնսոնն (1927–2018) ուսուցանել է հետևյալը պատվիրանները պահելու մասին.

Մենք չենք կարող իսկապես սիրել Աստծուն, եթե մենք չենք սիրում այս մահկանացու կյանքի ճանամփորդության մեր ընկերակից ճամփորդներին: Նմանապես, մենք չենք կարող լիովին սիրել մեր ընկերակիցներին, եթե մենք չենք սիրում Աստծուն՝ մեր բոլորիս Հորը: Հովհաննես Առաքյալն ասել է մեզ. «Եվ նրանից այս պատվիրանն ունենք, թե ով Աստծուն սիրում է, իր եղբորն էլ պիտի սիրի» [Ա Հովհաննես 4․21]։ Մենք բոլորս մեր Երկնային Հոր հոգևոր զավակներն ենք և որպես այդպիսիք եղբայրներ և քույրեր ենք: Երբ մտքում պահենք այս ճշմարտությունը, բոլոր Աստծո զավակներին սիրելը հեշտ կդառնա: («Սեր՝ Ավետարանի էությունը», Լիահոնա, մայիս 2014, 91)

Օժանդակ ուսումնական վարժություններ

Սցենարներ՝ կապված պատվիրանների հետ

Երբ ուսանողներն ուսումնասիրեն պատվիրանները, կարող եք ցուցադրել հետևյալ սցենարները: Ուսանողները կարող են առաջարկել պատվիրաններ, որոնց կձգտի հնազանդվել սցենարում ներկայացված անձը: Նրանք կարող են քննարկել, թե ինչպես կարող է այդ պատվիրանն օգնել մարդուն:

1. Երիտասարդ կինը նեղացած է իր ծնողներից: Նա ընկերներին ասել է, որ կկարողանա մասնակցել միջոցառմանը, սակայն այժմ ծնողները նրան թույլ չեն տալիս գնալ։ Նա աննկատ դուրս է գալիս տանից, որպեսզի գնա:

2. Երիտասարդը զբաղված է եղել իր դպրոցի սպորտային թիմի հետ մարզումներով: Նա բաց է թողել որոշ դասեր և պետք է տնային առաջադրանքներն ու ստուգողական աշխատանքները կատարի իր հաջորդ խաղից առաջ: Նա որոշում է օգտագործել իր ընկերների կատարած առաջադրանքները և ստուգողական աշխատանքները՝ պատասխաններն արագ ստանալու համար:

3. Երիտասարդ կինը սոցիալական ցանցերում հետևում է տարբեր մարդկանց: Նա դժգոհ է իր արտաքինից և հանդերձանքից։ Նա շատ ժամանակ է ծախսում` փորձելով նմանվել այն մարդկանց, ում հետևում է սոցիալական ցանցերում:

Ելք 20․17։ Երախտագիտություն

Գերցանկությունից խուսափելու եղանակներից մեկն այն է, որ սովորենք երախտապարտ և երջանիկ լինել այն ամենով, ինչ ունենք: Երախտագիտության գաղափարն ավելի լավ հասկանալու համար ուսանողները կարող են կարդալ «The Gratitude Flashlight» հոդվածը (Երիտասարդներին զորացնելու համար, փետր. 2021, 31)։

Տեսանյութ

Երբ ուսանողներն ուսումնասիրեն չգողանալու և սուտ վկայություն չտալու մասին պատվիրանները, կարող եք ցուցադրել կամ ուղղորդել նրանց դիտելու «Honesty: You Better Believe It!» (4։46) տեսանյութը։ Այս տեսանյութը ներկայացնում է բժշկություն ուսումնասիրող մի ուսանողի պատմություն, որը թույլ չի տալիս խաբել ստուգողական աշխատանքի ժամանակ։

4:47