Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Гэтлэл 24; 32–34: Их Эзэн шударга, нигүүлсэнгүй, уурлахдаа удаан

“Гэтлэл 24; 32–34: Их Эзэн шударга, нигүүлсэнгүй, уурлахдаа удаан,” Хуучин Гэрээний семинарын багшийн гарын авлага (2026)

“Гэтлэл 24; 32–34: Их Эзэн шударга, нигүүлсэнгүй, уурлахдаа удаан,” Хуучин Гэрээний семинарын багшийн гарын авлага

Гэтлэл 19–20; 24; 31–34: 51-р хичээл

Гэтлэл 24; 32–34

Их Эзэн шударга, нигүүлсэнгүй, уурлахдаа удаан

Mural depicting prophets and events from the Old Testament and the Book of Mormon. This part of the mural depicts Moses holding the stones of the Ten Commandments. The Israelites can be seen in the background with the golden calf.

Аврагч шударга, нигүүлсэнгүй, уурлахдаа удаан байдаг нь хэрхэн та нарын амьдралыг адисалсан бэ? Мосе Их Эзэний оршихуйгаас эргэн ирэхдээ, израилчуудыг байгуулсан гэрээнүүдээ зөрчиж алтан тугал бүтээж, шүтэн мөргөж байгааг олж мэджээ. Израилчууд энэ нүглийнхээ үр дагаврыг амссан ч Их Эзэн наманчилж, Түүнд эргэн ирсэн хүмүүст шударга, нигүүлсэнгүй, уурлахдаа удаан гэдгээ харуулдаг. Энэхүү хичээл нь Их Эзэн бол шударга, нигүүлсэнгүй, уурлахдаа удаан гэдгийг ойлгоход суралцагчдад тусална.

Суралцагчийн бэлтгэл: Их Эзэн шударга, бусдыг хайрладаг, уурлахдаа удаан гэдгийг (тэвчээртэй) амьдралдаа хэрхэн харснаа тунгаан бодоход суралцагчдыг урь. Та тэднийг гэр бүлийн гишүүн эсвэл найзтайгаа уулзахад мөн Их Эзэний шударга, нигүүлсэнгүй байдал хэрхэн Түүний бүх хүүхдийг адислахад хамтран ажилладаг талаар ярихад урьж болно.

Боломжит суралцах үйл ажиллагаа

Их Эзэн шударга, нигүүлсэнгүй, уурлахдаа удаан

Аврагчийн зургийг үзүүлэх талаар бодож үз. Дараах асуултын дагуу ярилц.

Та Аврагчийн зан чанарыг ямар үгээр дүрслэх вэ?

Хариултаа самбарт бичихэд суралцагчдыг урь. Хоёр жишээг сонгоод, үгс бичсэн суралцагчдаас яагаад Аврагчийн тэрхүү зан чанарыг сонгосноо тайлбарлахад тэднийг урих талаар бодож үз.

Их Эзэн Израилын хүүхдүүдэд Өөрийг нь ойлгоход туслахын тулд зан чанарынхаа зарим нэн чухал шинжийг илчилсэн.

Гэтлэл 34:6–7-г уншаад, Аврагчийн зан чанаруудыг олж мэд.

Та нар юу олж мэдсэн бэ?

Суралцагчдын тодорхойлж болох зан чанаруудын дотроос Их Эзэн бол шударга, нигүүлсэнгүй, уурлахдаа удаан гэдэг үнэнийг онцол. “Уурлахдаа удаан” (6-р шүлэг) гэдэг нь Их Эзэний бидэнд тэвчээртэй ханддагийг дүрсэлснийг ойлгоход нь суралцагчдад тусалж болно.

Израилын хүүхдүүд Их Эзэн шударга, нигүүлсэнгүй, уурлахдаа удаан гэдгийг хэрхэн мэдсэнийг судална гэдгийг суралцагчидтай хуваалцаж болно. Түүнчлэн Их Эзэний талаар эдгээр үнэнийг ойлгох нь бидэнд яагаад чухал байдгийг судална.

Израилчууд бол Их Эзэний гэрээт хүмүүс

Дараах жишээг израилчуудын түүх өнөөгийн өсвөр үеийнхэнд хэрхэн хамаатайг ойлгуулахад суралцагчдад туслахын тулд хичээлийн туршид ашиглана. Энэ жишээнд “Кайли” гэдэг нэр гарах ч та суралцагчдыг нэрээ сонгож, уг түүхийг баяжуулж эсвэл өөрчлөхөд урьж болно.

Танай сургуульд явдаг Кайли гэх охин Аврагчийн сайн мэдээнээс суралцаж байгаа бөгөөд Есүс Христийн Хожмын Үеийн Гэгээнтнүүдийн Сүмд баптисм хүртэхэд шаардлагатай өөрчлөлтүүдийг гаргахаар шийджээ. Тэрээр Бурхантай Түүний зарлигуудыг сахих гэрээ байгуулахыг хүсэв.

Их Эзэн Израилын хүүхдүүдийг Египетээс чөлөөлсний дараа, гэрээ байгуулахаар тэднийг Синаи ууланд авчирсан гэдгийг эргэн санахад суралцагчдад тусал.

Гэтлэл 24:3–8-ыг уншаад, израилчуудад яагаад Кайлид төрж байсантай адил мэдрэмж төрж байсныг олж мэд.

Та нарт юу нь онцгой санагдсан бэ?

Тахилын ширээ болон хүмүүсийн дээгүүр цус сүрчих нь (Гэтлэл 24:6, 8 шүлгийг үзнэ үү) нь израилчууд Их Эзэний гэрээт хүмүүс болоход бэлэн байсныг бодитоор харуулсан бэлгэдэл байсныг тайлбарлах нь суралцагчдад тустай байж болно.

Их Эзэн Израилын хүүхдүүдийг Мелкизедек санваарын ёслолуудаар адислахыг хүссэн (Сургаал ба Гэрээнүүд 84:19–23-ыг үзнэ үү). Мосе Их Эзэний тэдгээр ёслолыг үйлдэх заавар, асрын төлөвлөгөөг хүлээн авахаар Синаи ууланд буцаж очжээ.

Гэрээнүүдээ зөрчих болон үүний үр дагаврууд

Гэтлэл 32:1–8-ыг уншаад, Мосег Бурханаас удирдамж авч, ууланд байх хойгуур израилчууд юу хийснийг олж мэд.

Та нар юу олж мэдсэн бэ?

Composite of images of Moses, the golden calf and the Israelites in the wilderness.

Яагаад алтан тугал барьж, бишрэн шүтэх нь тийм ноцтой нүгэл байсан гэж та нар бодож байна вэ? (Гэтлэл 20:2–7-г үзнэ үү.)

Израилчууд Их Эзэнтэй дөнгөж байгуулсан гэрээгээ зөрчсөн гэдгийг суралцагчид ойлгосон байхад анхаар.

Та нар Израилын хүүхдүүдэд тохиолдсонтой адил төстэй, өсвөр үеийнхэнд илүү хамаатай өөр жишээний хэсгээс хуваалцаж болно. Кайли баптисм хүртэхдээ байгуулсан Бурханы зарлигуудад дуулгавартай байх гэрээгээ зөрчих юу хийсэн байж болох жишээг суралцагчдад өгч болно.

Кайли баптисм хүртсэнийхээ дараа хуучин найзуудтайгаа цагийг өнгөрүүлж эхэлсэн нь түүнийг хуучин муу зуршилдаа эргэн ороход хүргэсэн ажээ. Эхэндээ гаргасан алдаа нь түүнд өчүүхэн зүйл мэт санагддаг байв. Гэвч төд удалгүй сурсан дассан буруу замаараа явах болж. Тэрээр баптисм хүртэхдээ байгуулсан гэрээгээ зөрчих болов.

Кайлигийн шийдвэрт юу нөлөөлсөн байж болох вэ?

Их Эзэний шударга ёсны хууль

Гэтлэл 32:15–20-ийг уншаад, өөрсдийн нүглийн улмаас Израилын үүрсэн үр дагавруудыг олж мэд.

Та нар юу олж мэдсэн бэ?

Хэдийгээр бид нүгэл үйлдэхэд сонгох эрхээ ашиглаж болох ч Их Эзэн шударга учир бид нүглийнхээ үр дагавраас зугтаж үл чадна гэдгийг ойлгоход нь суралцагчдад тусал. Мосе Мелкизедек санваарын ёслолуудын заавар бүхий хавтангуудаа хагалан буталсан гэдгийг тайлбарлах нь тустай байж болно (Гэтлэл 32:15–19; Иосеф Смитийн Орчуулга, Гэтлэл 34:1–2 [Библийн хавсралт]-ыг үзнэ үү). Шийдвэрийнхээ улмаас Израилын хүүхдүүд эдгээр адислалыг Их Эзэнээс хүлээн авах нь зохисгүй байсан. Мосе Их Эзэний оршихуйд буцаж ирэв. Их Эзэн Мосед Аароны санваарын ёслолуудыг өгөхийг зарлиглажээ (Сургаал ба Гэрээнүүд 84:24–26-г үзнэ үү). Та мөн Мосе асрыг хуарангийн гадна байрлуулсан нь (Гэтлэл 33:7-г үзнэ үү) израилчууд Их Эзэний оршихуйг алдсаныг бэлгэдсэн гэдгийг дурдаж болно.
Кайли баптисмын гэрээгээ зөрчсөнөөр ямар сүнслэг болон материаллаг үр дагавартай тулгарч болох вэ?
Үр дагавар нь Их Эзэн шударга, нигүүлсэнгүй, уурлахдаа удаан гэдгийг хэрхэн харуулж байна вэ?

Кайли израилчуудын нэгэн адил санваарын ёслолуудаас ирдэг адислалуудыг хүртэхгүй байж эрсдэлд орж болох юм гэдгийг онцолж болно. Тэр мөн Их Эзэний Сүнстэй байнга нөхөрлөх боломжоо алдаж болох юм.

Их Эзэний шударга ёсны хууль

Их Эзэн израилчуудад Өөрийнх нь хүмүүс хэвээр байгааг батлан хэлсэн гэдгийг ойлгоход нь суралцагчдад тусал (Гэтлэл 33:12–19-ийг үзнэ үү).

Гэтлэл 34:6–7-г дахин уншаад, Их Эзэн шударга, нигүүлсэнгүй, уурлахдаа удаан гэдгээ Израилын хүүхдүүдэд сануулах нь яагаад Түүнд чухал байсан талаар бод.

Их Эзэн Израилын хүүхдүүдэд нигүүлсэнгүй, уурлахдаа удаан гэдгээ хэрхэн харуулсан бэ?
Кайли амьдралдаа хэрхэн Их Эзэн нигүүлсэнгүй, уурлахдаа удаан гэдгийг олж харж болох вэ?

Арван хоёр төлөөлөгчийн чуулгын ахлагч Квинтин Л.Күк Аврагчийн нигүүлсэл хэрхэн шударга ёсны хуулийг хангадгийг ийн тайлбарласан.

13:53

Аврагч Цагаатгал үйлдээгүй байсан бол шударга ёсны мөнхийн зарчим нь шийтгэлийг шаардах байсан. Аврагчийн Цагаатгалын ачаар, наманчилсан хүмүүст нигүүлсэл хүртээмжтэй болж, Бурханы оршихуйд эргэн ирэх боломжийг олгодог. Энэхүү гайхамшигт сургаалыг тунгаан бодох нь бидэнд тустай байх болно.

Хэн ч гагцхүү өөрийн сайн үйлсээр Бурханд буцан очиж чадахгүй ба бид бүгдэд Аврагчийн золиослолын ач тус шаардлагатай. Бүгд нүгэл үйлддэг ба зөвхөн Есүс Христийн Цагаатгалаар л нигүүлслийг хүртэж, Бурхантай хамт амьдарч чадна. (“Бурханд болон Түүний ажилд үнэнч бай,” Лиахона, 2022 оны 11-р сар, 119)

Энэ мэдэгдлийн аль хэсгийг та Кайлитай хуваалцаж болох вэ?

Их Эзэн хайр, хүч, нигүүлслээ тэдний амьдралд хэрхэн харуулдгийг ойлгоход нь туслах асуултуудыг суралцагчдад тавих нь Түүнтэй харилцах харилцаа холбоог нь сайжруулж болох юм. Суралцагчдыг дараах асуултад хариулахад урих нь ийн үйлдэх нэг арга зам юм.

Нэмэлт сургалтыг Багшийн хөгжүүлбэл зохих ур чадвар товхимлын “Их Эзэний хайр, хүч, нигүүлслийг амьдралаасаа олж харахад нь суралцагчдад тусал” хэсгээс үзнэ үү.
Та нар Аврагч шударга, нигүүлсэнгүй, уурлахдаа удаан гэдгийн баталгааг өөрсдийн эсвэл таньдаг хүнийхээ амьдралаас харж байсан уу?

Ойлголтоо харуул

Энэ үйл ажиллагаа нь өнөөдөр сурсан зүйлээ нэгтгэн дүгнэхэд суралцагчдад тусална. Та тэднийг Кайлигийн түүхийг гүйцээж бичихэд урьж болно. Гүйцээж бичих дараах хэсгүүдийг суралцагчдад үзүүлэх талаар бодож үз.

Өөртөө тохиолдсон үйл явдлын улмаас Кайли Тэнгэрлэг Эцэг, Есүс Христ хоёр … гэдгийг мэдсэн байж болох юм.
Тэнгэрлэг Эцэг, Есүс Христ хоёрын талаар сурч мэдсэн зүйлийнхээ ачаар Кайли … шийдсэн.

Хүсвэл Кайлигийн түүхийг хэрхэн гүйцээн бичихээ ангийнхантайгаа хуваалцахад хэдэн суралцагчийг урих талаар бодож үз. Суралцагчдад хариултаа хуваалцах боломж олгосны дараа та Их Эзэн шударга, нигүүлсэнгүй, уурлахдаа удаан гэдгийг амьдралдаа хэрхэн олж харсан түүхээ хуваалцаж болно.

Нэмэлт эх сурвалж

Бурхан шударга учраас бид хэрхэн адислагддаг вэ?

Арван хоёр төлөөлөгчийн чуулгын ахлагч Жэффри Р.Холланд ийн гэрчилсэн.

Бурханы зан чанаруудын нэг бол шударга байдал юм. Хэрэв бид ямар нэгэн байдлаар шударга ёс бидэнд үйлчлэхгүй, Бурхан бодлоо өөрчлөн, өөр багц дүрэм гаргана гэж бодох юм бол айдсаасаа болж, зөв шударга амьдрах, илүү сайн хайрлах эсвэл наманчлахад илүү бэлэн байх итгэлгүй байх байсан. Бурхан шударга гэдгийг, хэрэв шударга биш бол Бурхан байхаа болих байсан гэдгийг мэддэг учраас бид адайр, хувирамтгай ааш эсвэл бүтэлгүй өдөр, цагаа олоогүй хошигнолын золиос болохгүй гэдэг мэдлэгээрээ урагш явах итгэлтэй байдаг. Энэ амлалт маш их урам хайрладаг. …

Өнгөрсөн цагт эргэн очоод алдаагаа засаж, шинээр эхлэх боломжгүй гэдгийг би мэднэ. Гэхдээ шударга ёс хохирол учруулахгүй гэдэгт итгэхийг хичээхийн оронд шинээр эхлэх нь илүү хялбар бөгөөд илүү сэтгэл ханамжтай гэдэгт би бүх зүрх сэтгэлээрээ итгэдэг. (“The Justice and Mercy of God,” Ensign, Sept. 2013, 18, 19)

Гэтлэл 34:7, зүүлт тайлбар 3 Их Эзэн “шийтгэлгүй орхихгүй” (эсэргүүцэл) гэдэг нь ямар утгатай вэ?

Арван хоёр төлөөлөгчийн чуулгын ахлагч Гэррит В.Гонг ийн заасан.

Эсрэгээрээ, ёс бусыг зориуд сонгосон, наманчлалыг ухамсартайгаар хойшлуулдаг эсвэл зарлигийг урьдчилан бодож эсвэл мэдсээр байж зөрчиж, амархан наманчлахаар төлөвлөж буй тэднийг Бурхан шүүх ба “[тэд] өөрсдийн бүх гэмийн тодорхой дурдатгалтай” байх болно [Алма 11:43]. Бид мэдсээр байж бямба гарагт гэм нүгэл үйлдэж, дараа нь ням гарагт ариун ёслолоос хүртсэнээр аяндаа уучлагдана гэж бодож болохгүй. … Бидний хэн нь ч наманчлалаа хойшлуулах ёсгүй. Биднийг наманчилж эхлэхэд наманчлалын адислал ирж эхэлдэг. (“Үүрд мөнхөд аз жаргалтай,” Лиахона, 2022 оны 11-р сар, 84)

Их Эзэн сул дорой байдлыг эсэргүүцлээс өөрөөр авч үздэг үү?

Арван хоёр төлөөлөгчийн чуулгын ахлагч Ричард Г.Скотт (1928–2015) ийн тайлбарласан.

Урьдын буруу сонголтынхоо үр дагавраас ангижрахыг хүсэгч хүмүүст дуулгах баярт мэдээ бол Их Эзэн сул дорой байдлыг эсэргүүцлээс өөрөөр авч үздэг явдал юм. Наманчлаагүй эсэргүүцэл нь ял шийтгэл авчирдгийг Их Эзэн анхааруулдаг бол харин сул дорой байдлын тухайд үргэлж нигүүлсэнгүйгээр ярьдаг билээ. (“Есүс Христийн Цагаатгалаар дамжуулан хүчирхэгжих нь,” Лиахона, 2013 оны 11-р сар, 93)

Гэтлэл 24:6–8. Мосе яагаад тахилын ширээн дээр мөн Израилын хүүхдүүд дээр цус сүрчсэн бэ?

Тахилын ширээн дээр Мосегийн сүрчсэн цус бол Есүс Христийн Гетсемани болон загалмай дээр урсгасан цусыг бэлгэддэг. Мосе хүмүүсийн дээр цус сүрчсэн явдал нь гэрээгээр дамжуулан Есүс Христийн Цагаатгалаас ирэх адислалуудыг мөн тэдгээр гэрээний ач холбогдлын аль алиныг бэлгэдсэн юм. Цус сүрчих нь Бурхан болон хүмүүс хоорондоо энэхүү гэрээгээр харилцан холбогдсоныг харуулдаг. (“Sacrifice: In Similitude of the Savior,” Liahona, Sept. 2022, зөвхөн цахимаар.)

Нэмэлт суралцах үйл ажиллагаа

“Шударга ёс, хайр, нигүүлсэл хамтдаа” (Where Justice, Love, and Mercy Meet)

Шударга ёс, хайр, нигүүлсэл хэрхэн хамтран ажилладгийг илүү сайн ойлгох нь суралцагчдад тустай байж болно. Та “Where Justice, Love, and Mercy Meet” видеог цагийн код 0:00-ээс 3:39 хүртэл үзүүлж болно. Энэ видеонд ерөнхийлөгч Холландын ярьсан Өмнөд Ютад амьдардаг хоёр ахын түүхийг үзүүлдэг. Ахыг нь үсэрмэгц видеог түр зогсоох талаар бодож үз (цагийн код 3:39). Дараа нь хэрэв ах нь зөвхөн “шударга” хандсан бол үр дагавар нь ямар байх байсныг суралцагчдаас асуу. Шударга ёсны хууль бүх хүнээс юу шаарддагийг тайлбарласан судруудыг хайж олоход суралцагчдыг урь. Хэрэв суралцагчдад нэмэлт удирдамж хэрэгтэй бол та Мозая 2:38; Алма 42:11–13, 18-ыг жишээ болгон үзүүлж болно.

5:37

Дараа нь та Аврагчийн цагаатгагч золиослол хэрхэн нигүүлслийн хуульд биднийг унасан байдлаас маань гэтэлгэхийг зөвшөөрдгийг тунгаан бодоход суралцагчдыг урьж болно. Видеоны үлдсэн хэсгийг цагийн код 3:39-өөс 5:36 хүртэл үзүүлэх талаар бодож үз. Нигүүлслийн хууль хэрхэн биднийг нүглийн үр дагавраас аврахын тулд шударга ёсны хуулийг гүйцэлдүүлдгийг олж мэдэхэд суралцагчдыг урь. Та Бурханы нигүүлслийн талаар заасан хэсгийг судраас хайж олоход суралцагчдыг урьж болно. Жишээнд Дэд хууль 4:31; Мозая 29:20; Алма 34:16; 42:15 багтаж болно.

5:37

“Зууч” (The Mediator)

Хэрэв Аврагчийн нигүүлсэл шударга ёсны шаардлагыг хэрхэн төлдгийг үзүүлэх нь суралцагчдад тустай гэж үзвэл та “The Mediator” (10:44) видеог үзүүлж болно. Энэ видеонд өрөө эргүүлэн төлөх чадваргүй залуугийн жишээг ашигладаг. Үүгээр Аврагчийн цагаатгагч золиослол хэрхэн шударга ёсны шаардлагыг гүйцэлдүүлдгийг харуулдаг юм.

10:47