Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Гэтлэл 20:1–11: Арван зарлиг: Бурханыг хайрлаж, Түүнийг амьдралдаа нэгдүгээрт тавих

“Гэтлэл 20:1–11: Арван зарлиг: Бурханыг хайрлаж, түүнийг амьдралдаа нэгдүгээрт тавих,” Хуучин Гэрээний семинарын багшийн гарын авлага (2026)

“Гэтлэл 20:1–11: Арван зарлиг: Бурханыг хайрлаж, Түүнийг амьдралдаа нэгдүгээрт тавих,” Хуучин Гэрээний семинарын багшийн гарын авлага

Гэтлэл 19–20; 24; 31–34: 49-р хичээл

Гэтлэл 20:1–11

Арван зарлиг: Бурханыг хайрлаж, түүнийг амьдралдаа нэгдүгээрт тавих

Тэнгэрлэг Эцэг, Есүс Христ хоёр биднийг хайрладаг бөгөөд амьдралдаа Өөрсдийг нь эн тэргүүнд сонгоосой гэж хүсдэг. Их Эзэн израилчуудыг Египетээс чөлөөлсний дараа тэдэнтэй гэрээ байгуулахаар Синаи уул руу авчирчээ. Тэнд Тэрээр Өөрийг нь бүхнээс илүү хайрлахад тэдэнд туслах Арван зарлигийг илчилсэн. Энэ хичээл нь Бурханыг бүхнээс илүү хайрлаж, хүндлэхэд суралцагчдад тусална.

Суралцагчийн бэлтгэл: Бурханы зарим зарлигийг жагсаан бичихэд суралцагчдыг урь. Жагсаан бичсэн зарлигууд нь Бурханд хайраа харуулж, Түүнийг амьдралдаа нэгдүгээрт тавихад хэрхэн тусалж болох талаар гэр бүлийнхээ гишүүн эсвэл найзтайгаа ярилцахад тэднийг урь.

Боломжит суралцах үйл ажиллагаа

Хамгийн агуу зарлиг

Жич: Энэ хичээл эхний дөрвөн зарлиг дээр төвлөрнө. 50-р хичээл: “Гэтлэл 20:12–17” нь сүүлийн зургаа дээр төвлөрнө.

Та Бурханы бүх зарлигаас аль зарлигийг хамгийн чухал гэж бодож байгаагаа бодож үзэхийг суралцагчдаас хүсэн хичээлээ эхлүүлж болно. Дараа нь дараах хураангуйг хуваалц.

Мөнх бус амьдралынхаа тохинууллын үеэр Аврагчаас аль зарлиг нь хамгийн агуу эсвэл хамгийн чухал болохыг асуужээ (Maтай 22:36-г үзнэ үү).

Maтай 22:37–39-ийг уншаад, (мөн Леви 19:18-ыг үзнэ үү; Дэд хууль 6:5) Аврагчийн хариултыг хайж ол.

Эдгээрийг яагаад агуу хоёр зарлиг хэмээдэг гэж та бодож байна вэ?

Та энэ болон бусад хичээлээр Арван зарлигийг судлахдаа, эдгээр зарлиг яагаад бидэнд Бурханыг болон хөршөө хайрлахад тусалдгийг олж мэд. Энэ хичээлээр та Бурханыг хайрлаж, хүндлэхэд бидэнд тусалдаг Арван зарлигийн заримыг судална.

Гэтлэл 20:1–11-ийг уншаад, Их Эзэний израилчуудад өгсөн эхний дөрвөн зарлигийг хайж ол.

Гэтлэл 20:3–17 бол төгс эзэмших сургаалын судрын хэсэг юм. Төгс эзэмших сургаалын судрын хэсгийг амархан олохын тулд онцгойлон тэмдэглэхэд суралцагчдыг урьж болно.

Та нар эдгээр зарлиг болон Матай 22:37–38 дээрх агуу тушаалуудын хооронд ямар ижил төстэй зүйл байгааг харж байна вэ?

Суралцагчдын хуваалцаж буй үнэнүүдийг самбарт нэгтгэн дүгнэж болно. Энэ нь Бурхан Өөрийг нь хайрлаж, амьдралдаа нэгдүгээрт тавихыг бидэнд зарлигладаг гэсэн үнэн байж болно.

Та Гэтлэл 20:3–17-г Матай 22:36–39-тэй холбогдох эшлэл болгоход эсвэл холбоход суралцагчдыг урьж болно.
Таны хувьд Бурханыг амьдралдаа нэгдүгээрт тавина гэдэг нь юу гэсэн үг вэ?

Энэ үнэнийг яг одоо хэрхэн амьдралдаа хэрэгжүүлж байгаагаа бодоход суралцагчдад тусал. Та тэднийг дараах өөрийгөө үнэлэх үнэлгээг хийж гүйцэтгэхэд урьж болно.

Дараах асуултуудад өгсөн хариултаа тунгаан бод. Өөрт төрсөн зарим бодол санааг судлах тэмдэглэлдээ бичиж болох юм.

Бурханыг хайрлах хайр маань миний амьдралд хамгийн ихээр нөлөөлдөг үү?
Бурханыг хайрлаж, Түүнийг амьдралдаа нэгдүгээрт тавихад юу надад саад болж болох вэ?

Бурханыг хайрлаж, Түүнийг нэгдүгээрт тавихад бидэнд тусалдаг зарлигууд

Хуваалцах нь сурч байгаа зүйлээ илүү сайн ухааран ойлгоход суралцагчдад тусална. Тараах материалаас олж мэдсэн зүйлээ хуваалцах боломжийг суралцагчдад олго. Суралцагчид жижиг бүлгүүдээр эсвэл ангиараа хуваалцаж болно.

Боломжтой бол хариулах хүсэлтэй суралцагчдыг хариулсны дараа дараах асуултад өөрийн туршлагад суурилан хариулахыг бод.

Бурханыг нэгдүгээрт тавьснаар та эсвэл таны таньдаг хүн ямар адислал хүртсэн бэ?

Бурханыг нэгдүгээрт тавих

Дараах үйл ажиллагаа нь Бурханыг хайрлах, Түүнийг амьдралдаа нэгдүгээрт тавих төлөвлөгөө гаргахад суралцагчдад тусална. 1 гэдэг тоо нь Бурханыг амьдралдаа нэгдүгээрт тавихыг хэлж байгаа гэдгийг суралцагчдад сануул.

Судлах тэмдэглэлдээ эсвэл өөр цаасан дээр 1 гэсэн тоог томоор бич. Дотор нь бичих хангалттай зайтай байхаар том бич эсвэл хажууд нь бичих зай үлдээ.

Амьдралдаа Бурханыг нэгдүгээрт тавихын тулд юу хийхээ шийдэхдээ Ариун Сүнсээр дамжуулан Тэнгэрлэг Эцэгийн удирдамжийг эрэлхийл. 1 гэсэн тооны дотор эсвэл хажууд юу хийхээ бич. Доор нь дараах асуултуудад хариулж бич.

Энэ нь танд Бурханыг хайрлаж, Түүнийг амьдралдаа нэгдүгээрт тавихад хэрхэн тусалж болох вэ?
Нэгдүгээрт тавьсны тань төлөө Их Эзэн таныг хэрхэн адисалж болох вэ?
Нэгдүгээрт тавьснаар танд ямар сорилт бэрхшээл тулгарч болох вэ? Та эдгээр сорилт бэрхшээлийг даван туулахын тулд юу хийж болох вэ?

Өөрт төрсөн сүнслэг удирдамжийн дагуу үйлдэхэд суралцагчдыг урамшуулан дэмж. 67-р хичээл: “Суралцахуйгаа үнэлэх нь 4” гэсэн хичээл дээр ахиц дэвшил хэр байгаагаа эргэж харах боломжийг суралцагчдад олгоно.

Цээжил

Та энэ хичээлийн турш төгс эзэмших сургаалын эшлэл, судрын түлхүүр үг хэллэгийг цээжлэхэд нь суралцагчдад тусалж, дараа дараагийн хичээлүүд дээр давтаж болно. Гэтлэл 20:3–17-ийн судрын түлхүүр үг хэллэг бол “Арван зарлиг” юм. “Төгс эзэмших сургаалыг давтах үйл ажиллагаа” хэсгийн хавсралтад цээжлэх үйл ажиллагаанд зориулсан санаанууд бий.

Нэмэлт эх сурвалж

Бурханы зарлигуудыг дуулгавартай дагах нь миний амьдралыг хэрхэн адислах вэ?

Тэргүүн зөвлөлийн ерөнхийлөгч Даллин Х.Өүкс ийн заасан.

Бурхан биднээс зарлигуудыг нь сахихыг шаарддаг. Учир нь зөвхөн тэрхүү дуулгавартай байдал болон наманчлалаар дамжуулан бид Түүний оршихуйд эргэн очиж, Түүнтэй адил төгс болох боломжтой. (“Хоёр агуу зарлиг,” 2019 оны 10-р сарын Ерөнхий чуулган, 78)

Арван хоёр төлөөлөгчийн чуулгын ахлагч Д.Тодд Кристоффэрсон ийн тайлбарласан.

[Бурханы зарлигууд] нь эдгэрэл, аз жаргал, амар амгалан, баяр баясгалангийн зам руу чиглүүлдэг. Бидний Эцэг, бидний Гэтэлгэгч хоёр нь биднийг зарлигуудаар адисалсан бөгөөд тэдгээрийг дуулгавартай дагаснаар бид Тэдний төгс хайрыг илүү бүрэн дүүрэн, гүн гүнзгий мэдэрдэг. (“Бурханы хайр,” Лиахона, 2021 оны 11-р сар, 20)

Бурханыг нэгдүгээрт тавих нь миний амьдралыг хэрхэн адислах вэ?

Ерөнхийлөгч Эзра Тафт Бэнсон (1899–1994) ийн тайлбарласан.

Биднийг Бурханыг нэгдүгээрт тавьсан үед бусад бүх зүйл зохих байрандаа орох юм уу бидний амьдралаас алга болдог. Их Эзэнийг хайрлах бидний хайр бусдыг энэрэх, цаг хугацаагаа зохицуулах, өөрсдийн сонирхдог зүйлсийг хийх болон эн тэргүүнд анхаарах ёстой зүйлсийн маань дэс дарааг тогтоон өгч, удирдан чиглүүлж, туслах болно. (“The Great Commandment—Love the Lord,” Ensign, May 1988, 4)

Арван хоёр төлөөлөгчийн чуулгын ахлагч Д.Тодд Кристоффэрсон ийн хуваалцсан.

Бид эхлээд Бурханыг хайрласнаар дэлхийг болон өөрсдийн амьдралыг өөр хэн нэгний нүдээр (сошиал медиа нөлөөлөгчийн) биш, харин Түүний мэлмийгээр хардаг. (“The First Commandment First” [Brigham Young University devotional, Mar. 22, 2022], 3–4, speeches.byu.edu)

Нэмэлт суралцах үйл ажиллагаа

Хүндэтгэлийн өдрийн адислал

Хүндэтгэлийн өдрийн ач холбогдлын талаар цааш ярилцах нь суралцагчдад тус болж болох юм. Ийн ярилцахын тулд та ангиараа Гэтлэл 20:8–11-ийг уншиж болно. Дараа нь та дараах эшлэлүүдийг унших суралцагчдад хувааж өгч болно. Хүндэтгэлийн өдрийг ариунаар сахих Их Эзэний зарлигийн талаар юу сурч мэдсэнээ хайж олж болно.

Исаиа 58:13–14

Матай 12:1–13

Сургаал ба Гэрээнүүд 59:9–17

Дараа нь та Хүндэтгэлийн өдрийн адислалыг өөр өнцгөөс харахад нь суралцагчдад туслахын тулд “Upon My Holy Day—Honoring the Sabbath” (1:30)-г үзэж болно.

1:30

Дараа нь суралцагчид Хүндэтгэлийн өдрийг ариунаар сахиснаар хүлээн авсан адислалуудынхаа талаар ярилцаж болно. Үүнээс гадна, та “Blessings of the Sabbath Day” (Ensign, Mar. 2016, 48–51) нийтлэлийн хэсгээс суралцагчдаар уншуулаад, Хүндэтгэлийн өдрийг ариунаар нь сахиснаар ирэх адислалуудыг олж мэдэхийг тэднээс хүсэж болно.

Ensign дээрх Blessings of the Sabbath Day

Лиахона дээрх Хүндэтгэлийн өдрийн адислал

Хууль тогтоогч

Та энэ санааг ашиглан Арван зарлигийг танилцуулж болно. Аврагчийн Хууль тогтоогч гэх нэр цол дээр төвлөрөх нь суралцагчдад тустай байж болох юм (Исаиа 33:22-ыг үзнэ үү). Та Дэд хууль 4:11–13-ыг уншиж болно (мөн Дэд хууль 5:2–4, 22-ыг үзнэ үү). Хууль тогтоогчийн хувьд Их Эзэн Өөрөө гэрээгээр Арван зарлигийг Израилд өгсөн гэдгийг ойлгоход суралцагчдад тусал. Дараахтай адил асуултуудыг авч ярилцах талаар бодож үз.

Их Эзэн Арван зарлигийн талаар ярихыг сонсох нь израилчуудын тэдгээрийг харах өнцөгт хэрхэн нөлөөлсөн байж болох вэ?
Зарлигууд нь Их Эзэнээс шууд ирдэг гэдгийг мэдэх нь бидэнд хэрхэн нөлөөлж болох вэ?

Видео сонголт

“The Ten Commandments” (2:13). Энэ видео нь Арван зарлигийг санах хялбар аргыг заана.

2:10

“Ministry of Howard W. Hunter: Putting the Lord First” (2:25). Ерөнхийлөгч Ховард В.Хантэр (1907–1995) амьдралдаа Их Эзэнийг нэгдүгээрт тавихаар сонгожээ.

2:25

“Obedience to the Ten Commandments” (3:10). Арван хоёр төлөөлөгчийн чуулгын ахлагч Л.Том Пэрри (1922–2015) нийгэм байнга өөрчлөгдөж байдаг ч зарлигуудыг сахисны төлөө Бурханы өгөхөөр амласан адислалууд өөрчлөгддөггүй талаар заасан.

3:10