Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Гэтлэл 19: “Миний үнэт өмч”

“Гэтлэл 19: ‘Миний үнэт өмч,’” Хуучин Гэрээний семинарын багшийн гарын авлага (2026)

“Гэтлэл 19: ‘Миний үнэт өмч,’” Хуучин Гэрээний семинарын багшийн гарын авлага

Гэтлэл 19–20; 24; 31–34: 48-р хичээл

Гэтлэл 19

“Миний үнэт өмч”

A photograph of a mountain thought to be Mount Sinai, rising above a desert landscape on a clear day.

Тэнгэрлэг Эцэг бүх хүүхдэдээ хайртай бөгөөд бидний хүн нэг бүртэй гэрээний харилцаанд орохыг хүсдэг. Түүнийг израилчуудын талаар ямар бодолтой байсныг олж мэдэх нь бидний талаар юу гэж боддогийг нь ойлгоход бидэнд тусална. Их Эзэн Израилын хүүхдүүдийг Египетээс гаргасныхаа дараа тэдэнтэй гэрээ байгуулахаар Синаи ууланд авчирчээ. Энэ хичээл нь тэдэнтэй гэрээний харилцаатай болох Бурханы хүслийг зүрх сэтгэлдээ мэдрэхэд суралцагчдад тусална.

Суралцагчийн бэлтгэл: Харилцааг юу утга учиртай эсвэл чухал болгодог талаар эргэцүүлэн бодоход суралцагчдыг урь. Тэд ойр дотно харилцаатай нэг хүнийхээ талаар бодож, уг хүнийхээ зургийг хичээлийн эхэнд үзүүлэхээр авчирч болно.

Боломжит суралцах үйл ажиллагаа

Онцгой харилцаа

Гэр бүлийн гишүүн эсвэл багш гэх мэт утга учир бүхий харилцаатай хэн нэгний зургийг үзүүлэх талаар бодож үз. Уг хүн та хоёрын харилцаа яагаад танд чухал болохыг хуваалц. Амьдралд нь чухал хэн нэгний талаар бодоход суралцагчдыг урь. Хэрэв суралцагчид ангид зураг авчирсан бол одоо зургаа хуваалцаж болно.

Энэ хүнтэй харилцах харилцаа тань юугаараа танд утга учиртай вэ?

Дараах асуултуудын талаар залбирч байгаад тунгаан бодоход суралцагчдыг урь. Тэднээс бодол санаа, мэдрэмжээ судлах тэмдэглэлдээ бичихийг хүс.
Тэнгэрлэг Эцэг, Есүс Христ хоёртой харилцах харилцаа тань танд хэр утга учиртай вэ?
Тэнгэрлэг Эцэг, Есүс Христ хоёртой харилцах харилцаа тань таны бусад харилцаанаас юугаараа ялгаатай вэ?
Тэнгэрлэг Эцэг, Есүс Христ хоёртой харилцаагаа тасралтгүй бэхжүүлснээр амьдрал тань ямар арга замаар өөрчлөгдөнө гэж та бодож байна вэ?

Тэнгэрлэг Эцэг, Есүс Христ хоёртой харилцах харилцаагаа хүчирхэгжүүлэхийн тулд юу хийж болохоо ойлгохын тулд Сүнсний удирдамжийг эрэлхийл.

“Миний үнэт өмч”

Их Эзэн Өөрийн амласнаар (Гэтлэл 3:7–12; 19:1–4-ийг үзнэ үү) Израилын хүүхдүүдийг Египетээс гарсны дараа Синаи уул руу авчрав (судруудад Синаи уулыг зүгээр уул Хореб гэдэг (Гэтлэл 3:1-ийг үзнэ үү). Мосе болон Израилын хүүхдүүдийн хувьд Синаи уул ариун сүмтэй адил байсан буюу Бурхантай гэрээ байгуулах газар байв.

Гэтлэл 19:3–6-г уншаад, Тэнгэрлэг Эцэг, Есүс Христ хоёр бидэнтэй ямар харилцаатай байхыг хүсдэг талаар заасан үг, хэллэгийг хайж ол.

Та нар юу олж мэдсэн бэ?

Ерөнхийлөгч Рассэлл M.Нэлсон Бурханы “үнэт өмч” (5-р шүлэг) байна гэдэг нь ямар утгатайг ийн тайлбарлав.

Хуучин Гэрээн дэх онцгой гэдэг үгийн еврей нэр томьёог segullah буюу “үнэт өмч” эсвэл “баялаг” гэсэн утгаар орчуулжээ. …

Иймээс онцгой гэх судрын нэр томьёо ‘үнэт эрдэнэс,’ ‘Бурханы бүтээсэн буюу Бурханаар сонгогдсон’ гэсэн утгатайг бид харж болно. Их Эзэний онцгой хүмүүсийн хувьд бидэнд үйлчлэгчид нь хэмээн бусдад танигдах нь хамгийн эрхэм дээд магтаал билээ. (“Children of the Covenant,” Ensign, 1995 оны 5-р сар, 34)

Суралцагчдад зарчмыг тодорхойлоход нь туслахын тулд 5-р шүлэг дээрх хэрэв, аваас гэсэн үгсийг онцолж болно.

Та нар эдгээр шүлгээс ямар зарчмуудыг тодорхойлж болох вэ?

Суралцагчид янз бүрийн зарчмыг, тухайлбал, хэрэв бид Их Эзэний дуу хоолойг дуулгавартай дагаж, Түүнтэй байгуулсан гэрээнүүдээ сахивал Түүний ариун хүмүүс болох болно гэсэн зарчмыг тодорхойлж болно.

Ерөнхийлөгч Рассэлл М.Нэлсон Бурхан бидний хоорондох гэрээний харилцааны талаар ийн заасан.

Та бид Бурхантай гэрээ байгуулсан л бол Түүнтэй харилцах харилцаа маань бидний гэрээ байгуулахаас өмнөх үеийнхээс ч илүү дотно болно. Одоо бид бие биетэйгээ харилцан холбоотой болсон. Бид Бурхантай гэрээ байгуулсан тул Тэр бидэнд туслахаар хичээхээ хэзээ ч болихгүй бөгөөд Түүний бидэнд гаргасан нигүүлсэнгүй тэвчээр хэзээ ч дундрахгүй. Бид бүгдээрээ Бурханы зүрх сэтгэлд онцгой байр суурь эзэлдэг. Тэр бидэнд их итгэл найдвар тавьдаг. (Рассэлл М.Нэлсон, “Үүрдийн гэрээ,” Лиахона, 2022 оны 10-р сар, 6)

Энэ мэдэгдлээс юу нь таны анхаарлыг татсан бэ?

Дараах судрын хэсгүүдийг уншаад, Бурхан тантай гэрээний харилцаанд орохыг хүсдэг гэдгийг нотлох баталгааг хайж ол. Та эдгээр шүлгийг Гэтлэл 19:5–6-тай холбож эсвэл холбогдох эшлэл болгож болно.

Матай 11:28–30

Тит 2:11-14

1 Петр 1:15-16

Moронай 10:32–33

Эдгээр шүлгээс Бурхан бидэнтэй гэрээний харилцаанд орохыг хүсдэг гэдгийг харуулсан үг, хэллэгүүдийг хуваалцахад суралцагчдыг урь. Суралцагчид Аврагч бидэнд тусалж, бидэнд амралт өгөхийн тулд Өөр дээр нь ирэхэд урьсан гэдгийг дурдаж болох юм (Maтай 11:28–30-ийг үзнэ үү). Тэд мөн Аврагч биднийг Өөрийнх нь үнэт хүмүүсийн хувьд гэтэлгэж, цэвэршүүлэхийн тулд өөрийгөө өгснийг (Тит 2:14-ийг үзнэ үү) эсвэл Аврагч ариун учраас бид ч гэсэн ариун байж чадна (1 Петр 1:16-г үзнэ үү) гэдгийг дурдаж болно.

Миний Бурхантай харилцах харилцаа

Судлах тэмдэглэлдээ дараах асуултуудад хариулахад суралцагчдыг бэлтгэхийн тулд, Бурхан тантай гэрээний харилцаанд орохыг хүсдэг гэдгийг мэдэрч байсан арга замуудынхаа талаар хуваалцаж болно. Хуваалцаж байхдаа та өөрсдийн туршлагыг эргэцүүлэн бодоход суралцагчдыг урь.

Та мөн Бурхан бидэнтэй гэрээний харилцаанд орохыг хүсдэгийг нотлох өөр баталгаануудыг дурдаж болно. Жишээлбэл: Бурханы хайрыг мэдрэх эсвэл биднийг сайн үйл хийж, илүү сайн болоход урамшуулан дэмжих сүнслэг өдөөлт хүлээн авах зэрэг байж болно.

Сүнснээс хүлээн авсан удирдамжаа эргэцүүлэн бодоод, дараах асуултуудын нэгд эсвэл хэд хэдэд нь судлах тэмдэглэлдээ хариул.

Бурхантай гэрээ байгуулж, тэдгээрийг сахих хүсэлтэй болоход тань тусалсан юуг та нар мэдэж авсан эсвэл мэдэрсэн бэ?
Бурхан тантай дотно гэрээний харилцаанд орохыг хүсдэг гэдгийг мэдэх нь Түүнд илүү их ойртох хүсэлд тань хэрхэн нөлөөлөх вэ?
Бурхантай байгуулсан гэрээнүүдээ сахихыг хичээсний тань төлөө Тэрээр та нарыг хэрхэн адисалсан бэ?

Хангалттай хугацаа гаргаж өгсний дараа хүсвэл бодол санаа, мэдрэмжээ ангийнхантайгаа хуваалцахад суралцагчдыг урь. Гэрээ байгуулж, гэрээгээ сахисны тань төлөө Бурхан таныг ямар ямар арга замаар адисалсан тухай хуваалцахыг бод.

Израилчууд гэрээ байгуулахаар бэлтгэв

Дараах товч дүгнэлт нь Израил Бурхантай гэрээ байгуулахад бэлтгэхийн тулд юу хийснийг ойлгоход суралцагчдад тусална. Үүний дараа Их Эзэн арван зарлигийг илчилсэн бөгөөд тэдгээрийг дараагийн хоёр хичээлээр судална гэдгийг суралцагчдад дурдаж болно. Та мөн хичээлийг дуусгахдаа Бурхан хэрхэн бидэнтэй гэрээ байгуулахыг хүсдэг талаар бодол санаа, мэдрэмжээ хуваалцаж болно.

Израилчууд Бурханы ариун хүмүүс болохын тулд Түүнтэй гэрээ байгуулахыг зөвшөөрсөн. Их Эзэн дараа нь ирж, хүмүүстэй ярина гэдгээ хэлсэн (Гэтлэл 19:7–9-ийг үзнэ үү). Их Эзэн “бүх ард түмний нүдний өмнө Синаи уулан дээр бууж ирэх” (Египетээс гарсан нь 19:11) бэлтгэлийг хангахын тулд хүмүүсийг ариусгахыг эсвэл тэднийг ариун болгохыг Мосед мөн хүмүүст хувцсаа угаахыг зарлигласан. Хүмүүс өөрсдийгөө бэлтгэж, “Бурхантай уулзахаар” (Гэтлэл 19:17) Синаи ууланд цугларчээ. Тэнд тэд уулан дээр Их Эзэний оршин байгаа нотолгоог харсан. Их Эзэн Мосег уул өөд дуудаж, Түүнтэй ярьж, хүмүүст хандан Өөрийн хүслийг илчлэв (Eгипетээс гарсан нь 19:18–25-ыг үзнэ үү).

Нэмэлт эх сурвалж

Бурхантай гэрээ байгуулах нь зүгээр нэг гэрээ байгуулахаас юугаараа ялгаатай вэ?

Залуу эмэгтэйчүүдийн ерөнхий ерөнхийлөгч Эмили Бэлл Фриман Бурхантай гэрээ байгуулахдаа бидний алхдаг гэрээний замын талаар ийн ярьсан.

10:24

Бид үүнийг гэрээний замаар алхах гэж нэрлэдэг ба энэ нь баптисмын гэрээнээс эхлээд ариун сүмд байгуулдаг гүн гүнзгий утгатай гэрээнүүд хүртэл удирддаг тэрхүү зам юм. Та эдгээр үгийг сонсоод, юу хийх ёстой талаараа бодож байж магадгүй. Магадгүй та энэ замыг шаардлагуудын зам гэж харж болох юм. Аливаа зүйлийг сайтар ажигласнаар илүү сонирхол татам ямар нэг зүйлийг олж харах боломжтой болдог. Гэрээ чухал хэдий ч энэ нь зөвхөн гэрээний тухай асуудал биш. Энэ нь харилцааны тухай юм. Ерөнхийлөгч Рассэлл М.Нэлсон: “Гэрээний зам бол бидний Бурхантай харилцах харилцаа юм” хэмээн заасан [Рассэлл М.Нэлсон, “Үүрдийн гэрээ,” Лиахона, 2022 оны 10-р сар, 11]. (Гэрээний харилцаанд Христтэй хамт алхах нь,” Лиахона, 2023 оны 11-р сар, 76–79)

Бурхантай гэрээ байгуулж, сахих нь миний амьдралыг хэрхэн адисалж болох вэ?

Арван хоёр төлөөлөгчийн чуулгын ахлагч Дэвид А.Бэднар ийн гэрчилсэн.

Их Эзэний гэрээт хүмүүс өнөөдөр үнэхээр ялгуусан алдар суунд зөв шударга байдал хийгээд Бурханы хүчээр зэвсэглэсэн байгааг би гэрчилж байна. Би мөнх бус хүмүүний хэрээс хэтэрсэн, зөвхөн Бурхан л өгч чадах хэмжээний итгэл, зориг, ойлголт, тууштай байдал, аз жаргалыг харж байсан. (“Ялгуусан алдар суунд Бурханы хүчээр,” Лиахона, 2021 оны 11-р сар, 29–30)

Гэрээ байгуулж, сахих нь бидний амьдралд хэрхэн нөлөөлдөг вэ?

Арван хоёр төлөөлөгчийн чуулгын ахлагч Нийл Л.Андэрсэн ийн хэлсэн.

15:4

Эргэн тойрныхондоо гэрэл гэгээ болсноор бид өөрсдийн хүсэл эрмэлзэл, бодол санаа, сонголт, үйлдлийг ухамсартайгаар төлөвшүүлж байдаг. Бид бүх зүрх сэтгэлээрээ Аврагчийг таньж мэдэж, хайрлахыг эрэлхийлснээр Бурхантай байгуулсан гэрээгээрээ дамжуулан мөн Түүнийг болон Түүний сургаалыг хүндлэн дээдлэхдээ өвөрмөц, ер бусын, онцгой байж, өөрсдийгөө өөр итгэл үнэмшилтэй хүмүүсээс тусгаарлалгүйгээр дэлхийгээс ангид байлгадаг. (“Аврагчид ойртох нь,” Лиахона, 2022 оны 11-р сар, 79)

Залуу эмэгтэйчүүдийн ерөнхий ерөнхийлөгчийн зөвлөлийн гишүүн асан Бэкки Кравэн эгч Их Эзэн Өөрийнх нь “үнэт өмч[ийн]” хувьд биднээс юу хүсэн хүлээдэг тухай ийн заасан.

12:23

Бид гэрээт хүмүүс учраас дэлхийн бусад зүйлтэй холилдон хутгалдах ёсгүй. Бид “Бурханы эзэмшлийн ард түмэн” (1 Петр 2:9) хэмээн дуудагддаг нь—Ямар гайхалтай магтаал гээч! Дэлхийн нөлөө хилэнцийг хүлээн зөвшөөрч байхад бид амьдрал, дэлхийн нөлөө хоёрын дундах зайг холдуулан, Аврагч руу аюулгүй удирддаг зам дээр бат бөх зогсохоор хичээнгүйлэн зүтгэх ёстой. (“Хянамгай ба хайхрамжгүй,” 2019 оны 4-р сарын Ерөнхий чуулган, 9)

Нэмэлт суралцах үйл ажиллагаа

“Их Эзэнд ариун”

Бид хэрхэн ариун үндэстэн болж болох талаар ярилцахын тулд дараахыг ашигла. Ариун сүмийн гадна байдаг “Их Эзэнд ариун” гэсэн үгсийн зургийг суралцагчдад үзүүл. Ариун байх гэдэг нь юу гэсэн үг болохыг олж мэдэхэд суралцагчдад тусал. Үүнийг Судруудын удирдамж дахь “Ариун байдал” ба “Ариун” гэсэн сэдвийг хайх замаар гүйцэтгэж болох юм.

Ариун байхыг хичээх нь яагаад ариун сүмд орох бэлтгэлийн чухал хэсэг болох талаар ярилц. Түүнчлэн ариун сүмийн гэрээнүүдийг байгуулж, сахих нь хэрхэн бидэнд ариун болоход туслах талаар ярилцаж болно.

Дэлхийнхнээс өөр байх

Дараахыг ашиглан, Бурхан бидний хоорондын гэрээний харилцаа маань бидэнд дэлхийнхнээс өөр байхад хэрхэн тусалдгийг ойлгоход нь суралцагчдад тусал. Египетээс Синаи уул хүртэл аялсан израилчууд хэрхэн дэлхийг орхиж Бурхантай гэрээ байгуулахын бэлгэдэл болсон талаар ярилцаж болно.

“Үнэт өмч” (Гэтлэл 19:5), “ариун үндэстэн” (Гэтлэл 19:6) байх нь Израилын хүүхдүүдийг эргэн тойрных нь үндэстнүүдээс юугаараа ялгаатай болгох талаар ярилц. Та мөн ахлагч Нийл Л.Андэрсэны эсвэл Нэмэлт эх сурвалж хэсэг дэх Бэкки Кравэн эгчийн мэдэгдлийг уншиж болно. Дараах асуултуудаас нэг эсвэл хэд хэдэн асуултыг авч үзэн ярилцах талаар бодож үз.

Бурхантай байгуулсан гэрээнүүдээ сахих нь энэ ертөнцөөс ялгарахад бидэнд хэрхэн туслах вэ?
Өөрсдийгөө ертөнцөөс тусгаарлахгүйгээр бид яаж бусдаас ялгаатай байж чадах вэ?
Гэрээгээ сахидаг залуу хүн эргэн тойрныхоо хүмүүст хэрхэн нөлөөлөх вэ?

Нифай Их Эзэний гэрээт хүмүүсийг эцсийн өдрүүдэд харжээ

Дараах нь Их Эзэний эцсийн өдрүүдэд гэрээт хүмүүстээ өгдөг хүчийг мэдрэхэд суралцагчдад тусалж чадна. Та 1 Нифай 14:12–14-ийг судлаад, Их Эзэн Өөрийн гэрээт хүмүүсийг хэрхэн адислахыг олж мэдэхэд суралцагчдыг урьж болно. Суралцагчид эдгээр адислалыг өөрсдийн эсвэл таньдаг хүмүүсийнхээ амьдралд хэрхэн харж байсан талаар ярилц. Нэмэлт эх сурвалж хэсэгт байх ахлагч Дэвид А.Бэднарын хэлсэн мэдэгдлийг хуваалцахыг бод.

Мосе болон израилчуудын Иеховатай Синаи ууланд уулзсан түүх

Израилчуудыг Еховатай гэрээ байгуулах үед Мосе Синаи уулан дээр Их Эзэнтэй олон удаа уулзаж байв. Дараах хүснэгт нь тэдгээр уулзалтыг ойлгоход суралцагчдад тусална. Та хоосон маягт үзүүлээд, бөглөсөн маягтыг ашиглан, очих бүрд юу болж байсныг олж мэдэхэд суралцагчдад тусалж болно.