Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Гэтлэл 20:12–17: Арван зарлиг Бурханыг болон хөршөө хайрлахад бидэнд тусалдаг

“Гэтлэл 20:12–17: Арван зарлиг Бурханыг болон хөршөө хайрлахад бидэнд тусалдаг,” Хуучин Гэрээний семинарын багшийн гарын авлага (2026)

“Гэтлэл 20:12–17: Арван зарлиг Бурханыг болон хөршөө хайрлахад бидэнд тусалдаг,” Хуучин Гэрээний семинарын багшийн гарын авлага

Гэтлэл 19–20; 24; 31–34; 50-р хичээл

Гэтлэл 20:12–17

Арван зарлиг Бурханыг болон хөршөө хайрлахад бидэнд тусалдаг

Израилын хүүхдүүдийг Синаи ууланд буудаллах үед Их Эзэн Арван зарлигийг тэдэнд илчилсэн. Арван зарлигийг дагаснаар бид Бурханд болон хөршдөө хайраа харуулдаг. Биднийг Тэнгэрлэг Эцэг, Есүс Христийн адил бусдыг хайрлахыг хичээхэд Тэднийг гэх бидний хайр ч бас нэмэгддэг. Энэхүү хичээл нь Бурханыг болон хөршөө хайрлахад туслах зарлигуудыг дагах арга замыг ойлгоход суралцагчдад тусална.

Суралцагчийн бэлтгэл: Арван зарлигийн тухай мэдлэгээ шалгахад суралцагчдыг урь. Тэд тэдгээрийг дэс дараатай жагсаан бичиж эсвэл цээжээр хэлж болно.

Боломжит суралцах үйл ажиллагаа

Зарлигуудын талаарх судалгаа

Гэтлэл 20:3–17 эсвэл 2022 оны Өсвөр үеийнхний бат бөх байдлын төлөө: Сонголт хийхэд туслах хөтөч товхимлын 39-р хуудас дээрээс Арван зарлигийн талаар олж уншихад суралцагчдыг урь. Суралцагчид дараах асуултуудад хариулж эсвэл энэхүү судалгаан дээрээ үндэслэн Арван зарлигийг 1 (хамгийн сайн сахидаг)-ээс 10 (хамгийн их зөрчдөг) хүртэл эрэмбэлж болно.

Арван зарлигийн алиныг нь хүмүүс хамгийн сайн сахидаг гэж та бодож байна вэ? Яагаад?
Арван зарлигийн алиныг нь хүмүүс хамгийн их зөрчдөг гэж та бодож байна вэ? Яагаад?
Бурханд хандах бидний хандлага Түүний зарлигуудыг дагах бидний хандлагаар хэрхэн илэрдэг гэж та боддог вэ?

Арван зарлиг Бурханыг болон хөршөө хайрлахад бидэнд тусалдаг

Суралцагчид 49-р хичээл: “Гэтлэл 20:1–11” дээр Арван зарлигийг судалсан байх. Матай 22:36–40-ийг унших юм уу эргэн хараад, Есүсийн заасан хоёр агуу зарлигийг олж мэдэхийг суралцагчдаас хүсэж болно. Суралцагчид Гэтлэл 20:3–17 дахь Арван зарлиг нь хэрхэн энэ хоёр агуу зарлигтай хамаатай болохыг авч үзэж болно. Сүүлийн зургаан тушаал хөршөө хайрлахад хэрхэн төвлөрдгийг олж харахад нь суралцагчдад тусал.

Гэтлэл 20:12–17 дахь Арван зарлигийн сүүлийн зургааг унш. Бид амьдралдаа Арван зарлигийг сахиснаар Бурханд болон хөршдөө хайраа харуулдаг гэдгийг эдгээр шүлэг хэрхэн зааж байгааг олж мэд.

Судлах үедээ Ариун Сүнсний өдөөлтүүдийг хүлээн авахад бэлэн бай. Арван зарлигийг сахих замаар Бурханыг болон хөршөө хайрлахын тулд юу хийж чадахаа тунгаан бод.

Хөршөө хайрлах зарлигууд

Суралцагч хуваалцах

Суралцагчдад шаргуу ажилласанд нь талархаад, гаргасан хичээл зүтгэлийг нь сайшаа. Сурч мэдсэн зүйлээ хуваалцаж болох арга замыг бодож үз. Жишээлбэл: Та суралцагчдыг хоёр эгнээ болгон өөд өөдөөс нь харуулан суулгаж болно. Тэдэнд өөдөөс нь харж суугаа суралцагчдаа судалсан зүйлээ хуваалцах тодорхой цаг гаргаж өг. Хоёр суралцагчийг хуваалцаж дуусмагц нэг эгнээний суралцагчдыг нэг суудал ахиулан суухад урь. Одоо суралцагчид өөр хамтрагчтай болсон байна. Хүссэнээрээ хэдэн ч удаа давтаж болно.

Дараа нь суралцагчид ангиараа эсвэл өөдөөс нь харан суугаа хамтрагчтайгаа дараах асуултыг ярилцаж болно.

Судалсан тодорхой зарлигаа сонгоод, дараах асуултуудад хариул.

Бурханыг болон хөршөө хайрлах та нарын хайр хэрхэн энэ зарлигийг сахихад тусалдаг вэ?
Та нар энэ зарлигийг дагаснаар ямар ямар адислал хүлээн авсан бэ?

Их Эзэний зарлигуудад дуулгавартай байх нь Бурханыг болон бусдыг илүү ихээр хайрлахад хэрхэн бидэнд тусалдаг талаар хуваалцахыг бод. Та Арван зарлигийг сахихыг үргэлжлүүлэн хичээхэд суралцагчдыг урамшуулан дэмжиж болно.

Нэмэлт эх сурвалж

Бурханыг хайрлах нь бусдыг хайрлахад надад хэрхэн туслах вэ?

Ерөнхийлөгч Рассэлл М.Нэлсон ийн заасан.

Бид Бурханыг бүхий л зүрх сэтгэлээрээ хайрлах юм бол хариуд нь Тэрээр бидний зүрх сэтгэлийг бусдын сайн сайхны төлөөх буянтай үйлсэд татан оруулдаг. (“Хоёр дахь агуу зарлиг”, 2019 оны 10-р сарын Ерөнхий чуулган, 109)

Ерөнхийлөгч Томас С.Монсон (1927–2018) зарлигуудыг сахих талаар ийн заасан.

Хэрэв бид энэхүү мөнх бус амьдралын аянд хамт аялж буй хүмүүсээ хайрлахгүй юм бол Бурханыг чин үнэнээсээ хайрлаж чадахгүй. Үүн лүгээ адил, хэрэв бид бүгдийн Эцэг Бурханаа хайрлаж чадахгүй бол хөршөө жинхэнэ ёсоор хайрлаж чадахгүй. Төлөөлөгч Иохан бидэнд “Бурханыг хайрладаг нэгэн нь мөн ах дүүгээ хайрлах ёстой. Бид энэ тушаалыг Түүнээс авсан билээ” [1 Иохан 4:21] хэмээн хэлсэн юм. Бид бүгд Тэнгэрлэг Эцэгийнхээ сүнсэн хүүхдүүд учраас ах, эгч дүүс билээ. Бид энэхүү үнэнийг үргэлж санаж явах юм бол Бурханы бүх хүүхдийг хайрлах нь илүү амар хялбар байх болно. (“Хайр бол сайн мэдээний үндсэн зарчим,” 2014 оны 4-р сарын Ерөнхий чуулган, 109)

Нэмэлт суралцах үйл ажиллагаа

Зарлиг орсон жишээ

Суралцагчдыг зарлигуудыг судалж дуусмагц та дараах жишээнүүдийг үзүүлж болно. Суралцагчид жишээнд гарч байгаа хүнд сахивал зохих зарлигуудыг санал болгож болно. Тухайн зарлиг хэрхэн түүнд тус болох талаар ярилцаж болно.

1. Залуу бүсгүй эцэг эхдээ сэтгэл гонсгор байдаг. Тэр нэг арга хэмжээнд очно гэдгээ найзууддаа хэлсэн байсан ч эцэг эх нь түүнийг одоо явуулахгүй гэжээ. Тэр ямартай ч нууцаар сэмхэн гарч явав.

2. Нэгэн залуу сургуулийнхаа спортын багт тоглоод завгүй явдаг байв. Зарим хичээлдээ суугаагүй тул дараагийн тоглолтоос өмнө гэрийн даалгавраа нөхөж хийх, шалгалтуудаа нөхөж өгөх шаардлагатай болжээ. Тэр хурдан хариулахын тулд найзуудынхаа хийсэн даалгавар, шалгалтыг ашиглахаар шийдэв.

3. Залуу эмэгтэй сошиал медиа дээр янзын бүрийн хүнийг дагадаг. Тэр өөрийн нүүр царай, хувцаслалтад сэтгэл дундуур явдаг аж. Тэр онлайнаар хардаг хүмүүстэйгээ адилхан харагдах гэж маш их цаг заваа зарцуулдаг.

Гэтлэл 20:17. Талархал

Байгаа зүйлдээ талархаж, сэтгэл хангалуун байх нь байхгүй зүйлдээ санаархахаас ангид байх нэг арга зам юм. Талархах гэх ойлголтыг сайтар ойлгохын тулд суралцагчид “Талархлын гэрэл” (Өсвөр үеийнхний бат бөх байдлын төлөө, 2021 оны 2-р сар, 31) нийтлэлийг уншиж болно.

Видео

Суралцагчдыг хулгай хийхгүй байх, хуурамч гэрчлэл бүү өг гэх зарлигуудыг судалж байхад нь та тэдэнд “Honesty: You Better Believe It!” (4:46) видеог үзүүлж эсвэл хаанаас үзэж болохыг нь хэлж өгч болно. Энэ видеонд шалгалтын үеэр хуулахыг хүсээгүй анагаахын оюутны түүхийг өгүүлдэг.

4:47