Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Exodo 16: Pagkain sa Araw-araw

“Exodo 16: Pagkain sa Araw-araw,” Manwal ng Titser ng Seminary para sa Lumang Tipan (2026)

“Exodo 16: Pagkain sa Araw-araw,” Manwal ng Titser ng Seminary para sa Lumang Tipan

Exodo 14–18: Lesson 47

Exodo 16

Pagkain sa Araw-araw

Matapos iligtas ng Panginoon ang Kanyang mga tao mula sa Ehipto, nakaranas sila ng mga bagong hamon at pagkakataon para umunlad. Hindi na makakaasa pa ang mga Israelita sa mga Ehipcio para maglaan ng mga pangangailangan nila tulad ng pagkain at tubig. Kinailangan nilang matutong umasa sa Panginoon para sa kanilang mga pangangailangan sa araw-araw. Ang lesson na ito ay makatutulong sa mga estudyante na umasa sa Panginoon araw-araw.

Paghahanda ng estudyante: Sabihin sa mga estudyante na maghanap ng katibayan ng kapangyarihan ng Panginoon sa kanilang buhay mula sa oras ng klase ngayon hanggang sa susunod na klase. Hikayatin sila na maglaan ng oras sa kanilang personal na panalangin o panalangin ng pamilya upang pasalamatan ang Ama sa Langit para sa Kanyang tulong.

Mga Posibleng Aktibidad sa Pag-aaral

Ang pangangailangan sa pagkain sa araw-araw

Maaari mong simulan ang klase sa pamamagitan ng pagtalakay sa mga bagay na kailangan ng ating katawan araw-araw. Halimbawa, maaari kang magpakita ng ilang tinapay. Anyayahan sa harapan ng klase ang isang estudyanteng nagugutom at pakainin ng kaunti sa tinapay. Habang kumakain ang estudyante, itanong sa kanya ang mga sumusunod:

Kailan ka huling kumain?
Kung katatapos mo lang kumain, bakit nagugutom ka ngayon?
Bakit kailangan nating kumain nang regular?

Inihambing ni Elder D. Todd Christofferson ng Korum ng Labindalawang Apostol ang pagpapakain sa ating pisikal na katawan sa pangangalaga sa ating espiritu:

Alam nating lahat na kailangan natin ng pisikal na pagkain. Nagpaparamdam sa atin ang pagkagutom at pagkauhaw kapag nakakalimutan natin ito. Ngunit kailangan din ang espirituwal na pagkain. (“Daily Bread: Pattern,” Gospel Library)

Sa inyong palagay, bakit kasinghalaga ng pangangalaga sa ating katawan ang pangangailangang pakainin ang ating espiritu?
Bakit maaaring madaling makaligtaan ang ating mga espirituwal na pangangailangan?

Maglaan ng sandali para pag-isipan ang mga sumusunod na tanong. Maaari ninyong itala sa inyong study journal ang mga naisip ninyo:

Pareho ba ang nadarama mong hangarin na pangalagaan ang iyong espiritu araw-araw sa hangarin mong pangalagaan ang iyong katawan? Bakit oo o bakit hindi?
Sa iyong palagay, ano ang ipagagawa sa iyo ng Ama sa Langit araw-araw para mapangalagaan ang iyong espiritu?

Maghangad ng inspirasyon upang malaman kung ano ang maaari ninyong patuloy na gawin, o kung ano ang maaari ninyong baguhin, upang maibigay sa inyong espiritu ang lakas sa araw-araw na kailangan nito mula sa Panginoon.

Pag-asa sa Panginoon araw-araw

Matapos tumawid sa Dagat na Pula, ang mga Israelita ay “sumampalataya sa Panginoon, at sa kanyang lingkod na si Moises” (Exodo 14:31). Sila ay umawit at sumayaw para purihin ang Panginoon sa pagliligtas sa kanila (tingnan sa Exodo 15:1–21). Gayunpaman, ang pagpupuri ng mga Israelita sa Panginoon ay hindi nagtagal. Bagama’t inaakay sila ni Moises patungo sa Bundok ng Sinai, naharap sila sa iba’t ibang problema, at nasubok ang kanilang pananampalataya.

Basahin ang Exodo 16:2–4, 11–15, at alamin kung paano naglaan ang Panginoon ng mga pangangailangan ng mga Israelita.

Ano ang nalaman ninyo?

Maaari mong anyayahan ang mga estudyante na markahan ang salitang “tinapay” o manna sa Exodo 16:15 at i-cross-reference o iugnay ito sa Juan 6:47–51.

Basahin ang Juan 6:31–35, 47–51, at alamin ang itinuro ni Jesus tungkol sa manna.

Sa anong mga paraan maitutulad kay Jesucristo ang manna?
Paano nagiging higit na mas mabuti ang ibinibigay ni Jesucristo sa atin kaysa sa manna?

Ibahagi ang mga tamang sagot kapag natapos na ang mga estudyante: 1. Tama; 2. Mali; 3. Mali; 4. Tama; 5. Tama; 6. Mali; 7. Tama; 8. Mali.

Paano maaaring maiangkop ang mga detalyeng ito tungkol sa manna sa pangangailangan natin ng espirituwal na pagkain?
Ano ang maituturo sa inyo ng mga detalyeng ito tungkol sa manna tungkol sa pagtanggap ng espirituwal na pagkain mula kay Jesucristo?

Nangusap si Elder Christofferson tungkol sa ating pangangailangan sa araw-araw ng espirituwal na pagkain mula sa Panginoon:

Hindi natin dapat isipin na makakaraos tayo nang walang espirituwal na pagkain nang ilang linggo at ilang buwan nang hindi nahihirapan at nanghihina ang ating espirituwalidad. Ang pagkilala sa katotohanan na kailangan natin ng araw-araw na espirituwal na pagkain, o manna, ay mas nagpapalakas ng ating loob na gawin ang tama at maglingkod sa iba kaysa kung ipagwawalang-bahala natin ang Diyos. (“Daily Bread: Pattern,” Gospel Library)

Bakit mas mabuti ang pag-asa sa Panginoon araw-araw kaysa sa paminsan-minsan at napakalakas na mga espirituwal na karanasan?

Pagkain sa Araw-araw

Ibigay ang mga sumusunod na tagubilin. Bukod pa sa mga iminumungkahing scripture passage, maaaring maghanap ang mga estudyante ng mga pahayag mula sa mga lider ng Simbahan sa pamamagitan ng paghahanap ng mga salita o parirala tulad ng “araw-araw” o “bawat araw” sa Gospel Library.

Sa inyong study journal, lagyan ng label na “Pagkain sa Araw-araw:Jesucristo.” ang isang pahina. Sa gitna ng pahina, magdrowing ng isang buong tinapay. Pag-aralan ang mga sumusunod na banal na kasulatan, at alamin ang mga bagay na magagawa natin araw-araw upang umasa sa Panginoon at tumanggap ng espirituwal na pagkain. Isulat ang malalaman ninyo sa paligid ng inyong drowing na tinapay.

Deuteronomio 8:3
1 Nephi 17:3
2 Nephi 32:3
Alma 37:36–37

Anyayahan ang mga estudyante na talakayin ang natuklasan nila sa pamamagitan ng pagtatanong ng tulad ng sumusunod. Maaari mong hikayatin ang mga estudyante na magdagdag ng mga ideya sa kanilang study journal habang natututo sila mula sa kanilang mga kaklase.
Alin sa mga kilos na ito ang nakatulong sa iyo na maanyayahan ang Tinapay ng Buhay, si Jesucristo, sa iyong buhay sa araw-araw? Paano ka Niya inalagaan o pinalakas dahil dito?
Bukod pa sa nalaman mo sa mga banal na kasulatan, ano pang ibang bagay ang sinisikap mong gawin araw-araw para umasa sa Panginoon?
Ano ang sasabihin mo sa isang tao na sa palagay niya ay hindi niya kailangang gawin ang mga bagay na ito?

Kung may oras pa, maaaring magpakanta sa klase ng isang himno tungkol sa pangangailangan natin sa Panginoon, tulad ng “Kailangan Ko Kayo” (Mga Himno, blg. 54). Maaaring magbahagi ang mga estudyante ng mga linya mula sa himno na makabuluhan para sa kanila.

Tingnan ang listahan na isinulat mo sa paligid ng tinapay sa iyong study journal. Bilugan ang isa o dalawang ideya na sa palagay mo ay nais ng Panginoon na simulan mo nang gawin o babaguhin para mas umasa sa Kanya araw-araw. Pagkatapos ay sagutin ang sumusunod:

Kailan at saan mo gagawin ang bagay na ito sa bawat araw?
Anong mga hamon ang kakailanganin mong madaig para maging bahagi ng iyong araw-araw na gawain ang gawing ito? Paano mo dadaigin ang mga hamong ito?
Sa iyong palagay, paano makakaapekto ang paggawa ng bagay na ito araw-araw sa iyong ugnayan sa Ama sa Langit at kay Jesucristo sa paglipas ng panahon?

Tapusin ang lesson sa pamamagitan ng pagbabahagi ng iyong mga saloobin at nadarama tungkol sa pangangailangan nating umasa sa Panginoon sa bawat araw. Maghanap ng mga pagkakataon sa mga susunod na lesson na mag-follow up sa mga pagsisikap ng mga estudyante sa mga susunod na lesson. Maaari mo ring i-update paminsan-minsan ang iyong mga estudyante tungkol sa iyong pagsisikap sa araw-araw na umasa sa Panginoon.

Karagdagang Resources

Paano ako makatatanggap ng espirituwal na pagkain mula sa Panginoon sa bawat araw?

Pinatotohanan ni Pangulong Russell M. Nelson:

17:17

Sa nakagugulat na bilis, ang patotoo na hindi napangangalagaan sa araw-araw “ng mabuting salita ng Diyos” [Moroni 6:4] ay maaaring gumuho. Kaya nga, ang panlunas sa mga pakana ni Satanas ay malinaw: kailangan natin ng araw-araw na mga karanasan ng pagsamba sa Panginoon at pag-aaral ng Kanyang ebanghelyo. (“Ang Kapangyarihan ng Espirituwal na Momentum,” Liahona, Mayo 2022, 99)

Itinuro ni Elder Dieter F. Uchtdorf ng Korum ng Labindalawang Apostol:

15:13

Nagpakabusog ang mga anak ni Israel sa pagkain ng pugo sa ilang, ngunit ang nagpanatili sa kanilang buhay ay ang maliit at simpleng himala ng manna—ang kanilang pagkain sa araw-araw [tingnan sa Exodo 16].

Mga kapatid, ang pagkain sa araw-araw ay pinakamainam na ihanda at ihain sa tahanan. Ang pananampalataya at patotoo ay pinakamainam na napagyayaman sa normal at natural na mga paraan, sa paisa-isang hakbang, sa maliliit at simpleng mga sandali, sa araw-araw na daloy ng buhay. (“Si Jesucristo ang Lakas ng mga Magulang,” Liahona, Mayo 2023, 57)

Ano pa ang matututuhan natin mula sa salaysay tungkol sa pagbibigay ng Diyos sa mga Israelita ng manna sa araw-araw?

Nagbahagi si Elder D. Todd Christofferson ng mga karagdagang lesson sa “Daily Bread: Experience” (3:12) at “Daily Bread: Change” (3:00).

2:59

2:46

Mga Karagdagang Aktibidad sa Pag-aaral

Alternatibong simula

Magpakita ng dalawang magkaibang uri ng pagkain: isang matagal masira (tulad ng bigas) at isang mabilis mabulok (tulad ng tinapay o prutas).

Sa inyong palagay, gaano katagal bago mabulok ang mga pagkaing ito?

Itinuro ni Pangulong Henry B. Eyring ng Unang Panguluhan na “hindi nagtatagal ang malaking pananampalataya” (“Kahandaang Espirituwal: Simulan nang Maaga at Magpatuloy,” Liahona, Nob. 2005, 39).

Ano sa palagay ninyo ang ibig sabihin ni Pangulong Erying?

Maaaring ibahagi ng mga estudyante na kung hindi natin patuloy na pagtitibayin ang ating pananampalataya kay Jesucristo, ang pananampalatayang iyon ay maaaring humina o mawala. Habang pinag-aaralan ng mga estudyante ang Exodo 16, anyayahan silang isipin ang mga paraan kung paano nila mapapalakas ang kanilang pananampalataya sa Panginoon araw-araw, sa halip na umasa lamang sa mga dating karanasan.

Ang pagsubok sa pagsunod

Sabihin sa mga estudyante na i-cross-reference o i-link ang Exodo 16:4 sa Abraham 3:25. Sabihin sa kanila na basahin ang bawat passage, at alamin ang isa sa mga dahilan kung bakit binibigyan tayo ng Diyos ng mga kautusan.

Bakit maaaring mahirap kung minsan na sundin ang Panginoon?
Ano ang makatutulong sa atin para madaig ang mga paghihirap na ito?

Itinuro ni Elder Ulisses Soares ng Korum ng Labindalawang Apostol:

Ang mortalidad ay panahon ng pagsubok kung saan susubukin tayo upang makita kung gagawin natin ang lahat ng bagay na iuutos sa atin ng Panginoon nating Diyos. Kailangan dito ang walang pag-aalinlangang pananampalataya kay Cristo kahit sa napakahirap na kalagayan. Kailangan dito ang patuloy na paglalakad natin nang may matatag na pananampalataya kay Cristo, na ginagabayan ng Espiritu at nagtitiwala na ilalaan ng Diyos ang ating mga pangangailangan. (“Magtiwala sa Diyos nang Walang Pag-aalinlangan,” Liahona, Mayo 2017, 33)

Paano naglaan ang Panginoon para sa inyong mga pangangailangan nang sikapin ninyong gawin ang iniutos Niya?

Pag-asa sa Panginoon kumpara sa iba pang sources

Tulungan ang mga estudyante na makita ang mga pagpapala ng pag-asa sa Panginoon kumpara sa mga posibleng maging problema kapag umasa sa iba pang sources. Maaari mong ipaalala sa mga estudyante na bago pumasok ang mga Israelita sa ilang, ang Ehipto ang naglaan sa kanila ng pagkain at tubig (tingnan sa Exodo 16:2–3).

Bakit mas mabuting umasa ang Israel sa Panginoon araw-araw kaysa umasa sa Ehipto?

Tulungan ang mga estudyante na maunawaan na bagama’t naglaan ang Ehipto ng pagkain para sa Israel, inalipin din nila ang Israel at inilantad ang Israel sa kanilang mga maling paniniwala at tradisyon. Ang pag-asa sa Panginoon ay nagbigay sa Israel at sa kanilang mga inapo ng kalayaan at potensyal na umunlad. Kalaunan ay papasok ang Israel sa lupang pangako.

Ano ang ilang sources na maaaring matukso tayong asahan sa halip na umasa sa Panginoon?
Bakit mas mabuti para sa atin na umasa sa Panginoon kaysa umasa sa ibang tao o bagay?

Ang Araw ng Sabbath

Habang pinag-aaralan ng mga estudyante ang tungkol sa manna, maaari mong ipabahagi sa kanila ang mga alituntuning natuklasan nila tungkol sa araw ng Sabbath. Maaari nilang ipaliwanag na ang Israel ay nagtrabaho nang mas matagal sa ikaanim na araw para makapagpahinga sa araw ng Sabbath. Maaari ding nalaman nila na naglaan ang Panginoon ng karagdagang pagkain para sa Israel sa ikaanim na araw para mapanatili nilang banal ang araw ng Sabbath. Tulungan ang mga estudyante na talakayin ang mga pagkakatulad sa ating buhay sa pamamagitan ng pagtatanong ng:

Ano ang ilang karagdagang bagay na kailangan nating gawin sa buong linggo para mas mapanatili nating banal ang araw ng Sabbath?
Paano naglaan ang Ama sa Langit at si Jesucristo para sa inyo at sa inyong pamilya sa temporal at espirituwal na paraan nang sikapin ninyong mapanatilihing banal ang araw ng Sabbath?