Վարդապետության սերտման վարժություն 3

• Ինչպե՞ս է հնարավոր լավ ճանաչել դասարանի անդամներին:

• Ինչո՞ւ է օգտակար ընկերներ ձեռք բերելը:

Կարդացեք Տասներկու Առաքյալների Քվորումից երեց Ռիչարդ Գ. Սքոթի (1928–2015) հետևյալ խոսքերը․

«Մեծ զորություն կարող է գալ սուրբ գրությունները մտապահելու արդյունքում: Մտապահելով սուրբ գրությունը՝ մենք, կարծես, նոր ընկեր ենք ձեռք բերում»: («Սուրբ գրության զորությունը», Լիահոնա, նոյեմբեր 2011, 6)

• Ըստ ձեզ, ինչպե՞ս կարող է մտապահված սուրբ գրության արտահայտությունը կամ հատվածը նմանվել ընկերոջը:

Երեց Սքոթը շարունակում է․

Այն նման է նոր մարդ գտնելուն, որը կարող է օգնել կարիքի ժամանակ, ոգեշնչում և սփոփանք պարգևել և լինել անհրաժեշտ փոփոխության լիցքի աղբյուր: (Ռիչարդ Գ. Սքոթ, «Սուրբ գրության զորությունը», Լիահոնա, նոյեմբեր 2011, 6)

• Ե՞րբ է մտապահված սուրբ գրությունը կամ արտահայտությունը հանդես եկել որպես ընկեր ձեզ համար՝ նշված որևէ եղանակով:

• Ի՞նչ եք դուք անում կամ կարող եք անել, որը կօգնի ձեզ մտապահել սուրբ գրության հիմնական արտահայտությունները կամ հատվածները:

Հետևեք Երեց Սքոթի խորհրդին՝ «ձեռք բերեք … նոր ընկեր[ներ]»՝ մտապահելով վարդապետության սերտման մի քանի հատվածների հղումները ու հիմնական արտահայտությունները: Կարող եք նաև մտապահել մի ամբողջ հատված:

Ընտրեք ձեր մտապահած արտահայտություններից կամ հատվածներից մեկը և պատասխանեք հետևյալ հարցին.

• Ինչպե՞ս կարող է այս արտահայտությունը կամ հատվածը լինել ընկեր ձեզ համար: (Ինչպե՞ս կարող է դա օգնել կարիքի ժամանակ, ոգեշնչում կամ մխիթարություն տալ կամ անհրաժեշտ փոփոխությունների աղբյուր լինել։)

• «Ես լսում եմ, որ այլ երիտասարդներ ասում են, թե իրենք հեռախոսով կիսվում են իրենց կամ ուրիշների ոչ համեստ, ոչ պատշաճ կամ նույնիսկ մերկ նկարներով: Ես կարող եմ ասել, որ նրանք դա մի մեծ բան չեն համարում: Դա, հավանաբար, հարաբերությունների նորմալ մաս է կազմում կամ նրանք պարզապես կատակում են»:

• «Թվում է, թե նորմալ է սեռական բնույթի բաներ տեսնելն ու դրանց մասին լսելը: Սեքսուալ բնույթի ակնարկներ են արվում կատակներում, ֆիլմերի տեսարաններում, առցանց տեսանյութերում և այլն: Այն, ինչ Եկեղեցու ղեկավարներն են պատշաճ համարում, տարբերվում է նրանից, ինչը նորմալ են համարում շատ այլ մարդիկ: Կարծում եմ, որ հիմա ժամանակներն այլ են, և դա այնքան էլ կարևոր չէ, որքան նախկինում»:

• «Ես նախկինում սովորել եմ մաքրաբարոյության օրենքի մասին, բայց այնտեղ, որտեղ ես եմ ապրում, շատ դեռահասներ ապրում են սեռական ակտիվ կյանքով մինչև ամուսնությունը: Կարծում եմ, որ հասկանում եմ, թե ինչու են Եկեղեցու ղեկավարները մեզ ասում, որ լինենք սեռական առումով մաքուր և դրա մեջ շատ լավ բան կա, բայց ես երբեմն մտածում եմ՝ արժե՞ արդյոք»:

  Ուսանողներին առաջարկեք պատկերացնել, որ սցենարում խոսող մարդն այստեղ է՝ իրենց հետ: Բացատրեք, որ այդ մարդն անկեղծ սիրտ ունի: Հիշեցրեք ուսանողներին, որ մենք պետք է ձգտենք բոլոր մարդկանց վերաբերվել նույն կերպ՝ սիրով և հարգանքով, ինչպես Երկնային Հայրը և Հիսուս Քրիստոսն են վերաբերվում մեզ:

• Ի՞նչ ենթադրություններ նկատեցիք մաքրաբարոյության օրենքի վերաբերյալ այս սցենարում:

  Բացատրեք, որ ուսանողները դասարանում պետք է պատրաստվեն՝ օգնելու այդ մարդուն: Երբ ուսանողները քննարկեն հետևյալ հարցը, վստահեցրեք նրանց, որ սխալ պատասխաններ չկան:

• Եթե դուք ցանկանայիք օգնել այդ մարդուն, առաջին հերթին հոգևոր գիտելիքներ ձեռք բերելու ո՞ր սկզբունքի վրա կկենտրոնանայիք: Ինչո՞ւ։

Գտեք հոգևոր գիտելիքներ ձեռք բերելու այդ սկզբունքն օգտագործելու եղանակը՝ սցենարի մարդուն օգնելու համար: Դա կարող է ներառել.

• Հարց, որը կարող եք տալ այդ մարդուն:

• Սուրբ գրությունները, այդ թվում՝ վարդապետության սերտման հատվածները կամ Եկեղեցու ղեկավարների խոսքերը, որոնք կարող են օգնել:

• Ձեր անձնական մտքերը, զգացմունքները կամ վկայությունը:

Քննեք հասկացությունները և հարցերը հավերժության հեռանկարից

• Ինչպե՞ս կարող է սեռական անարատության նկատմամբ Աստծո վերաբերմունքի իմացությունը օգնել սցենարի մարդուն (տես Ծնունդ 39.9, Ա Կորնթացիներին 6.18–19, Հակոբոս 2.28):

• Ըստ ձեզ, այդ մարդու վերաբերմունքն ինչպիսի՞ որոշումներ կայացնելուն կարող է հանգեցնել։

Ձգտեք մեծացնել հասկացողությունը աստվածային աղբյուրների միջոցով

• Ծնունդ 39․9 հատվածը և Հովսեփի օրինակն ինչպե՞ս կարող են օգնել այս իրավիճակում։

• Ուրիշ ի՞նչ սուրբ գրություններ կամ Եկեղեցու ղեկավարների խոսքեր կարող են օգտակար լինել։ (Օրինակ՝ Ալմա 38.12, Ալմա 39.9, Վարդապետություն և Ուխտեր 42.23 հատվածները, «Ձեր մարմինը սուրբ է» բաժինը Երիտասարդներին զորացնելու համար գրքույկում, «The Blessings of Being Chaste» բաժինը՝ երեց Դեյվիդ Ա. Բեդնարի՝ գերագույն համաժողովի «We Believe in Being Chaste» ելույթում [Լիահոնա, մայիս 2013, 43–44])

Գործեք հավատքով

• Ըստ ձեզ, այս իրավիճակում, ինչպե՞ս է հնարավոր գործել հավատքով առ Փրկիչ Հիսուս Քրիստոսը:

• Եթե դուք նման իրավիճակում լինեիք, ի՞նչ կարող էիք անել՝ հրավիրելու Փրկչի օգնությունը և զորութունը ձեր կյանք:

Ձեր օրագրում գրեք, թե ինչ սովորեցիք այս փորձառությունից, որը կցանկանայիք հիշել: Դա կարող է ներառել այն, թե ինչպես կարող է հոգևոր գիտելիքներ ձեռք բերելու սկզբունքների օգտագործման գործընթացն օգնել ձեզ ցանկացած հարցի կամ մտահոգության դեպքում: