Ելք 12–13, Մաս 2

• Ի՞նչ կամ ո՞ւմ եք ցանկանում հիշել ձեր ողջ կյանքում: Ինչո՞ւ։

• Ի՞նչ եք անում կամ արել՝ տվյալ առարկան կամ մարդուն հիշելու համար:

• Ինչպե՞ս եք վերաբերվում Փրկչին:

• Ըստ ձեզ, ի՞նչն է կարևոր հիշել Նրա մասին: Ինչո՞ւ։

Այսօրվա դասի ընթացքում փնտրեք Սուրբ Հոգու առաջնորդությունը, որպեսզի իմանաք, թե ինչ կարող եք անել՝ Փրկչին հիշելու համար, և ինչ է Նա արել ձեզ համար:

Տերը պատվիրեց Իր ժողովրդին կրկնել Զատիկի ճաշը «[սերնդից] սերունդ» (Ելք 12.14): Կարդացեք հետևյալ հատվածները՝ փնտրելով բառեր և արտահայտություններ, որոնք մատնանշում են, թե ինչ է Տերը ուզում, որ նրանք հիշեն և անեն.

Ելք 12․14, 17

Ելք 12․25–27

Ելք 13․3, 8–10

• Ի՞նչ էր պատրաստվում և առաջարկվում ուտել Զատիկի ճաշի ժամանակ, որը նախատեսված էր օգնելու իսրայելացիներին հիշել Տիրոջ մասին:

• Ըստ ձեզ, ինչպե՞ս է Տերը օրհնել իսրայելացիներին՝ Զատիկի տոնին հնազանդորեն մասնակցելու համար:

Ցուցադրեք Հիսուս Քրիստոսի նկարը Վերջին ընթրիքի ժամանակ: Ուսանողներին բացատրեք, որ երեկոյան, Գեթսեմանում և խաչի վրա Իր տառապանքից առաջ, Փրկիչը Իր աշակերտների հետ նշեց Զատիկի տոնը:

Որպեսզի օգնեք ուսանողներին պատկերացնել այդ պահը, ցուցադրեք «The Last Supper» տեսանյութը 0:00-1:18։ Այս տեսանյութը հասանելի է ChurchofJesusChrist.org կայքում: Երբ ուսանողները կարդան Ղուկաս 22 գլուխը, ցուցադրեք տեսանյութի 2:13-3:15 հատվածը:

6:12

6:12

Կարդացեք Ղուկաս 22.13–15, 19–20 հատվածները՝ փնտրելով Փրկչի կողմից հաստատված նոր արարողությունը:

• Հաղորդության արարողությունն ինչո՞վ է նման Զատիկին: Ինչո՞վ է այն տարբերվում:

  Հետևյալ հարցը կարող է օգնել ուսանողներին բացահայտել իրենց կյանքին վերաբերող ճշմարտությունները։ Նմանատիպ հարցերը կարող են օգնել ուսանողներին իրենց կյանքին առնչվող ճշմարտություններ գտնել սուրբ գրություններում, որոնք իրենք ուսումնասիրում են: Նման հարցերը նաև հնարավորություն են տալիս Երկնային Հորը անձամբ ուսուցանել և ոգեշնչել ուսանողներին:

  Լրացուցիչ ուսուցման համար, թե ինչպես օգնել ուսանողներին գտնել իրենց կյանքին առնչվող ճշմարտություններ սուրբ գրություններում, տես «Ինքնուրույն սովորեք Հիսուս Քրիստոսի վարդապետությունը» բաժինը Ուսուցիչների կատարելագործման հմտություններ ձեռնարկում [2022], 29:

• Ի՞նչ ճշմարտություններ կարող ենք սովորել՝ խորհելով, թե ինչու են Երկնային Հայրը և Հիսուս Քրիստոսը հաստատել այնպիսի արարողություններ, ինչպիսին է Զատիկը՝ հին ժամանակներում կամ հաղորդությունը՝ մեր օրերում։

Տասներկու Առաքյալների Քվորումից երեց Դեյլ Գ. Ռենլանդը բացատրել է, թե ինչու են Երկնային Հայրը և Հիսուս Քրիստոսը խրախուսում մեզ հիշել Իրենց.

Մեր Երկնային Հայրը ցանկանում է, որ մենք հիշենք Իր և Իր սիրելի Որդու բարությունը … այն ազդեցության համար, որ ունենում է մեզ վրա այդ հիշողությունը։ Խորհելով Նրանց բարության մասին, մեր տեսլականը և հասկացողությունն ընդլայնվում են։ Մտածելով Նրանց կարեկցանքի մասին, մենք դառնում ենք ավելի խոնարհ, աղոթող և հաստատակամ։ («Մտածեք Աստծո բարության և մեծության մասին», Լիահոնա, մայիս 2020, 41)

• Ինչպե՞ս է ձեզ վրա ազդել Աստծո բարության մասին հիշելը:

Որպեսզի հիշեք Աստծո բարության մասին՝ հաղորդության արարողությանը նախապատրաստվելիս, մասնակցելիս և դրա մասին հիշելիս, կատարեք հետևյալ գործողություններից մեկը կամ մի քանիսը.

• Թվարկեք Զատիկի տոնի խորհրդանիշներից մի քանիսը, որոնք դուք ուսումնասիրել եք: Գրեք, թե ինչպես կարող են Զատիկի այս խորհրդանիշներն օգնել ձեզ հիշել Փրկչին՝ նախքան հաղորդություն ընդունելը:

• Կարդացեք հաղորդության աղոթքները Վարդապետություն և Ուխտեր 20.77, 79 հատվածներում։ Թվարկեք այն խոստումները, որոնք մենք տալիս ենք, երբ ընդունում ենք հաղորդությունը: Այնուհետև թվարկեք Տիրոջ խոստումները: Գրեք կարճ պարբերություն այն մասին, թե այս խոստումների շուրջ խորհելն ինչպես կարող է օգնել ձեզ հիշել Փրկչին հաղորդության ժամանակ:

• Գրեք մի քանի հատված սուրբ գրությունից կամ Եկեղեցու ղեկավարի խոսքերից, որոնք կարող եք կարդալ և խորհել դրա շուրջ հաղորդության ընթացքում: Ընտրեք հատվածներ կամ արտահայտություններ, որոնք կօգնեն ձեզ հիշել Փրկչին:

• Ընտրեք հաղորդության ձեր սիրելի օրհներգը: Նշեք օրհներգի անվանումը և երկու կամ երեք տող օրհներգից: Ընտրեք այն տողերը, որոնք կարևոր են ձեզ համար և կարող են օգնել ձեզ հաղորդությունից հետո հիշել Փրկչին:

Հանգիստ խորհեք այն մասին, թե ինչ սովորեցիք և զգացիք այսօր: Հրավիրեք Սուրբ Հոգուն՝ օգնելու ձեզ հասկանալ, թե ինչ կարող եք անել, որպեսզի ավելի լավ հիշեք Հիսուս Քրիստոսին հաղորդությունից առաջ, դրա ընթացքում և դրանից հետո:

• Ի՞նչ որոշակի քայլեր կարող եք անել, որպեսզի ավելի լավ հիշեք Փրկչին, երբ նախապատրաստվում եք հաղորդությանը, մասնակցում եք հաղորդությանը կամ խորհում եք հաղորդության մասին։