Ելք 7–11

• Այսօր սեմինարիա գնալու ճանապարհին ի՞նչ եք տեսել, նկատել կամ դիտարկել:

• 1–5 միավոր սանդղակով (1-ը՝ բոլորովին ուշադիր չեմ, 5-ը՝ շատ ուշադիր եմ) ինչպե՞ս կգնահատեք, թե ներկայումս որքանով եք դուք ուշադիր ձեզ շրջապատող միջավայրի նկատմամբ:

• Ի՞նչ պատճառներով մենք կարող ենք քիչ կամ շատ ուշադիր լինել:

  Բացատրեք, որ այդպես մենք կարող ենք խորհել, թե որքան ուշադիր ենք այն բանի հանդեպ, թե Տերը ինչ է արել կամ ինչ է անում մեզ համար: Խորհեք հետևյալ հարցերի առաջադրման շուրջ.

• Մարդն Աստծո զորության մասին ինչպիսի՞ ապացույցներ կարող է նկատել սովորական օրվա ընթացքում:

Գնահատեք ձեզ 1-5 սանդղակով (1-ը ամենացածրն է, 5-ը՝ ամենաբարձրը), թե որքանով է ձեզ համապատասխանում հետևյալը.

• Ես վստահ եմ, որ կարող եմ ճանաչել Աստծո զորությունը կամ ազդեցությունն իմ կյանքում:

Այսօրվա ուսումնասիրության ընթացքում հրավիրեք Սուրբ Հոգուն՝ օգնելու ձեզ մեծացնել Աստծո զորությունն ու ազդեցությունը ձեր կյանքում ճանաչելու կարողությունը:

Ելք 6–7 բաժիններում Տերը խոստացավ Մովսեսին, որ Ինքը կազատի իսրայելացիներին գերությունից: Նա հայտարարեց, որ կցուցադրի Իր զորությունը փարավոնին և եգիպտացիներին, և նրանք այլ ընտրություն չեն ունենա, քան ազատել իսրայելացիներին:

Կարդացեք Ելք 6․7, 7․5 հատվածները՝ փնտրելով, թե Տերը ինչ էր ցանկանում, որ իմանային և իսրայելացիները, և եգիպտացիները: Ուսանողները կարող են նշել իրենց գտածը։

• Ի՞նչ պետք է իմանային իսրայելացիներն ու եգիպտացիները Տիրոջ զորության դրսևորումների շնորհիվ։

• Այս հայտարարություններից ի՞նչ կարող ենք սովորել Տիրոջ մասին:

Ելք 7–11 բաժիններում նկարագրված է Տիրոջ զորության դրսևորումը մի շարք պատուհասների միջոցով: Նայեք հետևյալ աղյուսակին և ուսումնասիրելու համար ընտրեք երկու կամ երեք պատուհաս՝ փնտրելով հետևյալ հարցերի պատասխանները:

Հատվածներից մի քանիսում ասվում է, որ Տերը կարծրացրել էր փարավոնի սիրտը: Ջոզեֆ Սմիթի թարգմանությունը կարևոր հստակեցում է մտցնում առ այն, որ փարավոնն ինքն էր կարծրացրել իր սիրտը (տես Ջոզեֆ Սմիթ Թարգմանություն, Ելք 7.3, 13, 9.12, 10.1, 20, 27, 11.10):

• Ինչպե՞ս դրսևորվեց Տիրոջ զորությունը:

• Ըստ ձեզ, մարդիկ ինչո՞ւ էին հավատում կամ ինչու չէին հավատում Տիրոջը և Նրա զորությանը:

  Ուսանողներին բավարար ժամանակ տրամադրելուց հետո առաջարկեք նրանց զույգերով կամ փոքր խմբերով կիսվել իրենց գտածով:

  Օգտակար կլինի պարզաբանել հետևյալը։ Ուսանողները, հավանաբար, նկատել են, որ փարավոնի մոգերը խաբեության կամ հակառակորդի զորության միջոցով կարողացան մասամբ նմանակել առաջին երկու պատուհասների որոշ մասը։ Նրանք, սակայն, չկարողացան ամբողջությամբ նմանակել կամ դադարեցնել պատուհասները։ Բացի այդ, իսրայելացիները, ըստ երևույթին, տառապել էին որոշ պատուհասներից, սակայն նրանք պաշտպանվեցին չորրորդ, հինգերորդ և յոթերորդ պատուհասներից։

  Եթե օգտակար կլինի, կարող եք խրախուսել ուսանողներին Ելք 8.10, 22, 10․2 հատվածներում նշել լրացուցիչ արտահայտություններ, որտեղ Տերը վկայել է, որ ժողովուրդը կիմանա, որ Ինքն է Տերը:

• Ըստ ձեզ, ինչո՞ւ էր Տերը ցանկանում, որ եգիպտացիներն ու իսրայելացիներն իմանան Իր մասին:

• Ի՞նչ պատճառներով են մարդիկ երբեմն հավատում Աստծուն և Նրա զորությանը, այնուհետև կասկածներ ունենում:

Պատկերացրեք, որ ձեր ընկերը վստահ չէ, որ երբևէ փորձառություն է ունեցել Երկնային Հոր հետ կամ զգացել է Նրա զորությունը: Ուսումնասիրությունը շարունակելիս մտածեք, թե ինչ կասեք այդ մարդուն:

• Ինչպե՞ս եք դուք հավատացել Տիրոջ զորությանը: Կամ ի՞նչը կարող է օգնել ձեզ հավատալ:

• Սուրբգրային կամ Եկեղեցու պատմության ո՞ր օրինակներում է մարդկանց ցուցադրվել Տիրոջ զորությունը:

Նախագահ Ռասսել Մ. Նելսոնն ուսուցանել է հետևյալն այն մասին, թե ինչ կարող ենք անել, որպեսզի փորձառություններ ունենանք Երկնային Հոր հետ.

Իմացեք, որ Աստծո հետ փորձառությունների բացակայության դեպքում մարդը կարող է կասկածի տակ դնել Աստծո գոյությունը: Ուստի, ձեզ համար ստեղծեք այնպիսի իրավիճակ, որպեսզի փորձառություններ ունենաք Նրա հետ: Խոնարհեցրեք ձեզ: Աղոթեք, որ ունենաք աչքեր, որպեսզի տեսնեք Աստծո ձեռքը ձեր կյանքում և ձեզ շրջապատող աշխարհում: Խնդրեք Նրան ասել ձեզ՝ արդյոք Նա իրականում գոյություն ունի և ճանաչում է ձեզ: Հարցրեք Նրան, թե Նա ինչ է զգում ձեր հանդեպ: Իսկ հետո լսեք։ (««Եկ, հետևիր ինձ»», Լիահոնա, մայիս 2019, 90)

• Ի՞նչ կարող է անել մարդը, որպեսզի սկսի տեսնել Աստծո ձեռքն ու զորությունն իր կյանքում: