Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Eksodosy 2–4: “Izaho no homba ny vavanao”

“Eksodosy 2–4: -Izaho no homba ny vavanao,-” Testamenta Taloha: Boky torolalana ho an’ny mpampianatra seminera (2026)

“Eksodosy 2–4: -Izaho no homba ny vavanao,-” Testamenta Taloha: Boky torolalana ho an’ny mpampianatra seminera

Eksodosy 1–6: Lesona 39

Eksodosy 2–4

”Izaho no homba ny vavanao”

Jesus Christ appearing to the prophet Moses. Mist or a cloud hovers around the figure of the Savior.

Rehefa mandalo fahasarotana isika dia mitarika antsika am-pitiavana amin’ny alalan’ny mpaminaniny ny Tompo. Tamin’ny andro nanjakan’i Farao dia niaina zava-tsarotra tao anatin’ny fangejana ny zanak’Isiraely ary nitaraina tamin’ny Tompo. Nihaino ny fitarainan’izy ireo ny Tompo ary niantso an’i Mosesy ho mpaminany mba hanampy azy ireo. Afaka manampy ny mpianatra hankatò kokoa ny tenin’ny Tompo amin’ny alalan’ny Mpaminaniny eo amin’ny fiainany ity lesona ity.

Fanomanana ny mpianatra: Asao ny mpianatra hamaky ireo fampianarana vao haingana avy amin’ny mpaminany. Avy eo dia asao izy ireo hifanakalo hevitra amin’ny olona iray ao amin’ny fianakaviany na namany iray mikasika ny fomba nitahiana ny fiainan’izy ireo vokatry ny fanarahana ny fampianaran’ny mpaminany.

Sahanasa fianarana azo atao

Ny feo tokony hitokiana

Atomboy amin’ny fizarana ity teny nambara ity sy amin’ny fametrahana ireto fanontaniana ireto ny fotoam-pianarana.

Nanao fanamarihana toy izao ny Loholona Neil L. Andersen ao amin’ny Kôlejin’ny Apôstôly Roambinifolo:

16:5

Miaina eo amin’ny planeta iray isika ary an-tapitrisany no mikotaba maneho hevitra. Ny internet, ny finday sy ny vata kely fialam-bolintsika dia samy miantso antsika hijery azy avokoa ary mitaona antsika avokoa. (“Ilay Mpaminanin’ Andriamanitra,” Liahona, mey 2018, 26)

Ataovy lisitra ny ohatra vitsivitsy amin’ireo feo hitanao na renao tao anatin’ny andro maromaro lasa izay.

Inona no tsikaritrao mikasika ireo loharanom-baovao samihafa?
Inona no maha samy hafa ny feon’ny mpaminany amin’ireo feo hafa?

Asehoy ireto filazana fanombanan-tena ireto ary asao ny mpianatra hieritreritra ny valinteniny.

Omeo isa ny tenanao amin’ny fampiasana mari-drefy manomboka amin’ny isa 1 (tsy marina mihitsy) ka hatramin’ny 5 (tena marina tanteraka):

Atokisako kokoa ny tenin’ny mpaminany sy ny apôstôly noho ireo feo sy fitaomana hafa rehetra.
Matoky ny torohevitra sy fitarihana voaraintsika avy amin’ireo mpaminany sy apôstôlin’ny Tompo aho.
Manao ezaka handalina ny tenin’ny mpaminany sy apôstôly amin’izao fotoana izao aho.

Rehefa mandalina ny mpianatra androany dia asao izy ireo hihaino ireo fahatsapana avy amin’ny Fanahy ny amin’ny fomba ahafahan’izy ireo manaraka feno kokoa ny torohevitra avy amin’ny mpaminany sy ny apôstôly eo amin’ny fiainany.

Niantso an’i Mosesy ho mpaminany ny Tompo

Na dia teratany Isiraelita aza i Mosesy, dia tao amin’ny tokantranon’i Farao tany Egypta no nitazaina azy. Fony i Mosesy mbola zaza, dia nanome baiko ny hamonoana ny zazalahy Isiraelita vao teraka rehetra i Farao (jereo Eksodosy 1:22). Mba hamonjena an’i Mosesy, dia nafenin’ny reniny tao anaty harona izy ary napetrany teo akaikin’ny renirano iray. Hitan’ny zanak’i Farao i Mosesy, izay nanabe azy ho toy ny zanany (jereo Eksodosy 2:1–10). Nahazo fanabeaza tsara i Mosesy tao Egypta ary “nahery tamin’ny teniny sy ny asany” (Asan’ny apostoly 7:22).

Rehefa lehibe i Mosesy dia namono Egyptiana iray teo am-piarovana ny iray tamin’ireo andevo Isirealita. Nandositra tany Midiana i Mosesy ary niara-nipetraka tamin’ny mpisoronabe iray antsoina hoe Jetro tany izy dia nanambady ny zananivavy antsoina hoe Zipora (jereo Eksodosy 2:11–21). Rehefa niandry ondry tany Midiana i Mosesy dia nisy zavatra niainany niaraka tamin’i Jehovah.

Asehoy ity sary manaraka ity. Asao ny mpianatra haka sary an-tsaina hoe i mosesy izy ireo eo am-pamakiana ireto andininy manaraka ireto ary hamaly ireto fanontaniana manaraka ireto ao anatina vondrona kely maromaro. Afaka mizara izay ampahany manan-danja indrindra tamin’izay nianarany ny mpianatra rehetra avy eo.

The Old Testament prophet Moses kneeling before the burning bush on Mount Sinai. Light is emanating from the bush.

Eksodosy 3:1–6. Inona no ho tsapanao? Nahoana?

Eksodosy 3:7–14. Inona tamin’ny fampianaran’ny Tompo no mety ho nanan-danja indrindra taminao na nitondra fampaherezana indrindra ho anao?

Mba hanampiana ny mpianatra hifantoka amin’i Jesoa Kristy eo ampianaran’izy ireo ireo andininy ireo dia mampisehoa sarin’ny Mpamonjy eo afovoan’ny tabilao. Azonao atao ny manasa ny mpianatra hanoratra andian-teny momba ny Mpamonjy manodidina ilay sary, ka hamaritra amin’ny alalan’ny teniny ny zavatra azontsika ianarana momba Azy sy ny fifandraisany amin’i Mosesy sy ny zanak’Isiraely. Mety ho isan’ny ohatra amin’ireo hevi-baovao ny hoe niantso an’i Mosesy tamin’ny anarany i Jesoa (andininy 4), nahatonga ny tany ho masina ny fanatrehan’i Jesoa (andininy 5), nahita ireo fahoriana i Jesoa ary nahare ny fitarainan’ny olony (andininy 7), ary nampanantena i Jesoa fa hiaraka amin’i Mosesy (andininy 12).

Raha tsy lazain’ny mpianatra dia ampahafantaro ilay anarana fiantsoana hoe “IZAHO” (Eksodosy 3:14). Hazavao fa avy amin’ny fototeny mitovy amin’izayniavian’ny hoe Jehovah izany, izay azo adika ihany koa hoe “Izy” na ihany koa hoe “misy Izy.” Ho mora tamin’ny Isiraelita ny nahafantatra ilay anarana. Mba hanampiana ny mpianatra hahatakatra ny hevitr’izany anarana izany dia azonao atao ny manontany hoe nahoana no ho zava-dehibe ny mahafantatra fa tena misy ny Tompo ary eo mandrakariva Izy.

Azonao atao ny mametraka ity fanontaniana manaraka ity rehefa avy mizara ny valinteniny ny mpianatra.

Raha ianao no teo amin’ny toeran’i Mosesy dia inona no fanontaniana na ahiahy mety nanananao?

Hazavao fa na dia eo aza ny fanambaran’ny Tompo mikasika ny hoe iza Izy sy ny zavatra nampanantenainy dia mbola nanana ahiahy ihany i Mosesy mikasika ny antso nomena azy mba hanafaka an’i Isiraely.

Vakio ny Eksodosy 4:10–15, dia tadiavo ny fomba namahan’ny Tompo ny ahiahin’i Mosesy.

Inona no nianaranao momba ny tenin’ny mpaminany avy amin’ireo andininy ireo?

Ampio ny mpianatra hamantatra ilay fahamarinana fa miteny amin’ny alalan’ny mpaminaniny ny Tompo.
Inona no mety ho fiantraikan’ny fahalalana izany fahamarinana izany eo amin’ny fiainanao sy ny fanapaha-kevitrao?

Tadidio ny fiandohan’ny lesona sy ireo feo isan-karazany mitady hisarika ny saintsika. Eritrereto izay azonao zaraina amin’ny olona hafa mba hanampiana azy hahatakatra fa miteny amin’ny alalan’ny mpaminany ny Tompo ary tokony ho ny mpaminany no henointsika fa tsy ny feo hafa. Azonao ampidirina ao anatin’izany ny zavatra nianaranao tao amin’ny Eksodosy 3 sy ny zavatra niainanao na niainan’ny olona fantatrao ka nanampy anao hamantatra fa miteny amin’ny alalan’ny mpaminany ny Tompo.

Asao ny mpianatra hizara ny zavatra mety holazain’izy ireo. Fanontaniana fanaraha-maso ny fivoarana azo apetraka ny hoe “Tamin’ny fomba ahoana no nitahian’izany fahatakarana izany anao sy ny olona fantatrao?”

Mampihatra ny tenin’ny mpaminanin’ny Tompo eo amin’ny fiainantsika

Inona avy ireo fomba ahafahantsika mandre sy mampihatra ny tenin’ny Tompo, izay nomena tamin’ny alalan’ny mpaminaniny, eo amin’ny fiainantsika?

Amporisiho ny mpianatra maromaro hizara ohatra amin’ny fampiharana ny fampianaran’ny mpaminany. Raha manampy dia mizarà hevitra vitsivitsy toy ny hoe:

Mampihatra torohevitry ny mpaminany mahakasika zavatra manokana izay nalaina avy amin’ny lahateny tamin’ny fihaonamben’ny Fiangonana vao haingana.
Mianatra matetika kokoa ny tenin’ny mpaminany, toy ny mihaino lahateny tamin’ny fihaonamben’ny Fiangonana maneran-tany isa-maraina eo am-piomanana ho any am-pianarana.
Mamolavola drafitra handalinana ny lahateny tamin’ny fihaonamben’ny Fiangonana farany indrindra nataon’ireo mpikambana tsirairay ao amin’ny Fiadidiana Voalohany sy ny Kôlejin’ny Apôstôly Roambinifolo. (Raha afaka mampiasa izany amin’ny endrika elektrônika ny mpianatra dia azony atao ny mampiasa ny Study Plans ao amin’ny application Médiathèque de l’Évangile)

Soraty ao amin’ny diary fandalinanao soratra masina ny fomba hihainoanao sy hampiharanao ny tenin’ny Tompo amin’ny alalan’ny mpaminaniny eo amin’ny fiananao manokana. Ampidiro ao anatin’ny drafitrao ny karazana sakana heverinao fa mety hatrehanao. Soraty ny fomba mety handresenao izany isaky ny sakana tsirairay.

Hazavao amin’ny mpianatra fa hanana fahafahana izy ireo amin’ny lesona manaraka, ny Lesona 55: “Tombano ny fianaranao 3,” hanombanana ny fahaizany manatanteraka ny drafitra nataony.

Farano amin’ny fizaranao fijoroana ho vavolombelona fa miteny amin’ny alalan’ny mpaminaniny velona ny Tompo ankehitriny.

Loharanom-pitaovana fanampiny

Inona ihany koa no fantatsika mikasika ny anarana fiantsoana hoe “IZAHO”?

Nampiasa io anarana fiantsoana io ny Mpamonjy nandritra ny fiainany tety an-tany mba hanambarana tamin’ny Jiosy fa Izy no Jehovah (vakio ny Jaona 8:56–59). Niantso ny tenany ho ilay “Izy Aho lehibe” ihany koa Izy ao amin’ny Fotopampianarana sy Fanekempihavanana (Fotopampianarana sy Fanekempihavanana 29:1; 38:1; 39:1).

Ahoana no ahafahako manamafy orina ny fijoroana ho vavolombelona ananako fa nantsoin’Andriamanitra ny mpaminany?

Nanambara ny Filoha Russell M. Nelson hoe:

Ny Tompo Jesoa Kristy, izay tompon’ity Fiangonana ity, dia nanendry mpaminany sy apôstôly hampita ny fitiavany sy hampianatra ny lalany. …

Anontanio ny Rainareo any An-danitra raha toa ka tena apôstôly sy mpaminanin’ny Tompo marina izahay. Anontanio raha toa ka nahazo fanambarana mikasika izany na zavatra hafa izahay. (“The Love and Laws of God” [Fampaherezam-panahy tao amin’ny Oniversite Brigham Young, 17 sept. 2019], 3, 5, speeches.byu.edu)

Rahavavy Carol F. McConkie, izay tao amin’ny Fiadidian’ny Zatovovavy Maneran-tany teo aloha, dia nampianatra fa:

Rehefa mamaky sy mandalina ombam-bavaka ny teny masin’ireo mpaminany isika miaraka amin’ny finoana an’i Kristy omban’ny tena finiavana, dia hanambara fahamarinana ao an-tsaintsika sy ao am-pontsika ny Fanahy Masina. (“Miaina araka ny Tenin’ireo mpaminany,” Liahona,nôv. 2014, 79)

Tokony hatoky mandrakariva ny tenin’ny mpaminany ve aho?

Nizara izao ny Loholona Neil L. Andersen ao amin’ny Kôlejin’ny Apôstôly Roambinifolo:

16:5

Tamin’ny taona 1982, roa taona talohan’ny niantsoana azy ho Manampahefana Ambony, dia nilaza Rahalahy Russell M. Nelson hoe: “Tsy mba manontany tena mihitsy aho hoe, -Oviana ny mpaminany no miteny amin’ny maha-mpaminany azy ary oviana izy no tsy manao izany?- Ny zavatra nahaliana ahy dia ny hoe, -Ahoana no hahafahako hitovy kokoa aminy?-” Dia nampiany koa hoe: “Ny [fomba fisainako dia ny] manatsahatra ny fametrahana baraingo aorian’ny teny ambaran’ny mpaminany ary mametraka tsoraka kosa ho solon’izany” [Russell M. Nelson, in Lane Johnson, “Russell M. Nelson: A Study in Obedience,” Ensign, Aog. 1982, 24]. Izany no fomba nisafidian’ny lehilahy iray manetry tena sy feno aim-panahy hitarihana ny fiainany. Ankehitriny, 36 taona aty aoriana, dia izy no mpaminanin’ny Tompo. (“Ilay Mpaminanin’ Andriamanitra,” Liahona, mey 2018, 26)

Inona no ataoko raha tsy azoko ny tenin’ny mpaminany?

Nanazava izao ny Filoha Henry B. Eyring ao amin’ny Fiadidiana Voalohany:

15:17

Indraindray isika dia handray torohevitra izay tsy takantsika na toa tsy mihatra amintsika, na dia aorian’ny fanaovana vavaka lalina sy fieritreretana lalina aza. Aza lavina ilay torohevitra fa hazony mafy izany. Raha misy olona atokisanao manome anao zavatra iray izay tsy inona fa toy ny fasika miaraka amin’ny fampanantenana fa misy volamena ao anatin’izany, dia mety hihazona izany amim-pahendrena ao an-tananao ianao mandritra ny fotoana fohy ary hahontsankontsanao moramora izany. Isaky ny nanao izany tamin’ny torohevitry ny mpaminany iray aho, rehefa afaka fotoana kely dia nanomboka nipoitra ny poti-bolamena ary nankasitrahiko izany. (“Finding Safety in Counsel,” Ensign, mey 1997, 26)

Sahanasa fianarana fanampiny

Mosesy izay tandindon’i Kristy

Mba hanampiana ny mpianatra hahatakatra fa tandindona na fanehoana an’ohatra an’i Kristy i Mosesy dia azonao atao ny manasa azy ireo hampitaha ny zavatra mitovy hita ao amin’ny Eksodosy 2 sy ny Matio 2:13–16. Azon’ny mpianatra atao ny mampahafantatra fitovizana toy ny hoe:

Fony mbola zaza, na i Mosesy na i Jesoa dia samy voakasiky ny didin’ny mpanjaka mba hamonoana ny ankizy Isiraelita.
Mba hamonjena azy ireo tamin’ny didin’ny mpanjaka, dia nentin’i Josefa sy i Maria ho any Egypta i Jesoa, ary notezaina tao amina tokantrano Egyptiana iray i Mosesy.
Samy noteizana hanafaka ny olon’ Andriamanitra tamin’ny fangejana i Mosesy sy i Jesoa.

Azonao atao avy eo ny manontany ny mpianatra hoe ahoana no ampianaran’ireo fitoviana ireo sy hijoroan’izany ho vavolombelona momba an’i Jesoa Kristy.

Fihetsika hasetry ny tenin’ny mpaminany

Mba hanampiana ny mpianatra hahatakatra ny fihetsika tokony hasetriny ny tenin’ny mpaminany dia asao izy ireo hamaky ny Eksodosy 4:29–31, ary hitady ny fihetsika nasetrin’ny Isiraelita an’i Mosesy. Azonao zaraina ihany koa ity teny manaraka ity, izay nambaran’ny Filoha M. Russell Ballard (1928–2023) tao amin’ny Kôlejin’ny Apôstôly Roambinifolo:

Rehefa maheno ny torohevitry ny Tompo izay lazaina amin’ny alalan’ny tenin’ny Filohan’ny Fiangonana isika, dia tokony ho tsara sy eo no ho eo ny fihetsika hasetrintsika izany. (“His Word Ye Shall Receive,” Ensign, mey 2001, 65)

Resaho ny zavatra azontika hianarana avy amin’ny fihetsika hasetrin’ny olona sy ny teny nambaran’ny Filoha Ballard. Manontania ohatra amin’ny fomba hanehoana fihetsika tsara sy eo no ho eo ary hifanakalozy hevitra ny antony mahatonga izany safidy izany hanova zavatra.

Sahanasa fandalinana mikasika ny fampiharana ny tenin’ny mpaminany

Ireto misy fomba vitsivitsy azon’ny mpianatra hanaovana fanazaran-tena mampihatra ny tenin’ny mpaminany eo amin’ny fiainany. Amin’ny sahanasa voalohany dia afaka mandalina ny tenin’ny mpaminany amin’ny endrika nomerika ny mpianatra, na azonao atao ihany koa ny manome ny tahadikan’ny edisionan’ny Fihaonamben’ny Fiangonana maneran-tany amin’ny Liahona na manao printy ny hafatra nivoka farany.

Asao ny mpianatra hanao fikarohana ao amin’ireo hafatra nomen’ny mpaminany sy ny apôstôly amin’izao fotoana izao (avy amin’ireo zavatra navoaka ao amin’ny tambajotran-tserasera, lahatenin’ny Fihaonamben’ny Fiangonana maneran-tany, na fampianarana hafa). Angataho ny mpianatra hitady andian-teny manan-danja amin’izy ireo. Asao izy ireo hanoratra izany andian-teny izany eo amin’ny solaitrabe.
Misafidiana andiam-pehezan-teny na fampianarana avy amin’ny maro amin’ireo lahateny farany indrindra nataon’ny mpaminany. Misafidiana ampahan-dahatsoratra izay heverinao fa mety amin’ny mpianatrao. Ataovy toy ny taratasy zaraina izany ampahan-dahatsoratra izany ary asao ny mpianatra handalina izany ampahan-dahatsoratra izany toy ny hoe niteny mivantana tamin’izy ireo ny Tompo. Azon’izy ireo atao ny manisy marika izay zavatra nanan-danja tamin’izy ireo.