Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Эхлэл 42–45: “Би бол таны дүү Иосеф”

“Эхлэл 42–45: ‘Би бол таны дүү Иосеф,’” Хуучин Гэрээний семинарын багшийн гарын авлага (2026)

“Эхлэл 42–45: ‘Би бол таны дүү Иосеф,’” Хуучин Гэрээний семинарын багшийн гарын авлага

35-р хичээл: Эхлэл 42–45

Эхлэл 42–45

Би бол таны дүү Иосеф

A painting by Ted Henninger showing Joseph of Egypt surrounded by his brothers, smiling and showing forgiveness toward them.

Египетэд боол болж худалдагдсанаасаа хойш олон жилийн дараа Иосеф ах нартайгаа нэгдэв. Тэр туулсан бүх зовлон зүдгүүрээсээ болж уурлаж, өш хонзон санаж болох байсан. Гэсэн хэдий ч Иосеф Аврагчийн нэгэн адил өөртэй нь зүй бус харьцсан ах нартаа нигүүлсэл, өршөөл үзүүлэхийг сонгожээ. Энэ хичээл Аврагчийн үлгэр жишээг дагаж, илүү өршөөнгүй болоход нь суралцагчдад тусална.

Суралцагчийн бэлтгэл: “Бүх хүнийг уучлах” (Сургаал ба Гэрээ 64:10) Аврагчийн зарлигийг тунгаан бодохыг суралцагчдад санал болго. Хэн нэгнийг уучилснаар тэдний өөрсдийн эсвэл бусдын хүлээн авсан адислалуудыг жагсаан бичихийг тэднээс хүс.

Боломжит суралцах үйл ажиллагаа

Египетийн Иосеф

Хичээлээ эхлэхдээ Эхлэл 37–41 дээрх Египетийн Иосефын түүхийг товчхон дүгнэхэд суралцагчдыг урих талаар бодож үз. Та Иосефын ах дүүсийн өрөвдөх сэтгэлгүй үйлдлүүд болон Иосефыг Египетийн бүх газар нутгийн хоёрдугаар захирагч болоход хүргэсэн үйл явдлуудыг товч дүгнэхийг тэднээс хүсэж болно.

Уг түүхийг товч хураангуйлахад суралцагчдад туслахын тулд 33-р хичээл: Эхлэл 37–41 дээрх дижитал зургийг ашиглаж болно.

Ах нарынхаа үйлдлээс болж Иосеф ямар ямар зовлон амссан бэ?
Танд хэн нэгэн ингэж хандсан бол ямар санагдах байсан бэ?
Бусдыг уучлахад юу саад болж болох вэ?

Хэн нэгнийг гомдоох зүйл хийж, хэлсний хариуд та ямар үйлдэл гаргадгаа эргэцүүлэн бод. Өнөөдөр судлах явцдаа та Аврагчийн өршөөлийн үлгэр жишээг хэрхэн дагаж болохыг мэдэхэд туслах Ариун Сүнснээс хүлээн авч болох аливаа мэдрэмжид анхааралтай ханд.

Иосеф ах нартайгаа нэгдсэн нь

Дараах дүгнэлтийг эргэн хараад, дагалдах шүлгийг судал.

1-р дүгнэлт: Ах нар нь Иосефыг боол болгон худалдсанаасаа хойш олон жилийн дараа өлсгөлөнгөөс ангижрахаар Египетийг зорьжээ. Египетийн бүх газар нутгийн хоёрдугаар захирагч болсон Иосефын өмнө өөрсдийгөө танилцуулахдаа ах нар нь түүнийг таньсангүй. Иосефыг тэднийг таньж, ойлгож чадна гэдгийг мэдэлгүйгээр ах нар олон жилийн өмнө түүнд хийсэн зүйлдээ гашуудаж, гэмшиж байгаагаа илэрхийлэв.

Эхлэл 42:21–24-ийг уншаад, ах нар нь өөрт нь хэрхэн хандсан тухай ярихыг нь сонсоод, Иосеф юу хийснийг олж мэд.

2-р дүгнэлт: Иосеф гэр бүлээ хоол хүнсээр хангасан хэдий ч Симеоныг шоронд хорьж, бусад ахдаа отгон дүү Бенжаминыг авчрахгүй бол Египет рүү буцаж ирэхгүй байхыг зааварлажээ. Ах нар нь гэртээ буцаж очоод, гэр бүлийнхэн нь дахин хүнсгүй болох үед л Бенжаминтай хамт Египет рүү буцаж ирэв.

Эхлэл 43:30-ийг уншаад, Иосеф дүү Бенжаминаа хараад, хэрхэн хүлээн авсныг олж мэд.

3-р дүгнэлт: Иосеф ах нар нь Бенжаминыг хэр хайрладгийг нь сорьж шалгахын тулд түүнийг хулгай хийсэн гэж гүтгээд, шоронд хорино гэж сүрдүүлэв. Иуда Бенжамины амины төлөө өөрийн амийг өргөв.

Эхлэл 45:1–2-ыг уншаад, Бенжаминыг хамгаалахын тулд Иуда сайн дураараа амиа өргөж буйг Иосеф хараад, хэрхэн хүлээн авсныг олж мэд.

Суралцагчдад дүгнэлтийг судлах боломж олгосны дараа та тэднийг дараах асуултыг ярилцахад урьж болно.

Иосеф ах нартайгаа харилцахдаа Тэнгэрлэг Эцэг, Есүс Христ хоёрын талаар юуг санах нь түүнд тустай байсан бэ?

Тэнгэрлэг Эцэг, Есүс Христ хоёр өршөөдөг

Дараах судрууд нь Тэнгэрлэг Эцэг, Есүс Христ хоёрын өршөөж, уучилдаг мөн чанарыг илэрхийлнэ. Та суралцагчдад эдгээр судрыг үзүүлж, аль эсвэл Тэнгэрлэг Эцэг, Есүс Христ хоёрын өршөөж, уучилдаг мөн чанарын талаарх судрын хэсгүүдийг олуулж болно.

Дараах судруудыг уншаад, ад үзэгдсэн хүнд Тэнгэрлэг Эцэг, Есүс Христ хоёрын талаар юуг мэдэх нь тустай болохыг олж мэд.

Лук 6:36

Ефес 4:31–32

Колоссай 3:13

Та эдгээр шүлгээс юуг хуваалцах вэ?

Эхлэл 45:3–8, 9–15-ыг уншаад, Иосеф ах нартаа яаж хандсаныг олж мэд.

Бид Иосефын жишээнээс Тэнгэрлэг Эцэг, Есүс Христ хоёртой адилхан болох талаар юу мэдэж авах вэ?

Суралцагчид өөр өөр үнэнийг тодорхойлж болно. Тэдний хуваалцсан зүйлд талархаж, яагаад энэ сургаал, зарчмыг бид мэдэж байх нь чухал гэж бодож байгааг тэднээс асуу. Хэрэв суралцагчид энэ тухай дурдаагүй бол дараах үнэнийг хуваалцаж, самбарт бич. Бид бусдыг уучилснаар Тэнгэрлэг Эцэг, Есүс Христтэй адил болно.

Бид Аврагчид найдсанаар бусдыг уучилж чадна

Ерөнхийлөгч Рассэлл М.Нэлсон бид бусдыг уучлахдаа Аврагчийн хүчинд хэрхэн найдахыг ойлгоход тусалсан.

17:18

Хэрэв одоо уучлах боломжгүй мэт санагдаж байвал Есүс Христийн цагаатгагч цусаар дамжуулан танд туслах хүчийг хичээнгүйлэн гуй. Таныг ийн үйлдэх үед хувийн амар амгалан, сүнслэг инерц урсан орж ирнэ гэдгийг би амлаж байна.

Аврагч бүх хүн төрөлхтний төлөө Цагаатгал үйлдэхдээ Өөрийг нь дагадаг хүмүүст Өөрийн эдгээх, хүчирхэгжүүлэх, гэтэлгэх хүчээс хүртэх замыг нээж өгсөн. Эдгээр сүнслэг давуу эрх нь Түүнийг сонсож, Түүнийг дагахыг эрэлхийлдэг бүх хүнд боломжтой. (“Сүнслэг инерцийн хүч,” Лиахона, 2022 оны 5-р сар, 100)

Ерөнхийлөгч Нэлсоны сургаал бидэнд бусдыг уучлахад хэрхэн туслах вэ?
Хэрэв хэн нэгэн уучилж чадахгүй байвал та түүнд юу гэж зөвлөх байсан бэ? Аврагчид найдахын тулд та тэдэнд юу хий гэж зөвлөх вэ?

Хэрэв сүүлчийн асуултад нь тусламж хэрэгтэй бол та суралцагчдад Сургаал ба Гэрээ 64:9–11 дээрх Их Эзэний зөвлөгөөг, ялангуяа 11-р шүлэг-ийг үзэхийг санал болгож болно.

Өөрсдөө эсвэл тэдний таньдаг хэн нэгэн бусдыг уучилж чадсан туршлагаа хуваалцахад суралцагчдыг урих талаар бодож үз. Өөрсдийнхөө болон таньдаг хүнийхээ хэт хувийн чанартай мэдээллийг хуваалцахгүй байхыг суралцагчдад сануулах нь тустай байж болно. Та мөн өөрийнхөө туршлагаас хуваалцаж болно.

Биднийг уучилж сурахад туслаач

Тэнгэрлэг Эцэг, Есүс Христ хоёртой адил болох талаар юу сурч, мэдэрснээ эргэцүүлэн бодоход нь суралцагчдад туслахын тулд та суралцагчдын судлах тэмдэглэлдээ хийж болох дараах үйл ажиллагааны заримыг үзүүлж болно.

Өнөөдөр судалж байхад мэдэрсэн мэдрэмжүүдээ залбирч тунгаан бод. Өөрчлөх ёстой зүйлээ таньж мэдэхэд туслахад Ариун Сүнсийг урь. Бусдыг уучлах чадварыг тань нэмэгдүүлэхэд туслахыг Тэнгэрлэг Эцэгээс хүс.

Судлах тэмдэглэлдээ дараах үйл ажиллагаануудаас нэгийг сонгож гүйцэтгэ.

Бусдыг уучлахын тулд гаргасан хичээл зүтгэлийхээ төлөө хэрхэн адислагдсан тухай товч дүгнэлт бич. Хичээл зүтгэл гаргахдаа Аврагчийг оруулахын тулд юу хийснээ жагсаан бич. Дараагийн удаа хэн нэгнийг уучлах шаардлагатай бол юуг санах нь чухал гэж та бодож байна вэ?
Та хэн нэгнийг уучлах хэрэгтэй эсэхээ залбиран бодож үз. Тэр хүнийг уучлахад ямар мэдрэмж төрж байгаагаа тодорхойлсон товч бичвэр бич. Юу бусдыг уучлахад тань саад болж байгааг та анзаарч байна вэ? Ийн хийхэд Аврагчийн тусламжийг эрэлхийлж болох зарим арга замыг жагсаан бич.
Хэн нэгнийг уучлах гэж хичээж байгаа найздаа тус болох захидал бич. Иосефын ах нараа уучлах сонголт нь Аврагчийнхтай хэрхэн адил байсныг товч тайлбарла. Бусдыг уучлахыг хичээхэд чухал түлхэц өгч байсан судрын хэсгийг оруул.

Хүсвэл бичсэн зүйлээ хуваалцахад хэдэн суралцагчийг урьж болно. Хүлээн авсан сүнслэг мэдрэмжийнхээ дагуу үйлдэхэд суралцагчдыг урьснаар хичээлээ дуусгах талаар бодож үз. Бид Аврагчийн үлгэр жишээг даган бусдыг уучилснаар хүлээн авах боломжтой адислалуудын тухай гэрчлэлийг та хуваалцаж болно.

Нэмэлт эх сурвалж

Бусдыг уучлахыг хичээж байхдаа би өөр юуг санаж явбал зохих вэ?

16:13

Арван хоёр төлөөлөгчийн чуулгын ахлагч Жэффри Р.Холланд бидэнд ийн сануулсан.

Шинэ Гэрээний үед Христ “Уучлагтун, тэгвэл та нар мөн уучлагдана” гэж заасан. Мөн өнөө үед “Их Эзэн, бибээр өршөөх түүнийгээ би өршөөх болно, харин бүх хүмүүнийг уучлах нь та нараас шаардагдана” хэмээн заасан. Гэвч та нарын зарим нь үнэхээр зовлон зүдгүүртэй амьдарч байгаа бол Аврагчийн юу гэж хэлээгүйг анхаарах нь чухал. “Та нарт бусдаас болж тохиолдсон тэрхүү гомдмоор явдлаас үүссэн жинхэнэ шаналал эсвэл бодит зовлонг та нар мэдэрч болохгүй” гэж Тэр хэлээгүй. “Бүрэн уучлахын тулд та нар хор хөнөөлтэй харилцаагаа үргэлжлүүлэх эсвэл хүч хэрэглэсэн, хөнөөлтэй нөхцөл байдал руу эргэн очих хэрэгтэй” гэж Тэр хэлээгүй. Дэндүү их гомдоох явдал тохиолдсон ч гэсэн, хэрвээ бид хөлөө жинхэнэ эдгэрлийн зам дээр тавих юм бол зовлон шаналлаа даван гарч чадна. Энэ нь бидний хүн нэг бүрийг “Ирж, намайг дага” хэмээн дууддаг Назарын Есүсийн алхсан өршөөлийн зам билээ. (“Эвлэрлийн тохинуулал,” 2018 оны 10-р сарын Ерөнхий чуулган, 78–79)

Бусдыг уучлахад Аврагч намайг хэрхэн адисалж болох вэ?

Ерөнхийлөгч Рассэлл М.Нэлсон ийн заасан.

“Аав аа, тэднийг уучлаач, учир нь тэд юу хийж байгаагаа мэдэхгүй байна” (Лук 23:34).

Аврагч Есүс Христийн загалмайд цовдлогдохдоо хэлсэн эдгээр үг бидний амьдралдаа дагах загвар юм Тэр бидэнд дайснуудаа хайрлаж, биднийг үзэн яддаг хүмүүст сайныг үйлдэхийг, тэр ч байтугай биднийг хүнлэг бусаар ашиглах тэдний төлөө залбирахыг заасан.

Бид бусдыг уучлахаар сонгохдоо Их Эзэнд бидний сэтгэлээс хорыг зайлуулахыг зөвшөөрдөг. Бид Түүнд зүрх сэтгэлийг маань тайвшруулж, зөөлрүүлэхийг зөвшөөрдөг бөгөөд ингэснээр бусдыг, ялангуяа бидэнд муу муухай зүйл хийсэн хүмүүсийг Бурханы үрс, ах эгч нар шигээ харах боломжтой.

… Би та бүхнийг таны уучлах ёстой эсвэл та уучлагдахыг хүсэж байгаа хүн байгаа эсэхийг залбирч тунгаан бодож үзэхийг урьж байна. Аврагч таныг уур хилэн, өшөө хорсол, өвдөлтөөс ангижруулна гэдгийг би амлая. Энх амгалангийн Ханхүү танд амар амгаланг авчрах болно.

… Уучлалын баяр баясал, гайхамшгийг мэдрэхэд бидэнд туслах амилсан Их Эзэнд хандах болтугай. (Facebook, Apr. 2, 2023, facebook.com/russell.m.nelson)

Нэмэлт суралцах үйл ажиллагаа

Эхлэл 48–49; Санваарын адислал

Тайлбар: Иаков хөвгүүдээ хэрхэн патриархын адислалаар адисалсныг Патриархын адислалууд хичээлээр заана. Ерөнхийдөө энэ үйл ажиллагаа санваарын адислал дээр төвлөрдөг.

Санваарын адислалын хүчийг ойлгоход нь суралцагчдад туслахын тулд та суралцагчдыг Эхлэл 48:8–16-г уншаад, Иаковын (Израил болгон өөрчилсөн) Иосеф, Ефраим, Манассе нарт өгсөн санваарын адислалуудыг олж мэдэхэд урьж болно.

Та эсвэл таны таньдаг хүн санваарын адислалаар хэрхэн адислагдсан бэ?

Суралцагчид эцгийн адислал, өвчтэй хүмүүсийг эдгээх, дуудлага, томилолтоор томилогдох зэрэг туршлагаа хуваалцаж болно. Санваарын адислал нь Тэнгэрлэг Эцэг, Есүс Христ хоёртой илүү ойр байхыг мэдрэхэд хэрхэн тусалсан талаар хуваалцахад суралцагчдыг урь. Тэргүүн зөвлөлийн ерөнхийлөгч Даллин Х.Өүксийн юу гэж зааж байсныг суралцагчдад сануулж болно.

Мөн эцгүүд хайраар дүүрэн гэр бүлийн харилцааг үүсгэх ёстой. Тэгснээр гэр бүлийн гишүүд нь тэднээс адислал хүсэх болно. Түүнээс гадна эцэг эхчүүд гэр бүл дотроо санваарын адислалыг илүү их авдаг байх хэрэгтэй. (“Санваарын хүч,” 2018 оны 4-р сарын Ерөнхий чуулган, 67)

Уучлахаас татгалзахын ачаа дарамт

Уучлахаас татгалзсанаар шаардлагагүй ачаа дарамт үүрдгийг ойлгох нь суралцагчдад тустай гэж үзвэл та дараах хичээлийг үзүүлж болно.

Суралцагчдаас цаасан онгоц хийхийг хүс. Дараа нь онгоцны нэг талд зоос, чулуу, эсвэл хүндэвтэр зүйл наа. Суралцагчдаас онгоцыг өрөөний нөгөө тал руу зөөлөн шидэхийг хүс. Дараа нь онгоцоо аваад наасан зүйлийг ав. Суралцагчаас онгоцоо дахин шидэхийг хүс. Та энэ үзүүлэнт хичээл уучлах хэрэгтэйг хэрхэн харуулж байгааг хуваалцахад суралцагчдыг урьж болно. Дараах ярилцлагын асуултуудыг оруулж болно.

Ганцхан хүнд зүйл онгоцыг зөв нисгэхэд хэрхэн саад болж байна вэ? Энэ жишээ нь уучлахаас татгалзахтай юугаараа адил байж болох вэ?
Биднийг итгэлээр үйлдэн хэн нэгнийг уучлахад Аврагч бидний хичээл зүтгэлийг хэрхэн адислах вэ?

Иосеф бол Христтэй адил нэгэн болой

33-р хичээл: Эхлэл 37–41-д суралцагчид Иосефыг Христийн амьдралын сонгодог жишээ мөн гэдгийг тодорхойлоход туслах хүснэгтийг гаргасан байж болно. Хичээлд тус дэм болох үүднээс зөвхөн судрын эшлэл бүхий дараах хүснэгтийг үзүүлэх талаар бодож үз. Та суралцагчдыг хамтрагчтайгаа эсвэл бүлгийнхэнтэйгээ судрын хэсгүүдийг товч хураангуйлахад урьж болно. Иосефын амьдралыг Христийн амьдралын сонгодог жишээ, тусгал нь гэж харах нь суралцагчдад сорилттой тулгарах үед Түүний хүчийг олж харахад тусалж чадна.

Египетийн Иосеф	Есүс Христ
Египетийн Иосеф Эхлэл 45:3–5 (Иосеф өөрт нь муу муухай зүйл үйлдсэн хүмүүсийг уучилсан)	Есүс Христ Мозая 26:30
Египетийн Иосеф Эхлэл 45:1–5 (Иосеф ах нарыгаа хоёр дахь удаа ирэхэд нь өөрийгөө таниулав)	Есүс Христ Матай 24:30–31
Египетийн Иосеф Эхлэл 47:13–19 (Иосеф хүмүүсийг талх тариа өгч аварсан)	Есүс Христ Иохан 6:35, 51