Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Мосе 4:5–32; 5:1–15, 1-р хэсэг: “Тэдний хоёулангийнх нь нүд нээгдэв”

“Мосе 4:5–32; 5:1–15, 1-р хэсэг: ‘Тэдний хоёулангийнх нь нүд нээгдэв,’” Хуучин Гэрээний семинарын багшийн гарын авлага (2026)

“Мосе 4:5–32; 5:1–15, 1-р хэсэг: ‘Тэдний хоёулангийнх нь нүд нээгдэв,’” Хуучин Гэрээний семинарын багшийн гарын авлага

11-р хичээл: Эхлэл 3–4; Мосе 4–5

Мосе 4:5–32; 5:1–15, 1-р хэсэг

“Тэдний хоёулангийнх нь нүд нээгдэв”

Бидний анзаардаг үгүйгээс үл шалтгаалан Адам, Ева хоёрын Уналт бид бүгдэд өдөр бүр шууд нөлөөлдөг. Үнэнийг хэлэхэд үүнгүйгээр бид төрөх ч үгүй байсан. Энэ хичээлийн зорилго Уналт Тэнгэрлэг Эцэгийн төлөвлөгөөнд болон өөрсдийнх нь амьдралд хэрхэн нөлөөлдгийг суралцагчдад ойлгуулах явдал юм.

Суралцагчийн бэлтгэл: Суралцагчдыг төгс эзэмших сургаал 2 Нифай 2:25 хэсгийг цээжилж, эцэг эхээсээ эсвэл Сүмийн удирдагчаас энэ нь тэдэнд ямар утга учиртай болохыг асуу.

Боломжит суралцах үйл ажиллагаа

Сайн уу, муу юу?

Хичээлээ эхлэхдээ суралцагчдыг зарим хэцүү зүйл Бурханы төлөвлөгөөнд хэрхэн адислал болдгийг бодоход тусал. Үүнийг хийх нэг арга нь дараах онооны хүрдийг ашиглах юм. Суралцагчдын үнэлэх үгсийг илэрхийлсэн зургийг та үзүүлж болно.

1–10 (1 = муу, 10 = сайн) оноог ашиглан, ихэнх хүн дараах зүйлсийг юу гэж үнэлнэ гэж бодож байна вэ?

Шаргуу ажил

Сорилт

Уй гашуу

Үхэл

Эдгээр зүйлийг Тэнгэрлэг Эцэгийн төлөвлөгөөний дагуу мөнхийн ач холбогдлоор нь харвал эдгээрийн үнэлгээг та өөрчлөх үү? Тийм бол яагаад?

Энэ хичээлийн эхэнд байгаатай адил Адам, Ева хоёрын зургийг үзүүл. Та зургийг хичээл дуустал авалгүй байлгаж болно.

Бидний амьдралдаа туулдаг олон бэрхшээл бидний анхны эцэг эх Адам, Ева хоёрын сонголтын улмаас ирсэн.

Хүмүүсийн олон нь Адам, Ева хоёрын уналтыг 1-ээс 10-ын хооронд хэрхэн үнэлнэ гэж та бодож байна вэ? Яагаад?

Адам, Ева хоёрын уналт ба үүний таны амьдрал дахь утга учрыг та хэр ойлгодгоо тунгаан бод. Судлах тэмдэглэл дээрээ дараах асуултуудад хариулж бич.

Уналт сайн муу байсан эсэх дээр та юу гэж боддог вэ?
Есүс Христийн Цагаатгалын тухай таны ойлголт энэ асуултад хариулахад хэрхэн нөлөөлөх вэ?

Мосе 4–5-ыг өнөөдөр судлахдаа Адам, Ева хоёрын уналтын талаар илүү сайн ойлгохын тулд Ариун Сүнсний удирдамжийг эрэлхийл. Уналт нь Түүнтэй илүү адилхан болоход бидэнд туслах Тэнгэрлэг Эцэгийн төлөвлөгөөний хэсэг гэдгийг ойлгоход Ариун Сүнс тусалж чадна.

Уналтын үр дагаврууд

Уналтын талаар сурч мэдсэн зүйлсээ эмхэтгэхийн тулд дараах зааврын дагуу товхимол хийгээрэй. Энэ товхимлоо ашиглан бусдад Уналтын талаар болон энэ нь яагаад Тэнгэрлэг Эцэгийн төлөвлөгөөнд зайлшгүй хэрэгтэй байсныг тайлбарлана гэж төсөөлөөрэй. Товхимлоо бүтээлч байдлаар өөрийн болгоорой.

Цаасыг дундуур нь нугал. Товхимлынхоо нүүр хуудсыг “Тэнгэрлэг Эцэгийн төлөвлөгөөн дэх Уналт” гэх зэргээр гарчиглаарай. Танд Уналтыг сануулдаг жимсний мод эсвэл нэг жимс гэх мэт зураг зурах юм уу нэмж оруулаарай.
Товхимлоо нээгээд, зүүн талын эхний хуудсыг “Уналтын үр дагавар” хэмээн гарчигла.
Мосе 4:13–16, 22–25, 28–29; 5:1–4-ийг судал. Бурханы хүүхдүүдэд Уналтаас ирсэн үр дагавруудыг жагсаан бичиж эсвэл зураарай. Товхимолдоо үр дагавар бүрийг сурч авсан судрын шүлгүүдийг бичээрэй.

Хангалттай хугацаа өгсний дараа цөөн суралцагчийг товхимлоо ангийнхандаа хуваалцахыг хүс. Оруулалгүй үлдээсэн зүйлсээ товхимол дээрээ нэмж бичихийг суралцагчдад уриал.

Адам, Ева хоёрын үр удамд дараах зүйлс тохиодгийг суралцагчид гаргаж ирсэн байхад анхаар. Үүнд:

Бурханы оршихуйд очиход бэлэн биш байгаагаа мэдрэх (Мосе 4:13–16).
Хүүхэдтэй болох (Мосе 4:22; 5:2–3).
Шаналал, өвдөлт, хэцүү бэрхийг туулна (Мосе 4:22–24).
Амьдрахын тулд шаргуу хөдөлмөрлөнө (Мосе 4:25; 5:1–3).
Сайныг хилэнцээс ялгаж мэдэх (Мосе 4:28).
Бие махбодын үхэл (Moсе 4:25).
Бурханы оршихуйгаас тусгаарлагдах (сүнслэг үхэл) (Мосе 5:4).

Бурханаас тусгаарлагдахыг “сүнслэг үхэл” гэж нэрлэдэг болохыг тайлбарла. Үүнийг бид бүгд туулдаг.

Уналтын зарим тодорхой үр дагавар бидэнд “үхэшгүй байдал ба мөнх амьдрал” руу өсөн дэвжихэд хэрхэн тусалдаг вэ (Moсе 1:39).

Бурхан Адам, Ева хоёрыг унахыг зөвшөөрсөн нь Түүний хүүхдүүдээ гэх мэргэн ухаан, хайрыг хэрхэн харуулдаг вэ?

Уналтын ямар үр дагавар таны амьдралд хамгийн хүнд санагддагийг тунгаан бод.

Дараагийн хичээлээр Уналтын сөрөг үр дагавруудыг давахад гүйцэтгэсэн Аврагчийн үүргийг судлах үеэр энэхүү товхимлоо дуусгана гэдгийг суралцагчдад тайлбарла.

Уналтын гүйцэтгэсэн зайлшгүй үүрэг

Мормоны Номын бошиглогч Лихай Уналтын ач холбогдлыг тайлбарласан.

2 Нифай 2:22–25-ыг судлахдаа Уналт яагаад сайн зүйл байсныг олж мэд.

Та Уналтын тухай юу олж мэдсэн бэ?

Суралцагчид хэд хэдэн үнэнийг хэлж болох ч Уналт нь бид Тэнгэрлэг Эцэгийн төлөвлөгөөний дагуу өсөж хөгжихөд зайлшгүй хэрэгтэй байсан гэдгийг ойлгосон байх ёстой.

Тэнгэрлэг Эцэг Адам, Ева хоёрыг болон тэдний үр удмыг Уналтаар дамжуулан баяр баяслыг авах боломжийг өгсөн гэдгийг суралцагчдадаа ойлгуулаарай. Тэднээс товхимол дээрээ “Уналтын үр дагаврууд” гарчгийн доор “баяр баясал” гэж бичихийг хүс. Суралцагчдаасаа 2 Нифай 2:25-ыг цээжээр уншиж чадах эсэхийг асууж болно.

Арван хоёр төлөөлөгчийн чуулгын ахлагч Жэффри Р.Холланд Уналт яагаад бидний амьдралд зайлшгүй хэрэгтэйг тайлбарлажээ.

Уналт бол Тэнгэрлэг Эцэгийн авралын төлөвлөгөөний салшгүй хэсэг мөн. Үүнгүйгээр Адам, Ева хоёрт ямар ч мөнх бус хүүхэд төрөхгүй байх байсан ба хүмүүний гэр бүлд эсрэг тал, өсөлт хөгжил, ёс суртахууны сонгох эрх, амилуулалтын баяр баясал, гэтэлгэл, мөнх амьдрал гэж байхгүй байх байсан. (Christ and the New Covenant: The Messianic Message of the Book of Mormon [1997], 207)

Товхимлынхоо “Уналтын үр дагаврууд” хуудсыг эргэн хар.

Таны мөнхийн өсөлт хөгжилд Уналт хэрхэн эергээр нөлөөлсөн бэ?
Уналтын аль үр дагавраас бид аврагдах шаардлагатай байдаг вэ?

Үүнд хэд хэдэн зүйл байдгийн дотор бие махбодын үхэл, сүнслэг үхэл хоёроос бид өөрсдийгөө аварч чадахгүйг ойлгуулаарай.

2 Нифай 2:26-ийн эхний өгүүлбэрийг уншаад, Бурханы хүүхдүүдэд зориулсан сайн мэдээг олж мэд.

Та нар юу олж мэдсэн бэ?

Суралцагчдад дараагийн хичээлээр Уналтын үр дагавруудаас биднийг гэтэлгэдэг Мессиагийн үүрэг дээр төвлөрнө гэдгийг мэдэгд.

Суралцагчдад хичээлийн эхэнд гүйцэтгэсэн үнэлэх үйл ажиллагааг сануул. Тэд одоо Адам, Ева хоёрын уналтыг 1-ээс 10-ын хооронд хэрхэн үнэлэхийг асуу. Суралцагчид дараа нь хажууд суугаа хүндээ Уналт яагаад сайн зүйл болохыг мөн энэ нь өөрсдийнх нь амьдралд болон тэдний Тэнгэрлэг Эцэгийн төлөвлөгөөн дэх өсөлт хөгжилтөд хэрхэн нөлөөлдгийг тайлбарлаж болно.

Хичээлээ төгсгөхдөө Уналтаас биднийг гэтэлгэхээр Өөрийн хүүг илгээснээр биднийг хайрлах хайраа харуулсан Тэнгэрлэг Эцэгийн мэргэн ухаан, хайрыг гэрчилж болно.

(Дараагийн хичээл дээр товхимлоо дуусгах тул суралцагчдыг товхимлоо авчрахыг эсвэл хураалгаад буцааж авч болохыг сануулаарай.)

Нэмэлт эх сурвалж

Адам, Ева хоёр сайн, муугийн мэдлэгийн модны жимснээс идэхдээ нүгэл үйлдсэн үү?

Ерөнхийлөгч Жозеф Фийлдинг Смит (1876–1972) ийн заасан.

Адам юу хийсэн бэ? Их Эзэний өөрөөр нь хийлгэхийг хүссэн зүйлийг хийсэн. … Адам хориглогдсон жимснээс хүртэхдээ нүгэл үйлдсэн үү? … Үгүй, тэр тэгээгүй!

… [Мосе 3:16–17] Үүнийг би ингэж ойлгодог: Их Эзэн Адамд, сайн ба муугийн мэдлэгийн мод энд байна. Хэрэв энд үлдэхийг хүсэж байвал чи уг жимсийг идэж болохгүй. Хэрэв энд үлдэхийг хүсэж байвал чамд үүнийг идэхийг хориглож байна. Гэхдээ өөрсдөө сонголт хийж, хүсвэл идэж болно. Хэрэв чи идвэл үхэх болно гэж хэлжээ.

Хууль зөрчих, нүгэл үйлдэх хоёрын хооронд асар том ялгаа байдаг гэж би хардаг. (“Fall—Atonement—Resurrection—Sacrament,” in Charge to Religious Educators, 3rd ed. [1994], 124)

Тэргүүн зөвлөлийн ерөнхийлөгч Даллин Х.Өүкс ийн тайлбарласан.

Ева бол мөнх бус амьдралыг авчрахын тулд Еден дэх хязгаарлалтыг зөрчсөн анхны хүн юм. Түүний үйлдэл юунаас үүдэлтэй байснаас үл хамааран зөрчил байсан ч үнэн хэрэгтээ мөнх амьдралын үүдийг нээх, мөнхийн бөгөөд алдар суут хэрэгцээ шаардлага байв. Адам мөн адил үйлдэн, мэргэн ухаантай гэдгээ харуулсан. Ийнхүү Ева мөн ‘Aдам хүмүүн байж болохын тулд унасан’ (2 Нифай 2:25).

Христийн шашинтай зарим хүн Евагийн үйлдлийг буруушаадаг бөгөөд Ева болон түүний охид үүний хор уршгийг ямар нэг байдлаар үүрдэг хэмээн дүгнэдэг. Харин хожмын үеийн гэгээнтнүүд тэгж боддоггүй! Илчлэлтэд мэдэгдсэнээр, бид Евагийн үйлдэлд баярлаж, Уналт хэмээх нэртэй агуу үйл явдлын үеэр гаргасан мэргэн ухаан, эр зоригийг нь эрхэмлэн хүндэлдэг. (“The Great Plan of Happiness,” Ensign, 1993 оны 11-р сар, 73.)

Адам, Ева хоёр Едений цэцэрлэгт байхдаа яагаад хүүхэдтэй болж болоогүй вэ?

Тэргүүн зөвлөлийн ерөнхийлөгч Даллин Х.Өүкс ийн хэлсэн.

Адам, Ева хоёр анхны зарлигийг хүлээж аваад, сүнсний дэлхийд дахин амьдрахаа больж, бие махбодтой байсан ч үхэх боломжгүй, нөхөн үржих чадвар ч байхгүй шилжилтийн байдалд байсан. Тэд Едений цэцэрлэг дэх аз жаргал, мөнх бус амьдралын аймшигт сорилт, гайхалтай боломж зэргийн хоорондох саадыг зөрчилгүйгээр Эцэгийн анхны зарлиг [болох өсөж үржин дэлхийг дүүргэх зарлигийг] гүйцэлдүүлэх боломжгүй байсан юм. (“The Great Plan of Happiness,” Ensign, 1993 оны 11-р сар, 72–73)

Moсе 4:22. Адам Еваг “захирах болно” гэж юу гэсэн үг вэ?

Ахлагч Брюс С.Хэфэн, Мари К.Хэфэн эгч хоёр ийн тайлбарласан.

Бие биеэсээ хамааралтай, эрх тэгш хамтрагчид гэдэг ойлголт сэргээгдсэн сайн мэдээний сургаалд бат суурилсан байдаг. …

Эхлэл 3:16 дээр Адам Еваг “эзэгнэнэ” гэсэн байдаг ч энэ нь Адам дарангуйлагч болно гэсэн үг биш юм. … Түүнчлэн еврей хэл дээрх “эзэгнэх” (rule over) дээрх over гэдэг үг нь бэт гэж үг байдаг бөгөөд энэ нь эзэгнэх бус харин хамтдаа захирах гэсэн утгатай байдаг. Хэрэв хүн “[бага ч болов ёс бусаар] эзэгнэ[вэл]” (Сургаал ба Гэрээ 121:37; тодотгол нэмсэн), Бурхан тэр хүний эрх мэдлийг үгүй болгодог. (“Crossing Thresholds and Becoming Equal Partners,” Ensign, 2007 оны 8-р сар, 26, 27)

Арван хоёр төлөөлөгчийн чуулгын ахлагч Дэйл Г.Рэнланд, Рут Л.Рэнланд эгчийн хамт ийн тайлбарласан.

[Зөв шударга нөхөр] нь “тохинуулахыг эрэлхийлэх болно; тэр алдаагаа хүлээн зөвшөөрч, уучлал эрэх болно; тэр магтахдаа хурдан байж, гэр бүлийн гишүүдийнхээ эрхэмлэдэг зүйлсэд анхаарал тавих болно; мөн тэрээр гэр бүлээ ‘амьдралын хэрэгцээ болон хамгаалалтаар хангах тал дээр үүргээ ухамсарлана; тэр эхнэртээ маш их хүндэтгэлтэй хандаж, анхаарал тавина. … Тэрээр гэр бүлээ адислах болно. (The Melchizedek Priesthood: Understanding the Doctrine, Living the Principles [2018], 23)

Нэмэлт суралцах үйл ажиллагаа

Авралын төлөвлөгөө

Суралцагчдад Уналтыг Тэнгэрлэг Эцэгийн авралын төлөвлөгөөний хүрээнд авч үзвэл тустай байх болно. Суралцагчдыг дараах асуултуудыг ангиараа эсвэл жижиг бүлэгт хуваарилагдан ярилцаж байх хооронд та 2-р хичээл: “Авралын төлөвлөгөө” дээр ашигласан байж болох дараах графикийг харуулж болно.

Суралцагчдаас дараах зүйлийг асуу.

Бүдүүвч зургаар үзүүлсэн Тэнгэрлэг Эцэгийн төлөвлөгөөн дэх хэсэг бүрийн талаар та нар юу мэдэх вэ?
Энэ хэсэг бүрд гүйцэтгэсэн Аврагчийн үүрэг юу вэ?
Та Адам, Ева хоёрын Уналтыг бүдүүвчийн аль хэсэгт байрлуулах вэ?

Мосе 4:6-г уншаад, Еваг жимс идүүлэхээр уруу татсан Сатаны зорилгыг олж мэд.

Сатан ямар санаа зорилготой байсан бэ? Тэр юуг бүрэн дүүрэн ойлгоогүй вэ?
Бурхан Адам, Ева хоёрыг жимс хүртэхийг зөвшөөрснөөр Өөрийн хүүхдүүдийг өсөж хөгжихөд хэрхэн тусалсан бэ?

Уналтын түүхийг өөрөөр товчлон толилуулах арга

Энэ үйл ажиллагаа нь суралцагчдад Уналт болох хүртэлх болсон үйл явдлуудыг товч толилуулахад туслах зорилготой. Дараах үгсийг самбар дээр бич: Зарлиг хүлээн авсан, Мод, Сонгох, Сатан, Жимс, Үхэх, Идэх, Мэргэн, Инжирийн навч.

Суралцагчдыг дэргэдэх хүндээ самбар дээрх үгсийн заримыг эсвэл бүгдийг ашиглан Уналтын түүхийг тайлбарлахыг хүс. Суралцагчдыг Уналтыг тайлбарласны дараа тэднийг Мосе 3:16–17 ба 4:6–12-ыг хурдхан уншаад, ойлголт дээр нь нэмэх эсвэл засах шаардлагатай зүйл байсан эсэхийг олж мэдэхийг хүс. Тэднийг эдгээр шүлгээс сурч мэдсэн нэмэлт зүйлсээ бие биедээ хуваалцахыг хүс.