Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Moсе 4:1–4: “Таны таалал хэрэгжих болно, мөн алдар суу үүрд таных байх болно”

“Moсе 4:1–4:‘Таны таалал хэрэгжих болно, мөн алдар суу үүрд таных байх болно,’” Хуучин Гэрээний семинарын багшийн гарын авлага (2026)

“Moсе 4:1–4:‘Таны таалал хэрэгжих болно, мөн алдар суу үүрд таных байх болно,’” Хуучин Гэрээний семинарын багшийн гарын авлага

10-р хичээл: Эхлэл 3–4; Мосе 4–5;

Moсe 4:1–4

“Таны таалал хэрэгжих болно, мөн алдар суу үүрд таных байх болно”

Мөнх бус байдлын өмнөх амьдралд Тэнгэрлэг Эцэг Есүс Христийг төлөвлөгөөнийхөө Аврагч болгохоор сонгосон. Есүс Христ хүнд хэцүү цаг үед ч Тэнгэрлэг Эцэгт ямагт дуулгавартай байсан. Энэ хичээл Тэнгэрлэг Эцэгийг дуулгавартай дагасан Есүс Христийн жишээг дагах суралцагчдын хүсэл эрмэлзлийг нэмэгдүүлэхэд тусална.

Суралцагчийн бэлтгэл: Суралцагчдаас Тэнгэрлэг Эцэгт илүү дуулгавартай байх хүслийг төрүүлдэг үлгэр жишээ үзүүлдэг хүмүүсийн талаар бодохыг хүс. Суралцагчдаас хуваалцах бэлтгэлтэй ирэхийг хүс.

Боломжит суралцах үйл ажиллагаа

Тэнгэрлэг Эцэгийн хүслийн дагуу гүйцэтгэх

Хичээлээ эхлэхдээ Тэнгэрлэг Эцэг өсвөр үеийн хүүхдээс хэцүү зүйл хийхийг асууж байсан талаар хуваалцаж болно. Энэ нь таны хувийн туршлага эсвэл таны сонссон өөр нэгний туршлага байж болно. Дараах түүхийг та жишээ болгон ашиглаж болно. Суралцагчдыг үүнтэй төстэй мэдрэмжийг мэдэрч байсан үеэ санахыг уриал.

Залуу эрэгтэйчүүдийн ерөнхий ерөнхийлөгч асан М.Жозэф Браф ах охиныхоо тухай дараах түүхийг ийн хуваалцсан.

9:52

Залуус аа, Бурхан та нараас хүнд хэцүү зүйлсийг шаардах болно. 14 настай нэг залуу эмэгтэй сагсан бөмбөгийн сонгон шалгаруулах тэмцээнд оролцжээ. Тэр эгчтэйгээ адил ахлах сургуулийнхаа сагсан бөмбөгийн багт тоглохыг мөрөөддөг байв. Харин дараа нь эцэг эх нь Гватемала номлолыг тэргүүлэхээр дуудагдсан байсныг тэр олж мэдсэн байна.

Гватемалад ирснийхээ дараа тэрээр хоёр хичээл нь өөрийнх нь ярьдаггүй испани хэл дээр орно гэдгийг мэдэж авчээ. Сургуульд нь бас охидын спортын ямар ч баг байсангүй. Тэр өндөр хамгаалалттай байрны 14 давхарт амьдардаг байсан төдийгүй аюулгүй байдлын улмаас түүнийг ганцааранг нь гадагш гаргадаггүй байлаа.

Эцэг эх нь түүнийг орой бүр унтахдаа уйлахыг нь хэдэн сарын туршид сонсжээ. (“Тэргүүнээ өргө мөн баясагтун,” 2018 оны 10-р сарын Ерөнхий чуулган, 14)

Хэрэв чи энэ залуу эмэгтэйн нөхцөл байдалд байсан бол чамд юу хамгийн хэцүү байх байсан бэ?

Дараах асуултуудыг тунгаан бод.

Бурханы танаас шаардсан эсвэл шаардаж болох хэцүү зүйл юу байж болох вэ?
Та энэхүү хэцүү зүйлийг хийхийг хэр их хүсэж байна вэ? Яагаад?
Та Бурханы хүссэн зүйлсийг илүү их хүсэлтэй хийхэд тань туслах ямар зүйлийг энэ хичээлээр сурч мэдэхийг эсвэл мэдрэхийг хүсэж байна вэ?

Суралцагчид Мосе 4:1–4-ийг судалж байхдаа тэд Есүс Христийн тухай мөн Тэнгэрлэг Эцэгийн Түүнээс хийхийг хүссэн хэцүү зүйлсийг гүйцэтгэх Түүний хүслийн талаар сурч мэднэ. Суралцагчдыг Бурханы хүссэн хэцүү зүйлсийг хийхэд Аврагчийн үлгэр жишээ хэрхэн тус болж болохыг мэдэхийн тулд Ариун Сүнсний тусламжийг эрэлхийлэхийг уриал.

Христийн зан байдал

Өнөөдрийн судлах судрын хэсгийн агуулгыг ойлгоход нь суралцагчдад туслахын тулд дараах догол мөрд байгаа мэдээллийг суралцагчдад тайлбарлаж өгвөл тустай байх болно.

Бид мөнх бус байдлын өмнөх амьдралд Тэнгэрлэг Эцэгтэйгээ хамт амьдардаг байсан. Тэнд байхад бидэнд Түүнтэй адил болоход туслах Түүний төлөвлөгөөг заасан. Мосе 4:1–4 дээр Тэнгэр дэх Зөвлөлд Есүс Христ бидний Аврагч байхаар сонгогдсон тухай гардаг. Эдгээр шүлгээс бид Тэнгэрлэг Эцэгийн хүсэлд Есүс Христ, Сатан хоёр хэрхэн хариулж байгаагаас нь тэдний мөн чанарыг хардаг.

Суралцагчдад Есүс Христ, Сатан хоёрын ялгааг тодорхой харуулахын тулд дараахтай адил хүснэгтийг самбар дээр зурж болно.

Есүс Христ	Сатан

Мосе 4:1–4-ийг уншаад, Есүс Христ Сатан хоёрын санаа зорилго, хандлагын талаар олж мэд.

Суралцагчдыг ойлголтуудаа самбар дээр бичээд, сурч мэдсэн зүйлсээ ярилцахыг урь. (Суралцагчид Сатан хэдэн удаа “би” гэдэг үгийг ашигласныг болон алдар сууг авах хүслийг нь дурдаж болно. Харин Аврагч “таны” гэх үгийг ашигласан ба алдар сууг Эцэгийнх байлгах хүслийг тэд олж харж болно. Суралцагчид Сатан хэрхэн Эцэгийн төлөвлөгөөний эсрэг босож, “хүмүүний сонгох эрхийг устгахыг эрэлхийлс[нийг]” анзаарч болно. Үүний дэргэд Аврагчийн Эцэгийн тааллыг дуулгавартай дагаж, Эцэгийн төлөвлөгөөг зөвшөөрөх хүслийг тэд дурдаж болно.

Эдгээр шүлэгт Есүс Христ, Түүний Эцэг хоёрын харилцааны талаар та нарт юу зааж байна вэ?

Ярилцлагын үеэр суралцагчдын тодорхойлж болох нэг үнэн нь Есүс Христ бидний Тэнгэр дэх Эцэгийг даруухнаар дуулгавартай дагадаг гэсэн үнэн юм.

Аврагчийн талаарх дараах түүхүүд суралцагчдад Түүний үлгэр жишээнээс суралцахад тусална. Аврагч Эцэгтээ хэцүү байхад ч дуулгавартай байсан талаар илүү ихийг сурч мэдэх нь Түүний үлгэр жишээг дагах бидний хүслийг нэмэгдүүлж чадна.

Дараах түүхүүдийг уншаад, хэцүү байхад ч Есүс Христ Тэнгэрлэг Эцэгийг ямагт дуулгавартай дагахыг хүсдэг байсныг олж мэд.

Лук 2:49 (12 настай байхдаа)
Иохан 8:28–29 (насанд хүрээд)
Матай 26:36–39 (Гетсеманий цэцэрлэгт)
3 Нифай 11:10–11 (амилсан нэгэн болоод)

Эдгээр жишээнээс Есүс Христийн талаар юу сурч мэдэж байгааг суралцагчидтайгаа ярилц. Аврагч амьдралдаа Эцэгийнхээ тааллыг даруухнаар дагасан бусад жишээг хуваалцахыг хүс.

Суралцагчдыг хичээлийн эхэнд бодсон өөрсдийн амьдрал дахь хүнд зүйлсийг эргэн санахыг хүс. Есүс Христийн талаар сурч мэдсэн зүйлээ амьдралдаа хэрэгжүүлэхэд нь суралцагчдад туслахын тулд дараах асуултуудыг асууж болно. Тухайлбал:

Хэцүү байхад ч Тэнгэрлэг Эцэгийг дуулгавартай дагахыг сонгоход хөтлөх юуг Есүс Христ хэлж, хийсэн бэ?
Тэнгэрлэг Эцэгийн тааллыг дагахад сайн үлгэр дуурайл үзүүлдэг ямар хүнийг та мэдэх вэ? Та тэдний үлгэр жишээнээс юу сурч мэдсэн бэ?
Хэцүү байсан ч Тэнгэрлэг Эцэгийн тааллыг дагах хүслийг юу танд өгдөг вэ?

Есүс Христийн жишээг дагах

Хичээлийн эхэнд гарсан түүх дэх залуу эмэгтэй бол Браф ахын охин байсан. Хэрэв та түүний охины түүхийг хуваалцсан бол тэрээр эцэг эх нь Гватемалад номлолын удирдагчдаар гурван жил үйлчлэх хугацааг итгэлтэй даван туулсан гэдгийг суралцагчдад хэл.

Түүний түүхийн дараах үргэлжлэлийг хуваалцаж, суралцагчдаас Христийнхтэй адил ямар зан чанарууд түүний жишээнд гарч байгааг олж мэдэхийг хүс. Хэрэв та хичээлийн эхэнд өөр түүх хуваалцсан бол үүний төгсгөлийг эсвэл уг хүний амьдрал дахь өөр нэг туршлагыг хуваалцаж болно. Суралцагчдыг энэ хүнээс Христийнхтэй адил зан чанаруудыг олохыг хүс.

Браф ах ийн үргэлжлүүлэв:

9:52

Номлолынхоо эцэст би охиноосоо бүрэн цагийн номлолд явахаар төлөвлөж байгаа эсэхийг нь асуув. Тэр “Үгүй ээ, аав аа. Би аль хэдийн үйлчилчихсэн” гэж хэлж билээ.

Би ч үүнийг нь хүлээн зөвшөөрсөн! Зургаан сар орчмын дараа нэгэн шөнө Сүнс намайг сэрээхэд, “Би охиныг чинь номлолд үйлчлүүлэхээр дуудсан” гэсэн бодол оюун санаанд минь орж ирсэн.

Би шууд л “Тэнгэрлэг Эцэг ээ, тэр аль хэдийн олон золиос гаргасан шүү дээ” гэж хариулсан юм. Сүнс намайг тэр даруй засаж залруулан, Их Эзэн түүгээр номлолын ажил хийлгэхийг хүссэн болохыг ойлгуулсан юм.

Удалгүй би охиноо өдрийн хоол хамт идэхээр дагуулж явав. Ширээний эсрэг талаас би “Ганзи, бид яагаад энд байгааг мэдэж байна уу?” гэж асуулаа.

Тэр “Тийм ээ аав аа. Би номлолд үйлчлэх ёстой гэдгийг та мэднэ. Би явмааргүй байгаа ч явах болно” гэв.

Тэрээр өөрийнхөө хүслийг Тэнгэрлэг Эцэгт өгсөн учраас Түүнд бүхий л зүрх сэтгэл, хүчин чадал, оюун хийгээд чадлаараа үйлчилсэн юм. Тэр аавдаа хүнд бэрх зүйлийг хэрхэн хийхийг заасан. (“Тэргүүнээ өргө мөн баясагтун,” 2018 оны 10-р сарын Ерөнхий чуулган, 13)

Өнөөдөр Есүс Христийн тухай уншсан шүлгүүдийн талаар бод. Энэ залуу эмэгтэй Түүний үлгэр жишээг хэрхэн дагасан бэ?

Та дараах хоёр асуултын хариултыг судлах тэмдэглэл дээрээ бичихдээ Сүнснээс ирэх бодол, сэтгэгдэлд анхаарал хандуулаарай.

Өнөөдөр Есүс Христийн талаар сурч мэдсэн ямар сургамж танд Тэнгэрлэг Эцэг танаас хэцүү зүйл хийхийг хүссэн ч Түүнд дуулгавартай байхад тань туслах вэ?
Өнөөдөр таны сурч мэдсэн эсвэл мэдэрсэн зүйлс таныг юу хийхэд өдөөж байна вэ?

Есүс Христийн үлгэр жишээ, Бурханы биднээс хийхийг хүссэн зүйлсэд туслах Түүний чадварын талаар гэрчил.

Нэмэлт эх сурвалж

Сатаны төлөвлөгөө Тэнгэрлэг Эцэгийнхээс юугаараа өөр байсан бэ?

Арван хоёр төлөөлөгчийн чуулгын ахлагч Д.Тодд Кристоффэрсон ийн заасан.

Энэ нь зөвхөн Есүс Эцэгийн төлөвлөгөөг дэмжиж, Люсифер бага зэрэг өөрчлөлт оруулахыг санал болгосон явдал биш байлаа. Люсиферийн санал бидний өөрсдийн сонголтоор үйлдэх боломжийг үгүй болгон, төлөвлөгөөг устгах байв. Люсиферийн төлөвлөгөө хавчлага дарамт дээр суурилсан байсан бөгөөд энэ нь Бурханы бусад охин, хүүг бүгдийг буюу биднийг өөрийн утсан хүүхэлдэй болгох төлөвлөгөө байсан юм. …

Сатан бидний аврагч болохыг санал болгоогүйг санацгаая. Тэр хэн нэгний төлөө зовж шаналах, үхэх сонирхолгүй байсан. Тэр цусаа урсгахыг хүсээгүй. Тэр ямар ч төлөөс төлөлгүйгээр Бурханы алдар суу, нэр төр, хүч чадлыг хүссэн. (“A Message at Christmas” [Brigham Young University devotional, Dec. 12, 2017], 3, 4, speeches.byu.edu)

Сатан, Есүс хоёрын хүсэл, санаа зорилго юугаараа ялгаатай вэ?

Арван хоёр төлөөлөгчийн чуулгын ахлагч Дэйл Г.Рэнланд “Өнөөдөр өөрсдөдөө сонго” ( 2018 оны 10-р сарын Ерөнхий чуулган, 106) хэмээх хэлсэн үгэндээ дараах зүйлсийг ийн хуваалцсан.

13:49

Бурханы төлөвлөгөөнд сонгох эрх яагаад ийм чухал вэ?

Арван хоёр төлөөлөгчийн чуулгын ахлагч Робэрт Д.Хэйлс (1932–2017) ийн хэлсэн.

Бидний сонгох эрх болон бидний өөрсдийнхөө төлөө сонгон үйлдэх чадвар бол энэ төлөвлөгөөний салшгүй хэсэг байсан юм. Сонгох эрхгүйгээр бид зөв сонголтуудыг хийж, хөгжих боломжгүй юм. Гэвч сонгох эрхтэйгээр бид буруу сонголтуудыг хийж, нүгэл үйлдэн Тэнгэрлэг Эцэгтэйгээ дахин хамт байх боломжоо алдаж болох юм. Ийм учраас бидний нүглийн төлөө зовж, биднийг нүглээ наманчилбал гэтэлгэх Аврагчийг бидэнд өгсөн. Тэрээр “нигүүлслийн төлөвлөгөөг гүйцэлдүүлэхээр, шударга ёсны шаардлагыг хангахаар” Өөрийн хязгааргүй Цагаатгалыг гүйцэтгэсэн юм” [Алма 42:15]. …

Хэдийгээр Тэрбээр “бүх талаар бидэн шиг соригдсон” [Еврей 4:15] боловч хийсэн бүх сонголт, үйлдлээрээ бидний төлөө үхэл, нүглийн гинжийг таслах Аврагч байхаар сонгосон юм. Мөн бид Тэнгэрлэг Эцэгийн тааллыг гүйцэлдүүлэхээр сонгох үед бидний сонгох эрх хадгалагдаж, бидний боломжууд өсөж мөн бид хөгжих болно гэдгийг Тэрээр Өөрийн төгс амьдралаараа бидэнд үлгэр жишээ болсон билээ. (“Сонгох эрх: Амьдралын төлөвлөгөөнд зайлшгүй,” 2010 оны 10-р сарын Ерөнхий чуулган, 27, 28)

Нэмэлт суралцах үйл ажиллагаа

Тэнгэр дэх Зөвлөл

Суралцагчдад Тэнгэр дэх Зөвлөлд болон дайнд тэдний гүйцэтгэсэн үүргийг ойлгуулахын тулд Тэргүүн Зөвлөлийн ерөнхийлөгч Даллин Х.Өүксийн хэлсэн дараах мэдэгдлийг хуваалц.

Тэнгэр дэх зөвлөлд … энэ дэлхийд төрсөн тоо томшгүй олон мөнх бус хүмүүн бүгдээрээ Эцэгийн төлөвлөгөөг сонгон, үүний төлөө дараа нь болсон тэнгэр дэх тулаанд орж тэмцсэн. (“Агуу төлөвлөгөө,” 2020 оны 4-р сарын Ерөнхий чуулган, 114)

Мөнх бус амьдралын өмнөх сонголтоороо Тэнгэрлэг Эцэгийн төлөвлөгөөг дагасан нь өнөөдөр бид Түүнийг дагахад хэрхэн илүү их өөртөө итгэлтэй байдалд хөтөлдөг вэ? Энэ нь бид эргэн тойрондоо байгаа хүмүүсийг хэрхэн хардагт яаж нөлөөлдөг вэ?

Түүнчлэн суралцагчдыг Илчлэлт 12:7–11-ийг уншаад, бид Тэнгэр дэх дайнд Сатаныг болон түүний дагагчдыг хэрхэн ялсныг олохыг асууж болно. Бид Сатаныг “Хурганы цусаар” хэрхэн үргэлжлүүлэн ялсаар байх талаар ярилцахыг суралцагчдаас хүс (Илчлэлт 12:11).

Бурханы төлөвлөгөөн дэх сонгох эрхийн үүрэг

Хичээлийн эхэнд зарим сонголтыг хийснээр ирээдүйн сонголтуудыг хязгаарладаг нөхцөлүүдийн жишээг ярилцахад нь суралцагчдад тусал. Жишээлбэл: “Усанд орж болохгүй” гэдэг самбарыг үл тоон аюултай усны урсгалд гацах гэх мэт.

Суралцагчид Мосе 4:1–4-ийг судалж байх үед тэднийг Есүс Христ, Сатан хоёрын хүслийн ялгааг таньж мэдэхийг хүс. “Хүмүүний сонгох эрхийг устгахыг эрэлхийлсэн” (Moсe 3 3) хэмээх хэсгийг тодотго. Бурханы төлөвлөгөөн дэх сонгох эрхийн үүргийг тайлбарлахдаа Нэмэлт эх сурвалж хэсэг дэх ахлагч Робэрт Д.Хэйлсийн мэдэгдлийг ашигла. Суралцагчдад дараахтай төстэй үнэнийг олж тогтооход тусал: Сонгох эрх бол Тэнгэрлэг Эцэгийн төлөвлөгөөнд зайлшгүй үүрэгтэй.

Биднийг боолчлолд хүргэх сонголт хийлгэхээр уруу татаж, улмаар бидний сонгох эрхийг устгахыг эрэлхийлдэг Сатаны арга замуудыг хуваалцахыг суралцагчдаас хүс. Аврагч биднийг эрх чөлөө рүү хөтөлдөг сонголт хийхийг урамшуулдаг арга замуудыг хуваалцахыг суралцагчдаас хүс (2 Нифай 2:27-г үзнэ үү). Суралцагчид сонгох эрхийн талаар илүү ихийг судлахаар бол Gospel Library дээрх Сэдэв ба асуултууд дээрх “Сонгох эрх ба хариуцлага” сэдэв доорх эх сурвалжуудыг судалж болно.

Аврагчийн үлгэр жишээгээр өдөөгдсөн нь

Суралцагчдад хичээл дээр тодоор тэмдэглэсэн үнэн хэн нэгэнд Бурханы хүссэн хүнд зүйлийг гүйцэтгэхэд хэрхэн тусалсан тухай жишээг судлах нь тустай байж болох юм. Мартин Харрисыг Мормоны Номын хэвлэлийг санхүүжүүлэхийн тулд өөрийн фермийн ихэнх хувийг болон өөрийн байшинг хүртэл зээлийн барьцаанд тавихыг зарлигласныг та тайлбарлаж болно (Сургаал ба Гэрээ 19:32–35-ыг үзнэ үү). Үүнийг хийхэд түүнд хэцүү байсан. Аврагч түүнд юу заасныг Сургаал ба Гэрээ 19:16–19, 23–24, 26-аас уншаарай.

Аврагчийн золиослолыг болон Түүний Эцэгтээ дуулгавартай байсныг сурч мэдэх нь бидэнд хэцүү байх үед ч Бурханд дуулгавартай байхад хэрхэн туслах вэ?

Мартин Харрис Аврагчийн үлгэр жишээг дагаж, Мормоны Номыг асар их золиослол гарган санхүүжүүлсэн гэдгийг тайлбарла.