Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Авралын төлөвлөгөө: Эцэгийн төлөвлөгөөний төвд Аврагч байдаг

“Авралын төлөвлөгөө: Эцэгийн төлөвлөгөөний төвд Аврагч байдаг,” Хуучин Гэрээний семинарын багшийн гарын авлага (2026)

2-р хичээл: Хуучин Гэрээний ангид тавтай морилно уу

Авралын төлөвлөгөө

Эцэгийн төлөвлөгөөний төвд Аврагч байдаг

Hand of Christus statue, against creation mural at the Mesa Arizona Temple Visitors' Center. (horiz)

Бид мөнх бус байдлын өмнөх амьдралдаа бидний мөнхийн өсөлт хөгжилтийн төлөөх Тэнгэрлэг Эцэгийн төлөвлөгөөний талаар мэдээд, “баярлалдан уухайлсан” (Иов 38:7). Иехова бидний Аврагч, Гэтэлгэгч байхаар сонгогдсоноор биднийг Эцэгтээ эргэн очиж, Түүнтэй адил болох замыг тавьж өгсөн. Энэ хичээл Тэнгэрлэг Эцэгийн авралын төлөвлөгөөг, мөн Есүс Христийн голлох үүргийг ойлгоход суралцагчдад тусалж чадна.

Суралцагчийн бэлтгэл: Суралцагчдыг Тэнгэрлэг Эцэгийн авралын төлөвлөгөө, мөн бидний мөнхийн өсөлт хөгжилтөд үзүүлэх Аврагчийн голлох үүргийн талаар юу мэддэгээ тунгаан бодохыг хүс. Суралцагчид авралын төлөвлөгөөний мэддэг хэсгүүдээ бичээд, гэр бүлийнхээ гишүүнд эсвэл найздаа тайлбарлах дадлага хийж болно.

Боломжит суралцах үйл ажиллагаа

Амьдралын асуултуудад хариулах

Хичээлийн эхэнд дараах зүйлийг үзүүлэн хуваалцаж болно.

Чиний найз Жонотан чам дээр ирээд,

Бид хаанаас ирсэн бэ?
Амьдралын зорилго юу вэ?
Биднийг нас барсны дараа юу болдог вэ? гэж асуулаа.

Суралцагчдаас Тэнгэрлэг Эцэгийн аз жаргалын төлөвлөгөөний талаар мэддэг зүйлээ эргэцүүлж бодохыг хүс. Үүнийг гүйцэтгэх нэг арга зам бол судлах тэмдэглэл дээрх дараах үйл ажиллагаа юм. Жонотаны асуултуудад хариулж, дадлага хийх боломж хичээлийн дундуур гарна гэдгийг суралцагчдад хэлж, ойлгуулахад анхаар.

Судлах тэмдэглэл дээрээ Тэнгэрлэг Эцэгийн авралын төлөвлөгөөний талаарх одоо байгаа ойлголтоо дүгнэн, дараах асуултуудад хариулаарай.

Та Жонотаны асуултад хариулж чадна гэдэгтээ хэр итгэлтэй байна вэ?
Тэнгэрлэг Эцэгийн төлөвлөгөөний талаар танд ямар асуулт байдаг вэ?

Өнөөдөр судлах явцдаа Тэнгэрлэг Эцэгийн төлөвлөгөө ба үүн дэх Аврагчийн голлох үүргийн талаарх ойлголтоо гүнзгийрүүлэхийн тулд Ариун Сүнсний удирдамжийг эрэлхийлээрэй.

Есүс Христ Эцэгийн аз жаргалын төлөвлөгөөний төвд байдаг

Тэргүүн зөвлөлийн ерөнхийлөгч Даллин Х.Өүкс Тэнгэрлэг Эцэгийн төлөвлөгөөнд гүйцэтгэдэг Аврагчийн үүргийн талаар ийн тайлбарласан.

Есүс Христ бид бүгдийн төлөө юу хийсэн бэ? Тэнгэрлэг Эцэгийн маань төлөвлөгөөнд тоймлосон хувь заяанд хүрэхийн тулд Тэр бидний мөнх бус амьдралын аялалд шаардагдах бүх зүйлийг гүйцэлдүүлсэн. … Түүний цор ганц хүү Есүс Христ гол цөм нь байна. (“Аврагч маань бидний төлөө юу хийсэн бэ?,” 2021 оны 4-р сарын Ерөнхий чуулган, 73)

Та ерөнхийлөгч Өүксийн заасан зүйлийг хэрхэн үнэний талаарх мэдэгдэл болгож нэгтгэн дүгнэх вэ?

Суралцагчдад дараахтай төстэй үнэнийг олж тогтооход тусал: Тэнгэрлэг Эцэгийн авралын төлөвлөгөөнд болон бидний мөнхийн өсөлт хөгжилтөд Есүс Христ голлох үүрэгтэй. Уг үнэнийг самбарт бичих нь тустай байж болох юм.

Тэнгэрлэг Эцэгийн төлөвлөгөө ба Есүс Христийн голлох үүрэг

Тэнгэрлэг Эцэгийн авралын төлөвлөгөөний талаар судлахдаа дараах зүйлсийг эрэлхийлээрэй. Үүнд:

Тэнгэрлэг Эцэгийн авралын төлөвлөгөөнд Есүс Христ хэрхэн голлох үүрэг гүйцэтгэдэг тухай
Жонатаны асуултад хариулахад туслах түүнтэй хуваалцаж болох үнэнүүд

Ойлголтоо судлах тэмдэглэл дээрээ бичиж тэмдэглэх

Суралцагчдыг судалж дууссаны дараа, олж авсан ойлголтоо ангийнхандаа хуваалцах боломж олго. Жонатаны гурван асуулт нэг бүрд суралцагчид дүрд тоглон хариулснаар сурч мэдсэн зүйлээ хуваалцах дадлага хийж болно. Та түүнчлэн тэднээс хоёр хоёроороо эсвэл ангиараа дараах асуултыг ярилцахыг хүсэж болно.

Тэнгэрлэг Эцэгийн авралын төлөвлөгөөн дэх Есүс Христийн голлох үүргийн талаар та нар юу сурч мэдсэн бэ?
Жонатаны асуултад хариулахын тулд түүнтэй ямар үнэн буюу сургаалыг хуваалцаж болох вэ?

Сурч мэдсэн зүйлийнхээ талаар бодох

Тэнгэрлэг Эцэг, Есүс Христ хоёрын тухай, мөн авралын төлөвлөгөөний талаар мэдэрсэн зүйлсээ чимээгүй тунгаан бодохыг суралцагчдаас хүсэн, энэ хичээлийг төгсгөх талаар бодож үз. Ямар нэгэн зүйл хийх сүнслэг өдөөлт ирвэл түүнийгээ авч үзэхийг тэдэнд уриалаарай. Тэд олж авсан ойлголт, сүнслэг сэтгэгдлээ судлах тэмдэглэл дээрээ бичиж тэмдэглэж болно.

Нэмэлт эх сурвалж

Төрөхөөсөө өмнө би Есүс Христэд итгэх итгэлээ хэрхэн харуулж байсан бэ?

Тэргүүн зөвлөлийн ерөнхийлөгч Даллин Х.Өүкс ийн заасан.

16:3

Тэнгэр дэх Зөвлөлд Бурханы бүх сүнсэн хүүхдэд Эцэгийн төлөвлөгөөг, түүний дотор, мөнх бус оршихуйн үр дагавар, сорилт бэрхшээл, тэнгэрлэг тусламж, алдар суу бүхий хувь заяаг танилцуулсан. Бид эхлэлээс төгсгөлийг нь хүртэл харсан. Энэ дэлхийд төрсөн тоо томшгүй олон мөнх бус хүмүүн бүгдээрээ Эцэгийн төлөвлөгөөг сонгон, үүний төлөө дараа нь болсон тэнгэр дэх тулаанд орж тэмцсэн. Түүнчлэн олон хүн мөнх бус оршихуйд юу хийх талаар Эцэгтэй гэрээ байгуулсан. (“Агуу төлөвлөгөө,” 2020 оны 4-р сарын Ерөнхий чуулган, 114)

Сүнсний дэлхий ямар байдаг вэ?

Ахлагч Даллин Х.Өүкс ийн тайлбарласан.

14:47

Мэдээж, бие махбод маань үхсэний дараа ч гэсэн бид сүнсний дэлхийд сүнс болж, үргэлжлүүлэн амьдарна гэдгийг бид судраас мэддэг. Сүнсний дэлхий нь амьдралынхаа туршид “зохистой” буюу “зөв шударга” байсан болон ёс бус байсан хүмүүсийн хооронд хуваагдсан байдаг гэж судрууд бидэнд заадаг. Мөн зарим итгэлтэй сүнс сайн мэдээг ёс бусчуудад, мөн дуулгаваргүй байсан хүмүүст заана гэдгийг тайлбарладаг (1 Петр 3:19; Сургаал ба Гэрээ 138:19–20, 29, 32, 37-г үзнэ үү). Хамгийн чухал зүйл гэвэл, орчин үеийн илчлэл нь авралын ажил сүнсний дэлхийд үргэлжлэх болно гэдгийг илчилж буй явдал (Сургаал ба Гэрээ 138:30–34, 58-ыг үзнэ үү) бөгөөд мөнх бус амьдралынхаа туршид наманчлалаа бүү хойшлуулаасай гэж сануулсан байдаг (Aлма 13:27-г үзнэ үү), мөн тэнд ч бас зарим зүйлийг наманчлах боломжтой гэдгийг бидэнд заадаг (Сургаал ба Гэрээ 138:58-ыг үзнэ үү). (“Эзэнд итгэ,” 2019 оны 10-р сарын Ерөнхий чуулган, 27).

Би өргөмжлөлийн адислалыг хүлээн авах боломжтой юу?

Далын ахлагч Ж.Дэвн Корниш ийн гэрчилсэн.

Хэрэв та үргэлж наманчлан, Христийн ач ивээл эсвэл тусламжийн төлөө гуйхыг үнэхээр хичээн оролдож, өөрийгөө зөвтгөхгүй эсвэл бослого гаргахгүй байвал Их Эзэний өмнө хүлээн зөвшөөрөгдөхөөр “хангалттай сайн” болох нь гарцаагүй гэдгийг би танд гэрчилж байна. Та Христэд төгөлдөржиж, селестиел хаант улсад орох болно. Мөн та Бурханы ялангуяа та, бид хоёрыг оролцуулсан хайрт хүүхэд бүрдээ хүсэх тэр баяр баясгалан, алдар суу, адислалуудыг хүлээн авах болно. (“Би хангалттай сайн байна уу? Би хаант улсад орж чадах уу?,” 2016 оны 10-р сарын Ерөнхий чуулган, 19–20)

Би авралын төлөвлөгөөний талаар хаанаас илүү ихийг сурч мэдэж болох вэ?

Авралын төлөвлөгөөний тухай илүү сайн суралцъя гэвэл Миний сайн мэдээг номло: Есүс Христийн сайн мэдээг хуваалцах удирдамж (2023)-аас “3-р бүлэг: 2-р хичээл—Тэнгэрлэг Эцэгийн авралын төлөвлөгөө”-г судалж болно.

Нэмэлт суралцах үйл ажиллагаа

Хичээлийг эхлүүлэх өөр хувилбар

Тэнгэрлэг Эцэгийн авралын төлөвлөгөө бидний амьдралд хэрхэн чиглэл өгдгийг суралцагчдад ойлгуулахын тулд та нэр хаяггүй, олон чиглэлд сум заасан тэмдэг бүхий замын зураг үзүүлж болно.

Суралцагчдыг замаар аялж явтал өөр өөр зүг рүү заасан, бичиггүй замын тэмдэг таарлаа гэж төсөөлөн бодохыг хүс. Суралцагчид энэ нөхцөл байдлыг юу хэцүү болгож байгаа, ямар мэдээлэл байвал уг аяллыг хялбар болгох талаар ярилцаж болно. Та ярилцлагад зориулан дараах асуултыг тавьж болно. Тухайлбал:

Энэ нөхцөл байдлыг Тэнгэрлэг Эцэгийн авралын төлөвлөгөөний талаар мэдэхгүй хүний хувьд хэрхэн зүйрлэж болох вэ? Тэр хүнд ямар ямар асуулт байж болох вэ?

Арван хоёр төлөөлөгчийн чуулгын ахлагч Дэвид А.Бэднар ийн тайлбарласан.

Эцэгийн аз жаргалын төлөвлөгөө нь Өөрийн хүүхдүүдийг үргэлж аз жаргалтай байлгахад тусалж, тэднийг амилсан, өргөмжлөгдсөн бие махбодтойгоор гэртээ аюулгүй авчрах удирдамжаар хангахад зориулагдсан. (“Үргэлж залбирахаа анхаар,” 2019 оны 10-р сарын Ерөнхий чуулган, 34)

Тэнгэрлэг Эцэгийн авралын төлөвлөгөө бидний амьдралд хэрхэн зүг чиг, зорилго өгдгийг суралцагчид тайлбарлан давтаж болно.

Тэнгэрлэг Эцэгийн төлөвлөгөөн дэх Есүс Христийн үүрэг

Тэнгэрлэг Эцэгийн авралын төлөвлөгөөний хэсэг бүрд Аврагчийн гүйцэтгэдэг үүргийг суралцагчдад илүү сайн ойлгуулахын тулд та тэднийг судлах тэмдэглэл дээрээ дараах хүснэгтийг хуулж бөглөхөд урьж болно. Суралцагчид төлөвлөгөөний хэсэг тус бүрд гүйцэтгэсэн Аврагчийн маань үүргийн талаарх үнэнийг олж мэдэхээр хэсэг бүрийн холбогдох судруудыг судалж болно. Та суралцагчдаас хүснэгтийн толгой бүрийн доор үнэний мэдэгдлийг бичихийг хүсэж болно.

Тэнгэрлэг Эцэгийн төлөвлөгөө ба Есүс Христийн үүрэг
Тэнгэрлэг Эцэгийн төлөвлөгөө ба Есүс Христийн үүрэг Христийн мөнх бус байдлын өмнөх оршихуйд гүйцэтгэсэн үүрэг	Иохан 1:3; Мосе 4:1–2; Абрахам 3:24–27
Тэнгэрлэг Эцэгийн төлөвлөгөө ба Есүс Христийн үүрэг Мөнх бус амьдрал дахь Христийн гүйцэтгэсэн үүрэг	Исаиа 53:3–5; Иохан 13:15; Алма 7:11–13
Тэнгэрлэг Эцэгийн төлөвлөгөө ба Есүс Христийн үүрэг Сүнсний дэлхий дэх Христийн гүйцэтгэх үүрэг ба мөнхийн алдар суу	1 Коринт 15:22; Мормон 3:20; Сургаал ба Гэрээ 138:57–58

Суралцагчид Есүс Христ бол Бүтээгч мөн гэх мэт үнэнийг тодорхойлж болно. Есүс Христ бидэнд төгс үлгэр жишээ үзүүлсэн. Есүс Христ бидний нүглийг цагаатгасан. Есүс Христ амилалтаар дамжуулан бүх хүн төрөлхтний төлөө үхлийг ялан дийлсэн.

Суралцагчдаас эдгээр үнэнээс нэгийг сонгоод, энэ нь залуу хүнд амьдралын сорилтуудад нь хэрхэн тусалж болох талаар хуваалцахыг хүс.

Авралын төлөвлөгөөний талаар видео үзэх хувилбар

Хичээлийг тоймлохдоо та суралцагчдаас Тэнгэрлэг Эцэгийн авралын төлөвлөгөөний бүрдэл хэсгүүдийн талаар санаж байгаа зүйлсээ зурж эсвэл бичихийг хүс. Суралцагчид тэгээд “What is the Purpose and Meaning of Life? Now You Know” (7:43) видеог үзэж болно. Суралцагчид төлөвлөгөөний бүрдэл хэсгүүдийг зурж эсвэл бичихдээ юуг үлдээснийг анзаарсан тухайгаа хуваалцахыг тэднээс хүсэж болно.

7:43

Авралын төлөвлөгөөний бүрдэл хэсэг бүрийг судлахдаа та дараах видеонуудыг хуваалцаж болно.

Мөнх бус байдлын өмнөх амьдрал: Тэнгэрлэг Эцэгийн төлөвлөгөөг ойлгож, төлөвлөгөөний дагуу мөнх бус байдлын өмнөх оршихуйд гүйцэтгэсэн Аврагчийн үүргийг төсөөлөн бодоход нь суралцагчдад туслах үүднээс “Introduction: Our Heavenly Father’s Plan” видеоны 0:00-ээс 2:16 хүртэлх хэсгийг үзүүлэх талаар бодож үз.

4:8

Мөнх бус амьдрал: Есүс Христ дэлхий дээрх амьдралын маань туршид бид ямар ч нөхцөл байдалд орсон бидэнд тусалж чадна гэдгийг суралцагчдад ойлгуулах үүднээс “Why We Need a Savior” (2:15) видеог үзүүлэх талаар бодож үз.

2:15

Мөнх бус байдлын дараах амьдрал: Биднийг нас барсны дараа юу болдог, Аврагч хэрхэн бидэнд үхлийг ялан дийлэхэд тусалдаг талаар суралцагчдад ойлгуулах үүднээс “What Happens After We Die?” (1:40) видеог үзүүлэх талаар бодож үз.

1:41