Бүлэг 9
Бяцхан Есүс
Есүс Назар хотод өсөж торнисон юм. Тэрээр олон зүйл сурч “сүнсээрээ хүчирхэг болж …мөн Бурханы сүр жавхлан Түүний дээр байлаа”.
Лук 2:39–40
Есүс 12 настай байхдаа Иосеф, Мариа нарын хамт хэсэг хүмүүстэй Иерусалимд баяр тэмдэглэхээр явав. Тэндээ тэд нар хэд хонов.
Лук 2:41–43
Тэгээд Иосеф, Мариа хоёр гэр уруугаа харихаар явав. Тэд Есүсийг найз нартайгаа Назар уруу харьж яваа гэж бодож байв. Гэвч Есүс Иерусалимд үлдсэн байв.
Лук 2:43–44
Иосеф, Мариа хоёр Есүсийг хайсан боловч олсонгүй. Хамт явсан хүмүүсээс нь хэн ч Түүнийг хараагүй гэв. Тиймээс Иосеф, Мариа хоёр Иерусалим уруу түүнийг олохоор буцаж явав. Тэд Есүсийг гурван өдрийн турш хайв. Тэд маш их зовнисон байв.
Лук 2:44–46
Есүсийг ариун сүмд багш нартай ярьж байхад нь олжээ. Тэрээр тэдний асуултуудад хариулж байв. Есүс их олон зүйл мэдэж байгаад багш нар ихэд гайхаж байв.
Лук 2:46–47
Аав ээж нь түүний төлөө хэчнээн их санаа зовсныг Мариа Түүнд хэллээ. Есүс “Бурхан—Эцэгийнхээ ажлыг хийж байсан” хэмээн хариулав. Иосеф, Мариа хоёр түүний юу ярьж байгааг ойлгосонгүй.
Лук 2:48–50
Есүс Назар уруу гэртээ харихаар Иосеф, Мариа хоёрыг дуулгавартай даган хамт явлаа.
Лук 2:51
Есүс Тэнгэрлэг Эцэгийнхээ ажлын тухай улам ихийг сурч байлаа.
Лук 2:52
Тэр өсгөлүүн, хүчирхэг нэгэн болжээ.
Лук 2:52
Хүмүүс Түүнийг хайрладаг байв. Тэрээр Бурханы Түүгээр хийлгэхийг хүссэн бүхнийг хийдэг байлаа.
Лук 2:52
Бурхан Түүнийг хайрладаг байв.
Луз 2:52