Бүлэг 5
Есүс Христ мэндэллээ
Ромын захирагч хүн бүр татвар төлөх ёстой гэсэн хууль гаргав. Иосеф Мариа хоёр Назарт амьдардаг байлаа. Тэд 105 км замыг туулан Бетлехем уруу явж татвараа төлөх хэрэгтэй болов.
Лук 2:1–5
Бетлехем уруу явах нь Мариагийн хувьд маш хэцүү байв. Түүний хүүхэд нь удахгүй төрөх гэж байлаа.
Лук 2:4–5
Иосеф Мариа хоёрыг Бетлехемд ирэхэд бүх өрөөнүүд хүмүүсээр дүүрсэн байв. Мариа Иосеф хоёр малын хашаанд байрлахаас өөр аргагүй болжээ. Малын хашаа гэдэг нь мал амьтдыг байрлуулдаг газрыг хэлдэг.
Лук 2:6–7
Тэнд хүүхэд нь төржээ. Мариа Есүсийг даавуунд ороогоод малын тэвшин дотор тавилаа. Иосеф Мариа хоёр хүүхдээ Есүс хэмээн нэрлэжээ.
Лук 2:7, 21
Есүсийг мэндэлсэн шөнө, Бетлехемийн ойролцоо хоньчид хонио манаж байжээ. Тэнгэр элч тэдэн дээр ирэв. Хоньчид айн балмагдсан байв.
Лук 2:8–9
Бүү ай гэж тэнгэр элч тэдэнд хэллээ. Аврагч, Есүс Христ Бетлехемд мэндэлснийг хэлэх гайхалтай мэдээ түүнд байлаа. Малын тэвшинд Тэр унтаж байгаа гэв.
Лук 2:10–12
Бетлехем уруу явж бяцхан Есүсийг тэд харав.
Лук 2:15–16
Аврагчийг харсандаа хоньчид ихэд баяртай байлаа. Сонсож, үзсэн зүйлийнхээ талаар тэд хүмүүст хэлэв.
Лук 2:17, 20