Бүлэг 42
Баян залуу эр
Нэгэн өдөр баян залуу Есүс дээр иржээ. Тэр Есүсээс тэнгэрт амьдрахын тулд юу хийх хэрэгтэйг асуулаа.
Марк 10:17
Аврагч түүнд “хүн бүү ал, бүү худал хэл, бүү хулгайл, эцэг эхээ хүндлэн хайрла” гэж хэлэв. Баян залуу эр үргэлж Бурханы зарлигуудыг дуулгавартай дагасаар ирсэн гэв.
Марк 10:19–20
Залуу эр ахин нэг зүйл хийх хэрэгтэй гэж Есүс хэлэв. Тэр өөрт байгаа бүхий л зүйлсийг зарж ядууст өгөх хэрэгтэй гэв. Тэгээд залуу эр Түүнийг дагах ёстой байв.
Марк 10:21
Баян залуу эр өөрт байгаа бүхнийг өгөхийг хүссэнгүй. Тэр өөрийн эд хөрөнгөнд Бурханаас илүү хайртай байлаа. Залуу эр гунигтайгаар явж одов.
Марк 10:22
Эд баялагийг хайрлагч хүмүүс тэнгэрт очиход хэцүү гэж Есүс шавь нартаа хэлэв. Шавь нар нь сайн ойлгосонгүй. Тэд хэн Бурхантай амьдарч болох тухай асуув. Бурханд итгэж найддаг, Түүнийг юунаас ч илүү ихээр хайрладаг хүмүүс л Түүнтэй хамт тэнгэрт амьдарч чадна гэж Есүс хэлэв.
Марк 10:23–30