Wase 9
Na Gonetagane o Jisu
A tubu cake o Jisu ena korolevu o Nasareci. A vulica sara o Koya e levu na veika ka sa “yalomatua mai… a sa tu vei Koya na loloma ni Kalou.”
Luke 2: 39–40
Ena gauna sa yabaki 12 kina o Jisu, a gole vata kei Josefa kei Meri kei na so na tamata ki na dua na soqo ni marau e Jerusalemi. Me ratou na tiko mada vakalailai mai kea.
Luke 2:41–43
Ena gauna eratou sa lesu tale tiko kina ki vale o Josefa kei Meri, erau nanuma ga ni sa liu o Jisu i Nasareci vata kei ira na Nona itokani. Ia a tikoga e Jerusalemi o Jisu.
Luke 2: 43–44
Ena gauna rau sa vakasaqarai Jisu kina o Josefa kei Meri, rau a sega ni kunei Koya. E sega ni dua vei ira era lako vata tiko e raici Koya. Rau a qai lesu tale ki Jerusalemi o Josefa kei Meri. E tolu na siga na nodrau vakasaqarai Jisu. Rau sa rarawa sara vakalevu.
Luke 2: 44–46
E muri rau sa qai kunei Jisu ena loma ni valetabu, ni a veivosaki tiko kei ira eso na qasenivuli. A sauma tiko o Koya na nodra vakatataro. Era kurabui sara vakalevu na qasenivuli ena veika e kila tu o Jisu.
Luke 2: 46–47 (raica na ivakamacala e botona 46c)
A kaya o Meri vei Jisu ni o koya kei Josefa rau sa lomaleqataki Koya sara ga vakalevu. A kaya lesu mai o Jisu ni sa cakava tiko o Koya na cakacaka nei Tamana—na cakacaka ni Kalou. Rau a sega ni kila rawa o Josefa kei Meri na ka e tukuna.
Luke 2: 48–50
Sa talairawarawa o Jisu vei Josefa kei Meri ka lesu vata tale ki Nasareci.
Luke 2:51
Sa levu tikoga na ka e kila o Jisu me baleta na cakacaka nei Tamana Vakalomalagi.
Luke 2:52
E tubu balavu ka kaukauwa na kena ituvaki.
Luke 2:52
Era taleitaki Koya na tamata. E vakayacora na veika e gadreva na Kalou me cakava.
Luke 2: 52
E lomani Koya na Kalou.
Luke 2:52