Wase 16
Na Luve ni iLiuliu
E dua na turaga iliuliu kai Jiu sa tauvimate bibi na luvena tagane. Era nanuma kece na tamata ni sa na mate na luvena tagane.
Joni 4: 46–47
Sa biuta mai vale na luvena na iliuliu oqo ka lako yani vakayawa ki na korolevu o Kena. Sa kunei Jisu mai kea.
Joni 4: 47
Sa kerea vua na iVakabula na turaga oqo me gole yani me laki vakabulai luvena tagane. Sa qai kaya vua o Jisu ni sa na bula na luvena tagane. Sa vakabauti Jisu na turaga oqo, ka sa lesu tale ki vale.
Joni 4: 47–50
Era sa cici mai na nona tamata me ra tavaki koya. Era sa tukuna vua ni sa daumaka na luvena tagane ka sa na bula. A taroga sara se gauna cava sa daumaka kina na luvena. Era sa tukuna vua. Sai koya na gauna vata ga a kaya kina o Jisu ni sa na bula.
Joni 4:51–53
Sa kila kina na turaga oqo ni sa vakabulai luvena o Jisu Karisito. O koya kei na nona matavuvale kece eratou sa vakabauta na iVakabula.
Joni 4:53