Savali mai Le Au Peresitene Sili ma le Korama a Aposetolo e Toasefululua

Ua aoao mai le Tusi a Mamona, “Ma faauta, ou te tau atu nei mea ia te outou ina ia mafai ona outou aoaoina le poto; ina ia mafai ona outou aoaoina, pe a outou auauna atu i o outou uso-a-tagata, ua na o lo outou auauna atu lava lea i lo outou Atua” (Mosaea 2:17 Ua valaauina oe e le Atua e avea o se faifeautalai mo auaunaga e fesoasoani e faapotopoto Isaraelu e ala i auaunaga. Matou te faafetai mo lou naunautaiga e auauna i le Atua e ala i le auaunaga atu i ou uso a tagata.

O le auauna atu i fanau a lo tatou Tamā Faalelagi o se faailoaga taua lea o lou lotofaafetai i le Atua mo le ola ma Lana talalelei. Ua faailoa ai lou naunauta’iga e tausia feagaiga ua e faia ma Ia. Matou te fautuaina oe ina ia e “tatalo atu i le Tama ma le malosi atoa o le loto” ina ia faatumulia oe i le alofa mamā o Keriso. O lenei alofa e tuuina atu ia i “latou uma o e o soo moni” o Iesu Keriso (Moronae 7:47–48). A’o e auauna atu i isi i Lona suafa, o le a Ia faatumuina oe i le olioli.

O le Tulaga Faatonuina Faafaifeautalai mo Soo o Iesu Keriso—Faifeautalai mo Auaunaga ua tuuina mai e le Au Peresitene Sili ma le Korama a Aposetolo e Toasefululua e taiala ai lau auaunaga. Matou te uunaia oe ia faamasani i ai ma ola ai i tulaga faatonuina o loo i ai i totonu. O nei tulaga faatonuina o le a fesoasoani mo lou puipuiga faaletino, faaleagaga, ma faalelagona. O le a fesoasoani i a te oe ia avea atili ai o se soo faatuatua o Iesu Keriso ma avea atili ai e faapei o Ia.

Matou te tatalo o le a e maua le filemu moni ma le olioli i le auauna atu ai i le Alii o Iesu Keriso ma fanau a le Tama Faalelagi.