Magtinguha ug Mosalig sa Espiritu

Ang tanan mosangyaw sa Ebanghelyo, pinaagi sa gahom ug impluwensya sa Espiritu Santo; ug walay tawo nga makasangyaw sa Ebanghelyo kon wala ang Espiritu Santo. (Mga Pagtulun-an sa mga Presidente sa Simbahan: Joseph Smith [2007], 402)

• Sa inyong hunahuna ngano kaha nga ang Espiritu Santo nagdala og importante nga tahas sa pagsangyaw sa ebanghelyo ni Jesukristo?

1. Tun-i ang mga parapo ubos sa mga ulohan nga “Tinguhaa ang Giya sa Espiritu Santo” ug “Ang Gahom sa Espiritu Santo diha sa Pagkakabig” (Isangyaw ang Akong Ebanghelyo, 115–116; 117–118).

2. Tun-i ang labing minos duha sa mga tudling nga nalista diha sa “Pagtuon sa Kasulatan” nga kahon ubos sa ulohan nga “Ang Gahom sa Espiritu diha sa Pagkabig” (Isangyaw ang Akong Ebanghelyo, 117–118).

3. Base sa imong nakat-onan, pangandam sa pagpakigbahin sa imong mga tubag sa mosunod nga mga pangutana:

   • Sa unsang paagi ang Espiritu Santo makatabang kanako sa pagsangyaw sa ebanghelyo sa Manluluwas?

   • Unsa nga tahas ang gidala sa Espiritu Santo sa pagtabang sa mga tawo nga moduol ngadto ni Kristo?

   • Unsay akong buhaton aron sa pagdapit sa Espiritu samtang akong ipakigbahin ang ebanghelyo ni Jesukristo?

1. Ipakigbahin ang imong mga tubag ngadto sa tulo ka pangutana gikan sa nangaging kalihokan sa pagtuon:

   1. Sa unsang paagi ang Espiritu Santo makatabang kanako sa pagsangyaw sa ebanghelyo sa Manluluwas?

   2. Unsa nga tahas ang gidala sa Espiritu Santo sa pagtabang sa mga tawo nga moduol ngadto ni Kristo?

   3. Unsay akong buhaton aron sa pagdapit sa Espiritu samtang akong ipakigbahin ang ebanghelyo ni Jesukristo?

2. Ipakigbahin ang usa ka kasulatan nga inyong nakit-an. Ipasabot sa unang paagi kana nga kasulatan may kalabotan ngadto sa usa sa tulo ka pangutana nga gihisgotan sa nangagi.

3. Ipakigbahin ang usa ka personal nga kasinatian o ang imong pagpamatuod mahitungod kon sa unsang paagi motabang kanato ang Espiritu Santo.

Pagtakda og tumong nga may kalabotan sa unsay inyong gitun-an. Gamita ang mga ideya sama sa mosunod, o paghunahuna og inyong kaugalingong ideya.

• Gamit ang mga himan sa pagtuon sama sa Giya ngadto sa mga Kasulatan o Topical Guide, pagtuon pa og dugang mahitungod sa lainlain nga tahas sa Espiritu Santo. Ikonsiderar sa unsang paagi ang Espiritu Santo makatabang kaninyo karon ug isip usa ka misyonaryo.

• Tinoa unsa nga mga pagpahiangay ang imong mahimo nga makadapit sa Espiritu Santo sa imong kinabuhi sa mas regular nga paagi.

Hunahunaa nga ang usa ka tawo mihangyo kanimo sa pagsulti sa kalahian tali sa mga pag-aghat gikan sa Espiritu Santo ug sa imong kaugalingong mga hunahuhna ug mga pagbati.

• Unsaon nimo sa pagtubag?

Pagpili og usa sa mosunod nga mga opsiyon sa pagtuon gikan sa kapitulo 4 sa Isangyaw ang Akong Ebanghelyo aron mapalawman ang inyong pagsabot mahitungod sa pag-ila sa Espiritu Santo:

1. Tun-i ang “Pagkat-on sa Pag-ila sa mga Pag-aghat sa Espiritu” (Isangyaw ang Akong Ebanghelyo, 120–123).

2. Basaha ang mga paghulagway sa Espiritu Santo diha sa “Personal nga Pagtuon” nga kahon (Isangyaw ang Akong Ebanghelyo, 119). Tun-i ang pipila sa nalista nga mga kasulatan nga ingon og labing nakapainteres kanimo.

• Unsang mga panabot ang inyong naangkon mahitungod sa kon giunsa sa Ginoo sa papagkigsulti kanato pinaagi sa Espiritu Santo?

• Asa nga mga ehemplo ang imong gibati nga naghulagway sa imong personal nga mga kasinatian uban sa Espiritu Santo?

1. Ang usa ka tawo nagtinguha sa giya ug direksiyon alang sa usa ka butang nga importante kanila. Mag-ampo ug mohangyo sila sa Langitnong Amahan nga mohatag og tubag sa kataposan sa semana.

2. Imong mabantayan nga kon mobati sila sa Espiritu, ang uban mas emosyonal kay sa imoha. Maghunahuna ka nga basin aduna kay sayop.

3. Ang usa ka tawo mobati nga sama og nakadawat sila sa giya gikan sa Espiritu sa pagbuhat og butang nga sukwahi sa mga pagtulun-an sa mga propeta ug mga apostol.

4. Ang usa ka batan-ong lalaki ug batan-ong babaye seryoso sa pag-date. Usa ka adlaw ang lalaki miingon ngadto kaniya, “nakadawat ko og inspirasyon nga kinahanglan ko nimong minyoan.”

5. Usa ka tawo nadawat sa duha ka lahilahi nga unibersidad. Bisan pa sa pagpuasa ug pag-ampo, wala sila mobati nga ang Ginoo nagsulti nila kon asa nga eskwelahan moeskwela.

Pagtakda og tumong nga may kalabotan sa unsay inyong gitun-an. Gamita ang mga ideya sama sa mosunod, o paghunahuna og inyong kaugalingong ideya.

• Alang sa mosunod nga pipila ka adlaw, hatagi og pagtagad ang lainlaing pamaagi nga imong gibati nga gigiyahan ka sa Espiritu Santo o sa unsang paagi nimo nasinati ang bunga sa Espiritu Santo (tan-awa sa Mga Tag-Galacia 5:22–23). I-rekord ang imong mga kasinatian.

• Tun-i ang matag kasulatan nga gilista diha sa “Personal nga Pagtuon” nga kahon sa pahina 119 sa Isangyaw ang Akong Ebanghelyo. Irekord ang mga impormasyon nga inyong naangkon mahitungod sa kon unsaon sa pagbatyag ug pag-ila sa Espiritu.

Akong minahal nga mga kaigsoonan, mohangyo ko kaninyo sa pagpalambo sa inyong espirituhanong kapasidad sa pagdawat og pagpadayag. … Pilia ang paghimo sa espiritwal nga buhat nga maoy gikinahanglan aron sa pagtagamtam sa gasa sa Espiritu Santo ug mas kanunay ug mas klaro nga pagpaminaw sa tingog sa Espiritu. (“Pagpadayag alang sa Simbahan, Pagpadayag alang sa Atong mga Kinabuhi,” Liahona, Mayo 2018, 96)

• Sa inyong hunahuna ngano kaha nga importante ang pagdawat kanunay sa giya ug pagpadayag gikan sa Espiritu Santo?

Basaha ang seksiyon nga giulohan og “Mosalig sa Espiritu” diha sa Isangyaw ang Akong Ebanghelyo (pahina 123). Pangita og mga rason nga importante ang pagpakig-uban sa Espiritu samtang magbuhat kamo sa buhat sa Ginoo.

• Unsay inyong nakat-onan mahitungod kon nganong importante nga mosalig sa Espiritu Santo?

• Unsa kaha ang posibleng makuha sa hingpit nga pagsalig sa Espiritu?

• Unsay nakatabang ninyo nga mas mobati sa impluwensiya sa Espiritu sa inyong kinabuhi?

Hunahunaa nga ikaw usa ka bag-o nga misyonaryo ug gihangyo nga mohatag og usa ka pakigpulong sa inyong sunod nga miting sa district sa hilisgotan nga “Sa unsang Paagi Kita Mas Mosalig sa Espiritu Santo?” Gamit ang “Pagtuon sa Kasulatan” nga kahon sa ubos sa “Mosalig sa Espiritu” nga seksiyon sa (Isangyaw ang Akong Ebanghelyo, 123), pag-andam og duha hangtod tulo ka minuto nga pakigpulong nga motubag niini nga pangutana. Irekord ang mga baroganan ug mga kaalam nga gusto nimong ipakigbahin sa imong pakigpulong.

Pagtakda og tumong nga may kalabotan sa unsay inyong gitun-an. Gamita ang mga ideya sama sa mosunod, o paghunahuna og inyong kaugalingong ideya.

• Memoryaha ang usa ka kasulatan mahitungod sa Espiritu Santo, sama sa usa niini: 1 Nephi 4:6; 2 Nephi 32:5; Moroni 10:5; o Doktrina ug mga Pakigsaad 8:2.

• Ilha unsa ang mahimo ninyong sugdan sa pagbuhat ug unsa ang mahimo ninyong hunongon aron makatabang ninyo nga mas kanunayng maanaa kaninyo ang Espiritu Santo.