Սովորել և ուսուցանել Հիսուս Քրիստոսի ավետարանը

Նախագահ Ռասսել Մ. Նելսոնն ուսուցանել է․ «Ինչ հարց կամ խնդիր էլ ունենաք, պատասխանը միշտ գտնվում է Հիսուս Քրիստոսի կյանքի և ուսմունքների մեջ։ Իմացեք ավելին Նրա Քավության, Նրա սիրո, Նրա ողորմածության, Նրա վարդապետության և Նրա բժշկող ու զարգացնող վերականգնված ավետարանի մասին։ Դիմեք Նրան։ Հետևեք Նրան»։ Ինչպե՞ս են ձեր հարցերը և խնդիրները պատասխան ստացել, երբ ուսումնասիրել եք Փրկչի կյանքն ու ուսմունքները: Ինչպե՞ս է ձեր հավատքն օգնել ձեզ իմանալ այն հարցերի պատասխանները, որոնք անհրաժեշտ էին այդ ժամանակ։ Մտածեք, թե ինչ կարող եք սովորել Փրկչի մասին այս շաբաթ՝ ուսումնասիրելով և հավատքով, որը կօգնի ձեզ` կապված որևէ հարցի կամ մտահոգության հետ, որն այժմ հուզում է ձեզ։ Կարող եք ծրագիր կազմել, այնուհետև ստեղծել հիշեցումներ, որոնց կհետևեք:

Կարդացեք և խորհեք Տիրոջ խորհրդի շուրջ Վարդապետություն և Ուխտեր 88.118 բաժնում: Ո՞րն է տարբերությունը ուսումնասիրելով սովորելու և հավատքով սովորելու միջև: Ինչպե՞ս են գործում երկու սկզբունքները միասին: Արդյո՞ք ավետարանն ուսումնասիրելու մեր մոտեցումը տարբերվում է դպրոցում սովորելուց կամ ինտերնետում ինչ-որ բան իմանալուց: Ինչո՞ւ։ Եվ ի՞նչ նկատի ունի Տերը «լավագույն գրքեր» ասելով: Կարող եք ուսումնասիրել մի հատված «Ճշմարտությունը կազատի ձեզ» բաժնից՝ Երիտասարդներին զորացնելու համար. ուղեցույց ընտրություն կատարելու համար գրքույկից, , ապա խոսել այն բաների մասին, որոնք սովորել եք՝ կապված գիտելիք ձեռք բերելու օրհնությունների հետ: Կարող եք նպատակ դնել՝ կապված այն բանի հետ, ինչ սովորում եք։

Ալմա 1.26, 31․5, Վարդապետություն և Ուխտեր 93․53

Դեյվիդ Ա. Բեդնար, «Սովորել Տիրոջ ձևով», Լիահոնա, նոյեմբեր 2018, 50-53

Ուլիսես Սոարես «Ակնածանքով լցված Քրիստոսի և Նրա ավետարանի հանդեպ», Լիահոնա, մայիս 2022 թ, 115

«Ջանասիրաբար սովորելու կոչ արեք», Ուսուցանել Փրկչի ձևով (2022), 24-27

«Եկ, հետևիր ինձ» ձեռնարկի նախաբանն օգնում է մեզ հասկանալ, թե ինչու է ուսուցումը սուրբ պատասխանատվություն։ Այնտեղ ասվում է․ «Ավետարանն ուսումնասիրելու և ուսուցանելու նպատակն է՝ խորացնել մեր դարձը և օգնել մեզ ավելի նմանվել Հիսուս Քրիստոսին»։ Կարող եք ընտրել մի բաժին Ուսուցանել Փրկչի ձևով ձեռնարկից, որը կօգնի ձեզ ավելի շատ ուսուցանել Հիսուս Քրիստոսի նման: Ինչպե՞ս կարող եք ավելի լավ ուսուցանել ավետարանը, որպեսզի այն առաջնորդի ձեզ և ուրիշներին ավելի նմանվել Նրան։ Ի՞նչ փոքր բաներ կարող եք անել, որպեսզի ավետարանն ավելի լավ ուսուցանեք տանը, եկեղեցում կամ այլ պայմաններում: Ինչպե՞ս կարող եք ձգտել ավելի ջանասիրաբար սովորել ավետարանը, որպեսզի ավելի լավ ուսուցանեք այն ուրիշներին:

Գերագույն համաժողովի իր «Հավերժական ճշմարտություն» ուղերձում երեց Ջոն Ք. Փինգրի Կրտսերն ուսուցանել է․ «Մեր նպատակն է ուսուցանել ճշմարտությունն այնպես, որ հրավիրի Սուրբ Հոգու դարձի բերող զորությունը»: Այնուհետև նա կիսվել է յոթ պարզ հրավերներով Տիրոջ և Նրա մարգարեների կողմից, որոնք կարող են օգնել մեզ հրավիրել Հոգուն, մինչ մենք ուսուցանում ենք: Դուք կարող եք քննարկել այս յոթ սկզբունքները, նաև, թե դրանք ինչպես կարող են օգնել մեզ ուսուցանել ավետարանը Հոգու զորությամբ։ Կարող եք գտնել մի զվարճալի միջոց, որով կօգնեք միմյանց հիշել այդ յոթ սկզբունքները՝ դրանք կիրառելու համար, օրինակ՝ ստեղծել հապավում կամ այլ պարզ արտահայտություններ։

Ուսուցանել Փրկչի ձևով ձեռնարկում Առաջին Նախագահությունը հրավիրել է «ավելին իմանալ Հիսուս Քրիստոսի մասին, և ինչպես է Նա ուսուցանել ավետարանը: Աղոթքով ուսումնասիրեք Նրա խոսքերը, Նրա գործերն ու Նրա հատկանիշները և ձգտեք խստորեն հետևել Նրան»: Քննարկեք Փրկչի որոշ խոսքեր, գործողություններ և հատկանիշներ: Ինչպե՞ս կարող են դրանք օգնել ձեզ հրավիրել Հոգուն, երբ ուսուցանում եք ավետարանը: Ուսուցանել Փրկչի ձևով ձեռնարկը նաև կիսվում է Քրիստոսանման ուսուցման հետևյալ չորս սկզբունքներով. սիրեք նրանց, ում ուսուցանում եք, ուսուցանեք Հոգով, ուսուցանեք վարդապետությունը և ջանասիրաբար սովորելու կոչ արեք: Խոսեք այն մասին, թե ինչպես կարող եք կիրառել այս սկզբունքները, երբ ուսուցանեք ավետարանի ճշմարտությունները տանը, եկեղեցում և այլուր: Կարող եք նաև ավարտել անձնական գնահատումը 37-րդ էջում Ուսուցանել Փրկչի ձևով ձեռնարկում: Կարող եք քննարկել ձեր ձեռք բերած մտքերը, ապա աղոթքով խորհել, թե արդյոք կան փոփոխություններ, որոնք կարող եք կատարել՝ Քրիստոսի ավետարանն ուսուցանելիս և դրան պատրաստվելիս։

Հովհաննես 14.16-17, 26, Ալմա 37.33-37, Վարդապետություն և Ուխտեր 11.21-22, 42.12-17, 88.122

Ջեֆրի Ռ. Հոլլանդ, «A Teacher Come from God», Ensign, մայիս 1998, 25-27

Դիտեր Ֆ. Ուխդորֆ, «Ուսուցչի ստուգաթերթիկ» (ուղերձը տրվել է «Ուսուցանել Փրկչի ձևով» հեռարձակման ժամանակ, 12 հունիսի, 2022), Ավետարանի գրադարան

Նիլ Լ. Անդերսեն, «Հիսուս Քրիստոսի և մաքուր վարդապետության զորությունը» (հեռարձակում երիտասարդներին և չափահաս երիտասարդներին ուսուցանելու համար, 11 հունիսի, 2023), Ավետարանի գրադարան

«Invite Diligent Learning» (տեսանյութ), Ավետարանի գրադարան

Մտածեք փոքրիկ սերմի հրաշքի մասին, որը վերածվում է մեծ ծառի, երբ դուք կարդում և խորհում եք Ալմա 32.28-31 հատվածների շուրջ: Այնուհետև կարդացեք եղբայր Ժան Է․ Նյումանի հետևյալ խորհուրդը․ «Երեխաները շատ բաներ են ժառանգում իրենց ծնողներից, բայց վկայությունը դրանց շարքում չէ: Մենք չենք կարող մեր երեխաներին վկայություն տալ, ճիշտ ինչպես չենք կարող ստիպել, որ սերմը աճի: Բայց մենք կարող ենք ապահովել սնուցող միջավայր՝ լավ հողով, զերծ փշերից, որոնք «կխեղդեին խոսքը»: Մենք կարող ենք ձգտել կատարյալ պայմաններ ստեղծել, որպեսզի մեր երեխաները և մյուսները, որոնց մենք սիրում ենք, կարողանան տեղ գտնել սերմի համար, «[լսելու] խոսքը, և [հասկանալու] այն» [տես Մատթեոս 13․18-23] և իրենց համար բացահայտելու, «որ սերմը լավն է» [Ալմա 32․30]»: Ի՞նչը կօգնի, որ ձեր տունը հավերժական ճշմարտություններ սովորելու ավելի սնուցող միջավայր լինի ձեր կամ ձեր ընտանիքի համար։ Ինչպե՞ս կարող եք օգնել միմյանց սովորել ավետարանի բարության մասին: Ի՞նչ կարող եք անել, որպեսզի սնուցեք և ամրացնեք միմյանց վկայությունները Քրիստոսի մասին:

Երեց Դեյվիդ Ա․ Բեդնարն ուսուցանել է․ «Եթե Հիսուս Քրիստոսի և Նրա վերականգնված ավետարանի մասին իմ և ձեր գիտելիքը սահմանափակվում է նրանով, ինչ ուրիշներն են ուսուցանում կամ ասում մեզ, ապա Նրա և վերջին օրերի Նրա փառահեղ գործի մասին մեր վկայության հիմքը կառուցված է ավազի վրա [տես Մատթեոս 7․24-27]։ Մենք չենք կարող բացառապես հենվել այլ մարդկանց ունեցած լույսի և գիտելիքի վրա կամ վարձակալել դա նրանցից, նույնիսկ այն մարդկանց, ում մենք սիրում և վստահում ենք»։ Մտածեք երեց Բեդնարի խոսքերի մասին, երբ միասին կարդաք Հելաման 5.12 հատվածը: Կարող եք խորհել և խոսել այս մեջբերման և հատվածի մասին, երբ նայում եք ծովափի կամ ափեզրի մի նկարի (կամ լճակի, գետակի կամ լճի ափով քայլելիս): Մտածեք, թե ինչու մարդիկ չեն կառուցում իրենց տներն ավազի վրա: Ինչպիսի՞ հիմքերի վրա են դրանք կառուցվում: Ի՞նչ կարող եք անել՝ ձեր վկայությունն ամուր հիմքի վրա կառուցելու համար: Ավետարանի ուսումնասիրության ո՞ր սովորություններին կարող եք սկսել կամ շարունակել հետևել այսօր: Կարող եք միասին երգել «The Wise Man and the Foolish Man» կամ «How Firm a Foundation» օրհներգերը և մտածեք ձեր կյանքը Հիսուս Քրիստոսի ավետարանի հաստատուն հիմքի վրա կառուցելու մասին:

Հակիրճ խոսեք այն մասին, թե ինչու են մարդիկ նախընտրում վերանորոգել իրենց տները։ Կարող եք անգամ նայել որոշ տնային հիմնանորոգումների նկարներ։ Ինչպիսի՞ն է արդյունավետ տնային վերանորոգման արդյունքը: Նախագահ Նելսոնն ուսուցանել է, որ ավետարանն ուսումնասիրելը «ներուժ ունի բացահայտելու ընտանիքների զորությունը, երբ յուրաքանչյուր ընտանիք բարեխղճորեն և ուշադիր հետևի ու իր տունը դարձնի հավատքի սրբավայր: Ես խոստանում եմ, որ երբ ջանասիրաբար աշխատում եք վերափոխել ձեր տունը ավետարանի ուսումնասիրության կենտրոնի, … ձեր երեխաները ոգևորված կսովորեն և կապրեն Փրկիչի ուսմունքներով: … Փոփոխությունները ձեր ընտանիքներում կլինեն նշանակալից և շարունակական»։ Խոսեք ձեր ընտանիքի հետ կամ ուրիշների, որոնց հետ ապրում եք, այն փոփոխությունների մասին, որոնք բոլորդ կցանկանայիք տեսնել։ Ինչպե՞ս կարող եք «վերափոխել» ձեր տունը, որպեսզի այն լինի ավետարանի ուսուցման ավելի լավ կենտրոն: Ինչպե՞ս կարող է բարելավված, տնակենտրոն ավետարանի ուսումնասիրությունը զորացնել ձեզ բոլորիդ: Ի՞նչ փոփոխություններ կարող եք անել, և ինչպե՞ս կարող եք չափել ձեր առաջադիմությունը։

Վարդապետություն և Ուխտեր 93․38-49, Մովսես 6․57-62

Դևին Գ. Դյուրան, «Ուսուցում տանը՝ ուրախալի և սրբազան պարտականություն», Լիահոնա, մայիս 2018, 42-45

Home-Centered Gospel Learning (collection of gospel study resources), ChurchofJesusChrist.org