« តើខ្ញុំរៀបចំសម្រាប់ក្រុមសន្ទនាដោយរបៀបណា ? » សម្រាប់គ្រូបង្រៀន EnglishConnect ( ឆ្នាំ ២០២៣ )
« តើខ្ញុំរៀបចំសម្រាប់ក្រុមសន្ទនាដោយរបៀបណា ? » សម្រាប់គ្រូបង្រៀន EnglishConnect
តើខ្ញុំរៀបចំសម្រាប់ក្រុមសន្ទនាដោយរបៀបណា ?
ក្រុមសន្ទនាមានសារៈសំខាន់ចំពោះបទពិសោធន៍ EnglishConnect ។ នៅក្នុងក្រុមសន្ទនា សិស្សមានឱកាសអនុវត្តការសន្ទនាប្រកបដោយអត្ថន័យ ។ នៅពេលពួកគេជួបគ្នា សិស្សអាចទទួលបានទំនុកចិត្ត រៀនពីព្រះវិញ្ញាណ និងគាំទ្រគ្នាទៅវិញទៅមក ។
ការនិយាយភាសាអង់គ្លេសជួយឲ្យអ្នករៀនរីកចម្រើន និងជាមធ្យោបាយដ៏សំខាន់មួយដើម្បីស្វែងរកអំណោយទានខាងភាសា ។ អ្នកអាចដឹកនាំក្រុមសន្ទនាដោយប្រើភាសាអង់គ្លេសសាមញ្ញៗ ។ ប្រសិនបើចាំបាច់ អ្នករៀនអាចយោងទៅលើការបកប្រែនៅក្នុងសៀវភៅសិក្សាសម្រាប់អ្នករៀន EnglishConnect ជាភាសាកំណើតរបស់ពួកគេ ។ ការបកប្រែបានផ្តល់ជូនសម្រាប់គោលបំណង គោលការណ៍នៃការរៀនសូត្រ វាក្យសព្ទ និងការណែនាំ ។
មុនពេលក្រុមសន្ទនារបស់អ្នកជួបគ្នា សូមមើលផ្នែកនីមួយៗនៅក្នុងសៀវភៅសិក្សាអ្នករៀន EnglishConnect ។ ខាងក្រោមនេះជាជំហានមួយចំនួនដើម្បីជួយអ្នកក្នុងការរៀបចំខ្លួន ៖
-
សូមអធិស្ឋាន ហើយស្វែងរកជំនួយពីព្រះ ។
-
សូមពិចារណាពីរបៀបដែលអ្នកនឹងបណ្តុះឲ្យមានសេចក្តីជំនឿ ការរាប់អាន និងរីកចម្រើននៅក្នុងក្រុម ។
-
តើខ្ញុំអាចយាងអញ្ជើញព្រះវិញ្ញាណដោយរបៀបណា ?
-
តើខ្ញុំអាចជួយអ្នករៀនស្វែងរក និងស្គាល់ជំនួយរបស់ព្រះអម្ចាស់ដោយរបៀបណា ?
-
តើខ្ញុំអាចជួយអ្នករៀនឲ្យស្រឡាញ់ និងគាំទ្រគ្នាដោយរបៀបណា ?
-
តើខ្ញុំអាចជួយអ្នករៀននិយាយភាសាអង់គ្លេស និងអភិវឌ្ឍដោយរបៀបណា ?
-
-
សិក្សាគោលការណ៍នៃការរៀនសូត្រ ។
-
តើខ្ញុំបានដកពិសោធន៍នឹងគោលការណ៍នេះដោយរបៀបណា ?
-
តើខ្ញុំអាចជួយអ្នករៀនអនុវត្តគោលការណ៍នេះដោយរបៀបណា ?
-
តើខ្ញុំអនុវត្តគោលការណ៍នេះនៅក្នុងការបង្រៀនរបស់ខ្ញុំដោយរបៀបណា ?
-
-
មើលវាក្យសព្ទ និងលំនាំទាំងឡាយ ។
-
តើខ្ញុំអាចប្រើវាក្យសព្ទ និងលំនាំទាំងឡាយដោយទំនុកចិត្តក្នុងការសន្ទនាបានដែរឬទេ ?
-
-
សកម្មភាពអំណាន ១–៣ ។
-
តើខ្ញុំនឹងបង្ហាញសកម្មភាពនីមួយៗដោយរបៀបណា ?
-
តើខ្ញុំនឹងចាប់គូអ្នករៀនដើម្បីអនុវត្តដោយរបៀបណា ?
-
តើខ្ញុំនឹងគាំទ្រអ្នករៀនដោយរបៀបណាពេលពួកគេអនុវត្ត ?
-
-
សូមមើលផ្នែក « វាយតម្លៃ » ។
-
តើខ្ញុំនឹងជួយសិស្សឲ្យទទួលបានជោគជ័យដោយរបៀបណា ?
-
តើខ្ញុំនឹងជួយអ្នករៀនឲ្យប្រើ « កម្មវិធីតាមដានការរៀនផ្ទាល់ខ្លួន » ក្នុងសៀវភៅសិក្សាសម្រាប់អ្នករៀនដោយរបៀបណា ?
-
-
សូមមើលផ្នែក « ការធ្វើសកម្មភាពដោយសេចក្តីជំនឿដើម្បីអនុវត្តភាសាអង់គ្លេសប្រចាំថ្ងៃ » ។
-
តើខ្ញុំនឹងលើកទឹកចិត្តអ្នករៀនឲ្យសិក្សាផ្នែក « ការសិក្សាផ្ទាល់ខ្លួន » មុននឹងក្រុមជួបប្រជុំ និងអនុវត្តភាសាអង់គ្លេសជារៀងរាល់ថ្ងៃដោយរបៀបណា ?
-
តើខ្ញុំនឹងលើកទឹកចិត្តអ្នករៀនឲ្យពឹងផ្អែកលើព្រះអម្ចាស់យ៉ាងដូចម្ដេច ?
-
សូមមើលផ្នែក « ធនធានក្រុម » នៅក្នុងសៀវភៅសិក្សានេះ ។ ( ធនធានទាំងនេះត្រូវបានរួមបញ្ចូលផងដែរនៅក្នុងសៀវភៅសិក្សាសម្រាប់អ្នករៀន EnglishConnect ) ។ សូមរៀបចំផែនការនូវរបៀបដែលអ្នកនឹងប្រើធនធានទាំងនេះ ។ នៅផ្នែកនេះ « ឃ្លាក្រុមសន្ទនា » រួមបញ្ចូលឃ្លាសាមញ្ញៗ ដែលអាចជួយក្រុមធ្វើអន្តរកម្មជាភាសាអង់គ្លេស ។ « ការអធិស្ឋានជាភាសាអង់គ្លេស » រួមបញ្ចូលគំរូសាមញ្ញៗដើម្បីជួយអ្នករៀនអធិស្ឋានជាភាសាអង់គ្លេស ។ អ្នកអាចអញ្ជើញអ្នកចូលរួមឲ្យមើលផ្នែកនេះ ដើម្បីរៀបចំខ្លួនអធិស្ឋានបើក ឬបិទ ។
ធនធាន និងឧទាហរណ៍នៃការបង្រៀនបន្ថែមមាននៅក្នុងបណ្ណាល័យដំណឹងល្អ និងនៅលើគេហទំព័រ englishconnect.org/teacher ។
មិត្តនៃជំនឿផ្សេង
ការផ្តោតទៅលើការរៀនផ្អែកលើជំនឿគឺជារឿងមួយដែលធ្វើឲ្យ EnglishConnect ពិសេស ។ អ្នកអាចបញ្ចូលបុគ្គលដែលមកពីប្រវត្តិនៃជំនឿផ្សេងៗដោយជួយពួកគេឲ្យគិតអំពីរបៀបដែលគោលការណ៍នៃការរៀនសូត្រអាចអនុវត្តចំពោះពួកគេ ។ អ្នកអាចប្រើ « គោលការណ៍នៃការរៀនសទ្ទានុក្រម » នៅក្នុងសៀវភៅសិក្សាសម្រាប់អ្នករៀន EnglishConnect ដើម្បីជួយពួកគេឲ្យយល់អំពីលក្ខខណ្ឌនៃដំណឹងល្អ ។ តាមការដឹកនាំដោយព្រះវិញ្ញាណ សូមពិចារណាអញ្ជើញពួកគេឲ្យចែកចាយនូវអ្វីដែលពួកគេកំពុងរៀន នៅពេលអ្នកពិភាក្សាអំពីគោលការណ៍នៃការរៀនសូត្រ ។ សូមបង្ហាញការគោរពចំពោះជំនឿរបស់អ្នកដទៃជានិច្ច ខណៈពេលដែលការចែកចាយដោយបើកចំហនូវជំនឿរបស់អ្នកថា ព្រះអាចជួយពួកគេរៀនភាសាអង់គ្លេសបាន ។
អ្នកអាចស្វែងរកគំនិតបន្ថែមនៅក្នុងសេចក្តីណែនាំនៃសៀវភៅសិក្សា ប្រកាសដំណឹងល្អរបស់យើង សូមមើលផ្នែក « ការប្រើប្រាស់ ប្រកាសដំណឹងល្អរបស់យើង ដោយសមាជិកសាសនាចក្រ » ។
ការធ្វើការជាមួយយុវវ័យ
EnglishConnect អាចផ្តល់ពរដល់ជីវិតរបស់យុវវ័យ ។ ស្តេក វួដ និងបេសកកម្មអាចរៀបចំក្រុមសម្រាប់តែយុវវ័យប៉ុណ្ណោះ ។ ប្រសិនបើក្រុមយុវជន និងមជ្ឈិមវ័យត្រូវបានបញ្ចូលគ្នា សូមពិចារណាដាក់ក្រុមយុវវ័យចូលគ្នាសម្រាប់សកម្មភាពអនុវត្ត ។
សូមចងចាំថាត្រូវធ្វើតាម គោលនយោបាយការពារយុវវ័យរបស់សាសនាចក្រ ។ អនីតិជន ( អាយុ ១៨ ឆ្នាំ ឬក្រោមនេះ និងរស់នៅក្នុងផ្ទះ ) ត្រូវតែមានបែបបទការយល់ព្រមពីឪពុកម្តាយដែលបានចុះហត្ថលេខា មុនពេលចូលរួមក្រុមនេះ ។ ទម្រង់បែបបទទាំងឡាយមានជាភាសាជាច្រើនតាមអនឡាញនៅគេហទំព័រ englishconnect.org/resources/leader ។ លើសពីនេះ វគ្គរៀន EnglishConnect ត្រូវតែអនុវត្តតាមគោលការណ៍របស់សាសនាចក្រ ដែលយ៉ាងហោចណាស់មានមជ្ឈិមវ័យដែលមានទំនួលខុសត្រូវពីរនាក់តែងតែមានវត្តមានក្នុងអំឡុងពេលកិច្ចប្រជុំជាក្រុម ។ អ្នកត្រូវតែអនុវត្តតាមគោលការណ៍ទាំងនេះ ទោះបីជាក្រុមកំពុងប្រជុំតាមអ៊ីនធឺណិតក៏ដោយ ។