« តើអ្នករៀនធ្វើអ្វីខ្លះ ? » សម្រាប់គ្រូបង្រៀន EnglishConnect ( ឆ្នាំ ២០២៣ )
« តើអ្នករៀនធ្វើអ្វីខ្លះ ? » សម្រាប់គ្រូបង្រៀន EnglishConnect
តើអ្នករៀនធ្វើអ្វីខ្លះ ?
ក្នុងនាមជាគ្រូបង្រៀន EnglishConnect អ្នកត្រូវយល់ពីអ្វីដែលអ្នករៀននឹងធ្វើ ដើម្បីអ្នកអាចជួយពួកគេឲ្យទទួលបានជោគជ័យ ។ អ្នករៀននឹងទទួលបានជោគជ័យខ្លាំងបំផុត នៅពេលដែលពួកគេបំពេញសកម្មភាពរៀនផ្ទាល់ខ្លួន ចូលរួមក្នុងក្រុមសន្ទនា និងបង្កើតទម្លាប់នៃការអនុវត្តភាសាអង់គ្លេសប្រចាំថ្ងៃ ។ មេរៀននីមួយៗនៅក្នុង EnglishConnect ១ សម្រាប់អ្នករៀន និង EnglishConnect ២ សម្រាប់អ្នករៀន គឺបំបែកជាពីរផ្នែក ៖ « Personal Study » ( ការសិក្សាផ្ទាល់ខ្លួន ) និង « Conversation Group » ( ក្រុមសន្ទនា ) ។ សូមមើល « សេចក្តីណែនាំ » នៅក្នុងសៀវភៅណែនាំអ្នករៀន EnglishConnect ដើម្បីជួយអ្នកឲ្យយល់ពីបទពិសោធន៍របស់អ្នករៀន ។
ស្វែងរកការរៀនសូត្រដោយសារការសិក្សា និងដោយសេចក្តីជំនឿ
មូលដ្ឋានគ្រឹះនៃបទពិសោធន៍ EnglishConnect គឺជួយអ្នករៀន « ចូរស្វែងរកការរៀនសូត្រគឺដោយសារការសិក្សា និងដោយសារសេចក្តីជំនឿផង » ( គោលលទ្ធិ និងសេចក្តីជំនឿ ៨៨:១១៨ ) ។ រាល់មេរៀននៅក្នុង EnglishConnect គឺផ្តោតលើគោលការណ៍នៃការរៀនសូត្រ ។ ទាំងនេះគឺជាគោលការណ៍ខាងវិញ្ញាណដែលជួយយើងពឹងផ្អែកលើព្រះអម្ចាស់ដើម្បីបង្កើនសមត្ថភាពរបស់យើងដើម្បីរៀន និងបង្រៀន ។ គោលការណ៍នៃការរៀនសូត្រអាចជួយយើងយល់ពីសក្ដានុពលពិតប្រាកដរបស់យើង និងសមត្ថភាពរបស់ព្រះអង្គសង្រ្គោះដើម្បីជួយយើង ។ គោលការណ៍នៃការរៀនសូត្រដែលយើងនឹងសិក្សា និងគំរូនៅក្នុងបទពិសោធន៍ EnglishConnect រួមមាន ៖
អ្នកគឺជាបុត្ររបស់ព្រះ
ខ្ញុំជាកូនរបស់ព្រះដែលមានសក្តានុពល និងគោលបំណងដ៏អស់កល្បជានិច្ច ។
( សូមមើល រ៉ូម ៨:១៦–១៧; « ក្រុមគ្រួសារ ៖ ការប្រកាសដល់ពិភពលោក » ) ។
អនុវត្តសេចក្ដីជំនឿលើព្រះយេស៊ូវគ្រីស្ទ
ព្រះយេស៊ូវគ្រីស្ទអាចជួយខ្ញុំធ្វើគ្រប់កិច្ចការទាំងអស់ នៅពេលខ្ញុំអនុវត្តសេចក្តីជំនឿលើទ្រង់ ។
( សូមមើល ភីលីព ៤:១៣; អេធើរ ១២:២៧; មរ៉ូណៃ ៧:៣៣ ) ។
ត្រូវមានការទទួលខុសត្រូវ
ខ្ញុំមានអំណាចក្នុងការជ្រើសរើស ហើយខ្ញុំទទួលខុសត្រូវលើការរៀនសូត្ររបស់ខ្ញុំផ្ទាល់ ។
( សូមមើល នីហ្វៃទី២ ២:១៤, ១៦; គោលលទ្ធិ និងសេចក្តីសញ្ញា ៥៨:២៧–២៨ ) ។
ស្រឡាញ់ និងបង្រៀនគ្នាទៅវិញទៅមក
ខ្ញុំអាចរៀនពីព្រះវិញ្ញាណបរិសុទ្ធ នៅពេលខ្ញុំស្រឡាញ់ បង្រៀន និងរៀនជាមួយអ្នកដទៃ ។
( សូមមើល យ៉ូហាន ១៣:៣៤–៣៥; យ៉ូហាន ១៤:២៦–២៧; គោលលទ្ធិ និងសេចក្តីសញ្ញា ៨៤:១០៦; ៨៨:៧៧, ១២២–១២៣ ) ។
ឈានទៅមុខ
ដោយមានជំនួយរបស់ព្រះ ខ្ញុំអាចឈានទៅមុខ ទោះជាខ្ញុំប្រឈមមុខនឹងឧបសគ្គក៏ដោយ ។
( សូមមើល នីហ្វៃទី២ ៣១:២០; ៣២:៩; គោលលទ្ធិ និងសេចក្តីសញ្ញា ៥០:៤១–៤២ ) ។
ប្រឹក្សាជាមួយនឹងព្រះអម្ចាស់
ខ្ញុំកែលម្អការរៀនសូត្ររបស់ខ្ញុំដោយការប្រឹក្សាជាមួយព្រះជារៀងរាល់ថ្ងៃអំពីការខិតខំរបស់ខ្ញុំ ។
( សូមមើល សុភាសិត ៣:៥–៦; ម៉ាថាយ ៧:៧–៨; អាលម៉ា ៣៧:៣៧ ) ។
ការរៀនផ្ទាល់ខ្លួន
ពីមុនចូលរួមនៅក្នុងក្រុមសន្ទនា នោះអ្នករៀនបំពេញ « Personal Study » ផ្នែក ( ការសិក្សាផ្ទាល់ខ្លួន ) នៅក្នុងសៀវភៅសិក្សាសម្រាប់អ្នករៀន ។ នៅក្នុងផ្នែកនេះ អ្នករៀនសិក្សាអំពីគោលការណ៍នៃការរៀនសូត្រ ទន្ទេញវាក្យសព្ទ និងការអនុវត្តដោយប្រើគំរូប្រយោគ ។
ការទន្ទេញវាក្យសព្ទ និងគំរូអនុវត្តគឺជាសកម្មភាពដែលធ្វើបានល្អបំផុតក្នុងការរៀនផ្ទាល់ខ្លួន ។ ការណ៍នេះអនុញ្ញាតឲ្យអ្នករៀនធ្វើជាម្ចាស់ទស្សនៈតាមល្បឿនផ្ទាល់ខ្លួនរបស់ពួកគេ ។
ក្រុមសន្ទនា
នៅក្នុងក្រុមសន្ទនា អ្នករៀនបំពេញ « Conversation Group » សកម្មភាព ( ក្រុមសន្ទនា ) នៅក្នុងសៀវភៅសិក្សាសម្រាប់អ្នករៀន ។ ធ្វើការជាក្រុមតូចៗ ឬជាគូៗ អ្នករៀនពិភាក្សាអំពីគោលការណ៍នៃការរៀនសូត្រ ពិនិត្យមើលវាក្យសព្ទ និងគំរូប្រយោគ និងអនុវត្តការសន្ទនា ។ សកម្មភាពនីមួយៗរៀបចំអ្នករៀនសម្រាប់សកម្មភាពបន្ទាប់ ។ នៅចុងបញ្ចប់នៃក្រុមសន្ទនានីមួយៗ អ្នករៀនវាយតម្លៃការរីកចម្រើនរបស់ពួកគេ ហើយដាក់គោលដៅសម្រាប់ការអនុវត្តប្រចាំថ្ងៃ ។
ការអនុវត្តប្រចាំថ្ងៃ
ដើម្បីរៀនភាសាអង់គ្លេសឲ្យបានល្អបំផុត អ្នករៀនត្រូវបង្កើតទម្លាប់នៃការអនុវត្តជារៀងរាល់ថ្ងៃ ។ ដើម្បីបង្កើតទម្លាប់នេះបាន អ្នករៀនត្រូវស្វែងរកវិធីដើម្បីបញ្ចូលភាសាអង់គ្លេសទៅក្នុងសកម្មភាពប្រចាំថ្ងៃរបស់ពួកគេ ។ ឧទាហរណ៍ ពេលពួកគេស្តាប់តន្ត្រី ពួកគេអាចស្តាប់ជាភាសាអង់គ្លេស ។ អ្នករៀនក៏អាចមានការសន្ទនាសាមញ្ញៗជាភាសាអង់គ្លេសនៅផ្ទះ កន្លែងធ្វើការ ឬព្រះវិហារផងដែរ ។ ( សូមមើលគំនិតបន្ថែមនៅក្នុងផ្នែក « មតិយោបល់សម្រាប់ការសិក្សា » នៅក្នុងសៀវភៅសិក្សាសម្រាប់អ្នករៀន EnglishConnect ) ។ គន្លឹះនៃការអនុវត្តប្រចាំថ្ងៃ គឺដើម្បីជួយអ្នករៀនស្វែងរកវិធីប្រើប្រាស់ភាសាអង់គ្លេសតាមទម្លាប់ធម្មតាៗ ។
ជាផ្នែកនៃការអនុវត្តប្រចាំថ្ងៃរបស់ពួកគេ អ្នករៀនអាចបំពេញអ្វីដែលត្រូវគ្នា « Personal Study » ផ្នែក ( ការសិក្សាផ្ទាល់ខ្លួន ) នៅក្នុងសៀវភៅសិក្សាសម្រាប់អ្នករៀន ។ ពួកគេក៏អាចបំពេញសកម្មភាពមេរៀន និងការវាយតម្លៃតាមអនឡាញនៅគេហទំព័រ englishconnect.org/learner/resources ហើយនៅក្នុង សៀវភៅលំហាត់ EnglishConnect និង សៀវភៅលំហាត់ EnglishConnect ២ ។