Mau uira’a e ui-pinepine-hia

E ti’a i te mau pīahi ’ia fāna’o i te EnglishConnect 1 nō te mau pīahi ’e ’aore rā i te EnglishConnect 2 nō te mau pīahi. Tē vai ato’a ra te tahi atu mau rāve’a tauturu nō te ha’amaita’i i te ha’api’ira’a. ’A hi’o i te tābula i raro nei nō te fa’a’ite i te mau rāve’a tauturu ato’a e vai ra nō te mau pīahi :

• EnglishConnect 1 nō te mau pīahi ’e EnglishConnect 2 nō te mau pīahi : E fa’a’ohipa te mau pīahi i teie mau buka ha’api’ira’a nō te fa’aineine ’e nō te ’āmui atu i roto i te tāu’ara’aparau a te pupu. E tuha-hia te buka ha’api’ira’a a te pīahi tāta’itahi i roto e ono pupu e maha e tae atu e pae ha’api’ira’a. I roto i te ha’api’ira’a tāta’itahi tē vai ra te mau tuha’a « Tuatāpapara’a a te ta’ata hō’ē » ’e « ’Āparaura’a pupu ». E fa’aitoitohia te mau pīahi ’ia fa’aoti i te mau ’ohipara’a o te « Tuatāpapara’a a te ta’ata hō’ē » nā mua a’e ’a haere ai i te ’āparaura’a a te pupu. E nehenehe ’outou e fāna’o i te mau buka ha’api’ira’a a te pīahi ’e te mau mātēria fa’aro’o i roto i te Vaira’a buka ’evanelia ’e ’aore rā e poro’i i te reira i roto i te store.ChurchofJesusChrist.org (mau parau nūmera 18489 & 19563).

• EnglishConnect 1 Vaira’a parau ’e EnglishConnect 2 Vaira’a parau : Tē vai ra tā te mau pupu EnglishConnect 1 ’e 2 tā rātou iho vaira’a parau. E fa’a’ohipa te mau pīahi i te mau ’ohipara’a i roto i teie mau vaira’a parau, o rātou ana’e ’e ’aore rā nā muri i te hō’ē hoa ’ei ha’api’ipi’ira’a hau ta’a ’ē atu i te pupu ’āparaura’a. E nehenehe ’outou e fāna’o i te mau buka ha’api’ira’a a te pīahi ’e te mau mātēria fa’aro’o i roto i te Vaira’a buka ’evanelia ’e ’aore rā e poro’i i te reira i ni’a i te store.ChurchofJesusChrist.org (mau parau nūmera 17140 & 17323).

• EnglishConnect.org : Tē vai ra i ni’a i te tahua itenati EnglishConnect te mau ’ohipara’a ta’a ’ē nō te ha’api’ira’a tāta’itahi.

• Vaira’a buka ’evanelia : E nehenehe te mau pīahi e tai’o ’e ’aore rā e fa’aro’o i te mau a’ora’a o te ’āmuira’a rahi, te Buka a Moromona, ’e te mau Hīmene.

• Te tahi atu mau buka ’e Fa’aaura’a rorouira : E rave rahi mau rāve’a tei fa’a’ohipahia nō te tauturu i te mau ta’ata ’ia ha’api’i i te reo Peretāne. E ti’a i te mau pīahi ’ia « ’imi […] i roto i te mau buka maita’i roa a’e i te mau parau nō te pa’ari ; ’imi ho‘i i te ’ite, ’oia ïa nā roto i te ha’api’i ’e nā roto ato’a i te fa’aro’o » (Te Ha’api’ira’a Tumu ’e te mau Fafaura’a 88:118).

E ti’a i te mau ’orometua ha’api’i ’ia fa’aitoito i te mau pīahi ’ia tāmata i te mau rāve’a rau ’e ’ia hi’o i te maita’i o te ’ohipa tāta’itahi nō rātou.

E ti’a i te mau ’orometua ha’api’i ’ia tuatāpapa i te EnglishConnect nō te mau ’orometua ha’api’i i roto i te Vaira’a Buka ’Evanelia e tae noa atu i te tahi atu mau rāve’a tauturu nō te ha’api’ipi’ira’a i ni’a ia englishconnect.org/teacher/training. E nehenehe ato’a te mau ’orometua ha’api’i e fa’a’ohipa i te mau rāve’a fa’anahora’a a te EnglishConnect nō te arata’i i te mau ’ohipara’a tāu’ara’aparau pupu. E ’itehia te mau rāve’a fa’anahora’a i ni’a ia englishconnect.org/resources/teaching-materials.