Fā

E fa’anahora’a ha’api’ira’a nō te reo Peretāne te EnglishConnect o tei hōro’ahia e Te ’Ēkālesia a Iesu Mesia i te Feiā Mo’a i te Mau Mahana Hope’a Nei. Te fā a te EnglishConnect, ’o te tauturura’a ïa i te mau ta’ata ’ia fa’arahi i tō rātou fa’arava’ira’a iāna iho i te pae vārua ’e i te pae tino nā roto i te fa’atupura’a i te ’aravihi nō te reo Peretāne i roto i te hō’ē vāhi nō te fa’aro’o, te autaea’era’a ’e te tupura’a i te rahi.

E turu te EnglishConnect i te ’ohipa nō te fa’aorara’a ’e te fa’ateiteira’a a te Atua

E nehenehe te EnglishConnect e tauturu i te mau tamari’i a te Atua ’ia :

Ora i te ’evanelia a Iesu Mesia. I roto i te EnglishConnect, e fa’a’ohipa te mau pīahi i te mau parau tumu nō te ha’api’ira’a « nā roto i te ha’api’i ’e nā roto ato’a i te fa’aro’o » (Te Ha’api’ira’a Tumu ’e te mau Fafaura’a 88:118). E ha’apūai te mau ’orometua ha’api’i ’e te mau pīahi i tō rātou fa’aro’o nā roto i te ’imira’a ’e te fa’ari’ira’a i te tauturu a te Fatu. (Hi’ora’a)
Aupuru i te feiā i roto i te fifi. E nehenehe te ’aravihi i te reo Peretāne e fa’arahi i te mau rāve’a nō te fa’arava’ira’a iāna iho ’e te tāvinira’a. E tauturu te EnglishConnect i te mau pīahi ’ia fa’aineine nō te mau rāve’a tāvinira’a, te tōro’a ’ohipa, ’e te ha’api’ira’a. Ta’a ’ē noa atu te reira, e tāvini ’e e here te mau pīahi i te tahi ’e te tahi nā roto i te ha’api’ira’a ’e te ’apo-’āmui-ra’a. (Hi’ora’a)
’A ani i te mau ta’ata ato’a ’ia fa’ari’i i te ’evanelia. I roto i te mau pupu EnglishConnect, e ha’api’i mai ’e e fa’a’ohipa te mau pīahi i te mau parau tumu nō te ’evanelia ’e e patu i te mau auhoara’a. Nā roto i te EnglishConnect, e rāve’a rahi tā te mau pīahi nō te pe’e i te Vārua nā roto i te herera’a, te fa’a’itera’a ’e te anira’a ia vetahi ’ē ’ia ’ite i te mau ha’amaita’ira’a o te ’evanelia. (Hi’ora’a)