« Hi’ora’a rere ā manu », Buka arata’i nō te fa’a’ohipa i te EnglishConnect (2023)
« Hi’ora’a rere ā manu », Buka arata’i nō te fa’a’ohipa i te EnglishConnect
Hi’ora’a rere ā manu
E rave rahi fāito tō te EnglishConnect nō te tauturu i te mau pīahi ’ia haere i mua. E tauturu te EnglishConnect 1 ’e 2 i te mau pīahi ’ia fa’ananea i te mau ’aravihi tumu nō te reo Peretāne. E tauturu te EnglishConnect 3 i te mau pīahi ’ia fa’ananea i te mau ’aravihi i ni’a atu nō te reo Peretāne nō te mau rāve’a tōro’a ’ohipa, tāvinira’a, ’e nō te ha’api’ira’a—’oia ato’a rā BYU–Pathway Worldwide.
E faufa’a-hia atu ā te EnglishConnect mai te mea e noa’a te mau fāito ato’a i te mau pīahi.
Te mau Titaura’a nō te Fa’aōra’a
E ti’a i te mau pīahi ’ia ’ite i te tai’o nā roto i tō rātou reo tumu ’e ’ia nae’ahia e 11 a’e matahiti nō te tomo i roto i te mau pupu EnglishConnect.
Teie i raro nei te mau ’aravihi nō te reo Peretāne e hina’arohia i te mau pīahi nō te ha’amata i te fāito tāta’itahi.
EnglishConnect 1 : Tai’o i te pī’āpā ’e e parau i te mau ta’o tumu
EnglishConnect 2 : Hāmani i te mau pereota tumu
EnglishConnect 3 : Fa’atupu i te mau ’āparaura’a tano, tai’o ’e pāpa’i i te mau pereota tumu*
*E tītauhia i te mau pīahi ’ia manuia i te hi’opo’ara’a nō te reo Peretāne nō te ’āmui i te EnglishConnect 3.