O Fesili e Fesiligia Soo

O a ni suiga e mafai ona ou faia i punaoa mo le aoaoina ma le faalauiloaina?

O a anomea a le tagata aoao ma le faiaoga mo le EnglishConnect?

E faapefea ona ou iloa pe o manuia ia vaega?

E faapefea ona ou iloa pe tatau i se tagata aoao ona ave le EnglishConnect 1 po o le 2?

O a ni suiga e mafai ona ou faia i punaoa mo le aoaoina ma le faalauiloaina?

O punaoa o le EnglishConnect e puipuia e le tulafono o le puletaofia ma e le tatau ona suia e aunoa ma se faatagaga. Tagai i le vaega “Faaopoopoga A: Faamatalaga Faaletulafono” mo faamatalaga e faatatau i talosaga mo faatagaga e fai ai suiga i punaoa.

E toafia faiaoga ou te manaomia?

Ua fautuaina ia tofu vaega taitasi ma ni faiaoga e le itiiti ifo ma le toalua. O lena auala e mafai ai ona latou aoao faatasi pe suitulaga le tasi i le isi pe afai e aluese pe ma‘i se tasi.

Taua: O vaega o le EnglishConnect e tatau ona mulimuli i aiaiga faavae a le Ekalesia e faapea e tatau ona le itiiti ifo ma le toalua ni tagata matutua faatuatuaina e tatau ona i ai i taimi uma i fonotaga taitasi a vaega. Afai e na o le tasi le faiaoga, ona tofi lea o se tagata matua o le vaega e auai i lesona taitasi. Aua nei faia ni vaega pe afai e le itiiti ifo ma le toalua ni tagata matutua faatuatuaina o i ai.

O a anomea a le tagata aoao ma le faiaoga mo le EnglishConnect?

Anomea mo Tagata Aoao

O le a manaomia e tagata aoao ona maua ia le EnglishConnect 1 mo Tagata Aoao po o le EnglishConnect 2 mo Tagata Aoao. O loo maua foi punaoa faaopoopo e faaleleia ai le aoaoina. Tagai i le lisi o loo i lalo mo faamatalaga o punaoa uma o loo maua mo tagata aoao:

EnglishConnect 1 mo Tagata Aoao ma le EnglishConnect 2 mo Tagata Aoao: E faaaoga e Tagata Aoao nei tusi lesona e saunia ai ma faasoa ai i vaega o talanoaga. O tusi lesona taitasi a le tagata aoao ua vaevaeina i ni iunite se ono e fa i le lima lesona. O lesona taitasi e aofia ai vaega o “Suesuega Faaletagata Lava Ia” ma le “Vaega o Talanoaga”. Ua uunaia tagata aoao e faamaea ia gaoioiga o le “Suesuega Faaletagata Lava Ia” a o lei o mai i le vaega o talanoaga. E mafai ona e mauaina tusi lesona a le tagata aoao ma auina atu faatasi ma punaoa otio i le Gospel Library pe okaina i latou i le store.ChurchofJesusChrist.org (numera aitema 18489 & 19563).
Apigaluega mo le EnglishConnect 1 ma le Apigaluega mo le EnglishConnect 2: E tofu lava vaega taitasi o le EnglishConnect 1 ma le 2 ma a latou apigaluega. E faaaoga e tagata aoao ia gaoioiga i nei apigaluega e i latou lava pe faatasi foi ma se paga e fai ma faataitaiga faaopoopo i fafo atu o le vaega o talanoaga. E mafai ona e maua apigaluega i le Gospel Library pe oka foi i le store.ChurchofJesusChrist.org (numera aitema 17140 & 17323).
EnglishConnect.org: O le uepisaite o le EnglishConnect e aofia ai gaoioiga faataitai fesootai mo lesona taitasi.
Gospel Library App: E mafai e tagata aoao ona faitau pe faalogologo i lauga o konafesi aoao, le Tusi a Mamona, ma viiga.
O isi Tusi ma Polokalama: E tele punaoa ua atiina ae e fesoasoani ai i tagata e aoao le Igilisi. E tatau i tagata aoao ona “saili mai totonu o tusi sili ona lelei upu o le poto; saili i le aoaoina, e ala lava lea i le suesue ma le faatuatua foi” (Mataupu Faavae ma Feagaiga 88:118).

E tatau i faiaoga ona uunaia tagata aoao e faataitai ni punaoa eseese ma iloilo po o le a le lelei o galuega taitasi mo i latou.

Numera o Aitema i le Faleoloa a le Ekalesia

EnglishConnect 1 mo Tagata A’oa’o	18489
EnglishConnect 2 mo Tagata A’oa’o	19563
Apigaluega mo le EnglishConnect 1	17140
Apigaluega mo le EnglishConnect2	17323

Anomea mo Faiaoga

E tatau i faiaoga ona suesue i le EnglishConnect mo Faiaoga i totonu o le Gospel Library faapea foi ma isi punaoa faaleaoaoaga i le englishconnect.org/teacher/training. E mafai foi e faiaoga ona faaaoga punaoa mo le aoaoina atu o le EnglishConnect e taiala ai gaoioiga a vaega o talanoaga. O aoaoga o lesona e maua i le englishconnect.org/resources/teaching-materials.

E faapefea ona ou iloa pe o manuia ia vaega?

O le faamoemoega o le EnglishConnect o le fesoasoani lea i tagata aoao e faateleina lo latou ola tutoatasi faaleagaga ma faaletino a o latou sailia le fesoasoani a le Alii e aoao le Igilisi. O le aoaoina o le Igilisi e mafai foi ona faalautele ai o latou avanoa faaleaoaoga ma galuega. O kosi o le EnglishConnect ua mamanuina e fesoasoani i tagata aoao e faaaoga mataupu faavae o le talalelei a o latou galulue faatasi e ausia a latou sini e aoao ai.

O le a e iloa o loo faamanuiaina faiaoga pe a latou:

Valaaulia le Agaga e ala i molimau, tatalo, ma faailoaga o le alofa ma le faamalosiauga.
Tuuto atu le 20 i le 30 minute o le taimi o le vaega e talanoaina ai le mataupu faavae o le aoaoina mai le lesona.
Faaalu le tele o le taimi faalevaega e fesoasoani ai i tagata aoao e auai i gaoioiga faataitai fesootai.

O le a e iloa o loo faamanuiaina tagata aoao pe a latou:

Auai e le aunoa ma auai ma le mataalia i vasega faalevaiaso.
Aoao e le tasi le isi, faaali atu le faatuatua, ma faasoa atu le molimau.
Galue i le faatuatua e suesue ma faataitai le Igilisi i aso uma i fafo atu o le vaega.

E faapefea ona ou iloa pe tatau i se tagata aoao ona ave le EnglishConnect 1 po o le 2?

E mafai ona e faaaogaina le faavasegaga puupuu tuutaliga i le “Faaopoopoga E: Faatalanoaga o le Tomai o le Tuuina Atu mo le Nofoaga i Vaega o le EnglishConnect” e fuafua ai pe tatau ona tuu se tagata aoao i le EnglishConnect 1 po o le EnglishConnect 2. Afai e na o le tasi le vaega o loo ofoina atu, e mafai e tagata aoao mai tulaga uma e lua ona galulue faatasi e tuuina atu ma maua le lagolago.