Taiala Faaopoopo

Uunaia le faatuatua, faaaumea, ma le tuputupu ae. Fesoasoani e fausia se siosiomaga e mafai ai e tagata aoao ona faateleina lo latou faatuatua, maua le faaaumeaina, ma faatupulaia o latou gafatia. E mafai ona e faia lenei mea e ala i le valaauina o faiaoga, sauniaina o fale ma fanua, ma faamautinoa ua i ai i tagata aoao ma faiaoga ia punaoa talafeagai. E mafai foi ona outou galulue faatasi ma isi o e e mafai ona lagolagoina tagata aoao, e pei o faifeautalai ma isi vaega o le ola tutoatasi.

Fefautuaai faatasi ma taitai perisitua. Ia mautinoa ua i ai i lau polokalama le faamaoniga ma le vaavaaiga a taitai perisitua. O taitai perisitua e aofia ai i latou o loo vaaia le ola tutoatasi, seminare ma inisitituti, ma taumafaiga faafaifeautalai. Fefautuaai faatasi ma taitai perisitua i le:

• Setiina ma le mataituina o sini ma manuia (tagai i le “E Lagolago e le EnglishConnect le Galuega a le Atua mo le Faaolataga ma le Faaeaga”).

• Faaleleia o taunuuga o le polokalama.

• Valaauina o faiaoga fou (tagai “Faiaoga”).

• Valaauliaina o isi tagata aoao e auai (tagai i le “Valaaulia ma Faalauiloa”).

• Faateleina o le avanoa (tagai “Nofoaga ma le Faafia ona Fai”).

• Valaauliaina o tagata aoao e sailiili i punaoa faaopoopo a le Ekalesia (tagai “Fesootaiga ma Isi Punaoa a le Ekalesia”).

Lipoti atu i taitai perisitua. Toe lipoti atu i taitai perisitua ia tulaga manuia ma luitau o vaega o le EnglishConnect.

Faamautinoa le usitaia faaletulafono. Ia mautinoa ua ogatusa le polokalama o le EnglishConnect ma tulaga manaomia faaletulafono o le lotoifale o loo maua i le englishconnect.org/leader/approved-locations.

Faamatalaga: O punaoa o le EnglishConnect e puipuia e le tulafono o le puletaofia ma e le tatau ona suia e aunoa ma se faatagaga.

Fuafua e faaaoga le EnglishConnect e faasoa atu ai le talalelei. O le EnglishConnect e mafai ona avea ma se vaega taua o se fuafuaga faamisiona a le uarota. E mafai e vaega o le EnglishConnect ona:

• Faateleina avanoa o sailiga ma le aoaoina atu mo faifeautalai faamisiona.

• Faamalosia sootaga i le va o tagata o le ekalesia, uo a le Ekalesia, ma faifeautalai.

• Fesoasoani i tagata ua toe foi mai po o tagata o loo aoaoina e faifeautalai ina ia faamasani i totonu o se uarota.

• Fesoasoani i tagata o le ekalesia e faaaoga mataupu faavae o le alofa, faasoa, ma valaaulia (tagai Tusitaulima Aoao, 23.1).

O taumafaiga e taitaia e tagata o le ekalesia, e lagolagoina e faifeautalai o le a sili atu ona fesoasoani e faataunuu ai nei taunuuga. A taitai e tagata o le ekalesia ia vaega o le EnglishConnect, o le a sili atu ona fausia e tagata auai ni faigauo ma tagata o le ekalesia ma fefaasoaai aafiaga e fausia ai le faatuatua. E tatau i faifeautalai, taitai misiona, ma komiti o le ola tutoatasi ona fefautuaai faatasi ina ia avea vaega o le EnglishConnect o se nofoaga e faigofie ma masani ai le faasoaina atu ma le ola ai i le talalelei.

Valaaulia faifeautalai e fesoasoani. I eria o loo saunia ai e siteki po o uarota ni vaega o le EnglishConnect, valaaulia faifeautalai e fesoasoani atu e ala i le:

• Auai i vaega ma faataitai i le taimi o gaoioiga.

• Faataitai ma tagata aoao i le va o vaega mo talanoaga.

• Aoaoina atu o nisi o lesona pe a manaomia.

Valaau ia faiaoga. Talu ai o tagata a‘oa’o o le EnglishConnect e mafai ona aofia ai tamaiti laiti, e tatau i taitai perisitua i le lotoifale ona faatalanoaina faiaoga faamoemoeina taitasi ma iloilo o latou pepa faamaumau mo faamatalaga faaopoopo a o lei tuuina atu se valaauga. O vaega e i ai tamaiti laiti e tatau ona i ai ni tagata matutua se toalua e auai ma mulimuli i le Aiaiga faavae a le Ekalesia mo le puipuia o le autalavou.. Ua fautuaina ia i ai foi ni faiaoga se toalua o vaega e le o ni talavou ina ia mafai ona la aoao atu pe suitulaga le tasi i le isi pe afai e aluese pe ma‘i se tasi.

Aoao ia faiaoga. E mafai ona aoaoina faiaoga e faaaoga ai le EnglishConnect mo Faiaoga ma punaoa i le englishconnect.org/teacher. E tatau foi ona e tuu atu i faiaoga ia se kopi o le tusi lesona ma api galuega a le tagata aoga (tagai “Anomea”). E fautuaina foi faiaoga ina ia fono e le aunoa e fefautuaai faatasi, fefaasoaai faiga sili ona lelei, tali fesili a le tasi ma le isi, ma iloilo anomea faaleaoaoga.

Fesoasoani i tagata aoao ia alualu i luma e avea ma faiaoga. E mafai e faiaoga ona faailoa mai tagata aoao i le vaega o e e mafai ona saunia e aoao atu se vaega i le lumanai. O le aoao atu e fesoasoani i tagata aoao e faaauau pea ona tuputupu ae ma faateleina le faaaogaina o le polokalama.

Tuuina atu anomea i tagata aoao O le a manaomia e tagata aoao ona maua le EnglishConnect 1 for Learners po o le EnglishConnect 2 for Learners a le o le faatekinolosi i le Gospel Library po o le kopi ua lolomiina i le faleoloa a le Ekalesia i le initoneti i le store.ChurchofJesusChrist.org. O loo maua foi punaoa faaopoopo e faaleleia ai lo latou aoaoina, e aofia ai api galuega ma gaoioiga i luga o le initoneti. Mo faamatalaga o punaoa uma o loo maua i tagata aoao, tagai i le “O a anomea mo le tagata aoao ma le faiaoga mo le EnglishConnect?” i le vaega o “Fesili e Masani ona Fesiligia Soo”.

Tuuina atu anomea i faiaoga. E tatau i faiaoga ona suesue i le EnglishConnect mo Faiaoga i totonu o le Gospel Library faapea foi ma isi punaoa faaleaoaoaga i le englishconnect.org/teacher.

Filifili pe o le a e ofoina atu ni vaega o tagata po o ni vaega faatekinolosi. Ua fautuaina vaega o tagata i totonu o falelotu o le Ekalesia ina ia tuuina atu ni avanoa e faaaumea ai. Afai o le mauaina o falelotu o le Ekalesia o se luitau mo tagata auai, mafaufau e tuuina atu ni vaega i luga o le initoneti. O le “Taiala i le Taitaiina o Vaega i le Initoneti” ma le “Taiala mo Tagata Auai i Vaega i luga o le Initoneti” e mafai ona fesoasoani i taitai, faiaoga ma tagata aoao e fausia ai le siosiomaga musuia o le aoaoina i luga o le initoneti. O aoaoga o lesona i luga o le initoneti e maua i le englishconnect.org/resources/teaching-materials.

Filifili pe faafia ona feiloai ia vaega. O le tele o vaega e fono faatasi pe faalua i le vaiaso, ae o lesona e tusia ina ia mafai ai e vaega ona feiloai soo pe a manaomia. Manatua e manaomia e tagata aoao se taimi e faamaea ai gaoioiga mo suesuega faaletagata lava ia a o lei faia lesona taitasi.

Filifili po o afea ma pe o le a le umi o le a fono ai vaega. Filifili le aso ma le taimi e fetaui lelei mo tagata aoao ma faiaoga. O le tele o vaega e fono mo le 90 minute, ae e mafai e vaega ona feiloai mo se taimi e ese mai pe a manaomia.

Filifili le umi o vaega ma pe o a iunite o le a latou aoaoina. E tele vaega e faifai pea, o lona uiga latou te toe amata i le lesona 1 pe a uma le tusi lesona. O isi vaega e o faatasi i le tusi lesona pe talanoaina na o se vaega o iunite o i le tusi lesona.

Fatu ma pulea vaega i totonu o le QuickReg. O le QuickReg o se meafaigaluega ua faatagaina a le Ekalesia e pulea ai vaega o le ola tutoatasi. Fatu vaega i le QuickReg e ala i le alu i le quickreg.englishconnect.org. Ona faaauau lava lea ona faaaoga le polokalama o le QuickReg e:

• Faasalalau ai vaega.

• Sui ai le aso, taimi, ma le nofoaga o vaega.

• Lolomi ai tusipasi a le tagata auai.

• Suia ai tulaga o le tagata aoao.

• Faauma ai vaega.

Tagai i le aoaoga faamasani a le QuickReg i le englishconnect.org/leader mo aoaoga.

Faamatalaga: Ina ia faaaoga le QuickReg, e tatau i se tagata ona (1) i ai se valaauga o le Ekalesia ma (2) ua faamaumauina o latou valaauga i le Punaoa mo Taitai ma Failautusi.

Lolomi ma tuuina atu tusipasi mai le QuickReg. E mafai e faiaoga ma tagata tomai faapitoa o le ola tutoatasi ona lolomi ma tuuina atu tusipasi o le auai i tagata aoao o e ua lesitala i le QuickReg.

Faaaoga anomea faalauiloa. O loo maua anomea faalauiloa i luga o le faleoloa a le Ekalesia i luga o le initoneti i le store.ChurchofJesusChrist.org ma i le englishconnect.org/resources/leader#publicity.

Valaaulia tagata aoao. E mafai ona e faaaogaina alaleo masani o fesootaiga e faasalalau ai vaega o le EnglishConnect, e pei o tuafafine ma uso o auaunaga, faifeautalai, puletini a uarota, pepa o faamatalaga, ma isi mea faapena. I nofoaga ua faatagaina ai ma faatupeina e iunite i le lotoifale, e mafai foi e vaega ona mafaufau i faasalalauga i luga o ala o faasalalauga faaagafesootai po o se uepisaite a le uarota po o le siteki i le lotoifale. A o lei amataina soo se tasi o nei metotia faalauiloa, iloilo taiala faaletulafono i le lotoifale i le englishconnect.org/leader/approved-locations.

Faafeiloai tagata aoao. Faatulaga se fuafuaga mo le auala o le a e faafeiloaia ai tagata aoao pe a latou lesitala mo le vaega.

Valaaulia uo o isi faatuatuaga. Ua uunaia oe e faaaofia tagata mai talaaga eseese o isi faatuatuaga. Ia faaali atu i taimi uma le faaaloalo mo talitonuga o isi a o faasoa atu lou faatuatua e mafai e le Atua ona fesoasoani i tagata auai e aoao le Igilisi.

Mafaufau e valaaulia le autalavou. E mafai ona e faatulagaina vaega mo na o le autalavou, pe e mafai foi ona e valaaulia le autalavou e auai faatasi ma tagata matutua. I le EnglishConnect, ua aoao ai e le tupulaga faiae le auala e maua ai le fesoasoani a le Atua e aoao ai le Igilisi. O nei lesona e mafai ona fesoasoani ia i latou e maua ai le faatuatua o le a fesoasoani le Atua ia i latou i vaega uma o o latou olaga.

Mulimuli i aiaiga faavae a le Ekalesia mo le puipuia o le autalavou. O tamaiti laiti (e 18 tausaga pe laiti ifo ma nonofo i le fale) e tatau ona i ai se fomu o le maliega a matua ua sainia a o lei auai atu i le vaega. O loo maua fomu i le tele o gagana i le englishconnect.org/resources/leader. Ma le isi, e tatau i vaega o le EnglishConnect ona mulimuli i taimi uma i aiaiga faavae a le Ekalesia ia le itiiti ifo ma le toalua ni tagata matutua faatuatuaina e i ai i taimi uma i le taimi o fonotaga faalevaega. O nei aiaiga faavae e tatau ona mulimulitaia e tusa lava pe o fono faatekinolosi le vaega.

Aoaoina o tagata aoao i luga o le EnglishConnect ma le BYU–Pathway i le Lalolagi Atoa ma le ala o galuega. O le EnglishConnect ma le BYU–Pathway i le Lalolagi Atoa ua saunia se ala mo tagata aoao e maua ai tomai fou i se siosiomaga o le faaaumeaina ma le faatuatua. E mafai ona e maua punaoa i le byupathway.org/englishconnect.

Fesoasoani i tagata aoao e lesitala i le EnglishConnect 3. Tagai i le vaega o le “Connecting Learners to EnglishConnect 3 Groups.”

Fesootai ma a outou faifeautalai o auaunaga i le lotoifale o le BYU–Pathway i le Lalolagi Atoa. Talanoaina auala e lagolago ai tagata aoao a o latou suia mai le EnglishConnect 3 i le BYU–Pathway i le Lalolagi Atoa.

Fesootai ma isi punaoa faaopoopo a le Ekalesia. Fai ni fuafuaga e faafesootai ai tagata auai i punaoa faaopoopo a le Ekalesia, e pei o isi vaega o le ola tutoatasi, gaoioiga a le autalavou, ma avanoa e aoao atili ai e uiga i le talalelei a Iesu Keriso. Tagai i le itulau “Emotional, Educational, and Employment Resources” i le ChurchofJesusChrist.org mo nisi faamatalaga.