Taitai

O le EnglishConnect e faagaoioia i lalo o le taitaiga a le perisitua e fesoasoani i le galuega a le Atua o le faaolataga ma le faaeaga. O le EnglishConnect e mafai ona faatinoina e uarota, siteki, aufono faamaopoopo, misiona, ma eria.

O mataupu faavae nei e mafai ona fesoasoani e te amata ai:

Faatulaga se vaaiga mamao. I aufono, fuafua pe faapefea ona e faaaogaina le EnglishConnect e lagolago ai tagata taitoatasi ma aiga i le galuega a le Atua o le faaolataga ma le faaeaga.
Faamatuu atu le tiutetauave. E mafai ona faatulaga le EnglishConnect e pei o isi polokalama o le ola faalagolago o le tagata ia te ia lava po o aoaoga. E mafai ona faamatuu atu le faagaoioiga o le EnglishConnect i se fautua maualuga po o se tagata tomai faapitoa o le ola faalagolago o le tagata ia te ia lava.
Faamautinoa le tali atu o le tagata lava ia. Faatulaga ni faafouga faavaitaimi i le aafiaga o le polokalama. Taulai atu i tagata taitoatasi ma aiga.

Taitai Misiona

I eria e le o i ai ni vaega o le EnglishConnect a siteki po o uarota, e mafai e taitai misiona ona fuafua faatasi ma taitai perisitua i le lotoifale ina ia aoao atu e faifeautalai ia vaega a o saunia e taitai o le Ekalesia i le lotoifale ia tagata e faataunuu lenei matafaioi. E tatau i taitai misiona ma faifeautalai ona faaaoga faamatalaga o loo i lenei taiala ma tuufaatasia a latou taumafaiga ma i latou o taitai ma tagata o le ekalesia i le lotoifale (tagai i le “Mission Partnership”).