Faamoemoega

O le EnglishConnect o se polokalama i le Gagana-Faaperetania ua saunia e Le Ekalesia a Iesu Keriso o le Au Paia o Aso e Gata Ai. O le faʻamoemoega o le EnglishConnect o le fesoasoani lea i tagata taitoatasi ina ia faaleleia atili le ola faalagolago o le tagata ia te ia lava i le faaleagaga ma le faaletino e ala i le atiina ae o tomai i le gagana Faaperetania i se siosiomaga o le faatuatua, faaaumeaina ma le tuputupua’e.

E lagolagoina e le EnglishConnect le Galuega a le Atua mo le Faaolataga ma le Faaeaga

E mafai ona fesoasoani le EnglishConnect i fanau a le Atua e:

Ola i le talalelei a Iesu Keriso. I le EnglishConnect, e faaaogaina e tagata auai ia mataupu faavae o le aoaoina, “e ala lava lea i le suesue ma le faatuatua foi” (Mataupu Faavae ma Feagaiga 88:118). E faamalolosia e faiaoga ma tagata aoga o latou faatuatua a’o latou sailia ma mauaina le fesoasoani a le Alii. (Faataitaiga)
Tausia o i latou e lē tagolima. O tomai i le gagana Faaperetania e mafai ona faʻalautele ai avanoa mo le faalagolago o le tagata ia te ia lava ma auaunaga. E fesoasoani le EnglishConnect i sui auai e saunia ai mo auaunaga, galuega, ma avanoa mo aoaoga. E faaopoopo atu i lena, e auauna ma alolofa tagata auai i le tasi ma le isi a’o latou aoao atu ma aoao mai faatasi. (Faataitaiga)
Valaaulia tagata uma ia talia le talalelei. I vaega o le EnglishConnect e aoao ma faaaoga e sui auai ia mataupu faavae o le talalelei ma fausia ai faauooga. I le faagasologa o le EnglishConnect, e maua e sui auai le tele o avanoa e mulimuli ai i le Agaga a’o latou alolofa, faasoa, ma valaaulia isi ia maua ni aafiaga i faamanuiaga o le talalelei. (Faataitaiga)