“O Tagata Tomai Faapitoa ma Komiti mo le Ola Faalagolago o le Tagata ia te Ia Lava,” Taiala mo le Faatinoga o le EnglishConnect (2023)

“Ola-Faalagolago o le Tagata ia te Ia Lava,” Taiala mo le Faatinoga o le EnglishConnect

O Tagata Tomai Faapitoa ma Komiti mo le Ola Faalagolago o le Tagata ia te Ia Lava

E fesoasoani le EnglishConnect i tagata taitoatasi ina ia faaleleia atili le ola faalagolago o le tagata ia te ia lava i le faaleagaga ma le faaletino e ala i le atiina ae o tomai i le gagana faaPeretania i se siosiomaga o le faatuatua, faaaumeaina ma le tuputupua’e. Mafaufau ma le agaga tatalo po o ai e mafai ona manuia mai le auai o se tagata tomai faapitoa, faiaoga, po o se tagata a’oa’o.

E mafai ona e fetuunaia le EnglishConnect e taulima ai manaoga o i latou ua valaauina oe e auauna atu i ai. Mafaufau ma le agaga tatalo i manaoga o i latou o loo e auauna atu i ai a o e faamaeaina laasaga o loo i lalo.

Sauniaina o Vaega mo le EnglishConnect 1 ma le 2

O vaega o le EnglishConnect e mafai ona faatulagaina ma faatautaia e pei o isi vaega o le ola tutoatasi. O lona uiga e masani lava o le pulega o le EnglishConnect 1 ma le 2 e faamatuu atu i se komiti o le ola tutoatasi po o isi komiti ua atofaina.

O Sina Tepa

O le EnglishConnect 1 ma le 2 e le totogia ma e aofia ai:

Se vaega o talanoaga faalevaiaso e taitaia e tagata o le ekalesia i le lotoifale po o faifeautalai.
Lesona e tai 90-minute.
Lesona e 25 ua faatulagaina i iunite.
Mataupu faavae o le aoaoina “e ala lava lea i le suesue ma le faatuatua foi” (Mataupu Faavae ma Feagaiga 88:118).
Punaoa e faataitai i aso uma.
Mauaina o le leo ma le faaliliuga i le Gospel Library.

O le umi ma le saoasaoa o lesona e mafai ona fetuunai i tulaga i le lotoifale (tagai “Faataitaiga”).

A o le’i Amataina se Vaega

Fefautuaai ma taitai perisitua e uiga i vaaiga mamao ma sini (isi).
Valaau ma a’oa’o faamasani faiaoga (isi).
Tuuina atu anomea (isi).
Filifili le nofoaga ma le e faafia ona fai (isi).
Lesitala le vaega i totonu o le QuickReg (isi).
Valaaulia ma faafeiloai tagata auai (isi).

I le taimi o se Vaega

Atiina ae se siosiomaga o le faatuatua, faaaumea, ma le tuputupu ae (isi).
Lagolago le tuputupu ae o le faiaoga (isi).
Fesoasoani i tagata a’oa’o e saunia mo le isi laasaga o le EnglishConnect (isi).
Faailoa atu isi punaoa a le Ekalesia (isi).
Pulea lau vaega i totonu o le QuickReg (isi).

Faamaeaina o se Vaega

Lolomi ma tufatufa atu tusipasi i le maea ai o le vaega (isi).
Fesoasoani i tagata a’oa’o e faasolo atu i le isi laasaga o le EnglishConnect po o le BYU–Pathway i le Lalolagi Atoa (isi).
Faailoa tagata aoao o e e mafai ona valaauina o ni faiaoga (isi).
Valaaulia tagata aoao e auai i isi polokalama a le Ekalesia (isi).
Faamaeaina le vaega i totonu o le QuickReg (isi).
Lipoti atu i taitai perisitua (isi).

Faafesootai Tagata Aoao i Vaega o le EnglishConnect 3

O le EnglishConnect 3 e fesoasoani i tagata a’oa’o e atiina ae tomai faaleogalua o le gagana faaPeretania mo galuega ma avanoa faaleaoaoga—e faapitoa lava i le BYU–Pathway i le Lalolagi Atoa. O faifeau faamisiona auauna atu a le Ekalesia e taitaia vaega o le EnglishConnect 3.

E lua auala e mafai ona e fesoasoani ai i tagata aoao e maua le EnglishConnect 3:

Fesoasoani e faafesootai tagata aoao i se vaega ua i ai. O le EnglishConnect 3 ua i ai vaega i le tele o eria o le lalolagi. E mafai ona e fesoasoani i tagata aoao e lesitala i se vaega o le EnglishConnect 3 e ala i le taialaina o i latou i le faagasologa o le talosaga i le englishconnect.org/join. Faasino tagata aoao i nisi fesili po o faafitauli o le lesitala i le byupathway.org/help/contact-us.
Ofo atu se vaega o le EnglishConnect 3. Afai e te manao e amata se vaega o le EnglishConnect 3, imeli i le learn@englishconnect.org. O se faifeau faamisiona auauna atu a le Ekalesia o le a faafesootai atu oe.