Historia Familjare dhe Shërbimi në Tempull

Ndihmojini nxënësit t’i përsiatin bekimet në dispozicion nëpërmjet punës për historinë familjare dhe në tempull. Nëse nxënësit kanë pasur përvoja vetjake, mund t’i ftoni ata t’i tregojnë bekimet që kanë dëshmuar.

Nëse është e nevojshme, mund të shfaqni edhe materialin filmik “Improve Your Temple Experience; Change Your Life” [“Përmirësoni Përvojën Tuaj në Tempull: Ndryshoni Jetën Tuaj”] (3:21), në dispozicion në ChurchofJesusChrist.org, nga kodi kohor 1:42 deri në 3:21.

3:22

Një mundësi tjetër do të ishte të jepni dëshminë vijuese.

Pier-Albani, një 17-vjeçar që jeton në Francë, dha dëshminë vijuese rreth përvojës së tij të vizitës në tempull:

“Herën e parë që shkova në Tempullin e Bernës në Zvicër, shkova me familjen dhe shokët e mi. Kjo përvojë më solli gëzim të madh. Të gjithë e ndiem Shpirtin. E dija se ajo që po bëja ishte e mirë dhe se Perëndia ishte krenar për punën tonë. E di se tempulli na sjell shumë bekime. Kur gjejmë kohë për të bërë punën në tempull për paraardhësit tanë, Ati Qiellor na bekon. Ai do të lumturohet me atë që kemi bërë për fëmijët e Tij në shtëpinë e Tij.” (Pierre-Alban C., For the Strength of Youth, prill 2022, brenda kapakut të përparmë)

• Çfarë bekimesh di që janë në dispozicion nëpërmjet shërbimit për historinë familjare dhe në tempull?

• Si mund të fillosh ta ndihmosh dikë që dëshiron të marrë pjesë në punën në tempull dhe për historinë familjare por nuk di se si të fillojë?

“Shenjtorët u mblodhën në Navu për konferencën e përgjithshme të tetorit të vitit 1840. Jozefi u dha atyre më shumë mësim rreth pagëzimit për të vdekurit, duke shpjeguar se shpirtrat e të vdekurve po prisnin që të afërmit e tyre të gjallë të merrnin ordinancën e shpëtimit në emër të tyre.

Ndërmjet sesioneve të konferencës, shenjtorët nxituan për te lumi Misisipi, ku disa pleq qëndronin në ujë deri në mes, duke u bërë thirrje atyre të pagëzoheshin për gjyshërit, etërit, nënat, motrat e vëllezërit dhe fëmijët e tyre të vdekur. Menjëherë pas kësaj, Hajrëmi u pagëzua për vëllanë e tij Alvinin.

Ndërsa Vajlet Kimballi i shihte pleqtë në lumë, ajo dëshironte të pagëzohej për nënën e saj, që kishte ndërruar jetë më shumë se një dekadë më parë. Ajo dëshironte që Hibëri të kthehej nga Anglia për të kryer ordinancën, por meqë Jozefi i kishte nxitur shenjtorët t’i shëlbonin të vdekurit sa më shpejt të ishte e mundur, ajo vendosi të pagëzohej menjëherë për nënën e saj.

Mendimet e Ema Smithit ishin edhe për familjen. Babai i saj, Isak Hejli, kishte ndërruar jetë në janar të vitit 1839. …

… Ema e donte babanë e saj dhe u pagëzua për të në lumë. Ai nuk e kishte pranuar ungjillin e rivendosur në këtë jetë, por kishte shpresuar që nuk do të ishte ashtu përgjithmonë.” (Saints, 1:423–424)

• Çfarë t’u duk kuptimplotë në këto përvoja?

Lexo te Doktrina e Besëlidhje 124:29–36, duke kërkuar atë që i zbuloi Zoti Jozef Smithit rreth pagëzimeve që shenjtorët në Navu po kryenin për të vdekurit.

• Çfarë zbuloi Zoti?

• Çfarë mund të na mësojnë gjithashtu këto vargje rreth Tij?

  Ka të ngjarë që nxënësit të përcaktojnë të vërteta të ndryshme rreth Zotit që theksojnë rëndësinë që Ai vendos mbi tempujt e Tij. Një shembull është se Zoti i pranon ordinancat që kryejmë për paraardhësit tanë të vdekur në tempujt e Tij të shenjtë.

  Nxënësit mund të përmendin edhe të vërtetat rreth karakterit të Zotit. Ata mund të përcaktojnë se Jezu Krishti është i duruar dhe i drejtë për shkak se u premtoi shenjtorëve “kohë të mjaftueshme” (vargjet 31, 33) për të ndërtuar tempullin. Ndërsa pjesa e mbetur e këtij mësimi përqendrohet në kryerjen e ordinancave në tempuj, sidomos për paraardhësit tanë, nëse nxënësit dëshirojnë, ndihuni të lirë të shpenzoni kohë duke diskutuar cilësitë e Jezu Krishtit.

• Çfarë mund të mësojmë nga përdorimi prej Zotit i fjalëve “pagëzimet tuaja për të vdekurit tuaj”? (shih te Doktrina e Besëlidhje 124:32–33; 127:5).

Plaku Kuentin L. Kuk, i Kuorumit të Dymbëdhjetë Apostujve, tha këtë lidhur me paraardhësit tanë:

“Zoti në udhëzimet e zbulesës fillestare iu drejtua ‘pagëzimi[t] për të vdekurit tuaj’ [Doktrina e Besëlidhje 127:5; theksimi i shtuar]. Detyrimi ynë doktrinor është kundrejt vetë paraardhësve tanë. Kjo është ngaqë organizimi çelestial i qiellit bazohet tek familjet.” (Kuentin L. Kuk, “Rrënjët dhe Degët”, Liahona, maj 2014, f. 45)

• Si ka ndikuar tek ti të mësuarit rreth paraardhësve të tu? Si mund të ndikojë te ti?

• Si mendon se kryerja e ordinancave të tempullit për paraardhësit që kanë ndërruar jetë mund të ndikojë në marrëdhënien tënde me Atin Qiellor?

Në një shkallë nga 1 deri në 5 (1 = jo e vërtetë dhe 5 = shumë e vërtetë), vlerëso se sa mirë të përshkruajnë këto thënie.

Di si t’i gjej emrat e paraardhësve të mi.

Di se si t’i dorëzoj emrat e paraardhësve të mi në tempull.

Dua të gjej emrat e paraardhësve të mi dhe të kryej ordinanca për ta në tempull.

E ndiej rëndësinë e bërjes së punës për të afërmit e mi që kanë ndërruar jetë.

“Focus on the Temple” [“Përqendrimi tek Tempulli”] (7:18; shikoje nga kodi kohor 3:50 deri në 4:36)

7:19

“Spiritual Dynamite” [“Dinamiti Shpirtëror”] (2:40)

2:41

“Të Mbledhësh Familjen e Perëndisë” (4:18)

4:19

• Hapi 1. Krijo një llogari të Kishës.

• Hapi 2. Eksploro broshurën Familja Ime: Histori që na Bashkojnë, FamilySearch, ose programi Pema Familjare.

• Hapi 3. Përdor funksionin “Ordinancat Gati”.

• Hapi 4. Planifiko një takim dhe frekuento tempullin.

• “Si të krijoj një llogari të Kishës duke përdorur ChurchofJesusChrist.org?”

• “Si dëshiron ta nisësh?”

• “Si të Nis një Pemë Familjare në FamilySearch: Shtimi i Katër Brezave të Parë”

• Familja Ime: Histori që na Bashkojnë

• “Ordinancat Gati”

• Si mendon se pjesëmarrja në punën në tempull dhe për historinë familjare tani mund të ndihmojë të përgatitesh për të bërë dhe mbajtur besëlidhje me Perëndinë në tempullin e Tij?

• Si mund ta thellojnë shërbimi në tempull dhe për historinë familjare dashurinë tënde për Shpëtimtarin?