Seminari
Mësime të Udhëheqësve të Kishës: Vështrim i Përgjithshëm

“Mësime të Udhëheqësve të Kishës: Vështrim i Përgjithshëm”, Manuali i Mësuesit të Seminarit për Doktrinën e Besëlidhjet (2025)

“Mësime të Udhëheqësve të Kishës”, Manuali i Mësuesit të Seminarit për Doktrinën e Besëlidhjet

Mësime të Udhëheqësve të Kishës

Mësime të Udhëheqësve të Kishës

Vështrim i Përgjithshëm

Shpesh Zoti na flet nëpërmjet shërbëtorëve të Tij (shih te Doktrina e Besëlidhje 1:38). Ndërsa i dëgjojmë dhe i studiojmë mesazhet nga udhëheqësit e Kishës, ne mund të mësojmë atë që dëshiron Shpëtimtari që të dimë. Këto mësime mund t’i ndihmojnë nxënësit t’i studiojnë mesazhet e Zotit të dhëna nëpërmjet shërbëtorëve të Tij.

Përgatituni të jepni mësim

Informacioni i mëposhtëm ju siguron ide mbi ato që mund të nevojitet të përgatitni paraprakisht për çdo mësim.

Përgatitja për Konferencën e Përgjithshme

Sugjerime për ritmin mësimor: Ky mësim mund të jepet shkurtimisht para konferencës së përgjithshme të prillit ose tetorit.

Qëllimi i mësimit: T’i ndihmojë nxënësit të përgatiten për të dëgjuar mesazhe vetjake nga Shpëtimtari në konferencën e përgjithshme.

  • Përgatitja e nxënësve: Mund t’i ftoni nxënësit të flasin me familjet e tyre për atë që mund të bëjnë për t’u përgatitur dhe për të marrë pjesë në konferencën e përgjithshme.

  • Figurë: Fotografi e një familjeje duke parë konferencën e përgjithshme

  • Përmbajtje për t’u paraqitur: Pyetjet për vlerësimin e vetes nga fillimi i mësimit.

  • Fletushkë: “Përgatitja për Konferencën e Përgjithshme”

Studimi i Mesazheve të Shërbëtorëve të Zotit

Sugjerime për ritmin mësimor: Merreni parasysh ta jepni këtë mësim përpara mësimeve vijuese në këtë grup. Mund ta jepni mësim afër fillimit të vitit shkollor për t’u paraqitur nxënësve studimin e mesazheve të udhëheqësve të Kishës.

Qëllimi i mësimit: T’i ndihmojë nxënësit të ndiejnë rëndësinë e studimit dhe zbatimit të mesazheve të Zotit të dhëna nëpërmjet shërbëtorëve të Tij.

  • Përgatitja e nxënësve: Ftojini nxënësit të vijnë të përgatitur për të dhënë një thënie nga një udhëheqës i Kishës që është kuptimplotë për ta dhe të shpjegojnë përse. Kjo thënie mund të jetë nga një fjalim i konferencës së përgjithshme, një mesazh i transmetuar, një publikim në mediat shoqërore, ose diçka e ngjashme.

  • Materiale për nxënësit: Një mesazh i pjesshëm ose i plotë nga konferenca e përgjithshme, nga revista Liahona ose Për Forcën e Rinisë, ose një takim shpirtëror apo transmetim i Kishës

  • Figurë për t’u paraqitur: Një figurë e Presidencës së Parë dhe të Kuorumit të Dymbëdhjetë Apostujve të tanishëm

  • Material filmik: “Punës Le t’i Vihemi” (6:01; shikojeni nga kodi kohor 1:17 deri në 1:58)

Model: Mësime të Udhëheqësve të Kishës

Sugjerime për ritmin mësimor: Të gjitha mësimet që e përdorin këtë model mund të jepen në çdo moment të vitit shkollor ose gjatë çdo jave sipas ritmit mësimor të materialit Eja, Më Ndiq. Megjithatë, nëse nuk e keni përdorur këtë model më parë, mund të jetë e dobishme ta jepni mësimin “Zgjedhjet për Përjetësinë” më poshtë përpara se të përgatitni një mësim të ri rreth një mesazhi nga një udhëheqës i Kishës. Ky mësim ofron një model për mësimdhënien rreth një mesazhi nga një udhëheqës i Kishës.

Qëllimi i mësimit: Ky model ju ofron ide për t’i ndihmuar nxënësit të studiojnë mesazhet nga udhëheqësit e Kishës së Jezu Krishtit të Shenjtorëve të Ditëve të Mëvonshme.

  • Përgatitja e nxënësve: Jepuni nxënësve titullin e mesazhit që do të studiojnë në orën mësimore. Nxitini ata ta lexojnë, shohin, ose dëgjojnë mesazhin përpara orës mësimore. Ftojini ata të përgatiten me lutje që Fryma e Shenjtë t’u japë mësim ndërsa i studiojnë mesazhet e shërbëtorëve të Jezu Krishtit.

“Zgjedhjet për Përjetësinë”

Qëllimi i mësimit: Të japë një shembull të mënyrës se si mësuesit mund ta përdorin materialin “Model: Mësime të Udhëheqësve të Kishës” për ta udhërrëfyer klasën ndërsa i studion këto mesazhe dhe për ta thelluar kuptueshmërinë e nxënësve për parimet që i ndihmojnë të përgatiten për jetën e përjetshme.