Jezu Krishti Është në Qendër të të Gjithë Adhurimit në Tempull

Merreni parasysh të paraqitni figurat e njerëzve që marrin sakramentin, të të rinjve dhe të rejave që frekuentojnë kishën dhe të rinjve në moshë madhore që shërbejnë si misionarë kohëplotë.

Tregojuni nxënësve një figurë të një tempulli afër jush bashkë me një figurë të Shpëtimtarit. Ftojini nxënësit të reflektojnë për pyetjet vijuese. Ata mund të kenë dobi nga të shkruarit e përgjigjeve të tyre në ditarët e studimit.

Inkurajojini nxënësit ta ftojnë Shpirtin t’i udhërrëfejë ndërsa përpiqen të mësojnë më shumë rreth mënyrës se si Shpëtimtari është në qendër të adhurimit në tempull.

Figurat vijuese janë përshkrime të disa prej vendeve të shenjta dhe tempujve që Zoti i urdhëroi njerëzit e Tij t’i ndërtonin në lashtësi. Merreni parasysh t’i paraqitni ato dhe t’i pyesni nxënësit a mund t’i identifikojnë ndërtesat e paraqitura (tabernakulli që ndërtoi Moisiu në shkretëtirë [shihni tek Eksodi 25:8], tempulli i Solomonit në Jerusalem [shihni te 1 Mbretërve 6:12–13], tempulli i nefitëve në qytetin e Begatisë [shihni te 3 Nefi 11:1]).

Si të jetë e përshtatshme, inkurajojini nxënësit të tregojnë përvojat që kanë pasur ku janë ndier afër Zotit në tempull ose kanë ndier se tempulli është një vend i shenjtë. Ndarja e përvojave tuaja mund t’i ndihmojë nxënësit të tregojnë edhe të tyret.

Thëniet vijuese mund t’i ndihmojnë nxënësit të kuptojnë se si Shpëtimtari është qendra e tempullit. Ndërsa nxënësit i lexojnë thëniet, ftojini të kërkojnë një qëllim qendror të tempullit.

Nëse është e mundur, ftojini nxënësit të kërkojnë fotografi të tempullit në temples.ChurchofJesusChrist.org dhe të shpjegojnë se si një figurë e caktuar u kujton atyre Jezu Krishtin. Gjithashtu, nëse doni, mund të diskutoni rëndësinë e frazave “Shenjtëri Zotit” dhe “Shtëpia e Zotit”, që gjenden në secilin tempull.

Nxitjet vijuese kanë për qëllim t’i ndihmojnë nxënësit të diskutojnë mënyrat se si mund ta shohin Shpëtimtarin në qendër të përvojës së tyre në tempull. Ftojini nxënësit t’i plotësojnë këto nxitje së bashku në grupe të vogla. Çdo grup mund t’i plotësojë këto nxitje së bashku në një fletë letre të vetme.

Kur grupet mbarojnë, mund t’i ftoni ata t’ia tregojnë atë që shkruan një grupi tjetër në klasë. Duke e treguar atë që mësuan, ata mund ta thellojnë kuptueshmërinë dhe të forcojnë dëshmitë e tyre për Shpëtimtarin.

Merreni parasysh t’i ftoni nxënësit t’u përgjigjen pyetjeve në vijim në ditarët e tyre të studimit. Nëse është e mundur, mund të doni të vini muzikë të qetë që mund t’i ndihmojnë nxënësit të mendojnë për tempullin. Muzika mund të ndihmojë të ftohet Shpirti në të mësuarin e ungjillit. Mund të vini muzikë nga një himn për tempullin. Ose mund të vini një material filmik të një kori të të rejave që interpreton “In That Holy Place” [“Në Atë Vend të Shenjtë”], në dispozicion në ChurchofJesusChrist.org.

4:37

Sigurohuni që nxënësit të kenë pasur kohë të mjaftueshme për t’u përgjigjur para se t’i ftoni nxënësit e gatshëm t’i tregojnë mendimet e tyre. Mund të tregoni edhe mënyrat se si e bëni Shpëtimtarin qendrën e përvojës suaj në tempull.