Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 198 – Mendësia që Synon Rritjen: Zhvillimi i Qëndrimeve dhe Veprimeve që Përmirësojnë Modelet Tona të të Menduarit

“Mësimi 198 – Mendësia që Synon Rritjen: Zhvillimi i Qëndrimeve dhe Veprimeve që Përmirësojnë Modelet Tona të të Menduarit”, Manuali i Mësuesit të Seminarit për Doktrinën e Besëlidhjet (2025)

“Mendësia që Synon Rritjen”, Manuali i Mësuesit të Seminarit për Doktrinën e Besëlidhjet

Mësimi 198: Arritja e Suksesit në Shkollë

Mendësia që Synon Rritjen

Zhvillimi i Qëndrimeve dhe Veprimeve që Përmirësojnë Modelet Tona të të Menduarit

Secili prej nesh do të përballet me pengesa ndaj të mësuarit dhe arsimimit tonë. Në varësi të mendësisë sonë, mund t’i shohim këto pengesa ose si barriera që do të na ndalojnë, ose si mundësi për të mësuar dhe për t’u rritur. Zgjedhja për t’i përballuar pengesat me një mendësi që synon rritjen demonstron besimin tonë te Jezu Krishti. Ky mësim mund t’i ndihmojë nxënësit të zhvillojnë një mendësi që synon rritjen për të kapërcyer pengesat ndaj të mësuarit.

Veprimtari të Mundshme të të Mësuarit

Pengesat ndaj të mësuarit

Merreni parasysh ta filloni mësimin duke treguar skenarin vijues. Përndryshe, mund t’i vini nxënësit të krijojnë një skenar ku një i ri përballet me një pengesë të perceptuar ndaj të mësuarit të tij ose të saj. Mund t’i përshtatni më pas pyetjet në mënyrë që ato të kenë më shumë lidhje me skenarin që u zgjodh.

Ndërsa Koli mëson rreth lëndëve që do të ketë në vitin e ardhshëm shkollor, ai vëren se ka lëndën e matematikës. Koli kujton se sa keq ka dalë në matematikë më parë. Ai beson se nëse e ndjek lëndën e matematikës, do të ngelë.

Çfarë të bie në sy rreth mendësisë së Kolit?
Çfarë këshille mund t’i jepje atij?

Mendësia që synon rritjen

Shpjegoni se kur përjetojmë sfida ose pengesa në arsimimin tonë dhe aspekte të tjera të jetës sonë, ne mund t’i shohim ato ose si një mendësi që synon rritjen, ose si një mendësi të pandryshueshme.

Paraqitini përkufizimet vijuese dhe ftoni dy nxënës t’i lexojnë ato në orën mësimore.

Mendësia që synon rritjen: Njerëzit me një mendësi që synon rritjen besojnë se mund të mësojnë dhe marrin forcë nga Jezu Krishti. Ata janë të shpejtë për të ndryshuar ndërsa mësojnë. Duke u mbështetur te Jezu Krishti, ata ia dalin edhe kur gjërat janë të vështira.

Mendësia e pandryshueshme: Njerëzit me një mendësi të pandryshueshme dyshojnë në aftësinë e tyre për të mësuar. Ata kanë frikë të dështojnë dhe besojnë se nuk mund të mësojnë gjëra të caktuara.

Për t’i ndihmuar nxënësit t’i kuptojnë më mirë këto mendësi, merreni parasysh t’u tregoni disa prej thënieve vijuese. Mund të paraqitni thënien e parë nga secila kolonë për t’i ndihmuar nxënësit të shohin një shembull të lidhur. Mund t’u siguroni më pas nxënësve pjesën tjetër të thënieve për mendësinë e pandryshueshme. Ftojini ata të punojnë në grupe të vogla për të shkruar një thënie për të cilën dikush me një mendësi që synon rritjen mund të thotë se demonstron besimin e tij te Shpëtimtari.

Mendësia e pandryshueshme	Mendësia që Synon Rritjen
Mendësia e pandryshueshme “Gabimet e mia tregojnë se nuk jam i zgjuar.”	Mendësia që Synon Rritjen “Për shkak të Shpëtimtarit, unë mund të mësoj nga gabimet e mia dhe të bëhem më i mirë.”
Mendësia e pandryshueshme “Nuk më pëlqen të provoj gjëra të reja se mbase do të dështoj.”	Mendësia që Synon Rritjen “Duke e ditur se Jezu Krishti kënaqet me çdo përpjekje që bëj për t’u rritur, mund të provoj gjëra të reja dhe të shijoj sfidat.”
Mendësia e pandryshueshme “Unë nuk mund të mësoj gjëra.”	Mendësia që Synon Rritjen “Nëse dua të mësoj diçka, mund ta mësoj atë me ndihmën e Zotit.”
Mendësia e pandryshueshme “Kur jam i shqetësuar, unë dorëzohem.”	Mendësia që Synon Rritjen “Përballimi i vështirësive më ndihmon të rritem dhe të bëhem më shumë si Jezu Krishti.”

Ftojini nxënësit të mendojnë nëse i shohin zakonisht sfidat me një mendësi që synon rritjen ose të pandryshueshme. Ftojini ata ndërsa vazhdojnë studimin të kërkojnë të vërteta të dobishme dhe t’i kushtojnë vëmendje mbresave nga Fryma e Shenjtë që mund t’i ndihmojë të zhvillojnë një mendësi që synon rritjen.

Të vërteta të përjetshme që mund të na ndihmojnë të zhvillojmë një mendësi që synon rritjen

Vëllai Devin G. Durrant, dikur i Presidencës së Përgjithshme i Shkollës të së Dielës, shpjegoi pse dishepujt e Jezu Krishtit duhet të zhvillojnë një mendësi që synon rritjen:

“Ati Qiellor na nxit të kërkojmë të zhvillojmë dhurata dhe të përmirësojmë veten për shkak se Ai, si një prind i dashur, beson se mund të arrijmë gjëra të mëdha, duke përfshirë në fund, ekzaltimin. Ai është një prind me një mendësi që synon rritjen. Nëse duam të bëhemi si Ai, është e nevojshme të përvetësojmë të njëjtën mendësi dhe të mësojmë të rritemi në të gjitha mënyrat që Ai pret.” (Devin G. Durrant, “Helping Children and Youth Develop a Growth Mind-Set”, Ensign, shkurt 2020)

Çfarë të ndihmon ky pohim të kuptosh rreth mënyrës se si një mendësi që synon rritjen mund të ndikojë në jetën tënde?
Çfarë mendon se mund të të ndihmojë të zhvillosh një mendësi që synon rritjen?

Nëse është e nevojshme, shpjegoni se të kuptuarit dhe të kujtuarit e të vërtetave rreth Atit tonë Qiellor dhe Jezu Krishtit mund t’i ndihmojë nxënësit të zhvillojnë një mendësi që synon rritjen kur përballen me pengesa, duke përfshirë pengesat në arsimimin e tyre.

Ftojini nxënësit të gjejnë disa prej këtyre të vërtetave në shkrimet e tyre të shenjta. Mund t’i ftoni ata të përcaktojnë shkrimet e shenjta që dinë ose të studiojnë disa prej vargjeve vijuese.

Pasi nxënësit të kenë pasur kohë të mjaftueshme për t’i zbuluar të vërtetat, ftojini t’ia tregojnë atë që zbuluan klasës. Ata mund edhe t’i shkruajnë në tabelë të vërtetat që gjetën. Ata mund të zbulojnë të vërteta të ngjashme me vijuesen: Ne mund të bëjmë gjithçka me forcën e Perëndisë.

Si mund të të ndihmojë të kujtuarit e këtyre të vërtetave rreth Atit Qiellor dhe Jezu Krishtit të kesh një mendësi që synon rritjen në arsimimin tënd?
Cilët janë disa shembuj të njerëzve në shkrimet e shenjta që e përdorën besimin e tyre te Perëndia për t’iu qasur sfidave të tyre me një mendësi që synon rritjen?

Si pjesë e diskutimit tuaj për pyetjen e mëparshme, mund t’i ftoni nxënësit të gjejnë shembuj nga jeta e Nefit. Gjithashtu, mund t’i vini nxënësit të shohin shembujt e Lamanit dhe Lemuelit që demonstrojnë një mendësi të pandryshueshme.

Këta janë disa shembuj ku mund t’i drejtoni nxënësit: përgjigjja ndaj urdhërimit për t’u kthyer në Jerusalem për të marrë fletët prej tunxhi nga Labani (shihni te 1 Nefi 3:4–7); përpjekjet për të marrë fletët prej tunxhi (shihni te 1 Nefi 3:24–31; 4:1–6); veprimet e vëllezërve pasi Lehi tregoi vegimin e tij për pemën e jetës (shihni te 1 Nefi 10:17–19; 11:1–6; 15:1–3, 8–9); Nefi që thyen harkun e tij (shihni te 1 Nefi 16:18–23, 30–32) dhe Nefi që urdhërohet të ndërtojë një anije (shihni te 1 Nefi 17:7–11, 17–18).
Si të ka ndihmuar Zoti, ose si mendon se mund të të ndihmojë Zoti të kesh një mendësi që synon rritjen dhe t’i kapërcesh pengesat në arsimimin tënd?

Merreni parasysh të jepni një shembull nga vetë jeta juaj.

Mund të merrni gjithashtu parasysh të shfaqni njërin prej materialeve filmikë te pjesa “Veprimtari Plotësuese të të Mësuarit”.

Mendësia ime që synon rritjen

Ftojini nxënësit të mendojnë për disa prej pengesave me të cilat përballen në arsimimin ose të mësuarit e tyre për të cilat mund të ndihmojë një mendësi që synon rritjen. Ata mund t’i shkruajnë këto pengesa në ditarët e tyre të studimit. Ata mund të përmendin vështirësitë e leximit, vështirësitë me një lëndë në shkollë, ose mungesën e mundësive për arsimim në dispozicion. Më pas ftojini të bëjnë sa vijon.

Zgjidh dy ose tre pengesa të mundshme në arsimimin dhe në të mësuarit tënd. Për çdo pengesë shkruaj një thënie për mendësinë që synon rritjen që demonstron besimin tënd në aftësinë e Shpëtimtarit për të të ndihmuar të kesh sukses.

Merreni parasysh t’i ftoni nxënësit të tregojnë një thënie që shkruan. Ata mund t’i tregojnë një fqinji, ose duke ecur rreth dhomës dhe folur me të tjerët.

Pasi nxënësit të kenë folur, inkurajojini ata të përcaktojnë mënyrat se si do t’i ndjekin thëniet që krijuan. Dëshmoni për të vërtetat që keni diskutuar sot. Inkurajojini nxënësit të përpiqen fort për të kapërcyer pengesat në arsimimin e tyre me një mendësi që synon rritjen.

Burime Shtesë

Çfarë mund të jetë e dobishme për t’u kujtuar kur përballem me pengesa ndaj të mësuarit tim?

Plaku Karlos A. Godoi, i Të Shtatëdhjetëve, shpjegoi:

“Kjo përvojë në vdekshmëri është një kohë për mësim dhe rritje, por ndonjëherë nuk është e lehtë. Ashtu siç do të zbuloni në studimet tuaja, ju mund të ndiheni të papërshtatshëm ose të shqetësuar me përparimin vetjak, por dua t’ju siguroj se mund t’ia dilni mbanë. Sigurisht, ka edhe një çmim për t’u paguar, por është e mundur. Dhe arsyeja kryesore përse është e mundur është për shkak se ne kemi Shpëtimtarin Jezu Krisht dhe hirin e Tij si një burim në kohë shqetësimi.” (Carlos A. Godoy, “Enter to Learn; Go Forth to Fight!” [takim shpirtëror në Universitetin “Brigam Jang”, 12 mars 2019], f. 3, speeches.byu.edu)

Si mund të zhvilloj një mendësi që synon rritjen në të mësuarit tim?

Plaku Klark G. Gilbert, i Të Shtatëdhjetëve, dha mësim:

“E di se ndjekja e arsimimit tuaj mund të jetë sfiduese dhe kërkon sakrificë. E di se sa shumë po punoni dhe ka shumë net të vështira ndërsa qëndroni zgjuar për t’i përfunduar detyrat, për të mësuar koncepte të reja dhe për të përballuar zotime të tjera kërkuese në jetën tuaj. Por mos u dorëzoni. Vazhdoni të demonstroni kurajë të vërtetë. Por gjithashtu, jini të përgatitur për të kaluar nga kuraja në hir. Përfshini Zotin. Lutuni për ndihmën e Tij dhe Ai do t’i lartësojë përpjekjet tuaja.” (Clark G. Gilbert, “From Grit to Grace” [takim shpirtëror i UBJ–Pathway Mbarëbotëror, 25 shtator 2018], byupathway.org)

Përse mund të mos përjetoj sukses të menjëhershëm?

Ndërsa shërbente si një anëtar i Të Shtatëdhjetëve, Plaku Lin G. Robins shpjegoi:

10:16

“Besimi i palëkundur i Nefit e ndihmoi atë të kalonte nga dështimi në dështim derisa më në fund i mori fletët prej tunxhi. Moisiut iu deshën 10 orvatje përpara se të kishte më në fund sukses për të dalë nga Egjipti me izraelitët.

Ne mund ta pyetim veten – nëse edhe Nefi, edhe Moisiu ishin në punën e Zotit, pse Zoti nuk ndërhyri e nuk i ndihmoi të kishin sukses që me përpjekjen e parë? Pse i lejoi Ai ata – dhe pse na lejon ne – të ngecim e të dështojmë në orvatjet tona për t’ia dalë mbanë? Ndër shumë përgjigje të rëndësishme për atë pyetje, ja tek janë disa:

E para është që Zoti e di se ‘të gjithë këto gjëra do të [na] japin përvojë dhe do të jenë për të mirën t[onë]’ [Doktrina e Besëlidhje 122:7].

E dyta, që të na lejojë ta ‘provoj[m]ë hidhësinë, që të mund të di[m]ë ta çmoj[m]ë të mirën’ [Moisiu 6:55].

E treta, për të vërtetuar se ‘përfundimi i betejës varet nga Zoti’ [1 Samuelit 17:47] dhe është vetëm nëpërmjet hirit të Tij që ne mund ta përmbushim punën e Tij dhe të bëhemi si Ai.

E katërta, për të na ndihmuar të zhvillojmë e të përvetësojmë një sërë tiparesh të ngjashme me të Krishtit që nuk mund të rafinohen përveçse nëpërmjet kundërshtimit dhe ‘në furrën e pikëllimit’ (Isaia 48:10; 1 Nefi 20:10).”

(Lin G. Robins, “Deri Shtatëdhjetë Herë Shtatë”, Liahona, maj 2018, f. 21)

Veprimtari Plotësuese të të Mësuarit

Fillim ndryshe

Për t’i ndihmuar nxënësit t’i vlerësojnë pengesat ndaj të mësuarit nëpërmjet thjerrave të ndryshme, merreni parasysh ta nisni orën mësimore duke vizatuar ose paraqitur një shkëmb të madh në një rrugë. Mund të bëni më pas pyetje si vijueset:

A e shihni këtë gur si një gur kalimi ose një pengesë? Përse?
Çfarë e përcakton nëse shkëmbi është një gur kalimi apo një gur pengese?

Më pas mund të diskutoni për pengesat në të mësuarin që hasin adoleshentët. Ftojini nxënësit të vlerësojnë se si këto pengesa mund të perceptohen si gurë kalimi ose gurë pengese.

Ushtrim shtesë

Për t’i ndihmuar nxënësit të ushtrojnë zëvendësimin e ideve të mendësisë së pandryshueshme me ide të mendësisë që synon rritjen, mund t’u jepni atyre tabelën vijuese. Nxënësit mund të punojnë me një partner për të krijuar frazat në kolonën “Provo të thuash”. Ata mund t’i tregojnë më pas një dysheje tjetër atë që mësuan.

Në vend që të thoni …	Provoni të thoni …
Në vend që të thoni … “Nuk mund ta bëj këtë!”
Në vend që të thoni … “Dorëzohem.”
Në vend që të thoni … “Unë thjesht nuk jam i mirë në këtë lëndë.”
Në vend që të thoni … “Nuk do të jem kurrë aq i zgjuar sa shoku im.”
Në vend që të thoni … “U përpoqa, por prapë nuk ia dola dot.”
Në vend që të thoni … “Kjo është tepër e vështirë!”

Mundësi materialesh filmike

Plaku Klark G. Gilbert, i Të Shtatëdhjetëve, tregoi se si Zoti e ndihmoi të zhvillohej me kalimin e kohës. Mund të shikoni “The Mismeasure of Man” [“Vlerësimi i Pasaktë i Njeriut”], në dispozicion në byupathway.org, nga kodi kohor 0:21 deri në 3:05.

Vëllai Devin G. Durrant, ish-këshilltar në Presidencën e Përgjithshme të Shkollës të së Dielës, tregoi se si mendësia që synon rritjen e gruas së tij i mundësoi asaj të kryente diçka që ndiente se do të ishte e vështirë. Mund të shihni “Choose a Growth Mindset” [“Zgjidhni një Mendësi që Synon Rritjen”], në dispozicion në speeches.byuh.edu, nga kodi kohor 30:54 deri në 33:08.