Përfshirja e Zotit në të Mësuarit Tënd

Mund ta filloni orën mësimore duke treguar situatat vijuese dhe duke i diskutuar ato si klasë. Sipas nevojës, rregullojini situatat për t’iu përshtatur më mirë nevojave të nxënësve tuaj.

Merreni parasysh t’i pyesni nxënësit nëse ata ose njerëz që njohin kanë përjetuar situata të ngjashme me këto. Mund t’i ftoni të tregojnë atë që ata ose të tjerët bënë për të marrë ndihmë.

Shpjegoni se në këtë mësim nxënësit do të mësojnë rreth rëndësisë së përfshirjes së Zotit në çdo aspekt të jetës, duke përfshirë arsimimin e tyre. Për t’i ndihmuar të përgatiten për ta studiuar këtë temë, paraqitini pyetjet vijuese dhe ftojini nxënësit t’u përgjigjen atyre në ditarët e tyre të studimit.

Ftojini nxënësit të kërkojnë mësimet që mund t’i ndihmojnë ta përfshijnë më plotësisht Zotin në të mësuarit dhe arsimimin e tyre.

Shpjegoni se shkrimet e shenjta përmbajnë shumë shembuj të njerëzve që e përfshinë Zotin për t’i ndihmuar të fitonin kuptueshmëri dhe kapërcyer sfidat. Merreni parasysh t’i ndani nxënësit në grupe për të plotësuar veprimtarinë vijuese të studimit. Caktojini çdo grupi njërin nga shembujt vijues për ta studiuar dhe më pas diskutoni dy pyetjet që vijojnë.

Nëse është e nevojshme, ftojini nxënësit të mendojnë përgjigje për pyetjen e mëparshme. Shembujt mund të përfshijnë gjatë bërjes së detyrave të shtëpisë, kryerjen e provimeve, të mësuarit në klasë dhe të punuarit për detyrat ose projektet e lëndës. Merreni parasysh t’i renditni idetë e nxënësve në tabelë.

Më pas jepuni nxënësve udhëzimet vijuese për t’i ndihmuar të mendojnë mënyrat se si mund ta përfshijnë Zotin në shembujt që përcaktuan. Nxënësit mund ta bëjnë këtë individualisht, me një partner ose në një grup të vogël.

Pasi nxënësit t’i krijojnë listat e tyre, ftojini t’ia tregojnë idetë e tyre klasës. Mund të krijoni një listë në tabelë dhe t’i shtoni idetë e nxënësve në të.

Nëse është e nevojshme, mund të jepni disa shembuj idesh: lutuni për ndihmë që ta mbani mend atë që studiuat para provimeve, projekteve ose detyrave: shprehni mirënjohje për ndihmën e Perëndisë dhe mundësitë që Ai ju ka dhënë për të mësuar; shënojini përvojat që keni pasur ndërsa e përfshitë Zotin në të mësuarit tuaj; agjëroni dhe lutuni për një dëshirë më të madhe për të mësuar; vendoseni Perëndinë të parin duke gjetur kohë për lutjen e përditshme dhe studimin e shkrimeve të shenjta.

Si pjesë e diskutimit, merreni parasysh të shfaqni “Të Zhvillohemi më Shumë në Krisht: Shëmbëlltyra e Pjerrësisë” nga kodi kohor 0:00 deri në 1:05. Ky material filmik është në dispozicion në ChurchofJesusChrist.org. Në këtë material filmik, Plaku Klark G. Gilbert, i Të Shtatëdhjetëve, përshkruan përvojën me përfshirjen e Zotit në të mësuarit e tij.

10:1

Merreni parasysh t’i ftoni nxënësit të reflektojnë për mënyrat se si mund ta zbatojnë atë që kanë mësuar rreth mënyrës për ta përfshirë Zotin në të mësuarit e tyre. Ata mund të përgjigjen për sa vijon në ditarët e tyre të studimit.

Merreni parasysh t’i ftoni nxënësit të tregojnë se çfarë kanë ndier dhe mësuar. Dëshmoni për të vërtetat që keni diskutuar dhe inkurajojini nxënësit të punojnë për planet e tyre dhe të veprojnë sipas mbresave që marrin nga Shpirti.