Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 196 – Integritet në Arsimimin Tonë: “Ne Besojmë në të Qenit të Ndershëm”

“Mësimi 196 – Integritet në Arsimimin Tonë: ‘Ne Besojmë në të Qenit të Ndershëm’”, Manuali i Mësuesit të Seminarit për Doktrinën e Besëlidhjet (2025)

“Integritet në Arsimimin Tonë”, Manuali i Mësuesit të Seminarit për Doktrinën e Besëlidhjet

Mësimi 196: Arritja e Suksesit në Shkollë

Integritet në Arsimimin Tonë

“Ne Besojmë në të Qenit të Ndershëm”

të reja duke punuar me detyrat e shkollës

Ndërsa përpiqemi fort të bëhemi dishepuj të aftë dhe të mirëbesuar të Jezu Krishtit, është e rëndësishme të kemi ndershmëri dhe integritet moral në zemrat tona. Ky mësim mund t’i ndihmojë nxënësit të sillen më mirë me ndershmëri dhe integritet moral në arsimimin e tyre.

Veprimtari të Mundshme të të Mësuarit

Zgjedhja e ndershmërisë dhe integritetit moral

Ftojini nxënësit të tregojnë skenarë ose situata në shkollë në të cilat mund të vihet në provë integriteti moral i dikujt. Jepni shembujt vijues sipas nevojës.

Po të afrohet një provim i rëndësishëm. Një shok klase vë re një kopje të përgjigjeve të provimit mbi tavolinën e mësuesit dhe i bën një fotografi me telefonin e tij. Ai të dërgon ty dhe disa nxënësve të tjerë një kopje të fotografisë.
Ty të nevojitet të shkruash një ese për një lëndë, por nuk ke gjetur kohë për ta bërë atë. Një mik sugjeron se mund të përdorësh programe në internet që e shkruajnë artikullin për ty. Ose mund të ngjitësh pjesë nga artikuj të ndryshëm nga interneti dhe të përfshish disa prej fjalive të tua për ta bërë atë të duket si shkrim i yti. Shoku yt përmend se i ka bërë këto gjëra më parë dhe mësuesi nuk e vuri re asnjëherë.
- Çfarë mund ta shtyjë dikë të mendojë se këto veprime janë një ide e mirë?
- Çfarë mund të të ndihmojë të dish se çfarë të bësh në situata si këto?

Shpjegoni se ky mësim do të përqendrohet në rëndësinë e ndershmërisë dhe integritetit moral në arsimimin tonë. Ftojini nxënësit të tregojnë atë që dinë rreth integritetit moral. Deklarata vijuese nga Plaku Xhozef B. Uirthlin mund të jetë një burim i dobishëm.

Plaku Xhozef B. Uirthlin (1917–2008), i Kuorumit të Dymbëdhjetë Apostujve, e përkufizoi integritetin moral në mënyrën vijuese:

“Integritet moral do të thotë të bëjmë gjithmonë atë që është e drejtë dhe e mirë, pavarësisht nga pasojat e drejtpërdrejta. Do të thotë të jemi të drejtë nga vetë thellësia e shpirtit tonë, jo vetëm në veprimet tona por, më e rëndësishmja, në mendimet tona dhe në zemrën tonë. Integriteti moral vetjak nënkupton besueshmëri dhe pakorruptueshmëri të tillë, saqë ne jemi të paaftë të jemi të gënjeshtërt ndaj një mirëbesimi apo besëlidhjeje. …

Bota ka nevojë të dëshpëruar për burra dhe gra me integritet moral. Pothuajse çdo ditë dëgjojmë për mashtrime, keqpërdorime fondesh, reklama të rreme ose veprime të tjera që kanë për qëllim fitimin me anë të kopjimit ose mashtrimit. Zoti i urren thellësisht këto praktika.” (Joseph B. Wirthlin, “Personal Integrity”, Ensign, maj 1990, f. 30, 32)

Në ç’mënyrë e ke vënë re nevojën për integritet moral në botën e sotme?

Sugjerimi vijues mund t’i ndihmojë nxënësit t’i vlerësojnë vetë mendimet e tyre rreth rëndësisë së të vepruarit me integritet moral në arsimimin e tyre: Ftojini ata të gjejnë një faqe bosh në ditarin e studimit dhe ta emërtojnë atë “Përse integriteti moral në arsimim është i rëndësishëm për mua”. Kërkojuni nxënësve të renditin të gjitha arsyet përse integriteti moral është i rëndësishëm për ta. Kur të kenë mbaruar, disa vullnetarë mund t’ia tregojnë disa prej arsyeve të tyre klasës.

Inkurajojini nxënësit të vazhdojnë të shtojnë ide, të vërteta dhe shkrime të shenjta në listën e tyre gjatë gjithë mësimit.

Ati Qiellor dhe Jezu Krishti duan që të veprojmë me integritet moral

Shpjegoni se kuptueshmëria e karakterit dhe mësimeve të Atit Qiellor dhe Jezu Krishtit mund të na shtyjë të veprojmë me integritet moral. Merreni parasysh t’i ftoni nxënësit ta bëjnë veprimtarinë vijuese të studimit me një partner ose në një grup të vogël.

Lexoji shkrimet e shenjta vijuese, duke kërkuar mësimet që mund të na ndihmojnë të ndiejmë një dëshirë më të madhe për të vepruar me integritet moral: 3 Nefi 27:18; Ethëri 3:11–12; Doktrina e Besëlidhje 3:2; 51:9; 124:15, 20; Nenet e Besimit 1:13.

Çfarë të vërtetash mësove nga këto vargje rreth rëndësisë së ndershmërisë dhe integritetit moral në jetën tonë?

Ftojini nxënësit të tregojnë të vërtetat e shumta që mësuan. Ata mund të përcaktojnë të vërteta të ngjashme me vijueset: Ati Qiellor dhe Jezu Krishti janë përsosurisht të ndershëm. Kur veprojmë me ndershmëri dhe integritet moral, ne bëhemi më të ngjashëm me Ta.
Çfarë mund të na e bëjë të vështirë të veprojmë me ndershmëri dhe integritet moral në arsimimin tonë?

Plaku Nil L. Andersen, i Kuorumit të Dymbëdhjetë Apostujve, dha mësim rreth efektit që mund të ketë integriteti moral në rritjen tonë shpirtërore:

“Ka një fuqi të jashtëzakonshme shpirtërore nëse mbetemi të vërtetë dhe të ndershëm, kur pasojat e ndershmërisë sonë mund të duken se janë një mospërfitim. Secili prej jush do të përballet me vendime të tilla. Këto çaste përcaktuese do ta vënë në provë integritetin tuaj moral. Teksa zgjidhni ndershmërinë dhe të vërtetën – pavarësisht nëse situata zgjidhet ashtu siç shpresoni apo jo – ju do ta kuptoni se këto udhëkryqe të rëndësishme bëhen shtylla themelore të forcës në rritjen tuaj shpirtërore.” (Neil L. Andersen, “The Divine Standard of Honesty”, Ensign, gusht 2017, f. 40)

Cilat janë dobitë dhe bekimet e të qenit të ndershëm dhe pasjes së integritetit moral në punë dhe në shkollë?

Zbatoje atë që mësove

Kujtojuni nxënësve identitetin e tyre hyjnor si fëmijë të prindërve qiellorë të dashur. Kjo është pjesë e asaj që ata janë, përfshirë edhe në shkollë. Ndërsa e ndjekin Jezu Krishtin dhe veprojnë me ndershmëri dhe integritet moral, këto cilësi do t’i dallojnë ata nga pjesa tjetër e botës.

Presidenti Rasëll M. Nelson dha mësim:

“Identiteti juaj i çmuar meriton integritetin tuaj moral të çmuar! Ruajeni atë si çmimin e paçmuar që është.” (Russell M. Nelson, “Integrity of Heart” [takim shpirtëror në Universitetin “Brigam Jang”, 23 shkurt 1993], f. 7, speeches.byu.edu)

Për t’i ndihmuar nxënësit të marrin parasysh se si do ta mbrojnë ose shtojnë ndershmërinë dhe integritetin moral të tyre, kërkojuni t’u përgjigjen disa ose të gjitha pyetjeve vijuese në ditarët e tyre të studimit.

Çfarë ke ndier sot rreth integritetit moral në arsimim që dëshiron ta mbash mend?
Çfarë mësove rreth Atit Qiellor dhe Jezu Krishtit që do të të ndihmojë kur tundohesh të veprosh pa ndershmëri?
Cilat janë një ose dy veprime që do të ndërmarrësh për ta rritur ndershmërinë dhe integritetin tënd moral në shkollë?

Merreni parasysh t’i ftoni disa nxënës të gatshëm t’i tregojnë përgjigjet e tyre. Dëshmoni për të vërtetat që keni diskutuar dhe inkurajojini nxënësit të veprojnë sipas planeve të tyre.

Burime Shtesë

Në ç’mënyrë lidhet ndershmëria me të mësuarit?

“Ati Qiellor dëshiron që bijat dhe bijtë e Tij të jenë gjithmonë duke mësuar. Ju keni arsye materiale dhe shpirtërore për të kërkuar dhe për ta dashur të mësuarit. Arsimimi nuk ka të bëjë vetëm me fitimin e parave. Është pjesë e synimit tuaj të përjetshëm që të bëheni më shumë si Ati Qiellor.

Të jetuarit me integritet do të thotë se ju e doni të vërtetën me gjithë zemrën tuaj, më shumë sesa e doni rehatinë, famën ose volinë vetjake. Do të thotë se bëni atë që është e drejtë thjesht sepse është e drejtë.” (Për Forcën e Rinisë: Një Udhëzues për Bërjen e Zgjedhjeve [2022], f. 31)

Si mund të vazhdoj të zhvilloj integritet moral vetjak?

Presidenti Rasëll M. Nelson dha mësim:

“Një kohë e mirë për shqyrtimin e vetes është gjatë lutjes vetjake, private. Në mëngjes, mund të përfshijë një lutje për ndershmërinë, dëlirësinë, virtytin ose thjesht të qenit në shërbim të të tjerëve. Në mbrëmje mund të jetë një kontroll tjetër i shpejtë i të gjitha atyre cilësive. Së pari, lutuni për integritetin tuaj shpirtëror dhe më pas punoni për ta arritur atë. Nëse gjendet ndonjë e metë, do të doni ta filloni procesin e riparimit të menjëhershëm që do ta mbrojë më tej shpërbërjen e atij filli të kërcënuar.” (Russell M. Nelson, “Integrity of Heart” [takim shpirtëror në Universitetin “Brigam Jang”, 23 shkurt 1993], f. 4, speeches.byu.edu)

Pse duhet të veproj me ndershmëri dhe integritet moral në detyrat e shkollës?

Plaku Dejvid A. Bednar, i Kuorumit të Dymbëdhjetë Apostujve, dha mësim rreth mënyrës se si mund të ndikojë te ne mungesa e ndershmërisë akademike:

“Mashtrimi në punën akademike është pa parime, i pandershëm dhe një formë e vetëmashtrimit dhe tradhtisë. Asnjë nxënës nuk mund të shpresojë që përfundimisht të ketë sukses në një karrierë apo profesion nëse ai ose ajo ndërton mbi një themel mashtrimi.” (David A. Bednar, “Be Honest”, New Era, tetor 2005, f. 6)

Presidenti Xhejms E. Faust (1920–2007), i Presidencës së Parë, shpjegoi:

“Të gjithë ne duhet të dimë se çfarë do të thotë të jesh i ndershëm. Ndershmëria është më tepër se të mos gënjesh. Ajo është të tregosh të vërtetën, të thuash të vërtetën, të jetosh të vërtetën dhe të duash të vërtetën. …

Dua t’ju flas hapur rreth të qenit të sinqertë. Ndershmëria është një busull morale për të na udhërrëfyer në jetën tonë. … Megjithatë, shtytja e jashtëzakonshme për të shkëlqyer në të mësuarin laik ndonjëherë i tundon njerëzit të komprometojnë … ndershmërinë dhe integritetin e tyre moral.

Mashtrimi në shkollë është një formë e vetëmashtrimit. Ne shkojmë në shkollë për të mësuar. Ne mashtrojmë veten kur mbështetemi në përpjekjet dhe punën e dikujt tjetër.” (James E. Faust, “Honesty – a Moral Compass,” Ensign, nëntor 1996, f. 41, 42)

Veprimtari Plotësuese të të Mësuarit

Të qëndruarit me integritet moral

Për t’i ndihmuar nxënësit ta kuptojnë rëndësinë e të qëndruarit me integritet moral, merreni parasysh të paraqitni sa vijon.

Plaku Ronald A. Rasband, i Kuorumit të Dymbëdhjetë Apostujve, dha mësim:

“Ku qëndroni ju sot? A mund të mbështetet Zoti te ju dhe integriteti juaj moral si një anëtar i sinqertë i Kishës së Tij? …

Ndërsa i shohim standardet e botës që shemben nga çdo drejtim, neve shpesh na kërkohet të qëndrojmë të fortë, ta mbrojmë besimin tonë dhe ta ngremë lart integritetin moral të ungjillit. Kujtoni qortimin te Helamani që kur jeni të ndërtuar ‘mbi shkëmbin e Shëlbuesit tonë që është Krishti, biri i Perëndisë’, ‘furtuna … e fuqishme’ që po afron ‘nuk do të ketë fuqi mbi ju, që t’ju tërheqë në humnerë …, për shkak të shkëmbit mbi të cilin jeni ndërtuar’ [Helamani 5:12].” (Ronald A. Rasband, “Integrity of Heart”, [takim shpirtëror në Universitetin “Brigam Jang”, 13 mars 2018], f. 4, speeches.byu.edu)

Përfshijini nxënësit në një diskutim për mënyrat se si ata mund të qëndrojnë të fortë me integritet moral në botën e sotme.

Vizatoni një figurë për t’u ngjitur ose një figurë të një nxënësi në tabelë, ose kërkojini një nxënësi të gatshëm ta tregojë talentin e tij artistik për ta vizatuar atë. Shpjegoni se kjo figurë mund të përfaqësojë nxënësit.

Pyetini nxënësit:

Cilat janë disa prej standardeve që po shemben në botë sot, me të cilat përballeni? (Shkruajini përgjigjet e tyre rreth vizatimit të nxënësit, me shigjetat të drejtuara nga figura e nxënësit si për të treguar gjërat e shumta me të cilat përballen nxënësit sot.)
Cilat karakteristika të Jezu Krishtit mund t’ju ndihmojnë të qëndroni me integritet moral? (Shkruajini përgjigjet e tyre te këmbët ose poshtë figurës së nxënësit në tabelë.)

Inkurajojini nxënësit të ndjekin shembullin e Jezu Krishtit ndërsa përballen me sfida që e vënë në provë integritetin e tyre moral.

Çfarë është plagjiatura?

Nëse nxënësve u nevojitet ndihmë për të kuptuar se çfarë është plagjiatura dhe se si ajo lidhet me integritetin moral në arsimim, mund t’u tregoni shpjegimin dhe tabelën vijuese.

Të përdorësh fjalët e dikujt tjetër si të tuat pa i dhënë atij meritën ose pa përmendur autorin fillestar është plagjiaturë. Plagjiatura është e pandershme dhe një formë mashtrimi. Disa nxënës kanë marrë nota jokaluese ose edhe u është kërkuar ta lënë shkollën për shkak se kanë bërë plagjiaturë. Njerëz kanë humbur edhe punën për shkak të plagjiaturës.

Bëni dy kolona në tabelë. Emërtojeni njërën Çfarë Është Plagjiaturë dhe tjetrën Çfarë Nuk Është Plagjiaturë. Merreni parasysh ta shtypni në letër tabelën vijuese dhe ta pritni secilën prej situatave në katrore. Vërini nxënësit t’i vendosin katrorët në kolonat e duhura.

Çfarë Është Plagjiaturë	Çfarë Nuk Është Plagjiaturë
Çfarë Është Plagjiaturë Të kopjoni diçka që e gjeni në internet ose në detyrën e dikujt tjetër dhe të thoni se e shkruat ju.	Çfarë Nuk Është Plagjiaturë Të përdorni fjalët e dikujt tjetër dhe të përfshini një referencë të personit që i ka thënë fjalët.
Çfarë Është Plagjiaturë Të kopjoni fjalët e dikujt tjetër dhe të ndryshoni një ose dy fjalë në paragraf.	Çfarë Nuk Është Plagjiaturë Të lexoni mbi një temë dhe të shkruani atë që mësoni me fjalët tuaja, duke përfshirë një referencë të autorit fillestar.
Çfarë Është Plagjiaturë Të përfshini fakte ose statistika specifike që i gjeni nga burime të tjera pa ua dhënë meritën atyre burimeve.	Çfarë Nuk Është Plagjiaturë Deklarata të përgjithshme që janë fjalë jospecifike që i tha dikush, si: Qielli është blu. Perëndia ju do.
Çfarë Është Plagjiaturë Të përdorni vetëm ide dhe mendime të të tjerëve në shkrimet tuaja.	Çfarë Nuk Është Plagjiaturë Të përdorni kryesisht mendimet ose idetë tuaja.