Përgatitja për Provime dhe Projekte Sfiduese

Merreni parasysh ta filloni mësimin duke treguar skenarët vijues. Në vend që të tregoni të gjithë skenarët, mund të tregoni fjalinë e parë të secilit dhe më pas t’u kërkoni nxënësve të japin arsyet përse Semi dhe Ema mund të ndihen në mënyrën që ndihen.

Ftojini nxënësit të mendojnë për kohët kur mund të jenë ndier si Semi ose Ema. Shpjegoni se nuk është e pazakontë për nxënësit që të kenë probleme me vetëbesimin në shkollë, sidomos me provimet dhe projektet sfiduese. Mund të jetë e dobishme t’u kujtoni atyre se të mësuarit është një proces që zgjat gjithë jetën. Ne jemi mbi këtë tokë për të mësuar dhe përparuar.

Ftojini nxënësit që ndërsa studiojnë t’u kushtojnë vëmendje të vërtetave dhe mbresave shpirtërore që mund t’i ndihmojnë të arrijnë sukses në provimet ose projektet në shkollë.

Shpjegoni se shkrimet e shenjta nuk japin specifikisht mësim rreth mënyrës se si të përgatiteni për provime ose projekte shkollore. Megjithatë, ndërsa krahasohemi me shkrimet e shenjta (shih te 1 Nefi 19:23), mund të gjejmë të vërteta që mund të na ndihmojnë në një shumëllojshmëri mënyrash, duke përfshirë kur përballemi me sfida në arsimimin tonë.

Merreni parasysh ta ndani klasën në grupe për të plotësuar veprimtarinë vijuese të studimit.

Si pjesë e diskutimit tuaj për pyetjet e mëparshme, merreni parasysh t’u kërkoni disa nxënësve të tregojnë shembuj të mënyrës se si e kanë marrë ndihmën e Zotit në detyrat e tyre shkollore. Ftojini ata të tregojnë se si kanë ndikuar ato përvoja në ndjenjat e tyre për Shpëtimtarin.

Kjo pjesë e mësimit ka për qëllim t’i ndihmojë nxënësit të mendojnë për mënyrat specifike se si mund të përgatiten për të qenë të suksesshëm me provimet ose projektet sfiduese. Për ta bërë këtë, mund të paraqitni udhëzimet vijuese dhe t’u jepni nxënësve kohë për të krijuar një përgjigje me një partner ose grup të vogël.

Pasi nxënësit të kenë pasur kohë të mjaftueshme për të krijuar përgjigjet e tyre, ftojini t’ia tregojnë ato klasës. Mund të shkruani në tabelë pikëpamjet që jepen dhe t’i inkurajoni nxënësit ta shënojnë në ditarët e tyre të studimit këshillën që nuk e kishin menduar më parë. Gjithashtu, mund t’i ftoni nxënësit të tregojnë shembuj të mënyrës se si disa prej këtyre sugjerimeve i kanë ndihmuar ata.

Nëse nxënësve u nevojitet ndihmë për të menduar për ide, merreni parasysh të ofroni disa sugjerime, duke përfshirë disa prej vijueseve:

• Mbajini shënim ato që po mësoni në orën mësimore dhe përsëritini shpesh ato. Shpjegojani atë që po mësoni një shoku të klasës, pjesëtari të familjes ose shoku.

• Largojeni telefonin dhe bllokojeni qasjen në faqe interneti shpërqendruese ndërkohë që studioni.

• Shpërndajini studimet tuaja përgjatë shumë ditëve ose javëve. Bëni një program mësimor dhe përmbajuni atij. Nëse mbeteni mbrapa, mos prisni deri në fund për të arritur ritmin.

• Gjeni një vend të qetë për të studiuar dhe studioni gjatë kohëve të ditës kur nuk jeni tepër të lodhur. Kujdesuni për trupin tuaj duke u ushqyer me një dietë të shëndetshme, fjetur shumë gjumë dhe duke u stërvitur rregullisht.

• Gjeni kohë për t’u arsimuar dhe përgatitur shpirtin tuaj nëpërmjet studimit të shkrimeve të shenjta. Lutuni dhe agjëroni herë pas here për ndihmë dhe udhërrëfim.

Ide të tjera për të ndihmuar për provimet shkollore mund të gjenden në pjesën “Veprimtari Plotësuese të të Mësuarit”.

Ftojini nxënësit të reflektojnë mbi atë që kanë mësuar dhe ndier në mësim që mund t’i ndihmojë në jetën e tyre. Një mënyrë për ta bërë këtë mund të jetë t’i vini nxënësit t’u përgjigjen pyetjeve vijuese në ditarët e tyre të studimit.

Merreni parasysh t’u kujtoni nxënësve se të bërit një nxënës i suksesshëm kërkon kohë, përgatitje, durim dhe ushtrim. Inkurajojini të vazhdojnë të mbështeten te Shpëtimtari për ndihmë dhe udhërrëfim.