Kujdesi për Trupin Tonë Fizik

• Si mund të ndikojnë mendimet e të tjerëve në mënyrën se si ndihemi për trupin tonë?

• Në ç’mënyrë janë të vërtetat te Zanafilla 1:26–27 dhe 1 Korintasve 6:19–20, që Zoti dëshiron që t’i dimë, të ndryshme nga mesazhet që mund të marrim nga të tjerët?

Studioje këshillën vijuese që Zoti dha nëpërmjet Presidentit Rasëll M. Nelson dhe Plakut Xhefri R. Holland, të Kuorumit të Dymbëdhjetë Apostujve, duke kërkuar atë që mund të ndihmojë për imazhin e trupit tonë:

“Sa herë që shikoheni në pasqyrë, shiheni trupin si tempullin tuaj. Kjo e vërtetë – e përtërirë me mirënjohje përditë – mund të ndikojë pozitivisht në vendimet tuaja për mënyrën se si do të kujdeseni për trupin tuaj e si do ta përdorni atë. Dhe ato vendime do të përcaktojnë fatin tuaj.” (Rasëll M. Nelson, “Vendime Përjetësie”, Liahona, nëntor 2013, f. 107)

“Ju lutem … jini më miratuese ndaj vetes, duke përfshirë formën dhe stilin e trupit tuaj, me më pak dëshirë për t’u dukur si dikush tjetër. Jemi të gjithë të ndryshëm. Disa janë të gjatë dhe disa janë të shkurtër. Disa janë të mbushur dhe disa janë të dobët. Dhe pothuajse gjithkush në [një moment ose një tjetër] dëshiron të jetë diçka që nuk [është]! Por ashtu si tha një këshilluese për vajzat adoleshente: ‘Ju nuk mund ta jetoni jetën duke u shqetësuar se bota [jua ka ngulur sytë]. Kur i lejoni opinionet e njerëzve t’ju bëjnë të ndrojtur, ju largoni fuqinë tuaj. … Çelësi për t’u ndier [mirë] është që të dëgjoni gjithmonë veten tuaj të brendshme – [veten tuaj të vërtetë.]’ Dhe në mbretërinë e Perëndisë, vetja juaj e vërtetë është “më e çmuar se perlat” [Fjalët e Urta 3:15].” (Xhefri R. Holland, “Drejtuar të Rejave”, Konferenca e Përgjithshme, tetor 2005, f. 40–43)

• Çfarë mësove nga këto thënie?

Shkruaj diçka që ti mendon se Zoti do të donte që t’ia thoshe dikujt që e ka të vështirë të ndihet mirë për trupin e tij.

Lexo te Doktrina e Besëlidhje 88:124, duke kërkuar atë që dha mësim Zoti rreth gjumit.

• Përse mendon se gjumi është i rëndësishëm?

Mungesa e gjumit të mjaftueshëm mund të jetë një problem shëndetësor madhor. Shumica e ekspertëve u rekomandojnë adoleshentëve të flenë 8–10 orë çdo natë (shih National Sleep Foundation, “How Much Sleep Do You Really Need?”, 1 tetor 2020, thensf.org). Gjumi i pamjaftueshëm mund ta lërë një person të lodhur, pak efikas dhe të cenueshëm ndaj problemeve shëndetësore fizike dhe mendore. Ndjesia e lodhjes mund të na bëjë më të tundueshëm.

• Si i ke parë zakonet e gjumit të ndikojnë në jetën tënde?

• Si mund t’i përmirësojnë zakonet e gjumit të shëndetshëm aftësinë tona për t’i shërbyer Zotit?

Diskutoje me grupin tënd këshillën që do t’i jepje dikujt që donte t’i përmirësonte zakonet e tij të gjumit ose të cilit do t’i rekomandoje që të kërkonte këshillë. Shkruaji mendimet e tua në letrën që të është dhënë.

Të qenit përtac i referohet harxhimit të kotë të kohës, të qenit dembel ose shmangies së punës. Lexoje një ose dy prej vargjeve vijuese, duke kërkuar ndjenjat e Zotit rreth fëmijëve të Tij që janë përtacë: Doktrina e Besëlidhje 42:42; 60:13; 75:3.

• Përse mendon se Zoti dëshiron që ne të jemi aktivë dhe shumë punëtorë dhe jo përtacë?

• Si të ka bekuar Zoti kur je përpjekur të jesh aktiv/e dhe shumë punëtor/e?

• Si mund ta përmirësojnë ushtrimet fizike dhe mënyra e jetesës aktive shëndetin tonë mendor? Si mund të na ndihmojë kjo t’i shërbejmë Zotit?

Shkruaje këshillën tënde për një adoleshent që dëshiron të përmirësojë nivelet e ushtrimeve fizike dhe aktivitetit të tij.

Lexoji vargjet vijuese, duke kërkuar këshillën e Shpëtimtarit lidhur me zgjedhjet e ushqimit të shëndetshëm: Doktrina e Besëlidhje 59:16–20; 89:10–16.

• Çfarë ndikimi kanë zgjedhjet tona të ushqimeve në jetën tonë?

Diskutoji disa nga pengesat ndaj të ushqyerit të shëndetshëm. Trego disa mënyra se si ne mund ta kërkojmë ndihmën e Zotit dhe t’i kapërcejmë këto pengesa.

• Çfarë dobish afatgjata mund të ketë në ndjekjen e këshillës së Shpëtimtarit rreth të ngrënit mirë sa je i ri/e re?

Si grup, shkruani tri lista të titulluara “Shmange”, “Me raste” dhe “I shëndetshëm”. Duke punuar së bashku, zgjidhni disa ushqime të zakonshme që i shihni çdo ditë. Diskutoje se cila kategori mund të jetë e përshtatshme për atë ushqim.