Proklamata mbi Familjen, Pjesa 3

Merreni parasysh ta shkruani në tabelë fjalinë e papërfunduar vijuese të shkakut dhe pasojës. Plotësojeni hapësirën e parë bosh me një frazë si “Marrja e notave të mira”. Më pas ftojini nxënësit ta plotësojnë hapësirën e dytë bosh me një frazë që plotëson thënien, si për shembull “i bëjmë detyrat e shtëpisë”. Mund ta përsëritni këtë proces disa herë duke përdorur fraza të ndryshme.

Ftojini nxënësit të lexojnë te paragrafi 7 i proklamatës mbi familjen, duke kërkuar një mënyrë të frymëzuar për ta plotësuar frazën në tabelë. Ndihmojini nxënësit të dallojnë të vërtetën vijuese: Lumturia në jetën familjare ka shumë gjasa të arrihet kur bazohet mbi mësimet e Zotit Jezu Krisht. Për t’i ndihmuar nxënësit të mendojnë rreth mënyrës se si të jetuarit e mësimeve të Krishtit mund të çojë në lumturi në jetën familjare, kërkojuni atyre të përsiatin pyetje si vijueset:

Informojini nxënësit se në fund të këtij mësimi, ata do të ftohen të veprojnë sipas njërit prej mësimeve të Shpëtimtarit që mund të rritë lumturinë e familjes së tyre. Ftojini nxënësit të kërkojnë ndihmën e Atit Qiellor gjatë pjesës tjetër të mësimit për të ditur se në cilin parim duhet të përqendrohen. Inkurajojini nxënësit t’i kushtojnë vëmendje çdo mendimi ose ndjenje që marrin nga Fryma e Shenjtë.

Merreni parasysh ta vendosni një figurë të Jezu Krishtit në tabelë. Kërkojuni nxënësve të lexojnë te paragrafi 7 përsëri, kësaj here duke shenjuar çdo mësim që mund të rritë lumturinë familjare. Ftojini nxënësit ta shkruajnë atë që gjetën në tabelë përreth figurës së Jezu Krishtit. Më pas vërini nxënësit të formojnë grupe të vogla ose dyshe për të plotësuar veprimtarinë vijuese:

Ndërsa nxënësit diskutojnë pyetjen e mëparshme, mund t’i drejtoni te parimet e “besimit, lutjes, pendimit, faljes, respektit, dashurisë [dhe] dhembshurisë” në paragrafin që studiuan. Dëshmoni për dëshirën e Shpëtimtarit për të falur, shëruar dhe përmirësuar individët dhe marrëdhëniet familjare. Përpjekjet dhe dëshirat tona për t’u penduar dhe falur të tjerët mund të ftojnë ndikimin e Tij shërues në jetën dhe marrëdhëniet tona.

Para se t’i ftoni nxënësit të zbatojnë një nga mësimet e Shpëtimtarit në familjet e tyre, ndihmojini të marrin parasysh mënyrat se si mësimet e Tij mund të zbatohen në situata të ndryshme familjare. Merreni parasysh të shkruani disa situata familjare të ndryshme në tabelë ku nxënësit në klasën tuaj mund të gjejnë veten. Shembujt mund të përfshijnë sa vijon:

1. Familje e tërë aktive në Kishë.

2. Familje pjesërisht anëtare.

3. Prindër të shkurorëzuar.

4. Familje me një prind.

Merreni parasysh t’u kërkoni nxënësve të japin përgjigjet për pyetjet vijuese për secilën situatë familjare në tabelë:

• Cilat parime specifike nga paragrafi 7 i proklamatës mbi familjen do t’i rekomandonit një adoleshenti në këtë situatë?

• Si do t’i zbatonte një adoleshent në këtë situatë familjare parimet që zgjodhët?

Më pas merreni parasysh të paraqitni thënien vijuese:

Ftojini nxënësit të zgjedhin njërin nga mësimet e Jezusit nga proklamata mbi familjen që ata ndihen të nxitur ta zbatojnë për të përmirësuar lumturinë në familjet e tyre. Jepuni nxënësve kohë për të përsiatur dhe shkruar në ditarët e tyre të studimit një plan për të nisur, vazhduar ose përmirësuar të jetuarit e atij mësimi. Nëse e lejon koha, ftojini disa nxënës të tregojnë atë që u ndien të frymëzuar të bënin.

Merreni parasysh të jepni dëshminë tuaj për fuqinë e Jezu Krishtit për të rritur lumturinë në familjet e atyre që përpiqen fort t’i jetojnë mësimet e Tij.