Seminari
Doktrina e Besëlidhje 135–136: Vështrim i Përgjithshëm

“Doktrina e Besëlidhje 135–136: Vështrim i Përgjithshëm”, Manuali i Mësuesit të Seminarit për Doktrinën e Besëlidhjet (2025)

“Doktrina e Besëlidhje 135–136”, Manuali i Mësuesit të Seminarit për Doktrinën e Besëlidhjet

Doktrina e Besëlidhje 135–136

Doktrina e Besëlidhje 135–136

Vështrim i Përgjithshëm

Doktrina e Besëlidhje 135 njoftoi martirizimin e Profetit Jozef Smith dhe dëshmoi se si Zoti na bekoi nëpërmjet tij. Pas vdekjes së Jozefit, anëtarët e Kishës qenë të pasigurt se kush duhej t’i udhëhiqte ata, por mësuan se çelësat e mbretërisë mbaheshin nga Kuorumi i Dymbëdhjetë Apostujve nën Brigam Jangun. Shenjtorët gradualisht udhëtuan në perëndim drejt Solt‑Lejk‑Sitit. Pionierë të tjerë të panumërt në mbarë botën kanë vazhduar të tregojnë besim të ngjashëm te Zoti.

ikona e trajnimit Ftojini nxënësit të flasin: Ftesa që nxënësit të flasin, bëhet lehtë duke i inkurajuar nxënësit dhe duke u dhënë atyre një mundësi për të folur. Gjeni çaste në mësim kur mund t’i nxitni nxënësit të përsiatin ndjenjat e tyre për diçka dhe më pas kërkojuni atyre të shprehin atë që ndiejnë ose t’i shkruajnë ndjenjat e tyre dhe më pas t’i tregojnë ato. Shprehja e mendimeve dhe ndjenjave mund t’i ndihmojë ata të kenë siguri te vetja për të shprehur dëshminë. Për më tepër mbi mënyrën se si e bëri Shpëtimtari këtë, shihni pjesën “Shpëtimtari Ofroi Mundësi që Njerëzit të Merrnin Mësim nga Fryma e Shenjtë” te Mësimdhënia sipas Mënyrës së Shpëtimtarit. Mund të shihni edhe një shembull se si ta bëni këtë në mësimin e kësaj jave me titull “Doktrina e Besëlidhje 135”.

Përgatituni të jepni mësim

Informacioni i mëposhtëm ju siguron ide mbi ato që mund të nevojitet të përgatitni paraprakisht për çdo mësim.

Doktrina e Besëlidhje 135

Qëllimi i mësimit: T’i ndihmojë nxënësit ta forcojnë dëshminë e tyre për Jozef Smithin si Profetin e Perëndisë për Rivendosjen.

Vijimësia në Presidencë

Qëllimi i mësimit: T’i ndihmojë nxënësit që t’iu rritet siguria se Zoti vazhdon ta drejtojë punën e Tij edhe kur një profet vdes.

  • Përgatitja e nxënësve: Merreni parasysh t’i ftoni nxënësit të kërkojnë shkrime të shenjta, thënie nga udhëheqësit e Kishës dhe burime të tjera të caktuara në mënyrë hyjnore, që i ndihmojnë ata të dinë se profeti i Kishës është shërbëtori i zgjedhur i Zotit.

  • Fletushkë: “Kë të Ndiqnin pas Jozef Smithit”

Doktrina e Besëlidhje 136

Qëllimi i mësimit: T’i ndihmojë nxënësit ta kuptojnë se Ati Qiellor do t’i bekojë ata ndërsa përpiqen ta mbajnë besëlidhjen e tyre për t’iu bindur urdhrave të Tij.

  • Përgatitja e nxënësve: Nxënësit mund të kenë pasur mundësi të shumta për të mësuar rreth besëlidhjeve nga studimi i librit Doktrina e Besëlidhje. Ftojini ata të reflektojnë për bekimet që kanë marrë ndërsa janë përpjekur të bëjnë dhe mbajnë besëlidhjet e tyre për t’iu bindur urdhrave të Zotit.

  • Sende për t’u paraqitur: Figurë e një karroce të mbuluar; hartë e shtegut të pionierëve

  • Materiale filmike: “Udhëtimi i Vështirë Vazhdon!” (13:30; shikojeni nga kodi kohor 5:14 deri në 11:02); “Watched Over by God: Elizabeth Panting’s Journey to Zion” [“Nën Kujdesin e Perëndisë: Udhëtimi i Elizabeta Pantingut drejt Sionit”] (16:20; shikojeni nga kodi kohor 07:50 deri në 11:16)

  • Sende për t’u përgatitur: Përzgjedhje historish nga Saints: The Story of the Church of Jesus Christ in the Latter Days [Shenjtorët: Historia e Kishës së Jezu Krishtit në Ditët e Mëvonshme], vëll. 2, No Unhallowed Hand [Asnjë Dorë Mëkatare], 1846–1893 (2020), f. 58–96 dhe nga “Pioneers” ose “The Trek West” në ChurchofJesusChrist.org

Pionierë në Çdo Vend

Qëllimet e mësimit: T’i ndihmojë nxënësit të ndiejnë dëshirën për të qenë pionierë duke përgatitur udhën që të tjerët të ndjekin Jezu Krishtin.

  • Përgatitja e nxënësve: Ftojini nxënësit të mësojnë rreth një paraardhësi që u bashkua me Kishën e Jezu Krishtit të Shenjtorëve të Ditëve të Mëvonshme dhe të përsiatin se si i ka bekuar ata vendimi i paraardhësit të tyre. Nëse nxënësit janë mes të parëve në familje që i janë bashkuar Kishës, ata mund të reflektojnë mbi arsyen pse zgjodhën të ndjekin Jezu Krishtit duke u pagëzuar dhe si do të ndikojë kjo te brezat e ardhshëm. Mund të ftoni nxënës që t’ia tregojnë klasës historitë e tyre.

  • Figurë për t’u paraqitur: Një karrocë dore

  • Material filmik: “LDS Women Are Incredible!” [“Gratë SHDM Janë të Jashtëzakonshme!”] (16:18; shikojeni nga kodi kohor 2:12 deri në 3:05)

  • Fletushkë: “Pionier nëpër Botë”