Doktrina e Besëlidhje 136: Udhëtimi drejt Perëndimit

Për ta filluar orën mësimore, shfaqni një figurë të një karroce të mbuluar dhe një harte të shtegut të pionierëve. Ftojini nxënësit të përfytyrojnë se si do të ndiheshin po t’iu duhej të shkonin në një rrugëtim si ai që bënë shenjtorët e hershëm. Mund të lexoni ose përmblidhni paragrafin vijues për t’i ndihmuar nxënësit të kuptojnë atë që sakrifikuan shenjtorët e hershëm, që t’i bindeshin urdhrit të Zotit për të bërë rrugëtimin e tyre drejt perëndimit.

Si referencë, merreni parasysh të shfaqni një hartë të zonës suaj dhe të shenjoni një vendndodhje 1900 km larg.

Mund t’i pyesni nxënësit se si rrugëtimi ynë individual përgjatë jetës mund të jetë i ngjashëm me udhëtimin e shenjtorëve drejt perëndimit. Për t’u shtuar përgjigjeve të nxënësve, jepuni thënien vijuese nga Presidenti M. Rasëll Ballard:

Inkurajojini nxënësit të kërkojnë udhërrëfimin e Shpirtit për t’i ndihmuar të dallojnë se si Ati Qiellor dhe Jezu Krishti po i bekojnë ata sot dhe mund të vazhdojnë t’i bekojnë ata vetë gjatë gjithë rrugëtimeve të tyre.

Mund ta lexoni dhe përmblidhni paragrafin vijues për të dhënë kontekst historik për seksionin Doktrina e Besëlidhje 136. Ju mund edhe t’u kërkoni nxënësve të gjejnë Lagjet Dimërore në hartë.

Dëgjojini me kujdes përgjigjet e nxënësve. Nëse është e dobishme, bëni disa nga pyetjet vijuese: “Në vargjet 2 dhe 4, çfarë u mësoi Shpëtimtari shenjtorëve rreth bërjes dhe mbajtjes së besëlidhjeve?” “Si duhej të kujdeseshin shenjtorët për njëri‑tjetrin dhe ata që i ndoqën pas?” “Sipas vargut 11, çfarë bekimesh u premtoi Shpëtimtari shenjtorëve nëse ata do t’i bënin dhe mbanin besëlidhjet gjatë gjithë rrugëtimit?”

Ndihmojini nxënësit të përcaktojnë të vërtetën se kur i respektojmë besëlidhjet tona për t’i mbajtur urdhërimet e Zotit, Ai do të na bekojë në të gjitha gjërat.

Në pjesën tjetër të mësimit, merreni parasysh t’i organizoni nxënësit në “kompani pionierësh”. Mund t’i rregulloni tavolinat ose karriget në formë rrathësh që kompanitë t’i diskutojnë vargjet dhe pyetjet së bashku. Çdo kompani mund të përzgjedhë një “kapiten” për t’i raportuar klasës atë që ndien se ishte kuptimplotë nga diskutimi i tyre.

Nxënësit mund të studiojnë historitë vijuese të pionierëve dhe të diskutojnë pyetjet vijuese në kompani ose si klasë. Nëse bëhet në kompani, sigurohuni që nxënësit të kenë të gjitha udhëzimet dhe pyetjet që do t’u nevojiten dhe që udhëheqësit e kompanive ta dinë se do të raportojnë pikat kulmore të diskutimit ose mund t’ia delegojnë një anëtari tjetër të kompanisë që të raportojë.

Shenjtorët me bindje përshkuan mijëra kilometra “drejt vendit ku Zoti do ta vendosë kunjin e Sionit” (Doktrina e Besëlidhje 136:10). Për t’i ndihmuar nxënësit të kuptojnë disa nga mënyrat se si Zoti i bekoi pionierët ndërsa përpiqeshin t’i mbanin besëlidhjet e tyre për t’iu bindur Zotit, mund të bëni një nga gjërat në vijim:

• Ftojini nxënësit të përzgjedhin një histori të preferuar nga udhëtimi i pionierëve drejt Luginës së Solt‑Lejkut që t’ia tregojnë kompanisë së tyre.

• Jepuni përzgjedhje historish nga Saints: The Story of the Church of Jesus Christ in the Latter Days [Shenjtorët: Historia e Kishës së Jezu Krishtit në Ditët e Mëvonshme], vëll. 2, No Unhallowed Hand [Asnjë Dorë Mëkatare], 1846–1893 (2020), f. 58–96 dhe nga “Pioneers” ose “The Trek West” te ChurchofJesusChrist.org që nxënësit mund t’i lexojnë në kompanitë e tyre.

• Shfaqeni materialin filmik “Watched Over by God: Elizabeth Panting’s Journey to Zion” [“Nën Kujdesin e Perëndisë: Udhëtimi i Elizabeta Pantingut drejt Sionit”] nga kodi kohor 7:47 deri në 11:16, historia e një mrekullie në shtegun e pionierëve.

Ftojini nxënësit të përsiatin se si i ka bekuar Ati Qiellor gjatë rrugëtimit të jetës së tyre ndërsa ata i kanë mbajtur urdhërimet e Tij. Pyetni a do ndonjë nxënës të tregojë përvojat e veta. Merreni parasysh të tregoni përvojat tuaja gjithashtu.

Ftojini të gjithë anëtarët e klasës të shkruajnë atë që mësuan sot, që mund t’ia tregojnë një pjesëtari të familjes ose një shoku apo shoqeje. Nxënësit mund të përfshijnë se si historitë e pionierëve mund të na ndihmojnë të jemi besnikë ndaj besëlidhjeve tona për t’i mbajtur urdhërimet e Zotit sot dhe mënyrës se si Zoti do të na bekojë në përpjekjet tona. Ftojini ata t’ia tregojnë atë që mësuan, një familjari ose një shoku apo shoqeje jashtë klasës.