Vlerësoni të Mësuarit Tuaj 9

Merreni parasysh t’u tregoni nxënësve figurat e fazave të ndryshme të ndërtimit të Tempullit të Solt‑Lejkut. Pyetini nxënësit a e dinë se sa kohë u desh për ta përfunduar këtë tempull (40 vjet). Mund t’u kërkoni nxënësve të tregojnë a ndiejnë se ia vlejti koha dhe përpjekja që u deshën për ta përfunduar tempullin dhe arsyen përse.

Ndihmojini nxënësit ta krahasojnë rritjen e tyre shpirtërore me ndërtimin e tempullit. Një mënyrë për ta bërë këtë është t’i ftoni të mendojnë se si do të kishte qenë puna e ndërtuesve ndërsa punonin për këtë projekt të gjatë. Ju mund të bëni pyetjet vijuese:

• Si mund të ishe ndier pasi të punoje për 10 ose 20 vjet në tempull ndërkohë që shihje se ishte ende gjithë ajo punë për t’u bërë?

• Po të ishe njëri nga punëtorët, çfarë do të të kishte dhënë shtysë që të vazhdoje të punoje?

• Si mendoni se mund të gjejë zbatim përvoja e punëtorëve te përpjekjet tona për t’u rritur shpirtërisht dhe për t’u bërë më shumë si Shpëtimtari?

Kërkojuni nxënësve të tregojnë atë që kanë mësuar, dhe pyetini sa ndiejnë se kanë përparuar gjatë pak javëve të fundit. Për t’i ndihmuar nxënësit të tregojnë, mund t’i ftoni ata të përsëritin atë që kanë mësuar kohët e fundit nga studimi i librit Doktrina e Besëlidhje. Ju mund t’i inkurajoni të shikojnë nëpër ditar ose të shohin atë që kanë shenjuar në shkrimet e shenjta së fundi.

Veprimtaritë vijuese mund t’u sigurojnë nxënësve mundësinë për të shpjeguar atë që po mësojnë, t’i vlerësojnë dhe shprehin ndjenjat e tyre dhe të raportojnë mbi përparimin e tyre për të jetuarit e parimeve të ungjillit. Nëse studimi i klasës suaj i seksioneve te Doktrina e Besëlidhjes 115–134 u përqendrua në të vërteta të ndryshme nga ato në veprimtaritë vijuese, mund t’i përshtatni veprimtaritë që t’i përfshini ato të vërteta.

Për t’u dhënë nxënësve një mundësi që të shpjegojnë doktrinën e pagëzimit për të vdekurit, merreni parasysh të paraqitni figurën vijuese të një vaske pagëzimi në tempull dhe të jepni një skenar si ai më poshtë.

Jepuni nxënësve një mundësi për të treguar atë që do të thoshin po t’u kërkohej t’ia shpjegonin një shoku ose shoqeje pagëzimet për të vdekurit. Mund t’i ftoni nxënësit të interpretojnë me role në dyshe ose grupe të vogla.

Pasi nxënësit të kenë pasur një mundësi për të interpretuar me role, ftojini ata të përsëritin atë që mësuan te Doktrina e Besëlidhje 124, 127 dhe 128 që të shohin a ka ndonjë gjë që do t’ia shtonin shpjegimit të tyre. Mund t’u kërkoni nxënësve të përsëritin së bashku në grupe me pyetjet vijuese në mendje.

Pasi nxënësit ta kenë përsëritur dhe diskutuar doktrinën e pagëzimeve për të vdekurit, mund t’u jepni atyre një mundësi tjetër për ta interpretuar me role skenarin dhe për të përfshirë atë që mësuan.

Kjo veprimtari ka për qëllim t’i ndihmojë nxënësit të tregojnë se si kanë marrë pjesë në punën në tempull dhe për historinë familjare. Ju mund t’i ndihmoni fillimisht nxënësit që të kujtojnë disa nga bekimet e mëdha që lidhen me bërjen e punës së Zotit duke u treguar thënien vijuese.

Në mësimet për seksionet Doktrina e Besëlidhje 127–128, nxënësit mund të kenë marrë ftesën për të bërë një plan që të marrin pjesë në këtë punë në ndonjë farë mënyre. Jepuni nxënësve kohë për të reflektuar për planin e tyre dhe inkurajojini ata të tregojnë atë që kanë bërë.

Nëse është e nevojshme, mund t’u kujtoni nxënësve disa nga mënyrat që mund të zgjedhin për të marrë pjesë. Ata mund të përfshijnë veprimtari të ndryshme në FamilySearch.org ose në programin Family Tree [Pema Familjare]. Merreni parasysh t’i ftoni nxënësit të përshkruajnë ose, nëse është e mundur, t’ia demonstrojnë klasës atë që kanë bërë ose mësuar. Nxënësit mund të kenë frekuentuar tempullin për të marrë pjesë në ordinanca të shenjta për pjesëtarë të vdekur të familjes. Merreni parasysh t’i ftoni ata të shprehin ndjenjat e tyre rreth kësaj përvoje.

Ju mund të keni përdorur gurë të ashpër dhe të lëmuar si një mësim me sende kur dhatë mësimin Doktrina e Besëlidhje 122; nëse po, merreni parasysh t’i paraqitni ata përsëri. Këta gurë mund t’u kujtojnë nxënësve atë që kanë mësuar, dhe t’i lejojnë nxënësit të diskutojnë ndjenjat e tyre rreth qëllimit të sprovave dhe mirëbesimit te Perëndia ndërsa i përjetojmë ato. Nëse mendoni se do të ishte e dobishme, merreni parasysh t’u kujtoni nxënësve disa nga mësimet rreth kësaj teme. Nxënësit mund të kenë mësuar rreth sprovave te Doktrina e Besëlidhje 98, 101, 105, 111, 121–123 dhe seksione të tjera. Nxënësit mund edhe të kujtojnë mësime me vlerë rreth mirëbesimit te Perëndia nga mësimi rreth dëbimit të shenjtorëve nga Misuri.

Mund t’i ftoni nxënësit të rishikojnë çdo shkrim të shenjtë të dobishëm dhe të diskutojnë atë që mësuan.

Ftojini nxënësit t’i shkruajnë në ditar ndjenjat e tyre rreth mënyrës se si Ati Qiellor dhe Jezu Krishti i kanë përkrahur ata në sprovat e tyre. Kërkojuni atyre të marrin parasysh se çfarë ndikimi ka pasur te besimi i tyre te Jezu Krishti ajo që kanë mësuar dhe përjetuar. Ju mund t’u kërkoni nxënësve që ndihen rehat, të tregojnë atë që shkruan. Sigurojuni atyre mundësi që të japin dëshmi për ndihmën hyjnore që kanë marrë.