Doktrina e Besëlidhje 88:76–80, 117–141

Për ta nisur mësimin, merreni parasysh t’i ftoni nxënësit të tregojnë lëndët e tyre të parapëlqyera në shkollë ose të përshkruajnë shkurtimisht një temë rreth së cilës u pëlqen të mësojnë. Nëse është e nevojshme, shpjegoni se arsimimi laik i referohet të mësuarit që nuk është i lidhur me fenë.

Ju mund të shkruani lëndë në tabelë si gjeologjia, historia, astronomia, politika dhe gjeografia dhe t’i vini nxënësit të përcaktojnë fjalët ose frazat që u referohen këtyre lëndëve.

Tregojuni nxënësve se pjesa tjetër e mësimit do të përqendrohet te parimet e të mësuarit që mund ta forcojnë besimin e tyre te Jezu Krishti dhe t’i përgatitin ata për t’i shërbyer më mirë Atij. Nëse dëshironi, mund t’i ftoni nxënësit të kërkojnë zbulesë vetjake rreth asaj që mund të bëjnë për t’u rritur në vetë besimin dhe të mësuarit e tyre.

Pasi nxënësit të kërkojnë në fragmentin e shkrimit të shenjtë, ftojini ata ta tregojnë atë që zbuloi Zoti rreth të mësuarit. Përgjigjet mund të përfshijnë të kërkuarit me zell, të mësuarit e njëri-tjetrit, të kërkuarit e urtësisë nga librat më të mirë dhe të kërkuarit që të mësojmë me anë të studimit dhe të besimit.

Sipas nevojës, mund të përmendi se në fillim të vargut 118 Zoti tregoi se pati disa veta që u mungonte besimi. Ju mund t’i ftoni gjithashtu nxënësit të tregojnë udhëzimet e qarta që dha Zoti për t’i ndihmuar ata që u mungonte besimi.

Sa vijon është një mënyrë për të formuluar një parim që mund të mësojmë nga këto vargje: Nëse kërkojmë me zell të mësojmë me anë të studimit dhe të besimit, besimi ynë te Jezu Krishti do të rritet.

Merreni parasysh të paraqitni thënien vijuese nga Presidenti Rasëll M. Nelson për t’i ndihmuar nxënësit ta kuptojnë më mirë se çfarë do të thotë të mësosh me anë të besimit. Mund të shihni gjithashtu materialin filmik “Përqafojeni të Ardhmen me Besim” nga kodi kohor 10:28 deri në 11:20.

Për t’i ndihmuar nxënësit t’i vlerësojnë përpjekjet e tyre të tanishme për të kërkuar që të mësojnë me anë të besimit, merreni parasysh t’i ftoni ata t’i renditin kategoritë vijuese në ditarët e tyre të studimit ndërkohë që i shkruajnë ato në tabelë: shtëpia, shkolla, seminari dhe kisha. Nxitini nxënësit t’i vlerësojnë përpjekjet e tyre për të mësuar me zell me anë të besimit në secilën kategori duke përdorur një shkallë nga 1 deri në 5, ku 5 është më e mira.

Nëse është e nevojshme, kujtojuni atyre se pjesë e të kuptuarit për të mësuar me anë të studimit dhe të besimit, është të përfshihen në mënyrë aktive në mundësitë për të mësuar dhe më pas të veprojnë sipas gjërave që mësojnë dhe ndiejnë. Ftojini nxënësit të përzgjedhin një fushë ku do të donin të përmirësoheshin dhe ta studiojnë pjesën e mbetur të mësimit duke pasur atë fushë në mendje.

Ju mund të sillni një çantë shkolle dhe të përgatitni disa copa letre që nxënësit t’i përdorin në grupe të vogla. Ndërsa nxënësit studiojnë vargjet te Doktrina e Besëlidhje 88:119–126, ftojini ata të shkruajnë në copa letre të ndara mësimet nga Zoti që mund t’i ndihmojnë ata të mësojnë me anë të besimit. Nxënësit mund të renditin qëndrimet dhe sjelljet që nxit Zoti dhe ato që duhet t’i shmangim. Kur të mbarojnë, nxënësit mund t’i vendosin copat e letrave në çantën e shkollës.

Kërkojuni nxënësve të mendojnë për pengesa të ndryshme ndaj të mësuarit me anë të besimit me të cilat mund të përballen adoleshentët në mjedise të ndryshme (shtëpi, shkollë, seminar dhe kishë). Renditini idetë e tyre nën secilën kategori. Ftojini nxënësit të përzgjedhin copa letre nga çanta e shkollës. Nxënësit mund ta lexojnë më pas atë që është shkruar dhe të drejtojnë një diskutim lidhur me mënyrën se si këshilla e Zotit mund ta ndihmojë dikë ta kapërcejë njërën nga sfidat e të mësuarit. Ju mund t’i ftoni gjithashtu nxënësit të mendojnë për mënyrat se si Shpëtimtari e mishëroi këtë këshillë.

Për shembull, nxënësit mund të përcaktojnë një sfidë si studimi për provimet e shkollës ose marrja e përgjigjeve për lutje të caktuara. Nëse nga çanta do të zgjidhej një letër mbi të cilën shkruhet ngrini një shtëpi agjërimi, nxënësit mund të diskutojnë idetë dhe përvojat mbi mënyrën se si agjërimi dhe lutja mund ta rritin aftësinë e tyre për të mësuar dhe për t’i dalluar më mirë përgjigjet nga Zoti. Nëse do t’u kërkonit nxënësve të mendonin për një shembull të mënyrës se si Shpëtimtari e mishëroi të mësuarit nëpërmjet agjërimit, ata mund të kujtojnë se si Ai agjëroi për t’u përgatitur për punën dhe shërbesën e Tij (shihni te Mateu 4:1–10). Përsëriteni veprimtarinë shumë herë për t’i ndihmuar nxënësit ta dallojnë rëndësinë e mësimeve të Jezu Krishtit në jetën e tyre.

Për ta përmbyllur, jepuni kohë nxënësve për të përsiatur mënyrat se si ata do të kërkojnë më mirë të mësojnë me anë të besimit. Ju mund t’i nxitni ata t’i shënojnë mendimet e tyre në ditarët e tyre të studimit duke përdorur nxitjet vijuese.

Ftojini nxënësit e gatshëm t’i tregojnë disa nga idetë e tyre. Kjo mund të jetë koha e duhur edhe për të ftuar dëshminë e nxënësve nga ata që kanë përjetuar suksese në të kaluarën.