Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 100 – Doktrina e Besëlidhje 88:1–13, 41–50: Drita e Krishtit

“Mësimi 100 – Doktrina e Besëlidhje 88:1–13, 41–50: Drita e Krishtit”, Manuali i Mësuesit të Seminarit për Doktrinën e Besëlidhjet (2025)

“Doktrina e Besëlidhje 88:1–13, 41–50”, Manuali i Mësuesit të Seminarit për Doktrinën e Besëlidhjet

Mësimi 100: Doktrina e Besëlidhje 88

Doktrina e Besëlidhje 88:1–13, 41–50

Drita e Krishtit

një figurë e Krishtit, duke u përqendruar te drita

Ndërkohë që ishte në Kirtland të Ohajos, Jozef Smithi dhe disa priftërinj të lartë iu lutën Atit Qiellor për një zbulesë lidhur me ndërtimin e Sionit. Zbulesa dha mësim të vërteta rreth fuqisë dhe madhështisë së Dritës së Jezu Krishtit. Ky mësim ka për qëllim t’i ndihmojë nxënësit të ndiejnë një vlerësim më të madh për ndikimin e Dritës së Krishtit në jetën e tyre.

Veprimtari të Mundshme të të Mësuarit

Gjërat që ndiejmë

Merreni parasysh t’u bëni nxënësve pyetjen vijuese dhe t’i renditni përgjigjet e tyre. Gjithashtu, ju mund t’i vini ata ta diskutojnë pyetjen në grupe të vogla dhe më pas t’i shkruajnë përgjigjet e tyre në tabelë.

Cilët janë shembuj të gjërave që mund t’i ndiesh, por jo t’i shohësh?

Nxënësit mund të renditin gjëra si nxehtësia, era, dashuria, mirënjohja, besimi e me radhë.
Përse mund të jetë e rëndësishme të dish se ka gjëra që mund t’i ndiesh, por jo t’i shohësh?

Mund t’i ftoni nxënësit të kërkojnë frymëzim për ta dalluar ndikimin e Perëndisë në jetën e tyre.

Funksionet e Dritës së Krishtit

Jozef Smithi dhe nëntë pleq të Kishës u takuan së bashku në katin e sipërm të dyqanit të Njull K. Uitnit në Kirtland të Ohajos. Ata dëshironin kuptueshmëri të mëtejshme rreth detyrave të tyre për të ndërtuar Sionin. Jozefi e ftoi secilin person të lutej me radhë për të ditur vullnetin e Zotit. Pasi u lut, Profeti mori atë që tani është Doktrina e Besëlidhje 88.

Ndërsa nxënësit fillojnë leximin vijues, sigurohuni që ata të kuptojnë se vargu 6 i referohet Jezu Krishtit.

Lexo te Doktrina e Besëlidhje 88:6–13, duke kërkuar atë që mund të të mësojnë këto vargje rreth Jezu Krishtit dhe Dritës së Tij.

Çfarë mëson rreth Dritës së Krishtit nga këto vargje?

Ndër idetë e ndryshme që mund të tregojnë nxënësit, ndihmojini ata të përcaktojnë të vërtetën që Drita e Krishtit u jep dritë dhe jetë të gjitha krijimeve të Tij.

Ndihmojini nxënësit të kuptojnë se si ajo mund të ndikojë në jetën e tyre të përditshme për të kuptuar ndikimin e Perëndisë nëpërmjet Dritës së Krishtit. Pyetja vijuese është një mënyrë për ta bërë këtë.
Cilat janë disa situata me të cilat përballen të rinjtë, në të cilat ata do të kishin dobi nga dallimi i ndikimit të Perëndisë? Përse?

Drita e Krishtit

Përkufizojeni Dritën e Krishtit

Lexoni te Doktrina e Besëlidhje 88:12–13, duke kërkuar përshkrimet për Dritën e Krishtit.

Lexojeni përkufizimin vijues për Dritën e Krishtit:

“[Drita e Krishtit është] energji[a], fuqi[a] ose ndikim[i] hyjnor që vjen nga Perëndia nëpërmjet Krishtit dhe u jep jetë e dritë të gjitha gjërave. Është ligji sipas të cilit të gjitha gjërat qeverisen në qiell dhe në tokë (DeB 88:6–13). Ajo gjithashtu i ndihmon njerëzit të kuptojnë të vërtetat e ungjillit dhe ndihmon për t’i futur ata në atë shteg të ungjillit i cila çon drejt shpëtimit.” (Udhëzuesi për Shkrimet e Shenjta, “Dritë, Dritë e Krishtit”, scriptures.ChurchofJesusChrist.org)

Si do ta përmblidhnit atë që kuptoni se është Drita e Krishtit?
Si mendoni se ndikoheni vetë nga Drita e Krishtit?

Drita e Krishtit si ndërgjegjja jonë

Një shfaqje e Dritës së Krishtit është ndërgjegjja jonë. Shkruani një përkufizim që do ta kuptonte një fëmijë i Fillores, për atë si e kuptoni ju se është ndërgjegjja.

Lexojeni përkufizimin vijues dhe shihni atë që mund t’i shtoni përkufizimit tuaj:

“[Ndërgjegjja është] ndjenja e brendshme e së drejtës dhe e së gabuarës, që vjen nga Drita e Krishtit në të gjithë njerëzit (Moroni 7:16). Ne kemi lindur me një aftësi natyrore për të dalluar midis së drejtës dhe së gabuarës për shkak të Dritës së Krishtit që i jepet çdo njeriu (DeB 84:46). Kjo aftësi quhet ndërgjegje. Zotërimi i saj na bën qenie të përgjegjshme. Si dhe aftësi[të e] tjera, ndërgjegjja jonë mund të shuhet nëpërmjet mëkatit ose shpërdorimit.” (Udhëzuesi për Shkrimet e Shenjta, “Ndërgjegje”, scriptures.ChurchofJesusChrist.org)

Lexoni te Doktrina e Besëlidhje 84:45–46 dhe Moroni 7:16, duke kërkuar fjalë ose fraza që përshkruajnë se si Drita e Krishtit vepron si ndërgjegjja jonë. Merreni parasysh të krijoni një referencë-kryq për dy vargjet.

Cila është një frazë nga këto vargje që ju ndihmon të kuptoni se çfarë është ndërgjegjja?
Si mendoni, përse Ati Qiellor dhe Jezu Krishti ju dhanë një ndërgjegje?

Si mund të ndikojnë dëgjimi ose shpërfillja e ndërgjegjes suaj te zgjedhjet që bëni dhe fati juaj i përjetshëm?

Drita e Krishtit është tek të gjithë

Imagjinoni sikur ju kërkojnë të jepni një mendim të shkurtër në Shkollën e së Dielës rreth mënyrës se si t’i shihni dhe trajtoni të gjithë njerëzit më mirë, sidomos ata që janë të ndryshëm nga ju. Ju mund të përdorni burimet vijuese dhe ndonjë tjetër që ju duket i dobishëm.

Presidenti Bojd K. Paker (1924–2015), i Kuorumit të Dymbëdhjetë Apostujve, dha mësim:

“Sa më shumë [të] dimë rreth Dritës së Krishtit, aq më shumë do të kuptojmë rreth jetës dhe do të kemi një dashuri edhe më të thellë për të gjithë njerëzimin. Ne do të jemi mësues, misionarë dhe prindër më të mirë, [si dhe] burra, gra dhe fëmijë më të mirë. Ne do të të kemi një vlerësim më të [thellë] për vëllezërit dhe motrat tona në [K]ishë dhe për ata që nuk besojnë. …

Drita e Krishtit është po aq e gjithësishme sa edhe vetë drita e diellit. Kudo ku ka jetë njerëzore, është edhe Shpirti i Krishtit. Çdo qenie e gjallë është e pushtuar nga ai. …

Në qoftë se ne [e] kuptojmë realitetin e Dritës së Krishtit te çdo njeri që shohim … dhe brenda vetes sonë, … ne do të kemi kuraj[ë] dhe frymëzim përtej asaj që kemi njohur deri tani. Dhe duhet të jetë kështu! Dhe do të jetë kështu! E gjithë kjo është një përmasë e së vërtetës së ungjillit, që shumë pak [vetë] e kuptojnë.” (Bojd K. Paker, “Drita e Krishtit”, Liahona, prill 2005, f. 8, 13, 14)

Shkruani një mendim me dy ose tri fjali rreth mënyrës se si të kuptuarit e Dritës së Krishtit mund të ndikojë në mënyrën se si i shihni të tjerët.

Drita e Krishtit në univers

A jeni prekur ndonjëherë nga bukuria ose madhështia e kësaj toke dhe universi? Çfarë ndjenjash ngjallin këto gjëra tek ju?

Lexoni te Doktrina e Besëlidhje 88:7–10, 45–47 dhe kërkoni atë që mësoni rreth Dritës së Krishtit, tokës dhe universit.

Çfarë mund të mësojmë ne për Zotin nga krijimet e Tij?
Si mund të na ndihmojë të parit e ndikimit të Perëndisë në univers, që ta dallojmë ndikimin e Tij në jetën tonë?

Pasi nxënësit të kenë pasur kohë për të punuar nëpër stacione, merreni parasysh t’u jepni atyre një mundësi për ta treguar atë që mësuan dhe ndien. Pyetjet vijuese mund të ndihmojnë.

Çfarë mësove rreth Dritës së Krishtit që pati ndikim?
Si e ke parë ndikimin e Dritës së Krishtit në jetën tënde?
Si mendon se dallimi i Dritës së Krishtit në jetën tënde mund të ndikojë në marrëdhënien tënde me Atin Qiellor dhe Jezu Krishtin?

Ju mund të tregoni se si jeni ndikuar nga kuptueshmëria më e mirë për Dritën e Krishtit.

Burime Shtesë

Cili është ndryshimi ndërmjet Dritës së Krishtit dhe dhuratës së Frymës së Shenjtë?

Presidenti Bojd K. Paker (1924–2015), i Kuorumit të Dymbëdhjetë Apostujve, dha mësim:

“Çdo njeri, në çdo vend, tashmë [e] ka Shpirtin e Krishtit [ose Dritën e Krishtit] dhe ndërsa Shpirti i Frymës së Shenjtë mund t[a] vizitojë këdo, dhurata e Frymës së Shenjtë merret ‘me anë të bindjes ndaj ligjeve dhe ordinancave të Ungjillit’ (Nenet e Besimit 1:3), duke iu nënshtruar ‘pagëzimi[t] me anë të zhytjes për heqjen e mëkateve; [dhe] vëni[es së] duarve për dhuratën e Frymës së Shenjtë’ (Nenet e Besimit 1:4). Ai nuk është automatikisht i pranishëm siç është i pranishëm Shpirti i Krishtit. Kjo dhuratë duhet të jepet nga një [person] që mban autoritetin (shihni te Nenet e Besimit 1:5).” (Bojd K. Paker, “Drita e Krishtit”, Liahona, prill 2005, f. 13)

Si mund të ndikojë të qenit në harmoni me Dritën e Krishtit në mënyrën se si e shpërndajmë ungjillin tek të tjerët?

Plaku D. Tod Kristoferson, i Kuorumit të Dymbëdhjetë Apostujve, tregoi:

14:30

“Nëse dashuria e Krishtit banon brenda nesh, të tjerët do ta dinë se dashuria jonë për ta është e çiltër. Nëse drita e Shpirtit të Shenjtë digjet brenda nesh, ajo do të rindezë Dritën e Krishtit brenda tyre. Ajo që ju jeni, do t’i japë vërtetësi ftesës suaj që të vijnë për të përjetuar gëzimin e plotësisë së ungjillit të Jezu Krishtit.” (D. Tod Kristoferson, “Shpërndarja e Mesazhit të Rivendosjes dhe Ringjalljes”, Liahona, maj 2020, f. 112)

A mund të shuhet ndonjëherë Drita e Krishtit?

Presidenti Bojd K. Paker (1924–2015), i Kuorumit të Dymbëdhjetë Apostujve, dha mësim:

“Drita e Krishtit ekzistonte [brenda] ju[sh] përpara se ju të lindeshit (shihni te DeB 93:23, 29–30) dhe do të jetë me ju [në] çdo çast që jetoni dhe nuk do të [humbasë] kur pjesa juaj e vdekshme të kthehet në pluhur. Është përgjithmonë atje. …

Presidenti Harold B. Li shpjegoi: ‘Ajo dritë nuk largohet kurrë plotësisht … [duke folur për Dritën e Krishtit] vetëm po qe se kryejmë mëkatin e pafalshëm. Shkëlqimi i saj mund të dobësohet kaq sa vështirë se mund ta perceptojmë, por është atje për ne, për të na nxitur në flakën që do të digjet më shndritshëm [kur marrim kuptueshmëri] dhe njohuri. Po të mos ishte kjo, ne nuk do ishim në gjendje [t’ia dilnim]. Puna jonë misionare s’do të përmbushte asgjë.’” (Bojd K. Paker, “Drita e Krishtit”, Liahona, prill 2005, f. 10, 14)

Motra Sheron Iubank, asokohe Këshilltare e Parë në Presidencën e Përgjithshme të Shoqatës së Ndihmës, tha:

“Një nga nevojat thelbësore që kemi, me qëllim që të rritemi, është që të qëndrojmë të lidhur me burimin tonë të dritës – Jezu Krishtin. Ai është burimi i energjisë sonë, Drita dhe Jeta e Botës. Pa një lidhje të fortë me Të, ne fillojmë që të vdesim shpirtërisht. …

Jezusi tha: ‘Unë jam drita që shkëlqen në errësirë dhe errësira nuk e kupton atë’ [Doktrina e Besëlidhje 6:21]. Ajo do të thotë se sado të përpiqet, errësira nuk mund ta largojë atë dritë. Kurrë. Ju mund të mirëbesoni se drita e Tij do të jetë me ju.” (Sheron Iubank, “Krishti: Drita që Shkëlqen në Errësirë”, Liahona, maj 2019, f. 73, 75)

Ku mund të mësoj më shumë rreth Dritës së Krishtit?

2:33

“Drita dhe Jeta e Botës”

“The Light of Christ” [“Drita e Krishtit”]

Veprimtari Plotësuese të të Mësuarit

Funksione shtesë të Dritës së Krishtit

Nëse dëshironi, mund të përdorni materialin vijues për të zëvendësuar njërën prej pjesëve ose për të shtuar një pjesë shtesë në fletushkë.

Dhuratat dhe Krijimtaria

Një nga funksionet e Dritës së Krishtit është që ajo “përshpejton të kuptuarin tuaj” (Doktrina e Besëlidhje 88:11). Kjo mund të ndodhë duke ju frymëzuar në çdo punë të ndershme që bëni.

Presidenti Bojd K. Paker (1924–2015), i Kuorumit të Dymbëdhjetë Apostujve, dha mësim:

“Shpirti i Krishtit mund të ndriçojë shpikësin, shkencëtarin, piktorin, skulptorin, kompozitorin, interpretuesin, arkitektin, autorin për të prodhuar gjëra të mëdha, madje frymëzuese për bekimin dhe të mirën e të gjithë njerëzimit.

Ky Shpirt mund të nxitë fermerin në fushën e tij dhe peshkatarin në barkën e tij. Mund të frymëzojë mësuesin në klasë, misionarin në paraqitjen e diskutimit të tij. Mund të frymëzojë studentin që dëgjon. Dhe me një rëndësi të jashtëzakonshme, mund të frymëzojë burrë dhe grua, baba dhe nënë.” (Bojd K. Paker, “Drita e Krishtit”, Liahona, prill 2005, f. 10)

Si mendoni se mund ta dalloni ndihmën që vjen nëpërmjet dritës së Shpëtimtarit?
Çfarë pune ka përmirësuar ose mund ta përmirësojë Drita e Krishtit në jetën tuaj?

Shpirti i Shenjtë i premtimit

Për t’i ndihmuar nxënësit ta kuptojnë domethënien e vargjeve te Doktrina e Besëlidhje 88:3–5, merreni parasysh t’i ftoni ata t’i lexojnë vargjet dhe të kërkojnë atë që Zoti po u jepte këtyre shenjtorëve që ishin mbledhur në lutje.

Ju mund të jepni citimin vijues për ta kuptuar më tej Shpirtin e Shenjtë të Premtimit.

Plaku Dejvid A. Bednar, i Kuorumit të Dymbëdhjetë Apostujve, shpjegoi:

“Shpirti i Shenjtë i Premtimit është fuqia ratifikuese e Frymës së Shenjtë. Kur vuloset nga Shpirti i Shenjtë i Premtimit, një ordinancë, [betim] ose një besëlidhje është [detyruese] në tokë dhe në qiell. (Shihni te DeB 132:7.) Marrja e kësaj ‘vule miratimi’ nga Fryma e Shenjtë [është] rezultat i besnikërisë, integritetit [moral] dhe palëkundshmërisë në nderimin e besëlidhjeve të ungjillit ‘me kalimin e kohës’ (Moisiu 7:21). Mirëpo, kjo vulosje mund të [humbasë] për shkak të padrejtësisë dhe të shkeljes.

Pastrimi dhe vulosja [me anë të] Shpirt[it të] Shenjtë [të] Premtimit përbëjnë hapat [kulmorë] në procesin e lindjes rishtas.” (Dejvid A. Bednar, “Duhet të Lindni Sërish”, Liahona, maj 2007, f. 22; Konferenca e Përgjithshme, prill 2007, f. 22.)