Doktrina e Besëlidhje 88:51–95

Merreni parasysh ta filloni orën mësimore duke hapur një diskutim rreth zhvillimit të marrëdhënieve të ngushta. Ju mund ta ftoni secilin nxënës të shkruajë në tabelë emrin e dikujt me të cilin ndihet më i/e lidhur. Kërkojuni disa nxënësve të tregojnë pse e zgjodhën atë person.

Ju mund të bëni pyetje që ndjekin ecurinë, si të mëposhtmet:

• Çfarë e bën të ngushtë një marrëdhënie ndërmjet dy njerëzve? Çfarë krijon largësi?

• Çfarë mund të bënit për të rikrijuar një marrëdhënie të ngushtë me dikë nga i cili jeni larguar?

Jepuni nxënësve një mundësi për të reflektuar se sa afër Atit Qiellor dhe Jezu Krishtit ndihen ata. Ju mund t’i ftoni ata të shkruajnë “Ati Qiellor dhe Jezu Krishti” në një faqe në ditarët e tyre të studimit. Më pas kërkojuni nxënësve të vizatojnë një figurë që i përfaqëson vetë ata. Nxënësit mund të reflektojnë për rastet kur janë ndier pranë Perëndisë dhe Birit të Tij dhe çfarë i ndihmoi ata të ndiheshin në këtë mënyrë. Nxënësit mund të reflektojnë gjithashtu se sa afër ndihen aktualisht me Atin Qiellor dhe Jezu Krishtin.

Kujtojuni nxënësve se nëse ndihemi të largët nga Zoti, ne mund të ndërmarrim veprime për ta ndryshuar situatën tonë. Ftojini nxënësit të reflektojnë për nevojat që kanë dhe se si do të bekoheshin nëse do të ishin më pranë Atit Qiellor dhe Jezu Krishtit. Nxitini nxënësit të kërkojnë zbulesë vetjake për të ditur se çfarë mund të bëjnë për t’u afruar më pranë Tyre.

Nxënësit mund ta plotësojnë tabelën vijuese në dërrasë ose në ditarët e tyre të studimit. Sipas nevojës, ndihmojini nxënësit të kuptojnë fraza të ndryshme te Doktrina e Besëlidhje 88:63–69. Për shembull, ju mund ta qartësoni vargun 65 duke shpjeguar se ne nuk duhet të kemi motive të papërshtatshme, as të kërkojmë të përmbushim dëshirat sipas botës kur lutemi. Ju mund t’i ndihmoni nxënësit të kuptojnë se fjala e domosdoshme te vargjet 64–65 do të thotë e përshtatshme ose e duhur.

Një mënyrë për t’i ndihmuar nxënësit të përfshihen me këto vargje, është ta ftoni një nxënës të mbajë një figurë të Shpëtimtarit përpara klasës. Kërkojini një nxënësi tjetër të qëndrojë në fund të klasës.

Ndërsa nxënësit e tregojnë atë që gjetën, nxënësi në fund të klasës mund të afrohet më pranë nxënësit që mban figurën e Shpëtimtarit. Edhe nxënësi që mban figurën e Shpëtimtarit mund të afrohet.

Ju mund të përdorni disa nga thëniet te pjesa “Burime Shtesë” për t’i ndihmuar nxënësit t’i kuptojnë mënyrat për t’u afruar pranë Atit Qiellor dhe Jezu Krishtit.

Pyetjet vijuese mund t’ju ndihmojnë ta diskutoni atë që gjetën nxënësit në vargjet që lexuan:

Merreni parasysh të shfaqni materialin filmik “Mënyra se si e Dëgjoj Unë Atë: Plaku Dejll G. Renland #DëgjojeAtë” (3:00). Kërkojuni nxënësve të kërkojnë atë që na jep mësim Plaku Renland rreth afrimit pranë Jezu Krishtit. Diskutojeni atë që mësuan nxënësit nga përvoja e tij.

Ftesa ndaj nxënësve që t’u përgjigjen pyetjeve vijuese në ditarët e tyre të studimit, mund t’i përgatitë ata të shprehen në klasë. Ju mund të tregoni edhe një përvojë vetjake rreth asaj që keni bërë për t’u afruar pranë Jezu Krishtit dhe se si e keni ndier Atë të afrohet pranë jush.

Ftojini nxënësit t’i kërkojnë Frymës së Shenjtë që t’i drejtojë ata të dinë se çfarë mund të bëjnë për t’u afruar pranë Atit Qiellor dhe Jezu Krishtit. Kujtojuni nxënësve se ata mund të kenë marrë tashmë nxitje gjatë mësimit.

Nxënësit mund të shkruajnë se si do të përpiqen fort për t’u afruar pranë Atit Qiellor dhe Jezu Krishtit, se si kjo mund t’i ndihmojë ata në sfidat me të cilat po përballen dhe çdo pengesë që mund t’u nevojitet ta kapërcejnë. Nxënësit mund të shkruajnë në vizatimet e tyre ose të bëjnë një shënim që do ta çojnë në shtëpi.

Nxitini nxënësit t’ia tregojnë Atit Qiellor në lutjet e tyre atë që planifikojnë të bëjnë dhe të kërkojnë ndihmën e Tij.