Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 88 – Doktrina e Besëlidhje 76:71–112: “Të Guximshëm në Dëshminë e Jezusit”

“Mësimi 88 – Doktrina e Besëlidhje 76:71–112: ‘Të Guximshëm në Dëshminë e Jezusit’”, Manuali i Mësuesit të Seminarit për Doktrinën e Besëlidhjet (2025)

“Doktrina e Besëlidhje 76:71–112”, Manuali i Mësuesit të Seminarit për Doktrinën e Besëlidhjet

Mësimi 88: Doktrina e Besëlidhje 76

Doktrina e Besëlidhje 76:71–112

“Të Guximshëm në Dëshminë e Jezusit”

Pasi panë vegime të shumta, duke përfshirë vegime të lavdisë së Atit dhe Birit, rënies së Luciferit dhe të mbretërisë çelestiale, Jozef Smithi dhe Sidni Rigdoni panë ata që do t’i trashëgonin mbretëritë terrestriale dhe telestiale. Një karakteristikë dalluese e njerëzve në mbretërinë terrestriale ishte se ata nuk ishin të guximshëm në dëshminë e tyre për Jezusin. Ky mësim mund t’i ndihmojë nxënësit të bëhen më të guximshëm në dëshminë e tyre për Jezu Krishtin.

Veprimtari të Mundshme të të Mësuarit

Një dëshmi për Jezu Krishtin

Si mund të ndikojë tek ti një dëshmi për Shpëtimtarin në këtë jetë dhe gjatë gjithë përjetësisë?

Ftojini nxënësit të mendojnë rreth dëshmive të tyre për Jezu Krishtin, duke përfshirë se si dëshmitë kanë ndikuar në veprimet e tyre. Mund t’i ftoni gjithashtu të mendojnë rreth dëshirave që kanë për dëshmitë e tyre.

Nxitini nxënësit ndërsa studiojnë që të kërkojnë mësimet të cilat mund t’i ndihmojnë ata ta dallojnë rëndësinë e të pasurit të një dëshmie për Jezu Krishtin dhe të të jetuarit sipas asaj që dinë.

Vegimi i mbretërive të lavdisë

Merreni parasysh t’i ftoni nxënësit ta përmbledhin atë që kanë studiuar deri tani rreth vegimit të shënuar te Doktrina e Besëlidhje 76. Më pas shpjegoni sa vijon.

Mund të të kujtohet se Doktrina e Besëlidhje 76 përmban një përshkrim të një vegimi të madh që Zoti i dha Jozef Smithit dhe Sidni Rigdonit. Si pjesë e vegimit të tyre, Jozefi dhe Sidni mësuan karakteristikat e njerëzve që do të banonin në mbretëritë e ndryshme të lavdisë pas Ringjalljes.

Mund të jetë e dobishme të shpjegoni se nxënësit nuk do t’i studiojnë të gjitha vargjet që i përshkruajnë mbretëritë e lavdisë në këtë mësim. Lavdia çelestiale përshkruhet te vargjet 50–70, 92–96; lavdia terrestriale te vargjet 71–80 dhe lavdia telestiale te vargjet 81–90, 98–112. Merreni parasysh t’i ftoni nxënësit t’i shenjojnë ose emërtojnë këto vargje në shkrimet e tyre të shenjta që të mund t’i studiojnë vetë me më shumë hollësi.

Lexoji shkrimet e shenjta vijuese, duke kërkuar ndryshimet në dëshmitë e banorëve të secilës prej mbretërive të lavdisë:

Doktrina e Besëlidhje 76:51–52 (çelestiale)
Doktrina e Besëlidhje 76:75, 79 (terrestriale)
Doktrina e Besëlidhje 76:82, 101–103 (telestiale)

Kur nxënësit të mbarojnë së studiuari, ftojini ata t’i diskutojnë pyetjet vijuese si klasë ose në grupe të vogla:

Çfarë ndryshimesh vure re ndërmjet dëshmive të këtyre grupeve?
Çfarë mund të të mësojë kjo rreth llojit të dëshmisë që është e nevojshme për të trashëguar mbretërinë çelestiale?

Ndihmojini nxënësit të përcaktojnë një të vërtetë si ajo në vijim: Nëse jemi të guximshëm në dëshminë për Jezu Krishtin, ne mund ta fitojmë mbretërinë çelestiale të Perëndisë.

Të guximshëm në dëshminë tonë për Jezu Krishtin

Çfarë mendon se do të thotë të jemi të guximshëm në dëshmitë tona për Jezu Krishtin?

Si pjesë e diskutimit tuaj për pyetjen e mëparshme, merreni parasysh t’i ftoni nxënësit të studiojnë vargjet te 2 Nefi 31:20–21 dhe të kërkojnë mësime që mund ta pasurojnë kuptueshmërinë e tyre. Thënia vijuese mund të jetë e dobishme gjithashtu.

Plaku Kuentin L. Kuk, i Kuorumit të Dymbëdhjetë Apostujve, na ndihmon të kuptojmë se çfarë do të thotë të jemi të guximshëm në dëshminë për Jezusin:

15:34

“Seksioni i 76-të në Doktrina e Besëlidhje e bën të qartë se të qenit ‘të guximshëm në dëshminë e Jezusit’ [Doktrina e Besëlidhje 76:79] është prova e thjeshtë, thelbësore midis atyre që do t’i trashëgojnë bekimet e mbretërisë çelestiale dhe atyre në mbretërinë më të ulët terrestriale. Për të qenë të guximshëm, na nevojitet të përqendrohemi te fuqia e Jezu Krishtit dhe te sakrifica e Tij shlyese për ta mposhtur vdekjen dhe, nëpërmjet pendimit, të pastrohemi nga mëkati e të ndjekim doktrinën e Krishtit [shihni te 2 Nefi 31:17–21]. Na nevojitet edhe drita dhe dija për jetën dhe mësimet e Shpëtimtarit për të na udhërrëfyer në shtegun e besëlidhje[ve], përfshirë ordinancat e shenjta të tempullit. Ne duhet të kemi vendosmëri në Krisht, të ushqehemi me bollëk me fjalën e Tij dhe të durojmë deri në fund [2 Nefi 31:20–21].” (Kuentin L. Kuk, “Të Guximshëm në Dëshminë e Jezusit”, Liahona, nëntor 2016, f. 43)

Çfarë mund t’ua bëjë të vështirë ty ose të tjerëve që të qëndroni të guximshëm në dëshminë tuaj për Jezu Krishtin?
Çfarë të ndihmon të përpiqesh fort për të qenë i guximshëm në dëshminë tënde për Shpëtimtarin?

Si pjesë e diskutimit për pyetjen e mëparshme, merreni parasysh t’i ftoni nxënësit t’i gjejnë dhe tregojnë shkrimet e shenjta që u japin shtysë të jenë të guximshëm në dëshminë e tyre për Jezu Krishtin. Ju mund të sugjeroni që ata ta fillojnë me vargun te Helamani 5:12.

Bëj një plan

Shpenzo një çast duke përsiatur për atë që mund të bësh për të qenë më i guximshëm në dëshminë tënde për Jezu Krishtin. Plotësoji tre pohimet vijuese në ditarin tënd të studimit.

Unë mund të jem i guximshëm në dëshminë time për Jezusin sot duke …
Unë mund të jem i guximshëm në dëshminë time për Jezusin përgjatë disa muajve të ardhshëm duke …
Unë mund t’i ndihmoj të tjerët të qëndrojnë të guximshëm në dëshmitë e tyre për Jezusin duke …

Merreni parasysh t’i ftoni disa nxënës që ndihen të lirshëm, që të tregojnë një ose më shumë prej thënieve të tyre të plotësuara. Për ta përmbyllur, ftojeni dikë të japë dëshminë e vet për Jezu Krishtin ose jepni dëshminë tuaj për Të.

Burime Shtesë

Çfarë ndikimi patën mësimet e seksionit te Doktrina e Besëlidhje 76 tek anëtarët e hershëm të Kishës?

Presidenti Uillford Udraf (1807–1898) foli rreth mbresave të tij për këtë zbulesë:

“Pata mësuar që nga fëmijëria se kishte një Qiell e një Ferr dhe më ishte thënë se gjithë të ligjtë kishin një ndëshkim dhe të drejtët një lavdi. …

… Kur e lexova vegimin … , ai ma ndriçoi mendjen dhe më dha gëzim të madh, m’u duk se Perëndia, i cili ia zbuloi atë parim njeriut, ishte i urtë, i drejtë dhe i vërtetë, zotëronte si virtytet më të mira ashtu edhe arsye të mirë dhe njohuri; ndjeva se Ai ishte i pandryshueshëm lidhur me dashurinë, mëshirën, drejtësinë e gjykimin, dhe e ndjeva se e desha Zotin më shumë se ndonjëherë më parë në jetën time.” (Wilford Woodruff, “Remarks”, Deseret News, 27 maj 1857, f. 91)

Doktrina e Besëlidhje 76:72–74. Çfarë do të thotë se ata që “vdiqën pa ligj”, trashëgojnë mbretërinë terrestriale?

Nga Doktrina e Besëlidhje 76:72–74, ne mësojmë se disa njerëz në mbretërinë terrestriale do të jenë ata “që vdiqën pa ligj” dhe që “nuk morën dëshmi për Jezusin në mish”, por e bënë këtë në botën e shpirtrave. Megjithatë, është e rëndësishme të kuptojmë se disa njerëz, të cilëve u jepet mësim ungjilli në botën e shpirtrave, do ta trashëgojnë mbretërinë çelestiale. Nëpërmjet Profetit Jozef Smith, Zoti zbuloi se “të gjithë ata që vdiqën pa një dituri të këtij ungjilli, që do ta kishin pranuar atë, nëse do të ishin lejuar të qëndronin, do të jenë trashëgimtarë të mbretërisë çelestiale të Perëndisë” (Doktrina e Besëlidhje 137:7).

Doktrina e Besëlidhje 76:79. Si mund të jem i guximshëm në dëshminë time për Jezusin?

Presidenti Ezra Taft Benson (1899–1994) shpjegoi:

“Ata që janë [të guximshëm në dëshminë për Jezusin], janë të guximshëm në mbrojtjen e së vërtetës dhe drejtësisë. Këta janë anëtarë të Kishës që i lartësojnë thirrjet e tyre në Kishë (shihni te Doktrina e Besëlidhje 84:33), i paguajnë të dhjetën dhe ofertat e tyre, bëjnë jetë të pastër moralisht, i mbështetin udhëheqësit e tyre të Kishës me fjalë e vepra, e mbajnë Shabatin si një ditë të shenjtë dhe u binden të gjitha urdhërimeve të Perëndisë.” (Ezra Taft Benson, “Valiant in the Testimony of Jesus”, Ensign, maj 1982, f. 63)

Si mund të ndikojë në jetën time dëshmia ime për Jezu Krishtin?

Plaku Diter F. Uhtdorf, i Kuorumit të Dymbëdhjetë Apostujve, dha mësim:

15:30

“Një dëshmi na jep perspektivë të saktë, motivim dhe një themel të fortë mbi të cilin të ndërtojmë një jetë me qëllime dhe me zhvillim vetjak. Ajo është një burim i përhershëm besimi, një shok i vërtetë dhe besnik në kohë të mira dhe të këqija. Një dëshmi na jep arsye për të shpresuar dhe gëzim. Ajo na ndihmon të zhvillojmë një shpirt optimist dhe të lumtur dhe na [mundëson] t’u gëzohemi bukurive të natyrës. Një dëshmi na motivon të zgjedhim të drejtën në çdo kohë dhe në të gjitha rrethanat. Ajo na motivon të afrohemi më pranë Perëndisë, ta lejojmë Atë të na marrë më afër vetes (shihni te Jakob [Bibël] 4:8).

Dëshmia jonë vetjake është një mburojë dhe si një shufër hekuri na drejton të sigurt nëpër errësirë dhe rrëmujë.” (Diter F. Uhtdorf, “Forca e një Dëshmie Personale”, Liahona, nëntor 2006, f. 39; Konferenca e Përgjithshme, tetor 2006, f. 55)

Veprimtari Plotësuese të të Mësuarit

Doktrina e Besëlidhje 76:40–43. Lajme të mira për të gjithë

Nxënësit mund të përgatiten t’i studiojnë vargjet 40–43 duke diskutuar pyetje si ato në vijim:

Cili është një lajm i mirë që e keni marrë kohët e fundit?
Cilët janë disa shembuj të lajmeve më të mëdha që i janë dhënë ndonjëherë botës?

Ftojini nxënësit të hulumtojnë vargjet te Doktrina e Besëlidhje 76:40–43, duke kërkuar lajmet e mira nga qielli. Vini në dukje se fjala ungjill te vargu 40 do të thotë “lajm i mirë”.

Çfarë lajmi të mirë patë në këto vargje?

Për t’i ndihmuar nxënësit të kuptojnë se çfarë do të thotë që Jezu Krishti “i shpëton gjithë veprat e duarve të tij” (Doktrina e Besëlidhje 76:43), shpjegoni se ata që e trashëgojnë mbretërinë çelestiale, do të marrin bekimet e ekzaltimit, ose jetën e përjetshme, me Atin Qiellor. Por nëpërmjet mëshirës së Tij, Shpëtimtari ofron gjithashtu bekime të ndryshme të shpëtimit në mbretëritë e tjera të lavdisë për ata që nuk kualifikohen për mbretërinë çelestiale.

Merreni parasysh të shfaqni materialin filmik “Salvation and Exaltation” [“Shpëtimi dhe Ekzaltimi”] nga kodi kohor 2:55 deri në 6:05 për t’i ndihmuar nxënësit ta kuptojnë më mirë shpëtimin që u siguron Shpëtimtari fëmijëve të Atit Qiellor.

6:5

Doktrina e Besëlidhje 76:75. “Të verbuar nga dredhitë e njerëzve”

Për t’i ndihmuar nxënësit ta kuptojnë më mirë simbolikën te vargu 75, merreni parasysh ta ftoni një nxënës të gatshëm t’i mbulojë sytë e tij ose të saj. Më pas ftojeni një nxënës tjetër që t’i japë nxënësit të parë udhëzime për detyra të thjeshta, si vizatimi i një figure të thjeshtë ose vendosja e një objekti diku në dhomë. Pas një kohe të mjaftueshme, zbulojani sytë dhe kërkojini nxënësit që i mbuloi sytë më parë, të përshkruajë se si ishte përvoja.

Më pas nxënësit mund të studiojnë vargun te Doktrina e Besëlidhje 76:75, duke kërkuar një përshkrim të atyre që do të trashëgojnë mbretërinë terrestriale. Merreni parasysh t’u kërkoni nxënësve të diskutojnë se çfarë mendojnë se do të thotë të jesh shpirtërisht i verbër dhe në çfarë mënyrash do t’i kufizonte ata verbëria shpirtërore. Më pas kërkojuni nxënësve të përcaktojnë disa nga gjërat që mund të shkaktojnë verbëri shpirtërore tek adoleshentët sot.

Doktrina e Besëlidhje 76:111. “Në banesat që janë përgatitur”

Pasi nxënësit t’i kenë studiuar të tri shkallët e lavdisë, merreni parasysh t’i ndihmoni ata ta lidhin atë që kanë mësuar, me mësimet e Shpëtimtarit në Dhiatën e Re. Ftojeni një nxënës ta lexojë vargun te Gjoni 14:2 me zë të lartë dhe kërkojuni anëtarëve të klasës të tregojnë se çfarë kuptojnë nga fjalët e Shpëtimtarit. Ftojini ata të bëjnë referencë-kryq të vargut te Gjoni 14:2 me vargun te Doktrina e Besëlidhje 76:111 dhe të kërkojnë ngjashmëritë ndërmjet dy fragmenteve.