Doktrina e Besëlidhje 76:19–24

Siguroni një mundësi që nxënësit të diskutojnë përse Jezu Krishti është i rëndësishëm për ta. Mund të merrni parasysh të përdorni skenarin vijues ose mund t’i ftoni nxënësit të krijojnë një të ndryshëm.

Para se t’u kërkoni disa nxënësve që të përgjigjen, merreni parasysh t’u jepni atyre kohë për të reflektuar mbi atë që mund të thonë. Mund të jetë e dobishme që nxënësit të krijojnë një listë në ditarët e tyre të studimit për atë që mendojnë se duhet të dinë të gjithë njerëzit rreth Jezusit.

Mund të jetë e dobishme t’i ftoni nxënësit ta tregojnë atë që mbajnë mend për rrethanat që bënë që Jozef Smithi dhe Sidni Rigdoni të shihnin vegimin e shënuar te Doktrina e Besëlidhje 76. Nëse është e nevojshme, kujtojuni atyre se, ndërsa Jozef Smithi dhe Sidni Rigdoni i përsiatën shkrimet e shenjta, Zoti “preku sytë e të kuptuarit [të tyre]” (Doktrina e Besëlidhje 76:19) dhe ata përjetuan një vegim madhështor.

Nxitini nxënësit të shënojnë se çfarë zbulojnë në shkrimet e tyre të shenjta. Për shembull, ata mund të krijojnë një listë të gjetjeve të tyre në ditarët e tyre të studimit.

Përndryshe, merreni parasysh të siguroni disa tabakë të mëdhenj letre ku nxënësit mund ta shënojnë atë që mësojnë. Kur nxënësit të mbarojnë, ju mund t’i vendosni letrat në muret e klasës. Nxënësit mund të lëvizin nëpër dhomë për të lexuar atë që zbuluan të tjerët dhe më pas të vizatojnë një zemër pranë diçkaje që u pëlqen ose rreth së cilës duan të dinë më shumë. Jepuni kohë nxënësve për ta diskutuar atë që gjetën.

Veprimtaritë vijuese mund t’i ndihmojnë nxënësit ta thellojnë kuptueshmërinë e tyre dhe të ndiejnë rëndësinë e dy prej të vërtetave që japin mësim këto vargje. Ju mund të përzgjidhni njërën ose të dyja veprimtaritë për t’i studiuar së bashku si klasë. Ose mund t’i paraqitni udhëzimet e veprimtarisë dhe të caktoni grupe të vogla ose dyshe për ta plotësuar njërën ose të dyja veprimtaritë së bashku.

Nëse është e nevojshme, siguroni një kopje të shtypur të fjalëve të himnit “E Di, Jeton Shëlbuesi Im” (Himne, nr. 74) që nxënësit ta përdorin. Nëse po e bëni këtë veprimtari së bashku si klasë, mund ta këndoni himnin gjatë kësaj pjese të mësimit.

Përveçse t’i vini nxënësit ta studiojnë himnin te hapi 3, mund t’i ftoni gjithashtu të gjejnë shkrime të shenjta ose thënie nga udhëheqësit e Kishës që përshkruajnë atë që Shpëtimtari mund të bëjë për ne për shkak se Ai jeton. Shembujt e shkrimeve të shenjta që mund të sugjeroni përfshijnë vargjet te Gjoni 6:40; Filipianëve 4:13; Doktrina e Besëlidhje 58:42; 84:88.

Merreni parasysh gjithashtu të përdorni njërën nga materialet filmike nën kreun “Materiale filmike shtesë: Ai jeton!” te “Veprimtari Plotësuese të të Mësuarit”.

Për t’i ndihmuar nxënësit të përgatiten më mirë për t’u përgjigjur për hapin 4, merreni parasysh të tregoni thënien nga Presidenti Bojd K. Paker te pjesa “Burime Shtesë”.

Kur nxënësit ta kenë përfunduar veprimtarinë ose veprimtaritë, lërini ata ta tregojnë atë që kanë mësuar dhe ndier. Sigurohuni që t’i ftoni ata ta tregojnë atë që mësuan rreth mënyrës se si Jezu Krishti mund t’i ndihmojë ata për shkak se Ai jeton dhe për shkak se Ai është Krijuesi. Nxënësit mund t’i tregojnë idetë e tyre që nga karrigia, ose mund t’i ftoni nxënësit e gatshëm të vijnë përpara klasës për t’i dhënë dëshmitë e tyre për Jezu Krishtin.

Nëse dëshironi, mund t’i ndihmoni nxënësit t’i mësojnë përmendsh gjatë këtij mësimi referencën e zotërimit doktrinor dhe frazën kyç të shkrimit të shenjtë dhe t’i përsëritin ato në mësimet e ardhshme. Fraza kyç e shkrimit të shenjtë është “Nëpërmjet [Jezu Krishtit] botët janë e u krijuan”. Idetë për veprimtaritë me mësim përmendsh janë në materialet e shtojcës nën titullin “Veprimtari për Përsëritjen e Zotërimit Doktrinor”.