Ushtrimi 1 i Zotërimit Doktrinor

Mund t’ua keni paraqitur tashmë nxënësve disa fragmente të zotërimit doktrinor te Doktrina e Besëlidhje këtë vit. Kjo mund të ketë përfshirë fragmentet te Joseph Smith – Historia 1:15–20, Doktrina e Besëlidhje 1:30 dhe Doktrina e Besëlidhje 1:37–38. Veprimtaria vijuese u jep nxënësve një mundësi për t’i përsëritur ato tre fragmente dhe për t’u familjarizuar me nëntë fragmentet e ardhshme të zotërimit doktrinor nga Joseph Smith – Historia 1:15–20 deri te Doktrina e Besëlidhje 49:15–17. Nëse ndieni se do të ishte më mirë për nxënësit tuaj, mund ta përshtatni atë që të përqendroheni vetëm te fragmentet e zotërimit doktrinor që nxënësit kanë mësuar deri tani.

Kjo veprimtari duhet të zgjatë vetëm 10–15 minuta që të ketë kohë të mjaftueshme për ushtrimin e vënies në zbatim të zotërimit doktrinor më vonë në mësim.

Sillni disa vegla në klasë që nxënësit do t’i njihnin dhe do të dinin si t’i përdornin. Kjo mund të përfshijë një kaçavidë, çekiç dhe sharrë.

Paraqiteni tabelën që rendit fragmentet e zotërimit doktrinor dhe frazat kyç të shkrimit të shenjtë. Jepuni nxënësve kohë të mjaftueshme për ta shenjuar secilin nga fragmentet.

Jepuni nxënësve kohë të mjaftueshme për të filluar të mësojnë përmendsh referencat e shkrimeve të shenjta dhe frazat kyç të shkrimeve të shenjta që zgjodhën. Mund të jetë e dobishme t’i informoni nxënësit që programi Doctrinal Mastery [Zotërimi Doktrinor] mund t’i ndihmojë ata gjithashtu që t’i mësojnë përmendsh fragmentet e zotërimit doktrinor.

Kur nxënësit të kenë pasur kohë të mjaftueshme, ftojini disa të ushtrohen për të thënë frazat kyç të shkrimeve të shenjta që filluan të mësonin përmendsh. Mund edhe t’i ftoni ata të shpjegojnë pse mund të jetë e dobishme që ata t’i mësojnë përmendsh këto referenca dhe fraza.

Inkurajojini nxënësit të vazhdojnë t’i mësojnë përmendsh referencat dhe frazat kyç të shkrimeve të shenjta gjatë gjithë vitit. Ata mund edhe të mësojnë përmendsh të gjithë fragmentin e shkrimeve të shenjta nëse duan.

Pjesa e mbetur e mësimit përqendrohet te ndihma ndaj nxënësve për të zbatuar parimet e marrjes së njohurisë shpirtërore në një situatë nga jeta reale. Përpara se ta lexoni situatën më poshtë, mund të jetë e dobishme që fillimisht t’i ftoni nxënësit t’i përsëritin parimet e marrjes së njohurisë shpirtërore. Veprimtaritë e sugjeruara për përsëritje përfshihen në pjesën e shtojcës me titull “Veprimtari për Përsëritjen e Zotërimit Doktrinor”. Përshkrimet e parimeve gjenden në paragrafët 5–12 të pjesës “Marrja e Njohurisë Shpirtërore” te Dokumenti Bazë i Zotërimit Doktrinor (2023).

Nëse është e dobishme, mund të bëni pyetje për ndjekjen e ecurisë si: “Pse mund të jetë e pështjelluar dhe e shqetësuar ajo?”

Merreni parasysh t’i vini nxënësit në grupe të vogla dhe t’i ftoni të mbledhin ide për mënyrat se si njohuria për parimet e marrjes së njohurisë shpirtërore mund ta ndihmojë Evën në këtë situatë. Nëse është e dobishme, mund të paraqitni disa ose të gjitha veprimtaritë vijuese dhe mund t’i ftoni grupet t’i plotësojnë ato si pjesë e mbledhjes së ideve.

Nëse nxënësit përmendin një shqetësim historik rreth Profetit, leximi i paragrafëve 9–10 në pjesën “Marrja e Njohurisë Shpirtërore” te Dokumenti Bazë i Zotërimit Doktrinor (2023) mund të jetë i dobishëm.

Pasi nxënësit të kenë pasur kohë për të mbledhur ide dhe mundësisht për të bërë disa nga veprimtaritë e mësipërme, ftojini ata të tregojnë se çfarë ndiejnë se mund të jetë më e dobishmja për Evën. Inkurajoni shumë nxënës të flasin. Mund të merrni parasysh edhe të pyesni: “Në çfarë mënyrash të tjera mendoni se mund t’i përdorim parimet e marrjes së njohurisë shpirtërore për ta ndihmuar dikë në këtë situatë?”